Hoofschtette ZH

S ZH im Lemma isch s offiziell Chürzel vom Kanton Züri und wird bruucht, zum Verwächslige mit Yträäg vom Name Hofstette vermyde, wo öppis anders meined.

Hoofschtette (mängmol au Hofschtette bi Elgg) isch es Dorf i de politischi Gmäind Elgg im Bezirk Winterthur vom Kanton Züri, Schwiiz.

Hofstetten
S Wappe vo Hofstetten
Basisdatä
Staat:	Schwiiz
Kanton:	Züri (ZH)
Bezirk:	Winterthurw
Gmeind	Elgg
PLZ	8354
Koordinate:	706725 / 25911747.4741618.854443644
Höchi:	644 m ü. M.
Flächi:	8,85 km²
Iiwohner:	498 (31. Dezember 2016)
Hofstetten ZH Hofstetten ZH
Charte
Charte vo Hofstetten w

Geografi

Hoofschtette liit zwüschet Murg- und Tösstaal nördlich vom Schauebèèrg, a de östliche Grenze vom Kanton. Zue de ehmolige Gmäid händ au na d Wiiler Huggebèèrg (Huggenberg), Geeretschwiil (Geretswil), Wènzike (Wenzikon) und Tickbuech (Dickbuch) ghöört. S Piet hät 49,3 % landwirtschaftlichi Flèchi, 46,1 % Wald, 2,5 % Sidligsflechi, 2 % Vercheersflechi und 0,1 % Gwässerflechi umfasst (Stand 2017). Naachbergmäinde sind Elgg im Norde, Aadorf (TG) im Oschte, Bichelsee-Balterschwiil (TG) im Südoschte, Tuurbetaal im Süde, Schlatt im Weschte und Elsau im Nordweschte gsii.

Gschicht

Hoofschtette isch zum eschte Mal gnamset worde im Jaar 914 als Pipineshovestetin.

Uf de 1. Jänner 2018 hät Hoofschtette mit Elgg zur neue Gmeind Elgg fusioniert.

Bevölkerigsentwicklig

Quälle: Bundesamt für Statistik 2005

Jaar	1850	1860	1870	1880	1888	1900	1910	1920	1930
Iiwooner	468	587	576	508	480	456	478	487	482
Jaar	1941	1950	1960	1970	1980	1990	2000	2010	2013
Iiwooner	485	461	444	381	337	384	419	447	481

De Uusländeraatäil liit bi 4,2 % (Stand 2011).

Religion

63,8 % vo de Iiwooner sind evangelisch-reformiert, 12,3 % sind römisch-katholisch (Stand 2011).

Politik

Bi de Kantonsraatswaale 2011 hät s das Ergebnis ggee: BDP 3,6 %, CVP 1,6 %, EDU 4,6 %, EVP 5,1 %, FDP 4,5 %, GLP 6,4 %, GP 7,9 %, SP 8,6 %, SVP 57,6 %.

Gmäindspresidänt isch de Roger Gerber (Stand 2017) gsii.

Wirtschaft

D Arbetslosigkäit isch im Jaar 2010 bi 2,1 % gläge.

Tieläkt

De züritüütsch Tieläkt vo Hoofschtette ghört zue de Winterthurer Mundarte.

Bilder

• 
  Hoofschtette
• 
  Geeretschwiil
• 
  Huggebèèrg
• 
  Tüüfestäi

Literatur

• Hans Martin Gubler: Die Kunstdenkmäler des Kanton Zürich. Band 7: Der Bezirk Winterthur. Südlicher Teil (= Kunstdenkmäler der Schweiz. Band 76). Hrsg. von der Gesellschaft für Schweizerische Kunstgeschichte GSK. Bern 1986, ISBN 3-7643-1786-8, S. 267–281.
• Ueli Müller: Hofstetten (ZH). In: Historisches Lexikon vo dr Schwiiz.

Weblink

 Commons: Hofstetten – Sammlig vo Multimediadateie