Winkel ZH
| S ZH im Lemma isch s offiziell Chürzel vom Kanton Züri und wird bruucht, zum Verwächslige mit Yträäg vom Name Winkel vermyde, wo öppis anders meined. |
Winkel (früener au Winkel bi Büüli) isch e politischi Gmäind im Bezirk Büüli im Kanton Züri, Schwiiz.
| Winkel | |
|---|---|
 | |
| Basisdate | |
| Staat: | Schwiiz |
| Kanton: | Züri (ZH) |
| Bezirk: | Büüli |
| BFS-Nr.: | 0072 |
| Poschtleitzahl: | 8185 |
| Koordinate: | 684042 / 260790 |
| Höchi: | 450 m ü. M. |
| Flächi: | 8.16 km² |
| Iiwohner: | 4648 (31. Dezämber 2020)[1] |
| Website: | www.winkel.ch |
 Winkel | |
| Charte | |
  | |
GeografiiBearbeite
Winkel liit im Züri-Underland am Tättebèèrg. Zue de Gmäind ghööred d Döörffer Winkel, Rüüti und Seeb; bis 1917 isch au na Eschemose debii gsii, wo jetz zu Büüli ghöört. Drum händ d Lüüt i de Gmäind de Spruch gsäit: Rüüti, Winkel, Eschemose schiissed mitenand i d Hose.[2]
S Piet vo de Gmäind umfasst 44 % landwirtschaftlichi Flèchi, 27,5 % Wald, 10,6 % Sidligsflèchi, 10,9 % Vercheersflèchi und 0,5 % Gwässerflèchi.[3]
GschichtBearbeite
Winkel chunt zum eerschte Maal im Jaar 1044 in eren Urkunde voor, wo d Reed isch vo äim de Winkele. Gwont hät me deet aber scho früener: Weschtlich vo Seeb liit en röömische Guetshoof, wo mer i de 1960er-Jaar uusggrabe hät. Hüt isch dèè e beliebts Uusflugsziil.
IiwonerBearbeite
BevölkerigsentwickligBearbeite
Quälle: Bundesamt für Statistik 2005[4]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iiwooner | 751 | 796 | 738 | 704 | 723 | 621 | 607 | 510 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iiwooner | 488 | 504 | 520 | 704 | 1089 | 2028 | 2313 | 3317 |
De Ussländeraatäil liit bi 13,1 % (Stand 2011).[3]
ReligionBearbeite
41,5 % vo de Iiwooner sind evangelisch-reformiert, 24,9 % sind römisch-katholisch (Stand 2011).[3]
TieläktBearbeite
De züritüütsch Tieläkt vo Winkel ghöört zu de Underländer Mundarte.
PolitikBearbeite
Gmäindspresidänt isch de Marcel Nötzli (SVP, Stand 2018). Oortsparteie gits vo der SVP, der FDP und der EVP.
WirtschaftBearbeite
D Lüüt, wo z Winkel wonet, schaffed hauptsächli anderschwoo. Vil sind Piloote und schaffed bi de Swiss.
D Arbetsloosigkäit isch im Jaar 2010 bi 2,9 % gläge.[3]
Lüüt, wo wichtig sind für WinkelBearbeite
- Johannes Meyer-Rusca (1851–1936), en Sideninduschtrielle und Kantons- und Gmäindspolitiker.
LiteraturBearbeite
- Hermann Fietz: Die Kunstdenkmäler des Kantons Zürich. Band II: Die Bezirke Bülach, Dielsdorf, Hinwil, Horgen und Meilen (= Kunstdenkmäler der Schweiz. Band 15). Hrsg. von der Gesellschaft für Schweizerische Kunstgeschichte GSK. Bern 1943. DNB 365803049.
- Ueli Müller: Winkel ZH. In: Historisches Lexikon vo dr Schwiiz.
- Hans Peter Treichler: Winkel. Drei Dörfer – eine Geschichte. Hrsg. von der Gemeinde Winkel. bm druck ag, Winkel 2013, ISBN 978-3-033-04298-8.
- Andreas Zürcher: Seeb. In: Historisches Lexikon vo dr Schwiiz.
WeblinkBearbeite
Commons: Winkel ZH – Sammlig vo MultimediadateieFuessnoteBearbeite
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2020. Bei späteren Gemeindefusionen Einwohnerzahlen aufgrund Stand 2020 zusammengefasst. Abruf am 17. November 2021
- ↑ Das wäiss na äine vo syne Groseltere, wo z Seeb gwont händ.
- ↑ 3,0 3,1 3,2 3,3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
