Ruine Besserschtei
D Ruine Besserschtei isch en ehemaligi Burg uf em Geissbärg uf em Gmeinsbann vo Villige im Kanton Aargau. Hüt isch si verfalle u me gseht numme no wenigi Rescht.
| Ruine Besserschtei | ||
|---|---|---|
 | ||
| Alternativnäme: | Burgruine Besserschtei | |
| Entstehigsziit: | 13. Jh. | |
| Erhaltigszuestand: | verfalle | |
| Ort: | Besserschtei, Gmeind Villige | |
| Geografischi Lag: | 47° 31′ 27,4″ N, 8° 12′ 42″ O | |
| ||
Gschicht vo de Burg
ändereI wellem Johr Burg Besserschtei bauet worde-n-isch, weiss me hüt nümm. S erschti Mol erwähnt isch si im 1244i worde, wo si als Lehe vom Chloschter Murbach gnennt wird. Si het zum Hof Rei ghört, wo im Bsitz vom Chloschter gsi isch. D Habsburger hei den Hof im 1291 kauft un so het au d Burg de Bsitzer gwächslet. Aber scho für’s 1305i wird d Burg numme no als Burgschtall erwähnt, isch also scho verlasse gsi.
D Aalag vo de Burg
ändereD Burg isch ganz am Oschtrand vom Felssporn em Geisbärg gläge. Si isch durch en Grabe vo Aagriff vo Weschte her gschützt gsi. S Gebiet, wo d Burg gsi isch, isch öpper 45 uf 25 Meter gross. Hüt gseht me vor allem no de Sockel vom Turm.
Weblink
ändere- Informatione über d Burg Besserstei uf de Website vom Kanton Aargau (pdf) (Site cha nüme abgrüeft wärde; Suche im Webarchiv)
