Dr Gross Sankt Bärnhard Bass
|
Dä Artikel behandlet dr Gross-Sankt-Bärnhard-Bass, d Stroossedunnel Gross-Sankt-Bärnhard findet me under Grosser-Sankt-Bernhard-Tunnel. |
| Grosser St. Bernhard | |||||
|---|---|---|---|---|---|
 Hospiz uf em Grosse St. Bärnhard | |||||
| Himmelsrichtig | Nord | Süd | |||
| Passhöhe | 2.469 m | ||||
| Region | Wallis, Schwiiz | Augschdtaal, Italie | |||
| Wasserscheide | Dranse d’Entremont → Dranse → Rhone | Dora Baltea → Po | |||
| Daalort | Sembrancher | Aosta | |||
| Usbau | Bassstrooss |  Strada Statale 27 del Gran San Bernardo
| |||
| Baut | 1905 | ||||
| Wintersperri | Oktober–Mai | ||||
| Gebirg | Walliser Alpe | ||||
| Profil | |||||
| Bärgwärtig | HC | HC | |||
| Ø-Stiigig | 5,9 % (1752 m / 32 km) | 6,2 % (1878 m / 24,4 km) | |||
| Charte |  | ||||
| Koordinate | 579288 / 79855 | ||||
Dr Grooss Sankt Bärnhard (it. Colle del Gran San Bernardo, fr. Col du Grand Saint-Bernard, frankoprovenzalisch Col di Gran-Sèn-Bernar) isch e Bass in de Walliser Alpe.
Dr Pass verbindet s Roonedaal im Schwiizer Kanton Wallis mit em Aostadaal und dr italiänische Region Piemont. Er het d Höchi vo 2.469 Meter über Meer.
Dr Bass isch scho in dr Zit vom römische Riich eine vo de wichdigste Übergäng gsi und uf dr Basshöchi isch e Tämpel gstande, wo dr Gott Poeninus verehrt worden isch. Dr erscht, wo dr Bass erwäänt, isch dr Julius Caesar gsi. Ass au dr Hannibal d Alpe do überquert haig, wie me früener mängmol gsäit hed, haltet mä hüte für unwohrschiinlig.
Im Middelalter isch e grosse Pilgerwääg vo Ängland und Frankrych uf Rom über dä Bärg ggange. Dr Ärzbischof Sigerich vo Canterbury het dr Bass i sym Reisepricht ane 994 erwäänt. Um 1050 het dr Bärnhard vo Aosta uf dr Basshöchi s Hospiz uf em Grosse Sankt Bärnhard gründet, wo em Bass si Name gee het. Do het mä d Hunderasse Bernhardiner as Rettigshund für d Suechi noch Lawine-Opfer züchtet und vor allem dur e Barry, wo meh as vierzig Mensche s Läbe grettet söll ha, wältwit bekannt worden isch. Am 14. Mai 1800 het do dr Napoléon Bonaparte d Alpe uf sim Zug uf Italie überquert. Underwägs hed är im letschde Dorf vor em Bärg, z Sankt Petersburg, no einisch übernachdet.
Vo 1940 bis in d 1990er Johr het dr Bass dr südwestlig Begränzigspunkt vom Schwiizer Reduit bildet, d Zuefahrtswäg uf dr Schwiizer Site si dorum mit Gländhinderniss und Sperrene gege potenzielli Aagrifer gsicheret gsi und hai zuesätzlig dur Artillerii chönne gsperrt wärde.
1905 isch e befahrbari Strooss fertig baut worde. Langi Zit het mä nume im Summer über e Bass chönne. Sit 1964 wird d Strecki s ganze Johr dur e 5,85 km langi Grooss-Sankt-Bärnhard-Dunnel abkürzt.
Gallerii
ändere-
Strooss ufe Bass uf dr Südsiite -
-
Dr See uf dr Basshööchi, äne dra d Hüüser bi dr Landesgränze
Weblingg
ändere
Commons: Grosser Sankt Bernhard – Sammlig vo Multimediadateie- Nathalie Pichard Sardet: Grosser Sankt Bernhard (Pass). In: Historisches Lexikon vo dr Schwiiz.
- Geografischi Lag
- Steigigsverheltniss us Richtig Sembrancher
- Steigigsverheltniss us Richtig Aostadaal
