Hans-Martin Gauger
Dr Hans-Martin Gauger (* 19. Juuni 1935 z Fraidestadt; † 26. Juuni 2024[1]) isch e dytsche Romanischt, Sproochwisseschaftler un Autor gsii.
Lääben un Wäärch
ändereDr Hans-Martin Gauger isch z Sulge in dr franzeesische Bsatzigszoone ufgwagse. Dur e franzeesisch Stipändium isch er uf s Collège Decourdemanche z Dibenga un druf uf ds Collège Pierre Brossolette z Konschtanz gange. Anne 1954 het er sy Abituur an ere dytsche Schuel z Bibra gmacht. Dr Gauger het z Dibenga, z Leicester, z Santander un z Paris Romanischtik, Germanischtik, Anglischtik un Filesofy studiert. Anne 1960 het er bromewiert un 1962 het er sy Staatsexaame in Franzeesisch un Änglisch gmacht. Syni Leerer sin unter anderem dr Walter Schulz un dr Mario Wandruszka gsii. Anne 1968 het er si habilitiert un 1969 isch er zum Uniwersiteetsbrofässer an dr Albert-Ludwig-Uniwersiteet z Fryburg gruefe woore. Vu 1971 bis 1974 isch er Stellverdrätter vum Räkter (Proräkterr) vu dr Uniwersiteet gsii. 1981/82 isch er Fellow vum Wisseschaftskolleeg z Berlin gsii. Im Joor 2000 isch dr Gauger as Brofässer an dr Albert-Ludwigs-Uniwersiteet uusgschiide.
D Foorschigsschwäärpinkt vum Hans-Martin Gauger sin in dr Romaanische Filology, dr Sproochtheory un dr filesoofische Sproochwisseschaft glääge, e bsunder Aaliige vun eme isch em e Verbindig zwische Literatuur- un Sproochwisseschaft gsii un syni Theese au ere braite, au usserwisseschaftlige Effetligkait zuegängli z mache – fir die Laischtig het er 1984 dr Dytsch Sproochbryys iiberchuu. Sy Wäärch isch u. a. breegt gsii dur d Fryndschaft zum Hischtooriker Golo Mann un zue Schriftsteller wie Martin Walser, Georges-Arthur Goldschmidt, Elazar Benyoëtz. Dr Hans-Martin Gauger het si bsundersch au Schriftsteller us em Sidweschte vu Dytschland gwidmet, unter anderem em alemannische Diichter Johann Peter Hebel.[2]
In dr Zyt vu sym Stuudium isch er in d Verbindig „Normannia Tübingen“ yydrätte. Syt 1982 isch er Mitgliid vu dr Dytsche Akademy fir Sprooch un Diichtig z Darmstadt gsii un vu 1984 bis 1989 dr Vizebresidänt vun ere.[3] Vu 1996 bis 1998 isch er Duurmschryyber vu dr Stadt Deidesheim gsii.[4] Anne 1994 het er dr Bayerische Literatuurbryys (Karl-Vossler-Bryys) fir wisseschaftligi Daarstellige vu literaarischem Rang iiberchuu.
Är isch au korreschpendierend Mitgliid vu dr Eeschtryychische Akademy vu dr Wisseschafte un syt 2010 Mitgliid vu dr Sektion Literatur vu dr Bayerische Akademy vu dr Scheene Chinscht gsii. Dr Hans-Martin Gauger isch Literatuurkritiker fir d Frankfurter Allgemeine Zeitung un Mitgliid in Gremie vu naamhafte Literatuurbryys gsii.
Syt 2011 isch dr Gauger Mitgliid vu dr Buurgerinitiatiiv Pro Kultuurhauptstadt Fryburg gsii.
Dr Gauger isch ghyroote gsii un het zwai Chinder ghaa.
Uusglääseni Uuszaichnige
ändere- Dytsche Sproochbryys (1984)
- Karl-Vossler-Bryys (1994)
- Ooberrhyynische Kultuurbryys (1996)[5]
Uusglääseni Schrifte
ändere- Wort und Sprache: Sprachwissenschaftliche Grundfragen. M. Niemeyer, Tübingen 1970, ISBN 3-484-22001-5.
- Durchsichtige Wörter. Zur Theorie der Wortbildung. Winter, Heidelberg 1971, ISBN 3-533-02131-9.
- mit Nelson Cartagena: Vergleichende Grammatik Spanisch-Deutsch. 2 Bd. Dudenverlag, Mannheim 1989.
- Davids Aufstieg. Erzählung. C. H. Beck, München 1993, ISBN 3-406-37378-X.
- Über Sprache und Stil. C. H. Beck, München 1995, ISBN 3-406-39207-5.
- Was wir sagen, wenn wir reden. Carl Hanser, München 2004, ISBN 978-3-446-20480-5.
- Vom Lesen und Wundern. Das Markus-Evangelium. Suhrkamp Verlag, Frankfurt 2005, ISBN 978-3-518-41729-4.
- Das ist bei uns nicht Ouzo: Sprachwitze. C. H. Beck, München 2006, ISBN 978-3-406-55963-1.
- Das Feuchte & das Schmutzige. Kleine Linguistik der vulgären Sprache. C. H. Beck, München 2012, ISBN 978-3-406-62989-1.
- Herr Professorin. (2013) In: A. Baumann, A. Meinunger (Hrsg.): Die Teufelin steckt im Detail. Zur Debatte um Gender und Sprache. Kulturverlag Kosmos, Berlin 2017, S. 57.
- Na also, sprach Zarathustra. C. H. Beck, München 2014, ISBN 978-3-406-65931-7.
Weblink
ändere- Literatur vu un iber Hans-Martin Gauger im Katalog vu dr Dütsche Nazionalbibliothek
Fueßnote
ändere- ↑ Der Freiburger Linguist Hans-Martin Gauger ist tot
- ↑ Anne Freyer: Auf der Spur von Hebels Vergänglichkeit, Badische Zeitung, 27. Oktober 2010
- ↑ Stammbaum der Professoren des Romanischen Seminars der Universität Freiburg, abgruefen am 4. Juuli 2008
- ↑ Deutsche Akademie für Sprache und Dichtung. Jahrbuch 1996, Wallstein Verlag, Göttingen 1997 (S. 219)
- ↑ Reden von Oberschwaben mit Prof. Dr. Hans-Martin Gauger am Dienstag, 16. Oktober 2018 im Alten Kloster Bad Saulgau
|
Dä Artikel basiert uff ere fräie Übersetzig vu dere Version vum Artikel „Hans-Martin_Gauger“ vu de dütsche Wikipedia. E Liste vu de Autore un Versione isch do z finde. |