Steina (Wutach)

D Steina isch èn Fluss, wo uff dè Höchi vom Süèdschwarzwald, im dünn bsidlètè Gebièt zwischè Lènzkirch un Schluchsee nördlich vo Roothuus, Gmeind Grõõfèhuusè entschpringt un zwischè Lauchringè un Waldshuèt-Düèngè i d Wuètè mündet.

Steina
Geografischi Laag un Volauf Geografischi Laag un Volauf
Date
Gwässerkennzaal	DE: 219872
Laag	Waldshuèt, Briisgau-Hochschwarzwald; Badè-Württèbärg; Dütschland Region: Süèdschwarzwald/Hochrhy
Flusssystem	RhyVorlage:Infobox Fluss/FLUSSSYSTEM_falsch
Quelle	zwischen Schluchsee un Lènzkirch 47° 49′ 44″ N, 8° 12′ 40″ O47.8288888888898.21111111111111068
Quellhöchi	ca. 1.068 m ü. NNVorlage:Infobox Fluss/NACHWEISE_fehlen
Mündig	zwischen Waldshuèt-Düèngè un Lauchringè i d Wuètè47.6336944444448.2893888888889330 47° 38′ 1″ N, 8° 17′ 22″ O47.6336944444448.2893888888889330
Mündigshöchi	ca. 330 m ü. NNVorlage:Infobox Fluss/NACHWEISE_fehlen
Höchiunterschiid	ca. 738 m
Lengi	36,7 kmVorlage:Infobox Fluss/NACHWEISE_fehlen
Iizugsgebiet	93,3 km²Vorlage:Infobox Fluss/NACHWEISE_fehlen
Mittelgroossi Stedt	Waldshuèt-Düèngè
Chliistedt	Bõõdorf im Schwarzwald, Stüèlingè, ühlingè-Birchèdorf, Lauchringè
Gmeinde	Schluchsee, Grõõfèhuusè
Gfälle: 2,1 % im Mittel
D Steina wennigi hundert Metèr vor dè Mündig i d Wuètè D Steina wennigi hundert Metèr vor dè Mündig i d Wuètè

Geografy un Topografy

D Steina entschpringt i dè Hochwälder vom Süèdschwarzwald öppè 2,5 km nordöschtlich vo dè Ortschaft Schluchsee uff èrè Höchi vo übber 1060 m ü. NN. Scho nõch öppè 2 km lyt s Flussbett in èm beachtlichè Dal von fascht 100 m Düèfi. Dè witere stark gwundene Volauf blybt fascht bis zu dè Mündig in èm düèfè Dalyschnitt mit znägscht mäßig gächè bewaldetè Haaldè un einzelnè Auè. Im unterè Lauf vom Fluss zwischè Untermettingè un Detzlè schnydet s Dal d Uusläufer vom Grundgebirge vom Süèdschwarzwald, wa sich in èm bis zuè nèrè Schlucht voèngendè Dal mit steilè Felswänd manifeschtyrt. Am Uusgang vo sèllèrè Schlucht wittet sich s Dal obberhalb vo Detzlè un lauft mit ènèm ebènè, abber schmalè Dalboddè bis Unterlauchringè uus. Nördlich vo Unterlauchringè, dört vo Breitèfäld vom letschtè Zipfel vo dè rächtè Steinahaaldè obbè abbè grüèßt, gòt s Steinadal im Wuètèdal uff, d Steina flǜeßt übber dè Lauffè-Bord gegèübber vo dè Lauffèmülli gu Düèngè abbè, wo si im öschtliche Düèngemer Stadtgebièt i d Wuètè mündet. D Steina gòt also vom Schluchsee im Hochschwarzwald durch dè Südschwarzwald (fascht) bis zum Hochrhy abbè.

Vosickerig

Am Übbergang vo dè Steina i s Tal vo dè Wuètè, öppè 1 km vo dè Mündig, volauft s Flussbett übber è porösi un uusgwascheni Muschelkalch-Formation, in dèrè èn Deil vom Wasser vosickeret. Bi Nidrigwasser ka èn Abschnitt vom Fluss ganz drochè keiè. Dè Deil vom vosickerètè Wasser, wellè nimmi i dè Fluss zrugg flüèßt, wörd Deil vom großè Grundwasserschtrom im Chläggidal. I dè Kysablagerungè vom Chläggi-Rhydal ( Rhyvolauf i dè Mindel-Riß-Zwischeneiszeit ), wo uff dè Muschelkalch folgè düèn, trifft s Sickerwasser vo dè Steina uff s Grundwasser vo dè Wuètè un flüèßt unter dè yszitlichè Kysablagerungè vom Bürgerwald (ca. 400 m ü. NN) durrè, um i Ettikon, Gmeind Küssaberg, s hütigè Rhydal z erreichè.

Vokeerserschlièßig

Durch s Dal vo dè Steina füürt d Landstrõß 159 vo dè B 34 z Waldshuèt-Düèngè bis zu dè Steinasägi, Gmeind Bõõdorf, wo si uffgnõ wörd vo dè L 170, diè vo Bõõdorf kunnt un s Steinadal durchquert. Diè rèschtlichè ca. 9 km vom Dal wörd dè Bach fascht uff dè ganzè Längi von èrè Gmeindestrõß begleitet, wo abber nu deilwys für dè öffentliche Kraftfahrzüügvokeer freigää isch.

Burgè im Steinadal

Bligg vo dè Burgruinè Roggèbach daluffwärts. Rächts obbè im Bild isch d Burgruinè Steinegg z erkennè.

S Dal vo dè Steina isch im Mittelaalter wegè sinerè Laag am Übbergang von Schwarzwald zum Chläggi strategisch für dè Bau vo Burgè intressant gsi. Folgendi Burgruinè liget im Dal vo dè Steina:

• Burgruinè Kränkingè (ca. 1 km öschtlich vom Stadtdeil Krenkingè, Stadt Waldshuèt-Düèngè)
  Lage: 47° 40′ 58″ N, 8° 19′ 18″ O47.6827777777788.3216666666667
• Burgruinè Roggèbach (ca. 1,7 km süèdweschtlich vom Stadtdeil Wittlèkofè, Stadt Bõõdorf)
  Lage: 47° 46′ 9″ N, 8° 20′ 18″ O47.7691666666678.3383333333333
• Burgruinè Steinegg (ca. 1,5 km süèdweschtlich vom Stadtdeil Wittlekofen, Stadt Bõõdorf)
  Lage: 47° 46′ 20″ N, 8° 20′ 10″ O47.7722222222228.3361111111111

Bildergallery

• 
  Èn Pegelmesser a dè Steina dirèkt unterhalb vo dè ehemõligè Illmülli
• 
  D Steina wörd bi dè Illmülli zuè nèm breitè Bach
• 
  S Panorama vom unterè Steinadal bi Detzlemer Obberdorf. D Steina chunnt vo Untermettingè im rächtè obberè Egg un gòt i s untere linke Egg gu Breitèfäld

Weblink

 Commons: Steina (Wuete-Zuefluss) – Sammlig vo Multimediadateie

Dä Artikel basiert uff ere fräie Übersetzig vu dere Version vum Artikel „Steina_(Wutach)“ vu de dütsche Wikipedia. E Liste vu de Autore un Versione isch do z finde.