Hauptmenü ufmache

GeografiBearbeite

Bäuch ligt westlich vo Soledurn. Witeri Nochbergmeinde si Söuze im Weschte, Lommiswiu im Nordweschte, Oberdorf im Norde, Längedorf im Nordoschte und Biberischt im üsserschte Südoschte. Im Süde gränzt Bäuch a d Aare, änedra isch Lüsslige. Dr Name Bäuch stoht zur Fasnachtszyt sogar am Ortsigangsschild.

D Gmeindsflächi umfasst 50,6 % langwirtschaftlichi Flächi, 14,6 % Waud, 30,4 % Sidligsflächi und 4,4 % suschtigi Flächi.[2]

GschichtBearbeite

D Gägend isch scho sit öppe drütusig Jor besidlet, die erschti urkundlechi Erwänig isch aber ersch 1294 as Bella gsi (1307 Bellacho). Uf ere Charte us em Jor 1822 gset me, dass Gebiet denn no zu Bäuch ghört hei, wo hüt zu Soloturn ghöre.

Dr Bäucher Weiher het früecher zur Isversorgig vor Schtatt Solothurn dient. Hüt schtot er unter Naturschutz. Bäuch isch als Dorf no immer sehr aktiv, obwohl Solothurn grad näbedra isch.

BevöukerigBearbeite

Quälle: Bundesamt für Statistik 2005[3]

Johr 1850 1860 1870 1880 1888 1900 1910 1920
Iiwohner 686 629 697 736 736 964 1063 1138
Johr 1930 1941 1950 1960 1970 1980 1990 2000
Iiwohner 1289 1377 1606 2319 3871 4361 5079 5027

De Uusländeraateil isch 2010 bi 26,3 % gläge.[2]

ReligionBearbeite

32,6 % vo dr Iiwooner si im Johr 2000 evangelisch-reformiert gsii, 38,3 % römisch-katholisch.[2]

PolitikBearbeite

Bi dr Nationalrootswaale 2011 hät s das Ergebnis gää:[2] BDP 5,1 %, CVP 15,4 %, EDU 0,6 %, EVP 1,1 %, FDP 18,4 %, GLP 3,2 %, GP 7,0 %, SP 16,8 %, SVP 30,2 %, Suschtigi 2,3 %.

Gmeindspresidänt isch dr Martin Blaser (Stand 2012).

WirtschaftBearbeite

D Bäucher Wirtschaft isch lang vo de Landwirtschaft prägt gsi, auerdings si d Äcker immer wider überschwemmt worde, ersch sit de zwoite Korektur vo de Juragwässer got s besser. No hüt gits z Bäuch mereri Bure. Bis i d Füfzgerjor vom letschte Jorhundert het s e erfoulrichi Bouelewäberei gä, 1969 isch de Betrib igschtöut worde. Aus sich d Ureindustri und d Isebane sich vergrösseret hei, si me Arbeiter nach Bäuch cho. I däre Zit si vüu Betrib gründet worde, die meischte gits aber hüt nümm. Hüt gits mereri, au grösseri Betrib, vor auem im Industrisektor. Entlang vo de Bieustros gits vüu Autogarage und im Dorf hets mereri Läde.

D Arbetslosigkeit isch im Johr 2011 bi 3,1 % gläge.[2]

VerkehrBearbeite

Bäuch isch guet a öffentlich Verkehr mit der Linie 2 und 3 vor BSU a Solothurn agschlosse. Die beide Bus fahre jewils jedi 30 Minute, und sind ab Bäuch Franziskanerhof zum ene 15 Minute Takt zämegschlosse. Zuedem gits e Bahnhof, wo im 20/40 Takt e Regionalzug nach Solothurn und Biel fahrt. Au für Autofahrer isch dlag ideal, da d Autobahnifahrt Solothurn Wescht ned mal 2 km vom Ortschärn wäg isch. Sit Autobahn off isch, hets Bäuch weniger Durchgangsvercher, was dr Ort attraktiver gmacht het.

WappeBearbeite

Uf em Wappe gset me uf blauem Hingergrund e rächsstigende Schimmu mit zerrisnige Flügu.

Sproch und DialäktBearbeite

Bi dr Voukszellig 2000 hei vo dr 5027 Iiwohner 83,4 % Dütsch aus Hauptsproch aagää, 0,9 % Französisch, 4,2 % Italienisch und 11,5 % angeri Sproche.[2]

Dr hochalemannisch Dialäkt vo Bäuch ghört zue dr Dialäkt vo dr Region Soledurn, wo ähnlich si zum Bärndütsch.

Bekannti Persönlichkeite vo BäuchBearbeite

WeblinkBearbeite

  Commons: Bellach – Sammlig vo Multimediadateie

FuessnoteBearbeite