Eich esch en politischi Gmeind im Wahlkreis Sorsi vom Kanton Lozärn i de Schwiz.

Eich
Wappe vo Eich
Wappe vo Eich
Basisdate
Staat: Schwiiz
Kanton: Lozärn (LU)
Wahlchreis: Sorsiw
BFS-Nr.: 1084i1f3f4
Poschtleitzahl: 6205
Koordinate: 655300 / 222463Koordinate: 47° 9′ 3″ N, 8° 10′ 4″ O; CH1903: 655300 / 222463
Höchi: 516 m ü. M.
Flächi: 5,89 km²
Iiwohner: 1610 (31. Dezämber 2021)[1]
Website: www.eich.ch
Charte
Charte vo EichHallwilerseeBaldeggerseeRotseeVierwaldstätterseeSempacherseeMauensee (Gewässer)SoppenseeTueteseeKanton AargauKanton BernKanton ObwaldenAmt EntlebuchAmt HochdorfAmt LuzernAmt WillisauBeromünsterBüronButtisholzEich LUGeuenseeGrosswangenHildisriedenKnutwilMauensee LUNeudorf LUNeuenkirchNottwilOberkirch LUPfeffikonRickenbach LURuswilSchenkonSchlierbach LUSempachSurseeTriengenWolhusen
Charte vo Eich
ww

Geografii ändere

Eich lit am Oschtufer vom Sämpachersee zwösche Sorsi ond Sämpech. Sit em Bou vom der Outobahntunnu "Eich" eschs Dorf teilt i Underdorf am See ond s Oberdorf bi dr Chöuche. Eich het fougendi Wiler: Oberhundgäue, Brand, Buechmatt, Voremwaud, ond Vogusang, wo ou grad es eigets Quartier am Hang obe esch. Vo dr Gmeindsflechi send 67,9 % Landwirtschaftlechi Flechi, 19,5 % Waud ond 12,6 % Sidligsflechi.[2]

Nachbärgmeinde ändere

Eich gränzt a Gunzbu, Nüderef, Sämpech ond Schänke.

Bevölkerig ändere

Quälle: Bundesamt für Statistik 2005[3] Ändi 2005 het Eich 1'495 Iwohner gha. Sit 1970 het sech d Bevölkerig fascht verdrüfacht. D Grönd ligged im Bou vo de Outobahn A2 ond dä schöne ländläche Lag.

Jahr 1850 1860 1870 1880 1888 1900 1910 1920
Iiwohner 551 522 535 522 469 434 473 472
Jahr 1930 1941 1950 1960 1970 1980 1990 2000
Iiwohner 507 521 521 457 521 754 972 1256

Dr Uusländeraateil esch 2014 bi 6 % gläge.[2]

Religion ändere

75,2 % vo dr Iiwooner send im Jahr 2000 römisch-katholisch gsii, 15,2 % evangelisch-reformiert.[2]

 
Eich - Kantonsstrass vo Sämpech nach Sorsi

Vercher ändere

D Gmeind esch döre Aschloss ad Poschtoutolinie Sorsi-Schänke-Eich-Sämpech Station as Netz vom öffentläche Vercher agschlosse.

S Dorf Eich lit a dr Houptstross Sorsi-Sämpech. Der nöchscht glägenig Outobahnaschloss ad A2 esch 3 km entfärnt ds Sämpech.

Gschecht ändere

D Gegend am Sämpachersee esch scho sit Jahrtusende besidlet gsi. Es git Fund os römischer ond alemännischer Zit. Dr Ort werd z'erscht mou underem Name Heiche ime Schutzbrief vom dütsche König Heinrich III. 1045 erwähnt aus Bsitz vom Chorherrestift Möischter. Onder de Herrschaft vo de Habsburger esch Eich nominell vo Sämpech verwautet worde. Eich esch 1415 onder ds Herrschaft vor Stadt Lozärn cho und Teil vom Michelsamt worde.

Politik ändere

Bi dr Nationauraatswahle 2015 hät s das Ergebnis gää:[2] BDP 1,6% , CVP 24,6% , FDP 23,0% , GLP 4,4% , GP 4,3% , SP 5,5% , SVP 32,3% , Süschtigi 4,1%.

Dr Gmeindspräsident vo Eich esch dr Reto Zbinden (Stand Februar 2016).

Wirtschaft ändere

D Arbetslosigkeit esch im Jahr 2011 bi 1,1 % gläge.[2]

Sprach ond Dialäkt ändere

Bi dr Volkszellig 2000 hend vo dr 1256 Iiwohner 97,7 % Dütsch aus Houptsprach aagää, 0,5 % Französisch, 0,2 % Italienisch ond 1,6 % anderi Sprache.[2]

Dr hochalemannisch Dialäkt vo Eich ghört zue dr Übergangsmundarte zwösche dr Weschtschwiizer ond dr Oschtschwiizer Dialäkt.

Bouwärch ändere

  • Chile St. Laurentius (1807/08)

Literatur ändere

  • Adolf Reinle: Die Kunstdenkmäler des Kantons Luzern, Band IV: Das Amt Sursee. (= Kunstdenkmäler der Schweiz. Band 35). Hrsg. von der Gesellschaft für Schweizerische Kunstgeschichte GSK. Bern 1956, ISBN 978-3-906131-23-8.

Weblink ändere

  Commons: Eich – Sammlig vo Multimediadateie

Fuessnote ändere

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 15. November 2022
  2. 2,0 2,1 2,2 2,3 2,4 2,5 Bundesamt für Statistik: Regionalporträts 2012: Kennzahlen aller Gemeinden (Memento vom 24. Septämber 2020 im Internet Archive), Mai 2012
  3. Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Memento vom 13. Februar 2020 im Internet Archive), Date im Aahang (Memento vom 13. Februar 2020 im Internet Archive))



  Dä Artikel basiert uff ere fräie Übersetzig vum Artikel „Eich_LU“ vu de dütsche Wikipedia. E Liste vu de Autore un Versione isch do z finde.