Schloss Gaueschtei
S Schloss Gaueschtei isch es Schloss am Dorfrand vo Gaueschtei im Schwiizer Kanton Aargau. S Schloss ligt uf eme Fälse, wo ursprünglich en Insle in de Aare gsi isch. Hüt sind's öppe 50 Meter bis zum Fluss.
| Schloss Gaueschtei | ||
|---|---|---|
 s Schloss Gaueschtei | ||
| Entstehigsziit: | 1307 | |
| Erhaltigszuestand: | erhalten | |
| Ort: | Gaueschtei | |
| Geografischi Lag: | 47° 24′ 55,5″ N, 8° 8′ 23,2″ O | |
| ||
Di ursprünglich Burg isch im 13. Johrhundert bauet worde, vermuetlich im Uftrag vo de Herre vo Gowenstein. Im 1307 wird d Burg in ere Urkund erwähnt und het de Herre vo Rinach ghört. Wo's im 1389 zu Gfecht zwüsche de Habsburger und de Eidgnosse cho isch, hei d Bärner d Burg gschtürmt und aazündt. D Burg isch zerscht nöd wider ufbaut worde. Wil aber zum Bsitz vo de Burg au s Dorf Gaueschtei ghört het, isch si 1465 vo de Rinacher an de Heinrich Hasfurter vo Lozärn verchauft worde. Im 1487 het si de Hans Rudolf vo Luternau kauft, aber scho im 1491 isch si in de Bsitz vo de Müliner cho, ere Brugger Familie, wo au im Bsitz vo de Burg Kaschtle gsi isch. Im 1648 het de Johann Ludwig von Erlach d Ruine kauft und 1732 hei d Erlacher si an d Schtadt Bärn verchauft. Im 1803 isch d Ruine zum Kanton Aargau cho, wo si an Privati verchauft het. Di hei im 1858 d Ruine bewohnbar gmacht und zu eme chline Schlössli usbauet. S Schloss isch hüt gäng no in Privatbsitz.
Weblink
ändere
Commons: Schloss Auenstein – Sammlig vo Multimediadateie
