Hauptmenü ufmache

Schübelbach isch en politischi Gmeind im Bezirk March im Kanton Schwyz i dr Schwiiz. Zu Schübelbach ghöret d Ort Buttikä und en Teil vo Sibnä.

Schübelbach
Wappe vo Schübelbach
Basisdate
Staat: Schwiiz
Kanton: Schwyz (SZ)
Bezirk: March
BFS-Nr.: 1346i1f3f4
Poschtleitzahl: 8862
UN/LOCODE: CH SBB (Schübelbach)
CH BTK (Buttikon)
Koordinate: 712802 / 22580747.1736058.926665433Koordinaten: 47° 10′ 25″ N, 8° 55′ 36″ O; CH1903: 712802 / 225807
Höchi: 433 m ü. M.
Flächi: 29.0 km²
Iiwohner: 9167 (31. Dezämber 2017)[1]
Website: www.schübelbach.ch
Dorfplatz mit Chile

Dorfplatz mit Chile

Charte
KlöntalerseeObersee GLSihlseeWägitalerseeUfenauLützelauZürichseeKanton GlarusKanton St. GallenKanton ZürichBezirk EinsiedelnBezirk HöfeBezirk SchwyzAltendorf SZGalgenenInnerthalLachen SZReichenburgSchübelbachTuggenVorderthalWangen SZCharte vo Schübelbach
Iber des Bild
w

GeografiBearbeite

Schübelbach lit idr Nöichi vom oberä Teil vom Zürisee und gouht bis zur Linth use. De höichschti Punkt isch de Chopfäbärg mit 1879 Meter übrem Meer. Dä "Schübelbachner Bann" isch es Waldgebiät zwüschet em Müllerspitz und em Stockbärg und bedeckt ganzi 43 Prozänt vo dä Gmeindsflächi. Er isch rächt steil und drum nöd sehr produktiv. D Helfti vo de Flächi macht d Talsohle uus, wo i de Linthebeni lit. Sie wird landwirtschaftlich gnutzt.

GschichdBearbeite

Im Jour 972 isch Sibnä erschtmals in Urkunde vom Klouschter Einsidlä erwähnt worde. Buttikä isch als Butinchouen anno 1045 z erscht Mal erwähnt worde. Erscht im Jour 1184 wird s Dorf Schübelbach inere Urkunde vom Papst Lucius em Dritte als Subelnebach gnännt. Früener isch Schübelbach am Tuggnersee glägä. De See isch mitem Zürisee und em Waläsee verbunde gsi. Bekannti Gschlächter im Dorf sind «Schalch» und «Bruhin» und im Dorf Buttikä «Ruoss»

IiwonerBearbeite

Quälle: Bundesamt für Statistik 2005[2]

Jaar 1850 1860 1870 1880 1888 1900 1910 1920
Iiwoner 2041 2113 2077 2108 2024 2206 2181 2341
Jaar 1930 1941 1950 1960 1970 1980 1990 2000
Iiwoner 2657 2614 2714 3206 4395 4720 6276 7030

De Uusländeraateil isch 2010 bi 26,5 % gläge.[3]

ReligionBearbeite

63,6 % vu de Iiwoner sind im Jaar 2000 römisch-katholisch gsii, 16 % evangelisch-reformiert.[3]

Spraach u TieläktBearbeite

Bi de Volchszellig 2000 hend vu de 7030 Iiwoner 85,0 % Tüütsch als Hauptspraach aaggää u 15,0 % anderi Spraache.[3] De Tieläkt vu Schüblbach ghöört zum Höuchschtalemannisch.

WirtschaftBearbeite

En regionali Bedütig hät d Gmeind Schübelbach im 19. Jahrhundert überchou, wo mer d Wasserchraft vo de Wägitaler Aa industriell gnutzt hät. Sibne isch usserdem de Entstehigsort vo de Honegger Wäbstüähl. D Kraftwerk AG Wägital isch 1921 gründet worde. Mit dä Staumur wo s due buä händ isch s Dorf Sibnä vom Houchwasser gschützt worde.

VerchehrBearbeite

Schübelbach isch prächtig mit dr Agglomeration Züri verbunde. Es git Autobahnaschlüss zur Autobahn A3 z Lachä und z Riicheburg, en S-Bahn, womer direkt uf Züri chunnt und den Bus zwüschet Pfäffike SZ und Riicheburg.

WeblinkBearbeite

FuessnoteBearbeite

  1. Ständige und nichtständige Wohnbevölkerung nach Jahr, Kanton, Bezirk, Gemeinde, Bevölkerungstyp und Geschlecht (Ständige Wohnbevölkerung). In: bfs.admin.ch. Bundesamt für Statistik (BFS), 2018-08-31. Abgrüeft am 2018-09-30.
  2. Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch, Date im Aahang)
  3. 3,0 3,1 3,2 Bundesamt für Statistik: Regionalporträts 2012: Kennzahlen aller Gemeinden, Mai 2012