Ibach (Schwarzwald)
Ibach isch di chleinsti selbständigi Gmeind im Landchreis Waldshüet z Bade-Württeberg.
| Wappe | Dütschlandcharte | |
|---|---|---|
|
| |
| Basisdate | ||
| Dialekt: | Hochalemannisch | |
| Hauptvariante: | Alemannisch | |
| Regionalvariante: | Hotzewälderisch | |
| Bundesland: | Bade-Württebärg | |
| Regierigsbezirk: | Fryburg | |
| Landchreis: | Waldshuet | |
| Höchi: | 964 m ü. NHN | |
| Flächi: | 21,4 km² | |
| Iiwohner: |
347 (31. Dez. 2022)[1] | |
| Bevölkerigsdichti: | 16 Iiwohner je km² | |
| Poschtleitzahl: | 79837 | |
| Vorwahl: | 07672 | |
| Kfz-Chennzeiche: | WT | |
| Gmeischlüssel: | 08 3 37 059 | |
| Adress vo dr Gmeiverwaltig: |
Oberibach 6 79837 Ibach | |
| Webpräsenz: | ||
| Burgermeischter: | Helmut Kaiser | |
| Lag vo dr Gmei Ibach im Landchreis Waldshuet | ||
 | ||
| Dialäkt: Markgräflerisch (Lörrach) |
D Gmeind ghört zum Gmeindeverwaltigsverband St. Blasie mit Sitz z St. Blasie.
Lag
ändereIbach, als Erholigsort staatlig aerkännt, litt zwüsche St. Blasie und Todtmoos im Hotzewald un im Naturpark Südschwarzwald. D Gmeind litt uff 870 bis 1215 Meter i me wite Dal, wo in de letschte Yszit vom Fäldberggletscher gformt worre isch.
Über 65 % vo de Gmeindeflächi bstönn uss Wald.
D Gmeind gränzt im Norde an Bernau, im Oste an d Stadt St. Blasie und Dachsberg, im Süde an Gerbel und im Weste an Todtmoos.
Gmeindegliiderig
ändereZu de Gmeind Ibach ghöre d Dörfer Ober- und Underibach, d Wyler Müeterslehe, s Ghöft Lindau und s Hus Ibachersägi. Im Gmeindegebiet litt d Wiestig Neuezäll.
Wahle
ändereErgebnis vo dr Landdagswahle sit 2006:[2]
| Johr | CDU | SPD | FDP | Griene | Linke1 | AfD | Sonschtige |
| 2016 | 45,8 % | 5,8 % | 3,2 % | 34,8 % | 1,3 % | 7,1 % | 1,9 % |
| 2011 | 56 % | 19 % | 2,2 % | 19,6 % | 1,6 % | 1,6 % | |
| 2006 | 66,7 % | 12,2 % | 5,4 % | 10,9 % | 3,4 % | 1,4 % |
1 2006: WASG, sit 2011: Die Linke
Wirtschaft
ändereE asässigs Undernehme isch s Blockbandsäg- und Hobelwerch Kaiser z Müeterslehe.
Überregional bekannt isch Ibach aber durch de „Hotzeblitz“ worre: Ab 1989 isch z Ibach under de Leitig vom Thomas Albiez und in Zämmearbet mit me Schwizer Rännwagekonstrukteur de Hotzeblitz 2000 (eigetlig EL SPORT) entwickelt worre, e hochinnovativs Elektro-Lychtfahrzüg. Produziert isch's bi Simson (Suhl) worre. D Firma isch 1996 Konkurs gange, wyl d Banke nit gnüeg Gäld für e Seriefertigung gha hän. D Namesrächt sin vo me private Konsortium erworbe worre, mit em Zyl vo-n-re Widderuffnahm vo de Produktion.
Sit 1995 wird z Ibach vo de Firma COMminiCATION in Einzelfertigung de „Evergreen“ baut, no mol e innovativs Elektro-Lychtfahrzüg uff Basis vom „Mini“.
Tourismus
ändereDurch di relativ schneesicher Lag isch fast s ganz Johr Tourismussaison. Im Winder isch s wyt Hochdal e Paradys für Langläufer, d Fründ vom alpine Windersport chömme am Dalrand uff ihri Koste. Im Summer ziehe di usdehnte Wälder und chleini Hochmoor mit sältene Dier und Pflanze Nadurfründ a.
Bruuchtum
ändereÄndi Juli, noch em Heuet, fyred me z Ibach s Heugeißfeschd.
Weblink
ändere
Commons: Ibach (Schwarzwald) – Sammlig vo Multimediadateie- www.ibach-schwarzwald.de Offiziälli Internetsite
Fueßnote
ändere- ↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
- ↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)
