Wolodymyr Selenskyj
Dr Wolodymyr Oleksandrowytsch Selenskyj (ukràinisch Володимир Олександрович Зеленський [ʋoloˈdɪmɪr olekˈsɑndrowɪdʒ zeˈlɛnʲsʲkɪj]; * 25. Janner 1978 z’ Krywyj Rih, Ukràinischa SSR, Sowjetunion) ìsch a ukràinischer Politiker un ehamààliger Schàuispììler, Filmproduzänt un Farnsahmoderàtoor. Sitter Mai 2019 ìsch’r dr Presidànt vu dr Ukràina.
_(cropped).jpg)
| Dialäkt: Mìlhüüserdiitsch |
Dr Selenskyj schtàmmt vun’ra rüssischschproochiga jìddischa Fàmìlia. Ar hàt a Àbschluss vu da Rachtswìssaschàfta bschtànda un hàt d’rnooh a Kàrriar àls Komiker ààgfànga. Ànna 2003 hàt’r d’ Produkzioonsfirma Studio Kwartal 95 grìnda, wo Filma un Farnsahsandunga produziart. Vu 2015 bis 2019 hàt’r d’ Hàuiptrolla ìn dr Farnsahseria „Dianer vum Volk“ (Sluha narodu) gschpìelt, wo-n-a groosser Ärfolg ìn dr Ukràina ghàà hàt. Ìm März 2018 hann Mìtàrwaiter vu Kwartal 95 a politischa Pàrtäi grìnda mìt’m gliicha Nàmma wia d’ Seria. Siina Bewarwung fìr d’ ukràinischa Presidàntschàftswàhl vu 2019 hàt dr Selenskyj àm Oowa vum 31. Dezamber 2018 verkìndet, grààd wu dr Presidànt Petro Poroschenko àm Farnsah a Reed zem Näijoohr hàt düa hàlta. Àls Kàndidààt hàt’r sìch àls Bìrgerschrack un Beschtaachungsbekampfer vorgschtällt un hàt ìmmer mehr Wàhlàbsìchta bikumma. Àn dr zwaita Wààhlrunda hàt’r dr Poroschenko mìt 73,23 Prozant vu da iigaawena Schtìmma gschlààga.
Àls Presidànt hàt dr Zelensky a Àrt vun „eläktroonischer Regiarung“ befäärdert, so wia d’ Ainhait zwìscha dr ukràinisch- un rüssischschproochiga Beväälkerung vum Lànd.[1] Fìr kommuniziara düet’r hüüfig d’ soziààla Nätzwarker, bsunders Instagram, nutza.[1] Kurz noh siinera Àmtsiifiahrung àls Presidànt hàt siina Pàrtäi d’ vorgezoogana Pàrlàmantswààhl gwunna. Àls Presidant hàt’r gaaga d’ Beschtaachung ìm Lànd kampft un hàt müassa mit dr COVID-19-Pandemii un iira Folga umgoo.
Obwohl’r versüacht hàt, mìt’m rüssischa Presidànt Wladimir Putin z’ reeda, sìnn àb 2021 d’ Beziihunga zwìscha da baida Lander noch gschpànnter worra, un àb Hornung 2022 hàt Rüsslànd dr Ààgrìffskriag geega d’ Ukràina gfiahrt. Noh-n-em Ààfàng vum Kriag hàt dr Selenskyj s’ Schtàndracht ìn dr Ukràina un a generààla Mobilmàchung verkìndet. Waga siinera Fiahrung wahrend dr Kriisa ìsch’r waltwitt globt worra un gìlt àls Sìmbool vu dr ukràinischa Wììderschtànd.[2][3] Noh mehrera Mainungsumfrooga wìrd dr Selenskyj vu dr aigena Beväälkerung àls ainer vu da bediitendschta ukràinischa Presidanta ààgluegt.[4][5][6][7]
LìteràtüürBearbeite
- Wolodymyr Selenskyj. In: Brockhüüs Enzüklopädii. Brockhüüs (brockhaus.de [abgerufen am 22. September 2022]).
- Zelenskij, Vladimir Aleksandrovič. In: Enciclopedia Treccani. Istituto della Enciclopedia Italiana fondata da Giovanni Treccani S.p.A. (italienisch, treccani.it [abgerufen am 22. September 2022]).
- Volodymyr Zelensky. In: Encyclopædia Britannica. Encyclopædia Britannica, Inc. (britisches Englisch, britannica.com [abgerufen am 22. September 2022]).
- André Härtel: Die Ukraine unter Präsident Selenskyj – Entwicklung hin zum »populistischen Autoritarismus«? Stiftung Wissenschaft und Politik, SWP-Aktuell 2022/A 09, 4. Hornung 2022, doi:10.18449/2022A09.
- Régis Genté, Stéphane Siohan: Wolodymyr Selenskyj – Geburt eines Helden. Vum frànzeescha-n-ìwwersätzt vu dr Andrea Roux un dr Aurelia Zanetti. edition gai saber, Züri 2022, ISBN 978-3-907320-19-8.
- Sergii Rudenko: Selenskyj. Eine politische Biografie. Üss’m Ukràinischa-n-ìwwersätzt vu dr Beatrix Kersten un dr Jutta Lindekugel. Hanser, Mìncha 2022, ISBN 978-3-446-27576-8.
WeblìnksBearbeite
Commons: Wolodymyr Selenskyj – Sammlig vo Multimediadateie- Wolodymyr Selenskyj im Munzinger-Archiv, abgruefen am 23. Septämber 2022
- Wolodymyr Selenskyj in dr Internet Movie Database (änglisch)
AinzelnoohwiisaBearbeite
- ↑ 1,0 1,1 Joanna Hosa, Andrew Wilson: Zelensky Unchained: What Ukraine's New Political Order Means For Its Future. European Council on Foreign Relations, 25. September 2019, archiviert vom Original am 9. März 2022; abgruefen am 22. September 2022 (änglisch).
- ↑ Frank Ledwidge: Ukraine war: what are Russia's strategic aims and how effectively are they achieving them? In: The Conversation. 3. März 2022, archiviert vom Original am 4. März 2022; abgruefen am 3. März 2022 (änglisch).
- ↑ The courage of Ukraine's unlikely wartime leader. In: Financial Times. 15. März 2022, archiviert vom Original am 17. März 2022; abgruefen am 15. März 2022.
- ↑ Українці визначилися з "найкращим президентом" в історії країни - Рейтинг. In: LIGA. 18. Mai 2020, abgruefen am 10. August 2020 (russisch).
- ↑ Як змінювався рівень довіри та підтримки Зеленського та його попередників (оновлено). In: Слово і Діло. Abgruefen am 11. Mai 2022 (ukrainisch).
- ↑ Оцінка президентів: найбільше довіряють Зеленському, найкращим вважають Кучму. In: Українська правда. Abgruefen am 11. Mai 2022 (ukrainisch).
- ↑ Історія президентів України в семи актах - Центр спільних дій. In: Сentreua. 1. Dezember 2021, abgruefen am 13. Mai 2022 (ukrainisch).
|
Dä Artikel basiert uff ere fräie Übersetzig vu dere Version vum Artikel „Volodymyr_Zelenskyy“ vu de änglische Wikipedia. E Liste vu de Autore un Versione isch do z finde. |