Werterbuech vu dr donauschwebische Fachwortschätz

Dialäkt: Undermarkgreflerisch

S Werterbuech vu dr donauschwebische Fachwortschätz (dt. Wörterbuch der donauschwäbischen Fachwortschätze) erfasst un bschrybt dr Wortschatz vu dr Handwärcher un dr Landwirtschaft vu dr donauschwebische Dieläkt. S Werterbuech konzäntriert sich uf dää Uusschnitt us em Gsamtwortschatz, wel die Beraich fir s Läbe un s Schaffe vu dr dytschsprochige Bevelkerig in däre Region represäntativ sin. D Bschränkig isch e Voruussetzig derfir gsi, ass d Bänd in ere absähbare Zyt hän chenne bearbeitet un vereffentligt wäre. Si isch au notwändig gsi, wel sich di donauschwebische Dieläkt dur Flucht, Verdryybig un Uuswanderig allmeh uflese, un dodermit d Gwährslyt bal nimmi z Verfiegig stehn.

D Yydreg vum Werterbuech sin alfabetisch aagordnet, dr Aasatz vu dr Stichwerter isch wie in dr meischte große Dieläktwerterbiecher hochdytsch.

Projäkt ändere

Wel sich di donauschwebische Sprochgmeinschafte allmeh uflese, het sich fir dr Forschigsberaich Donauschwebischi Mundartforschig d Ufgab gstellt, d Dieläkt in dr donauschwebische Sidligsbiet, d Fachsproche vu dr Handwärcher un vu dr Bure, di dytsche Stadtsproche un di sprochlige Interferänze z Sidoschteuropa z untersueche un darzstelle, derzue di sprochlig Integration vu dr uusgsidlete Donauschwobe. S Projäkt het zerscht an d Vorarbete un di frieje Ziil vu dr ungarndytsche un dr Banater Mundartforschig aagchnipft. Am Aafang isch s Ziil gsi, di donauschwebische Dieläkt z dokumäntiere un wisseschaftlig darzstelle in eme Donauschwebische Werterbuech un in eme Sprochatlas (zämme mit dr Forschigsstelle z Budapest un z Temeswar), wu dur Fachwerterbiecher vu uusgwehlte Handwärch, vu dr Landwirtschaft un dr Volkskund hätte solle vorbereitet wäre. D Bstandsufnahm vu dr Quällesammlige un dr Literatur, wu bis do vorgläge sin, d Forschigsaasätz in dr ungarndytsche un rumäniedytsche (Banater) Dieläktforschig un di eige Mittel- un Personallag hän s aber sinnvoller un zweckmäßiger schyyne loo, s urspringlig Forschigsziil yyzschränke un d Projäktarbet uf e yygränzte Beraich z konzäntriere. Doderfir isch derno ne Werterbuech vu dr donauschwebische Fachwortschätz uusgwehlt wore. Dr Projäktleiter Dr. Hans Gehl un syyni domolige Mitarbeiter am Institut fir donauschwebischi Gschicht un Landeskund z Diibenge hän syt 1987 in dr Hauptsach an dr Materialsammlig un -ufbereitig gschafft fir d Bänd, wu vorgsäh gsi sin: dr Fachwortschatz vu dr donauschwebische Handwärcher (Chleidigs- un Böugwärb) un vu dr Landwirtschaft; derzue s Nahrigsmittelgwärb un volkskundligi Themene.

Quällen un Materialgrundlag ändere

S Ton- un Schriftarchiv vum Projäkt Dielektologii un Volkskund umfasst auditivi un visuälli (nit vereffentligti) Materialie: 684 Ufnahmestunde uf Tonbänder un -kassette mit Ufzeichnige vu Dieläktsprächer, Bildmaterial (Zeichnige, Foto) vu Gwährspersone zue dr themebezogene Dokumäntation. Im Korpus het s iber 1200 Interview zue handwärchlige, landwirtschaftlige un soziale Themene, aber au d Wenkersätz, d Zahlwerter 1-25 un e Lischt mit 140 Chännwerter. Derzue cheme rund 500 Manuskript: germanistischi Examensarbete un Dissertatione us Rumänie un Ungarn, derzue thematische Yysändige vu Gwährslyt, Zeichnige un Foto.

Publikation ändere

Vier Bänd sin vereffentligt wore:

  • Gehl, Hans: Wörterbuch der donauschwäbischen Bekleidungsgewerbe. Thorbecke, Sigmaringen 1997
  • Gehl, Hans: Wörterbuch der donauschwäbischen Baugewerbe. Thorbecke, Stuttgart 2000
  • Gehl, Hans: Wörterbuch der donauschwäbischen Landwirtschaft. Steiner, Stuttgart 2003
  • Gehl, Hans: Wörterbuch der donauschwäbischen Lebensformen. Steiner, Stuttgart 2005

Literatur ändere

  • H. Gehl: Donauschwäbische Dialekte, in: Die Donauschwaben. Deutsche Siedlung in Südosteuropa. Ausstellungskatalog. Hg. v. Innenministerium Baden-Württemberg, Sigmaringen, 2. A. 1989, S. 292-294
  • H. Gehl: Handwerker und Blaudruck bei den Donauschwaben, Südostdeutsches Archiv 32/33 (1989/90), München 1990, S. 159-211
  • H. Gehl: Donauschwäbische Handwerkersprache, in: Banatica. Beiträge zur deutschen Kultur, Heft 3 (Freiburg i. Br. 1991), S. 37-47
  • H. Gehl: Wortschatz der Banater Bekleidungsgewerbe, in: Banatica, Beiträge zur deutschen Kultur, Heft 4 (1991), S. 5-23
  • H. Gehl: Die oberdeutschen fescht-Mundarten des Banats (= Beiheft 67 der Zeitschrift für Dialektologie und Linguistik) Stuttgart 1991, 343 S. (mit 16 Karten und 27 Tafeln)
  • H. Gehl: Aufbau der Projektes "Donauschwäbische Mundartforschung" (= Materialien, Heft 1/1993). Hg. v. Institut für donauschwäbische Geschichte und Landeskunde, Tübingen 1993, S. 52-66
  • H. Gehl: Bericht zum Projekt: Donauschwäbische Mundartforschung am Institut für donauschwäbische Geschichte und Landeskunde in Tübingen, Jahrbuch für ostdeutsche Volkskunde 36 (1993), S. 349-356
  • H. Gehl/L. Bader: Werkstattbericht mit Probeartikeln aus dem Wörterbuch der donauschwäbischen Bekleidungsgewerbe (= Materialien Heft 2/1993). Hg. v. Institut für donauschwäbische Geschichte und Landeskunde, Tübingen, 230 S.
  • H. Gehl: Datenerhebung in der Mundartforschung, in: Deutsche Sprache und Literatur in Südosteuropa - Archivierung und Dokumentation. Hg. v. A. Schwob und H. Fassel, Verlag Südostdeutsches Kulturwerk München 1996, S. 71-81
  • H. Gehl: Das donauschwäbische Wörterbuch, in: Roxana Nubert (Hg.), Temeswarer Beiträge zur Germanistik 1, Temeswar 1997, S. 172-180
  • H. Gehl: Deutsche Stadtsprachen in Provinzstädten Südosteuropas (= ZDL Beiheft 95), Stuttgart 1997, 136 S. (mit 24 Karten von Christoph Hallerstede)
  • H. Gehl: Kommentierte donauschwäbische Texte (= ZDL Beiheft 103), Stuttgart 1999 (226 S., 8 Karten)

Weblink ändere


  Dä Artikel basiert uff ere fräie Übersetzig vum Artikel „Wörterbuch_der_donauschwäbischen_Fachwortschätze“ vu de dütsche Wikipedia. E Liste vu de Autore un Versione isch do z finde.