Hägglige

Hägglige
Basisdate
Staat:	Schwiiz
Kanton:	Aargau (AG)
Bezirk:	Brämgarte
BFS-Nr.:	4068
Poschtleitzahl:	5607
Koordinate:	661432 / 249020Koordinate: 47° 23′ 21″ N, 8° 15′ 8″ O; CH1903: 661432 / 249020
Höchi:	473 m ü. M.
Flächi:	7.73 km²
Iiwohner:	2437 (31. Dezämber 2020)
Website:	www.haegglingen.ch
	Hägglige, vo Oschte här gsee
Charte

Hägglige (amtlech Hägglingen) isch e Gmeind im Bezirk Brämgarte im Kanton Aargau.

GeografiiBearbeite

S Dorf ligt am öschtliche Rand vom Bünztaal am Wagerain. Öppe en Kilometer östlech vom Dorfzäntrum isch d Wasserscheidi zwüschem Bünztaal und em Rüüsstaal. Öppe anderhalb Kilometer nördlich vom Dorf ligt der Wiiler Igelweid (508 Meter über Meer), im Taal zwüschem Maiegrüen un em Ringlisbärg (551 m ü. M.), und zwe Kilometer südöschtlech drvo dr Wiiler Rüti (510 m ü. M.).

D Nochbergmeinde vo Hägglige sind Mägewil un Wooleschwil im Norde, Tägerig im Nordoschte, Niderwil im Oschte, Woole im Süde, Dottike im Weschte un Otmisinge im Nordweschte.

Ufem Bärg Maiegrüen, em höchschte Punkt im Gmeindbann mit 589 m ü. M., wo au Hochwacht heisst, isch en Uussichtsdurm.

Im Lorewald liit en grosse Schteiblock, dr Loreschtei. Das isch e Gletscherfindling us Diorit. Dr Gletscher het en i dr Yschzyt us de Alpe dohi brocht. Im Wald am Südrand vom Gmeindbiet, ufem Rothübel, liit en andere grosse Findling, dr Wolfhüslistei, e Felsblock us Aaregranit.

GschichtBearbeite

Am 26. April 1798 isch es uf der Höchi vo Ämmet bi Rüti zumene Gfächt zwüsche französische Druppe und de Eidgnosse, vor allem Zuger und Freiämter, cho. As Gfächt bi Hägglige erinneret es Dänkmol uf em Hügel, s Ämmetchrüüz.

Am Rand vom Waldstück Saalhau stoot sit em Joor 1947 es Dänkmol füre Brueder Chlaus.

GebäuBearbeite

D Chile Sankt Michael vo Hägglinge isch eini vo de eltischte, wo me gchönnt im Freiamt. Si isch im Joor 1036 inere Urkunde erwäänt, wo se dr Graf Ulrich von Länzbig dermit em Choorheereschtift vo Möischter gschänkt het.