Bezirk Gäu
Bezirk Gäu | |
---|---|
Basisdate | |
Staat: | ![]() |
Kanton: | Soledurn (SO) |
Hauptort: | Önzige |
BFS-Nummere: | 1101 |
Flechi: | 62,05 km² |
Höchi: | 399–1033 m ü. M. |
Iiwohner: | 22'473[1] (31. Dezämber 2021) |
Bevölkerigsdichti: | 362 Iiw. pro km² |
Charte | |
De Bezirk Gäu («s Göi» gnennt) isch e Bezirk vom Kanton Soledurn und lyt zwische Olte und Soledurn. Är ghört zue dr Amtei Thal-Gäu.
Begränzt wird dr Bezirk im Norde vo dr erschte Chetti vom Jura, im Weschte vo dr Kantonsgränze gäge s Bipperamt und im Süde vo dr Aare. Ds Gäu wird vo de zwe wichtigschte Autobahne vo dr Schwyz durquert, vo dr A1 und vo dr A2, wo sich am Autobahnchrüz Harchinge vereinige. Ufgrund vo dr guete Verkehrslag hed sich ds Gäu syt em Nationalstrassebau stark veränderet und es hei sich etlichi Logistikfirme entlang vo ihne agsammled. Absyts dervo hed ds Gäu sy ländlich Charakter guet chöne bhalte.
Dr Bezirk Gäu hed e Flächi vo 62,02 km² und isch Ändi 2005 vo 17'148 Lüt bewohnt worde, Ändi 2015 sinds dänn s erscht Mol über zwänzgtuusig gsii (20'398).
WappeBearbeite
- Zwöimal teilt vo Rot, Silber und Schwarz
GmeindeBearbeite
Wappe | Gmeind | Ywohner (Dez. 2005) |
Flächi in km² |
BFS-Nr |
---|---|---|---|---|
Cheschtehouz | 1672 | 8,59 | 2403 | |
Egerchinge | 2879 | 6,93 | 2401 | |
Härchinge | 1243 | 5,57 | 2402 | |
Nöiedorf | 1904 | 7,13 | 2404 | |
Niderbuchste | 967 | 5,49 | 2405 | |
Oberbuchste | 1829 | 9,39 | 2406 | |
Önzige | 4610 | 12,03 | 2407 | |
Woufu | 2044 | 6,89 | 2408 | |
Total | 17'148 | 62,02 | 1101 |
Region GäuBearbeite
Dr politisch Bezirk Gäu sett me nid mit dr Region Soledurnischs Gäu verwächsle. Si isch meh historisch prägt und es ghöre zuesätzlich zu de Gäuergmeinde ou no d Untergäuer Gmeinde Gunzge, Fulebach, Chappu, Bonige, Hägedorf, Rickebach ond Chlywange – e Teil vom Dorf Wange bi Oute derzue.
WeblinkBearbeite
- Erich Schenker: Gäu. In: Historisches Lexikon vo dr Schwiiz.
FuessnooteBearbeite
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023