Muè

Muè, offiziell Muhen, isch e Gmeind im Bezirk Aarau im Kanton Aargau.

Muè
Basisdate
Staat:	Schwiiz
Kanton:	Aargau (AG)
Bezirk:	Aarauw
BFS-Nr.:	4009i1f3f4
Poschtleitzahl:	5037
UN/LOCODE:	CH MUH
Koordinate:	646632 / 24257947.332438.05558433
Höchi:	433 m ü. M.
Flächi:	7.03 km²
Iiwohner:	3985 (31. Dezämber 2020)
Website:	www.muhen.ch
Muè
Charte
w

Geografy

D Gmeind lyt im undere Suuretaal zwüsche Hirschtu und Oberämpfälde. S Gmeindbiet goot i dr Ebeni im Weschte chly über d Suhre use. D Gränze isch deils mid dr Schnällstrooss 24, wo vo Aarau uf Sursee goot, zämegleit. S Dorf het drü alti Dorfchärn: Obermuè, Mittelmuè, wo au d Chile stoot, und Undermuè, wo a dr Strooss am Oschtrand vom Taal ligge. Derzue het d Gmeind i dr Ebeni no d Sidlig Hard und bi Undermuè s Kwartier Schwabistaal. Im Oschte goot dr Gmeidbann i drü churzi Sytetääler ine und bis uf d Höchi vom Bärgrügge, wo s Suuretaal vom Wynetaal trennt.

D Nochbargmeinde vo Muè sind Oberämpfälde, Gräniche, Chulm, Hirschtu, Holzike und Chölike.

Gschicht

S Dorf isch inere Kwelle us em Joor 1045 s erschte Mol gnännt.

Ane 1901 isch d Strecki vo dr Suuretaalbaan dur Muè ufftoo worde.

Architektur

s Straudachhuus vo Muè

Z Muè stoot no es uralts Purehuus, wo mid Strau tekt isch. Hüt isch do drin s Dorfmuseum.

Di refermierti Chile isch ane 1961 bout worde.

Im «Bääre» z Muè isch dr Bernhard Matter ufgwachse.

Müheler

• Adolf Haller (1897–1970), Schriftsteller
• Bernhard Matter (1821–1854), dr letscht Maa, wo im Kanton Aargau higrichtet worden isch

Weblink

•  Commons: Muè – Sammlig vo Multimediadateie
• Website vo dr Gmeind Muè
• Markus Widmer-Dean: Muhen In: Historisches Lexikon vo dr Schwiiz.