Hittnau
Hittnau oder Hittni isch e Gmäind im Züri-Oberland, vom Pfäffikersee uus wiiter im Oschte. Zu Hittnau ghööred no d Wiiler Oberhittnau, Isike, Hasel, Tüürschtele, Schöönau und Hofhalde. Us Isike bi Hittnau chunnt de Mundartdichter Jakob Stutz.
| Hittnau | |
|---|---|
 | |
| Basisdate | |
| Staat: | Schwiiz |
| Kanton: | Züri (ZH) |
| Bezirk: | Pfäffike |
| BFS-Nr.: | 0173 |
| Poschtleitzahl: | 8335 |
| Koordinate: | 704626 / 247527 |
| Höchi: | 640 m ü. M. |
| Flächi: | 12.92 km² |
| Iiwohner: | 3688 (31. Dezämber 2018)[1] |
| Gmeindspräsident: | Christoph Hitz (parteilos) |
| Website: | www.hittnau.ch |
 Gmäindshuus | |
| Charte | |
  | |
GeografiiBearbeite
Hittnau liit oberhalb vom Pfäffikersee a de Verbindigsstrass zwüschet em Glatttaal und em Töösstaal. De hööchscht Punkt vo de Gmeind isch de Stoffel mit 928 m ü. M., de tüffscht Punkt hät d Gmäind bim Tobelweier uf 604 m ü. M. Vo de Gmäindsflächi tiened 50,3 % de Landwirtschaft, uf 37,2 % wachst Wald, 4,2 % sind Vercheersflächi und 7,6 % Siedligspiet, 0,4% sind Gwässer.[2]
BevölcherigBearbeite
IiwonerBearbeite
| Bevölcherigsentwicklig | |
|---|---|
| Joor | Iiwoner |
| 1467 | ca.165 |
| 1634 | 448 |
| 1762 | 1300 |
| 1836 | 1963 |
| 1850 | 1817 |
| 1900 | 1338 |
| 1910 | 1255 |
| 1950 | 1320 |
| 1980 | 1347 |
| 2000 | 2965 |
| 2010 | 3467 |
Der Ussländeraatäil liit bi 7,7 % (Stand 2011).[2]
ReligioonBearbeite
52,5 % vo den Iiwoner sind evangeelisch-refermiert, 19,7 % sind röömisch-katolisch (Stand 2011).[2]
TieläktBearbeite
De züritüütsch Tieläkt vo Hittnau ghöört zur Zürioberländer Mundaart.
WappeBearbeite
Blasonierig
- Vo Schwarz und Silber gständeret und e goldene Balke, wo mit eme schwarze Adler belegt isch
GschichtBearbeite
S Piet vo Hittnau isch vo den Alemane bisidlet woorde. Ane 905 wèèrded s eerscht Mool e Räie vo Wiiler uufzelt: Hittenouva, Isencrimenswilare, Skonunouvo. Im Mittelalter hät s zu de Herrschaft Chibuurg ghört. D Burg Werdegg bi Tüürschtele isch im 12. Joorhundert poue woorde. Die isch aber im Alte Zürichrieg ane 1444 gschlisse woorde und tienet sit doo as Stäibruch. Ane 1707 isch Hittnau en äigni Gmäind woorde und hät agfangen e Chile boue, wo scho s Joor drufabe fèrtig gsii isch. Im 18. Joorhundert hät sich e Baueleninduschtrii entwicklet.
PolitikBearbeite
Gmäindspresidänt isch de Christoph Hitz (Stand 2019).
WirtschaftBearbeite
D Aarbetsloosigkäit isch im Joor 2010 bi 1,7 % gläge.[2]
LütBearbeite
- Jakob Stutz (* 1801 z Isike; † 1877 z Bettschwiil bi Bäretschwiil), Schriftsteller und «Volchsdichter»
- Ernst Tappolet (* 1870 z Hittnau; † 1939 z Basel), Romanischt a der Universitet Basel und Mitgründer vom Glossaire des patois de la Suisse romande
BilderBearbeite
di refermierti Chile vo 1708
Emaligi Wäberei und Spinerei Stutz
Wohnfabrik Luppme
Müli Balchischtaal
Isike
s Huus z Isike, wo de Jakob Stutz uf d Wält choo isch
Tüürschtele
Hasel
d Schöönau
de Hoger vo der eemoolige Burg Werdegg
Hittnau, im Hindergrund de Stoffel (928 m)
LiteratuurBearbeite
- Ueli Müller: Hittnau. In: Historisches Lexikon vo dr Schwiiz.
- Martin Leonhard, Peter Niederhäuser, Markus Stromer: Hittnau: Geschichte und Geschichten aus 1100 Jahren. Chronos, Zürich 2005, ISBN 3-0340-0754-X.
- Hans Martin Gubler: Die Kunstdenkmäler des Kanton Zürich Band 3: Die Bezirke Pfäffikon und Uster. Ug. vo de Gesellschaft für Schwiizerischi Kunstgschicht GSK. Bern 1978 (Kunstdenkmäler der Schweiz, Band 66). ISBN 3-7643-0991-1, S. 268–281.
WeblinkBearbeite
Commons: Hittnau – Sammlig vo MultimediadateieFuessnoteBearbeite
- ↑ Ständige und nichtständige Wohnbevölkerung nach Jahr, Kanton, Bezirk, Gemeinde, Bevölkerungstyp und Geschlecht (Ständige Wohnbevölkerung). In: bfs.admin.ch. Bundesamt für Statistik (BFS), 31. August 2019, abgruefen am 22. Dezember 2019.
- ↑ 2,0 2,1 2,2 2,3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
