Ditterte (hochdytsch Titterten) isch e politischi Gmeind im Bezirk Waldeburg vom Kanton Basel-Landschaft in dr Schwiiz.

Titterten
Wappe vo Titterten
Wappe vo Titterten
Basisdate
Staat: Schwiiz
Kanton: Basel-Landschaft (BL)
Bezirk: Waldenburgw
BFS-Nr.: 2894i1f3f4
Poschtleitzahl: 4425
Koordinate: 620990 / 249946Koordinate: 47° 24′ 0″ N, 7° 43′ 0″ O; CH1903: 620990 / 249946
Höchi: 668 m ü. M.
Flächi: 3,71 km²
Iiwohner: 424 (31. Dezämber 2021)[1]
Website: www.titterten.ch
Titterten
Titterten

Titterten

Charte
Charte vo TittertenKanton SolothurnBezirk LiestalBezirk SissachArboldswilBennwilBretzwilDiegtenEptingenHölsteinLampenbergLangenbruckLauwilLiedertswilNiederdorf BLOberdorf BLReigoldswilTittertenWaldenburg BL
Charte vo Titterten
w
Dialäkt: Baseldytsch

Lag ändere

Ditterte liggt am Rand vom Faltejura uff emene Hechezug zwische de beide Täler vo dr Fränke (hinderi und vorderi Fränke) uff 668 m ü. M. und isch dodrmit die zweitheggschti Gmeind vom Kanton (hecher isch nur Langebrugg). Nochbergmeinde sin uff em Hechezug Arbetschwyl und dr Tschoppehof, im Tal vo dr vordere Fränke Ober- und Niiderdorf und im Tal vo dr hindere Fränke Reigetschwyl.

Wappe ändere

S Wappe zeigt uff goldigem Grund dr heilig St. Martin vo Tours in blauer Rüschtig mit silbrigem Schwärt, rotem Mantel und Heiligeschiin. S Wappe exischtiert sitt 1943.

Gschicht ändere

Bereits vo 400 bis 800 vor Chrischtus hän Lyt uff dr Chappele gläbt. Öppe im 7. Joorhundert isch denn die alemannisch-fränkischi Siedlig, wo Ditterte druss entstande isch, grindet worde. Erschtmools 1152 als Driritum erwähnt, isch Ditterte 1180 als Titeritun, 1218 Thierutun, 1226 Titritun, 1347 Titritten und ab 1415 Titterten (im Dialäkt Ditterte) gnennt worde. Im Name steggt wohrschiins die keltorömmischi Ändig "dunum", wo so vil wie "feschte Ort" oder "Feschtig" bedytet. D'Ändig isch verwandt mit em hochdytsche "Zaun" (Zuun, hyffiger im Dialäkt isch allerdings Hag üblig) und bezeichnet en ighagete Platz, e feschte Ort.

Wirtschaft ändere

D Gmeind läbt zumene Teil no immer vo dr Landwirtschaft. Es hett aber au e bizz KMU und lokals Gwärb. Im 19. Joorhundert hetts Dorf no vo dr Siidebandwäberei gläbt. D Buslinie 71 vo dr AAGL fiehrt vo Lieschtel yber Bubedorf noch Ditterte und witter noch Reigetschwyl. Mit nur ca. eim Bus alli zwei Stund und praktisch gar keine Verbindige am Obe und am Sunntig isch d Gmeind ehnder schlächt agschlosse, isch aber halt au nid bsunders gross.

Sehenswürdigkeite ändere

Bilder ändere

Weblink ändere

  Commons: Titterten – Sammlig vo Multimediadateie

Fuessnote ändere

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023


  Dä Artikel basiert uff ere fräie Übersetzig vum Artikel „Titterten“ vu de dütsche Wikipedia. E Liste vu de Autore un Versione isch do z finde.