Dottike
Dottike (amtlich Dottikon) isch e Gmeind im Bezirk Brämgarte vom Schwiizer Kanton Aargau. S Dorf ligt im Bünztal.
| Dottike | |
|---|---|
 | |
| Basisdate | |
| Staat: | Schwiiz |
| Kanton: | Aargau (AG) |
| Bezirk: | Brämgarte |
| BFS-Nr.: | 4065 |
| Poschtleitzahl: | 5605 |
| UN/LOCODE: | CH DTO |
| Koordinate: | 660533 / 248519 |
| Höchi: | 414 m ü. M. |
| Flächi: | 3,89 km² |
| Iiwohner: | 4061 (31. Dezämber 2021)[1] |
| Website: | www.dottikon.ch |
| Charte | |
 | |
Geographii Bearbeite
De Gmeindsbann isch 389 Hektare gross, dodervo sind 87 Hektare Wald und 115 Hektare überbaut. De höchschti Punkt isch uf 549 Meter, der tüüfschti uf 406 m. Nochbargmeinde sind Hägglige im Nordoschte, Wohle im Südoschte, Villmerge im Süde, Händschike im Weschte und Otmarsinge im Nordweschte.
Gschicht Bearbeite
S erschti Mol taucht s Dorf in ere Urkund us em Johr 1179 uf. In eme Schutzbrief vom Papscht Alexander III. für s Chloscher Muri wird Totinchon gnennt. Wo d Herre vo Tottikon im 13. Johrhundert in d Innerschwiiz abgwandert sind, hei si ihre Bsitz an d Habsburger verchauft. Im 1415 hei d Eidgnosse de Aargau erobert und Dottike isch en Teil vo de Freie Ämter, ere gmeine Herrschaft worde.
Im März 1798 sind d Franzose in d Schwiiz iimarschiirt und hei di Helvetisch Republik usgruefe. Dottike isch zum Kanton Bade cho und bi sinere Uflösig im 1803 zum noie Kanton Aargau.
Weblink Bearbeite
Commons: Dottike – Sammlig vo Multimediadateie- Di offizielli Website vo de Gmeind Dottike
- Anton Wohler: Dottikon In: Historisches Lexikon vo dr Schwiiz.
Fuessnoote Bearbeite
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
