S Schloss Wildegg isch es Schloss uf em Gmeindsbann vo Mörike-Wildegg im Schwiizer Kanton Aargau. S Schloss ligt öppe 80 Meter oberhalb vom Dorf Wildegg uf em Chäschtebärg oberhalb vo de Aare.

Schloss Wildegg noch de Renovation vo 2011
Schloss Wildegg vor de Renovation

Di ursprünglich Burg isch vo de Habsburger um s Johr 1200 umme bauet worde. S erschti Mol in ere Urkund taucht d Burg im Johr 1242 uf und isch vo Vasalle vo de Habsburger, de Wildegger bewohnt gsi. Wo di Familie im 1348 usgschtorbe isch, hei d Herre vo Hallwyl Wildegg übernoh. Ab em 1415 sind Bärner Landesherre gsi und d Wildegg het ab em 1437i e paar Mol de Bsitzer gwächslet. Nach de Hallwyler sind des d Herre von Greyffesee und dann d Ballmooser gsi, bevor d Schtadt Bärn Bsitzer worde-n-isch. D Bärner hei d Wildegg dann im 1483/84 an d Effinger, ere Patrizierfamilie vo Brugg, verchauft. Im 1522 isch d Burg wäge em Blitzschlag abbrönnt und dann wider ufbauet worde. Im 1684 isch si zu eme Schloss umbauet worde und im 1912 isch di letzscht Effinger ohne Nachkomme gschtorbe. S Schloss isch an d Eidgnosseschaft gfalle, wo s zum 1. Jänner 2011 an de Kanton Aargau verchauft het.

WeblinkBearbeite

  Commons: Schloss Wildegg – Sammlig vo Multimediadateie