Ruine Freudenau
D Ruine Freudenau isch en ehemoligi Burg, wo uf em Gmeindsbann vo Undersiggetal im Kanton Aargau ligt.
Dr Burgplatz isch direkt am Ufer vo de Aare.
D Freudenau isch bauet worde zum en Brugg über d Aare, wo ums Johr 1240 vo hiir uf Schtilli baut worde-n-isch, z sichere. An dere Schtelle hei sich es baar Schtrosseverbindige gchrüzt, will numme ein Fluss z überquere isch gsi und nöd, wie e chli witer im Süde oberhalb vom Wasserschloss, grad drüü. Näbe de Schtroose hei au d Flussverbindige vo Bärn, Lozärn und Züri uf Basel hiir vorbi gführt. Vermuetlich isch ind e Burg au en Umschlagsplatz gsi, wil si grossi Chällerrüüm het gha.
Aber scho am Aafang vom 14. Johrhundert het d Burg vil vo ihre Bedütig verlore. D Brugg isch durch e Fähri ersetzt worde, wo nöd uf di Art het müesse gschützt werde. De gröschti Teil vo de Burgaalag isch dann am 25. Däzember 1351 bi eme Chriegszug vo de Zürcher zerschtört worde, de Räscht bi em Grossbrand am Aafang vom 15. Johrhundert.
D Burg isch dann verlasse worde und mit de Ziit immer witer zämmegheit.
Literatur
ändere- Max Baumann, Peter Frey: Freudenau im unteren Aaretal. Burganlage und Flussübergang im Mittelalter. Gemeindeverwaltung Untersiggenthal, Untersiggenthal 1983.
