FC Augsburg

Dialäkt: Bärndütsch

Der FC Augsburg (offiziell Fuessball-Club Augsburg 1907 e. V., churz FCA) isch e dütsche Sportverein.

FC Augsburg
Ganze Name	Fußball-Club Augsburg 1907 e. V.
Ort	Augsburg, Bayern
Gründet	8. August 1907
Vereinsfarbe	Rot, Grüen, Wyss
Stadion	WWK-Arena
Plätz	30.660
Präsident	Markus Krapf
Geschäftsfüehrig	Michael Ströll
Trainer	Jess Thorup
Homepage	fcaugsburg.de
Liga	Bundesliga
2023/24	11. Platz
Heim Uuswärts Alternativ

Der Verein isch im Jahr 1969 us der Fusion vom BC Augsburg, wo am 8. Ouguscht 1907 under em Name FC Alemannia gründet worden isch, mit der Lizänzspiilerabteilig vom TSV Schwaben Augsburg entstande. Der Club gliideret sech i Houptverein Fuessball-Club Augsburg 1907 e. V., di usglagereti Profifuessballabteilig Fuessball-Club Augsburg 1907 GmbH & Co. KGaA sowi di usglagereti Skiabteilig Ski- u Bärgfründe vom FCA e. V. D Vereinsfarbe sy Rot, Grüen u Wyss. Uf em Vereinslogo isch e Zirbelnuss abbildet, die isch em Stadtwappe entno worde. Zu de bekanntischte Persönlechkeite vom Verein zelle d Trainer Max Merkel, Thomas Tuchel u Armin Veh u d Spiiler Ulrich Biesinger, Karl-Heinz Riedler, Bernd Schuster u Helmut Haller. Als gröschten Erfolg vo der Vereinsgschicht gilt der Ufstig i d Bundesliga im Jahr 2011 u der Yzug i d Europa League im Jahr 2015.

Di erschti Mannschaft vom FCA spiilt syt der Saison 2011/12 i der Bundesliga u beleit i dere Ewige Tabälle der Platz 28. Di zwöiti Mannschaft spiilt i der Regionalliga Bayern. Es exischtiert ou e Frouen- u e Junioreabteilig sowi ne Traditionsmannschaft. Di erschti Mannschaft treit ihri Heimspiil i der WWK-Arena us. Di wytere Spiilorte vom FCA sy ds Rosenoustadion u d Bezirkssportalag Poul Renz. Der FCA het rund 16.000 Duurchartebsitzer u 24.706 Mitgliider.

Gschicht

1907-1909: Gründig u Afäng

Es Mannschaftsfoto vom FC Alemannia us em Jahr 1907

Am Afang vom 20. Jahrhundert het z Augsburg mit em MTV Augsburg bereits e Verein mit ere grosse Fuessballabteilig exischtiert. TV steit für Turnverein. Turne het zum Volkssport ghört u Fuessball isch zu derzyt no sehr starch belächlet worde. Um überhoupt chönne Fuessball z spile, het me vilfach under em Deckmandel vo mene Turnverein Fuessball gspilt. Der MTV Augsburg isch 1889 vo ehemalige Mitgliider vom TV Augsburg gründet worden u het syni Spil im Augsburger Galgetal im hütige Stadtteil Chriegshaber ustereit.

D Spil vom Verein hei knapp 30 Persone so fescht begeischteret, dass si am 8. Ouguscht 1907, am Tag vom Augsburger Hohen Friedensfescht, mit em Fuessball-Club Alemannia der erschti Vorgängerverein vom hütige FCA gründet hei. Zum Vorsitzende vom Verein isch der Fritz Käferlein gwählt worde. Der Mitgliiderbytrag isch uf 30 Pfennig feschtgsetzt worde. D Spil sy zersch emal am Nordrand vom Grosse Exerzierplatz z Augsburg-Oberhuuse ustreit worde. D Spilerchleidig het us em ne wysse Hemli u ere schwerze Hose bestande. Ds erschte Spil het am 20. Ouguscht 1907 stattgfunde.
Am 4. Februar 1908 isch i der Stadt der FC Augsburg gründet worde. Dä Verein het der Name vom hütige FCA treit. D Alemanne hei i däm Jahr Spil gäge verschideni Augsburger Vereine ustreit. Si sy allerdings jedesmal chancelos gsi. E 0-27 Pleite gäge TV Augsburg isch du als di höchschti Niderlag i di no jungi Vereinsgschicht ygange.

1909-1914: Vor em Erschte Wältchrieg

Saison	Liga	Äbeni	Platz	Kader
1910/11	B-Klass Donaugou	II
1911/12	B-Klass Donaugou	II
1912/13	B-Klass Donaugou	III	1
1913/14	B-Klass Donaugau	III

Afangs 1909 het d Militärbehörtde der Spilbetriib uf em Grosse Exerzierplatz verbotte. Uf das abe hei sech d Alemanne a Magischter vo Stadt Augsburg gwändet, mit der Bitt ihne es Spilgländ zue z wyse. Die Bitt isch aber erscht emal abglehnt worde u zwar am 4. Mai 1909. Da so e Spilstätt gfählt het, hei innerhalb vo de folgende Wuche zahlrychi Spiler der vereint verla. Me isch zu zwunge gsi am 11. Mai 1909 e userordentlechi Versammlig z yberüefe. Under der Leitig vom Martin Mahler, em Josef Kammer u em Xaver Kraus het me beschlosse, sech em TV Oberhuusen azschliesse u isch vo denn a under em Name Spielabteilig Turnverein Oberhuuse aträtte. D Sportplatzfrag isch dermit glöst gsi. D Spil sy uf der Wyse vom hütige Stadtteil Bärechäller ustreit worde. Am 25. Septämber 1909 het me beschlosse, in Zuekunft nümm i wysse, sondern i helblaue Trikos ufzloufe. Am 12. Oktober 1909 isch der neu Platz a der Gerschthoferstrass ygweiht worde, uf däm het d Spilabteilig vo jitz a ihri Spil ustreit. Im folgende Jahr het d Spilabteilig der Punktespilbetriib uf gno u het erschtmals i der zwöitklassigi B-Klass Donaugou gstartet.

I der Saison 1912/13 het d Spilapteilig mit der Meischterschaft i der B-Klass Donaugou ihre erscht Titel chönne fyre, sy aber i de Ufstigsspil am TG Münche gscheiteret.

Am 28. Juli 1914 isch d Spilabteilig em Dütsche Fuessball-Bund byträte.

1914-1918: Der Erschti Wältchrieg

Saison	Liga	Äbeni	Platz	Kader
1914/15	kei reguläre Spilbetriib
1915/16
1916/17
1917/18

Der Erschti Wältchrieg het vo 1914 bis 1918 duuret. Derby sy 22 Mitgliider vom TVO a der Front gstorbe.

Im Jahr 1915 het me z Augsburg e "Gouchriegsmeischterschaft" ustreit. Bi dere het der TVO gäge TV Gögginge u gäge d KSG MTV/SV Augsburg gwunne u gäge FC Augsburg verlohre. Im Jahr 1916 isch es Turiner mit em Name Ysige Fuessball ustreit worde. Bi däm het sech der TVO i der Augsburger Gruppe nid chönne düre setze. Im Jahr 1917 het me z Donaugou e "Gouchriegsmeischterschaft" ustreit. Bi däm Turnier het der TVO zersch d Früehligsrundi u später de ou d Herbschtrundi gwunne. Im Jahr 1918 het der TVO als Verträter vo Donaugou im Halbfinal vo der "Oberkreismeischterschaft" gäge FC Bayern Münche als Verträter vo Oberbayern verlore.

1918-1921: Nach em Erschte Wältchrieg

Saison	Liga	Äbeni	Platz	Kader
1918/19	kei reguläre Spiilbetriib
1919/20	A-Klass Schwabe	II	1
1920/21	Kreisliga Südbayern	I	9

Im Jahr 1919 het der TV Oberhuuse mit em TV Augsburg II fusioniert. Im Rahme vo dere fusion het sech d Spiilmannschaft vom Turnverein Oberhuuse umbenennt. Si hei neu der Name Ballspiil-Club Augsburg treit. Vorlöifig het dä Name no der Zuesatz im Turnverein gründet 1871 gha. Denn isch erschtmals ou e Jugendabteilig gründet worde. Im Septämber het sech der BCA i der Augsburger Qualifikationsrundi für d Kreisliga Südbayern nid chönne düre setze u het i der Saison 1919/20 i der A-Klass Schwabe müesse starte.

1921-1939: Vor em Zwöite Wältchrieg

Saison	Liga	Äbeni	Platz	Kader
1921/22	Kreisliga Südbayern II	I	7
1922/23	Befähigungsliga Südbayern	II	2
1923/24	Kreisliga Schwabe	II	4
1924/25	Kreisliga Schwabe	II	4
1925/26	Kreisliga Schwabe	II	2
1926/27	Kreisliga Schwabe	II	3
1927/28	Kreisliga Schwabe	II	1
1928/29	Kreisliga Schwabe	II	1
1929/30	Kreisliga Schwabe	II	2
1930/31	Kreisliga Schwabe	II	3
1931/32	Kreisliga Schwabe	II	1
1932/33	Kreisliga Schwabe	II	1
1933/34	Bezirksklass Schwabe	II	1
1934/35	Gouliga Bayern	I	7
1935/36	Gouliga Bayern	I	5
1936/37	Gouliga Bayern	I	5
1937/38	Gouliga Bayern	I	6
1938/39	Gouliga Bayern	I	8

Am 30. Ouguscht 1921 het under der Leitig vom Ludwig Hillenbrand i der Gaststätt “Höchs Meer” e Usserordendlechi Mitgliiderversammlig stattgfunde. Bi dere het me beschlosse das me sech vom TSV 1871 Augsburg wott trenne. Der neu Name für e Verein het du BC Augsburg glutet. Ds Vereinslokal isch ab dere Zyt d Gaschtstett “Glych” gsi. I der Saison 1921/22 het em BCA mit em Hans Lang e wichtige Spiiler gfählt. Der Hans Lang isch zu Saisonbeginn zur SpVgg Fürth gwächslet. Us däm grund isch der Verein am Ändi vo dere Saison i di Südbayrischi Befähigungsliga abgstige.

Im Jahr 1924 het der BCA als eine vo de erschte Vereine z Schwabe e Schüelerabteilig gründet. Eis Jahr später het me du mit em SV Schwabe fusioniert wo sech im Jahr vorhär vom TV 1847 Augsburg abgspalte het, u mit em SSC Augsburg, dä wo sech 1908 als FC Augsburg het gründet gha u isch zu SSV Schwabe Augsburg worde.

Ab em 1. Mai 1927 isch der Hans Semmler als erschte houptamtleche Trainer vom BCA ygstellt worde. Sy Ufgabebereich het zu dere Zyt no d Resäve-, d Jugend- u d Schüelermannschafte umfasst. Der Semmler het der BCA i dere Spilzyt 1927/28 u 1928/29 jewyle zu men ne Meischtertitel i der Kreisliga Schwabe gfüehrt. Der Verein isch aber i beidne Jahr a der Ufstiigsrundi gschyteret.

D Saison 1931/32 het der BCA mit nur eire Niiderlag wider uf em erschte Tabälleplatz beändet. Ds 25-jährige Vereinsjubiläum im Summer het me ufgrund vo der höche Arbeitslosigkeit under de Mitgliider nid gfyret. Ou i der folgende Saison isch der BCA Meischter vo der Kreisliga Schwabe worde u hätti sech zum erschte mal syt 1922 für di höcheri Spiilklass qualifiziert. Da me aber im Summer 1933 ds Ligasystem wäg der Machtergriffig vo de Nationalsozialischte Umstrukturiet het, isch em Verein der Ufstiig wider verwehrt blibe. I der Saison 1933/34 der erschte nach der Yfüehrig vo der Gouliga, als höchsti Spiilklass, het der BCA i der zwöitklassige Bezirksklass Schwabe müesse starte. Am Ändi vo der Saison het der Verein d Meischterschaft chönne fyre u sliesslech i d Gouliga Bayern chönne ufstyge. Nachdäm der BCA i der folgende Saison dür ne starchi Rückrundi doch no der Klassenerhalt gschaft het, het sech der Verein im Summer 1935 em SV Chriegshaber em ne alte Rivale agschlosse, was d Stellig vom BCA z Augsburg nachhaltig gstercht het.

Im Jahr 1938 het sech der TSV Stadtbach äbefalls am BCA agschlosse.

1939-1945: Der Zwöiti Wältchrieg

Saison	Liga	Äbeni	Platz	Kader
1939/40	Gouliga Bayern	I	2
1940/41	Gouliga Bayern	I	3
1941/42	Gouliga Bayern	I	6
1942/43	Gouliga Südbayern	I	2
1943/44	Gouliga Südbayern	I	2
1944/45	Gouklass Schwabe	I	-

Nach däm der Zwöiti Wältchrieg agfange het, het sech der BC Augsburg u der SSV Schwabe Augsburg z erscht zu nere Chriegssportgmeinschaft zämegschlosse. Die isch allerdings am 18. Novämber 1939 zwangsufglöst worde, sodass der Ärnst Lehrer, der Star vom bishärige Stadtrivale, nume zu wenig Ysätz im Triko vom BCA isch cho. Trotzdäm het der BC Augsburg am 10. Dezämber 1939 dür ne 2:1-Siig gäge Jahn Rägesburg z erschtemal i der Vereinsgschicht d Tabällefüehrig i der Gouliga Bayern chönne übernäh. Am Ändi vo der Saison isch der Verein Vizemeischter worde hinder em 1. FC Nürnbärg. I der folgende Saison het der BCA ou gäge später Meischter TSV 1860 Münche mit em ne 5:4 besygt u het am Ändi vo der Saison der dritti Tabälleplatz beleit.
Im Jahr 1941 isch dür d Fusion vom TV 1847 Augsburg mit em SSV Schwabe Augsburg zum TSV Schwaben Augsburg het’s z Augsburg e neue Verein gä. Dä het sech i de folgende Jahr zum bedütenschte Lokalrivale vom BCA entwicklet. Im Louf vo der Saison 1941/42 sy zahlrychi BCA-Spiiler im Chrieg gfalle. I der folgende Saison het me d Gouliga Bayern chriegsbedingt in e Nord- u ne Südstafflen ufteilt, was em BCA zur Vizemeischterschaft i der Gouliga Südbayern hinder de Münchner Löwe verholfe het.

I der Saison 1943/44 het der BCA u d Poscht-SG Augsburg d Chriegsspiilgmeinschaft BC/Poscht Augsburg bildet, da’s beidne Vereine ufgrund vom Chrieg a Spiiler gmanglet het. D KSG het da derby der Platz vo der BCA i der Gouliga Südbayern übernoh. Am Ändi vo der Saison isch der KSG, dür e Torschützechönig Stürmer Willy Dzirastek, Vizemeischter hinder em FC Bayern Münche worde, wo si i der Rückrundi mit 5:2 besiigt hei. Zur folgende Saison isch d Gouliga Bayern chriegsbedingt wider ufteilt worde. D KSG isch i der Gouklass Schwabe, eini vo insgesamt sächs Stafflene, aträte u het gäge Lokalrivale Schwaben Augsburg um d Meischterschaft kämpft. Die Saison isch ufgrund vo de Umständ i der Ändphase vom Zwöite Wältchrieg abbroche worde.

1945-1969: Nach em Zwöite Wältchrieg

Saison	Liga	Äbeni	Platz	Kader
1945/46	Oberliga Süd	I	8
1946/47	Oberliga Süd	I	17
1947/48	Landesliga Südbayern	II	1
1948/49	Oberliga Süd	I	14
1949/50	Oberliga Süd	I	11
1950/51	Oberliga Süd	I	16
1951/52	II. Division Süd	II	2
1952/53	Oberliga Süd	I	10
1953/54	Oberliga Süd	I	12
1954/55	Oberliga Süd	I	7
1955/56	Oberliga Süd	I	11
1956/57	Oberliga Süd	I	13
1957/58	Oberliga Süd	l	12
1958/59	Oberliga Süd	l	15
1959/60	ll. Division Süd	II	6
1960/61	II. Division Süd	II	1
1961/62	Oberliga Süd	I	11
1962/63	Oberliga Süd	I	16
1963/64	Regionalliga Süd	II	19
1964/65	1. Amateurliga Bayern	III	2
1965/66	1. Amateurliga Bayern	III	1
1966/67	Regionalliga Süd	II	16
1967/68	1. Amateurliga Bayern	III	16
1968/69	1. Amateurliga Bayern	III	2

Nach em Ändi vom Zwöite Wäldchrieg isch d Chriegsspiilgmeinschaft mit der Poscht-SG Augsburg wider ufglöst worde. I der Saison 1945/46 der erschte nach der Yfüehrig vo den Oberlige als neui höchsti Spiilklass, het der BCA i der Oberliga Süd gstartet u het d Saison uf em achte Tabälleplatz beändet. Am 29. Septämber 1946 isch ds neu bouene BCA-Stadion z Oberhuuse eröffnet worde. Da derby het’s sech’s um nes Fuessballstadion mit ere Holztribüni, me het ihm Chegelbahn gseit, u es het e Kapazität vo 20.000 Plätz. Ds derzueghörige Vereinslokal het d bezeichnig Gifthütte übercho.Ds erschte Spil im neue Stadion het der BCA gäge VfB Stuttgart mit 2:4 verlore. Am Ändi vo der Saison 1946/47 het der Verein der Tabälleplatz 17 beleit u isch i di zwöitklassigi Bayernliga Süd abgstige.

I der folgende Saison isch der BCA i der Bayernliga Süd Meischter worde u het der diräckti Verglich mit em Meischter vo der Bayernliga Süd, em 1. FC 01 Bambärg, di bayrischi Meischterschaft errunge. So isch em Verein der sofortig Widerufstig i d Oberliga Süd glunge.
D Saison 1950/51 het der BCA uf em Tabälleplatz 16 beändet u isch i di II. Divison Süd abgstige. Im Jahr 1951 het der Verien allerdings der bayerischi Pokal gwunne. I däm Jahr hei z erschten u z einzige Mal ou Nid-Amateurvereine dörfe teilnäh. Am 16. Septämber 1951 isch du ds neu bouene Rosenoustadion im Augsburger Antonsviertel eröffnet worde. Bi däm Stadion het’s sech’s um nes klassisches Fuessballstadion mit Loufbahn ghandlet. Es het e Kapazität vo 31.000 Plätz gha. Am Ändi vo der Saison het der BCA der zwöiti Tabälleplatz beleit u het dür das nomal der sofortig Widerufstig i d Oberliga Süd gschaft.

I der Saison 1958/59 het der BCA trotz de starche leischtige vom Helmuet Haller, wo im Septämber vo däm Jahr sys Debü i der Nationalmannschaft het ghä, nur der 15. Tabälleplatz erreicht u isch so wider i di II. Division Süd abgstige.

Zwöi Jahr später isch der BCA i der II. Division Süd Meischter worden u isch wider i d Oberliga Süd ufgstige.

I der Saison 1962/63 het im BCA der Helmuet Haller gfählt, dä isch im Summer als erschte dütsche Fuessballer nach Italie zum FC Bologna gwächslet. Darum het der BCA d Saison uf em 16. Tabälleplatz beändet u isch i d Regionalliga Süd abgstige wo di II. Division als zwöithöchsti Spilklass ablöst het. I der folgende Saison het der Verein der Tabälleplatz 19 beleit u isch i di drittklassigi Bayernliga düregreicht worde.

I der Saison 1964/65 isch der BCA Vizemeischter i der Bayernliga worde. Im Jahr druuf het der Verein d Meischterschaft chönne fyre u isch wider i d Regionalliga Süd ufgstige.

D Saison 1966/67 het der Verein uf em Tabälleplatz 16 beändet u isch wider i d Bayernliga abgstige.

Zwöi Jahr Später isch der BCA wider Vizemeischter i der Bayernliga u het so ganz knapp der Ufstig i di zwöitklassigi Regionalliga Süd verpasst.

1969-1979: Us der dritte i di zwöiti Liga

Saison	Liga	Äbeni	Platz	Kader
1969/70	1. Amateurliga Bayern	III	4
1970/71	1. Amateurliga Bayern	III	3
1971/72	1. Amateurliga Bayern	III	8
1972/73	1. Amateurliga Bayern	III	1
1973/74	Regionalliga Süd	II	1
1974/75	2. Bundesliga Süd	II	12
1975/76	2. Bundesliga Süd	II	15
1976/77	2. Bundesliga Süd	II	9
1977/78	2. Bundesliga Süd	II	14
1978/79	2. Bundesliga Süd	II	18

Am 15. Juli 1969 het der BCA mit der Lizänzspiler-Abteilig vom Lokalrivale Schwabe Augsburg fusioniert da’s syt der Yfüehrig vo der Bundesliga als eigleisigi höchschti Spilklass 1963 ‘s unmüglech gschune het, für d Stadt Augsburg zwee Vereine z füehre u i der höchere Fluessballklass z etabliere. Der neui Club het der Name Fuessball-Club Augsburg 1907 übercho. Di wyter bestehendi Amateurfuessball-Abteilig vo de Schwabe het sech verpflichtet e Ufstig i Profifuessball für d Zuekunft uszschliesse.

I der Saison 1972/73 het der FCA d Meischterschaft i der Bayernliga chönne fyre u isch i d Regionalliga Süd ufgstige. I der folgende Saison isch du Helmuet Haller wo sech mittlerwile zum Wältstar gmuschteret het zrügg a Lech cho. Das het z Augsburg e Fuesballbegeischterig usglöst wi’s no keini het gä u isch zum Gsicht vom neue FCA worde. Völlig überraschend het der Regionalliga-Neuling FCA am Ändi vo der Saison der Meischtertitel gholt u isch ersch a der Ufstigsrundi zur Bundesliga gscheiteret. Im folgende Jahr isch der Verein drum i der Südstaffle vo der 2. Bundesliga gstartet. D Regionalliga isch nämlech dür di 2. Bundesliga als zwöithöchschti Spilklass abglöst worde.

D Saison 1978/79 het der FCA uf em Tabälleplatz 18 beändet u isch i di drittklassigi Bayernliga abgstige.

1979-2000: Us der zwöite i di vierti Liga

Saison	Liga	Äbeni	Platz	Kader
1979/80	Bayernliga	III	1
1980/81	2. Bundesliga Süd	II	18
1981/82	Bayernliga	III	1
1982/83	2. Bundesliga	II	17
1983/84	Bayernliga	III	7
1984/85	Bayernliga	III	2
1985/86	Bayernliga	III	3
1986/87	Bayernliga	III	6
1987/88	Bayernliga	III	6
1988/89	Bayernliga	III	4
1989/90	Bayernliga	III	3
1990/91	Bayernliga	III	8
1991/92	Bayernliga	III	4
1992/93	Bayernliga	III	6
1993/94	Bayernliga	III	1
1994/95	Regionalliga Süd	III	9
1995/96	Regionalliga Süd	III	11
1996/97	Regionalliga Süd	III	11
1997/98	Regionalliga Süd	III	10
1998/99	Regionalliga Süd	III	14
1999/00	Regionalliga Süd	III	8

Uf der diräckt Widerufstiig i der Saison 1979/80 isch du der erneuti Abstig 1980/81 gfolgt. I der folgende Saison isch der FCA wider Meischter vo der Bayernliga worde u het sech i der Ufstigsrundi düre gsetzt. So isch me i di, inzwüsche eigleisigi 2. Bundesliga ufgstige. Doch ou i der Saison 1982/83 het me d Klass nid chönne halte u isch i di drittklassigi Bayernliga abgstige.

I der Saison 1984/85 isch der FCA Vizemeischter vo der Bayernliga worden u het sech dür das für di dütschi Amateurmeischterschaft qualifiziert.

Zwöi Jahr später het der Verein i der 1. Rundi vom DFB-Pokal müesse gäge ewig Rival 1860 München aträte. Si hei ne dür ne 5:1 Erfolg i d Schranke wyse. I der 2. Rundi het der FCA der Hamburger SV im Rosenoustadion empfange. Me het zwar nach em ne kämpferische Uftritt mit 1:2 verlohre, aber das Spil isch trotzdäm i d Fuessball-Gschichtsbüecher y gange. Da der HSV Goli Uli Stei di roti Charte het gseh, nachdäm är de Augsburger Fans, wo ihn vorhär provoziert hei, der Stingkfinger zeigt het.

I der Saison 1990/91 hei d A-Juniore mit em Trainer Heiner Schuhme der Gwinn vom DFB-Juniore-Vereinspokal chönne fyre. Dä Titel hei si i der folgende Saison chönne verteidige. I der Saison 1992/93 hei d A-Juniore der Final um di dütschi Meischterschaft vo de A-Juniore vor 12.000 Zueschouer mit em ne 3:1 Sig gäge 1. FC Kaiserslautern im Roseinoustadion chönne fyre. I der folgende Saison het di erschti Mannschaft d Meischterschaft i der Bayernliga gholt, het aber i der Ufstigsrundi der Ufstig i di 2. Bundesliga verpasst. D A-Juniore het erneut der DFB-Juniore-Vereinspokal gwunnen u hei dä du i der Saison 1994/95 ou wider chönne verteidige.

I der Saison 1999/2000 isch der FCA uf em achte Platz vo der Regionalliga Süd glandet. D Regionalliga Süd het 1994 d Bayernliga als di dritthöchschti Spilklass abglöst. Dür e achti Platz hätti sech der FCA für di vo jitz a zwöigleisigi Regionalliga, Gruppe Süd, qualifiziert. Der DFB het em Verein nach em Rückzug vo sym Houtsponsor d Lizänz für di neui Saison verweigeret. Der Grund isch gsi das der Verein wägem Rückzug vom Houptsponsor di finanzielle Kriterie für d Lizänz nid erfüllt het. So isch der FCA i di viertklassigi Bayernliga abgstige.

2000-2011: Us der Bayernliga i d Bundesliga

Saison	Liga	Äbeni	Platz	Kader
2000/01	Bayernliga	IV	4
2001/02	Bayernliga	IV	1
2002/03	Regionalliga Süd	III	3
2003/04	Regionalliga Süd	III	4
2004/05	Regionalliga Süd	III	4
2005/06	Regionalliga Süd	III	1
2006/07	2. Bundesliga	II	7
2007/08	2. Bundesliga	II	14
2008/09	2. Bundesliga	II	11
2009/10	2. Bundesliga	II	3
2010/11	2. Bundesliga	II	2

Im Jahr 2000 het dür e Ystig von ere Inveschtoregruppe rundum e ehemalig Textilundernähmer Walther Seinsch, dür das das är ds Presidänteamt vom FCA überno het, di wirtschaftlechi Sanierig vom FCA agfange. I der Saison 2001/02 isch der Verein i der Bayernliga Meischter worde u het der Widerufstig i di drittklassigi Regionalliga Süd gschaft.

I der Saison 2004/05 isch der FCA churz vor em Ufstig i di 2. Bundesliga gsi. Zur Rückkehr i Profifuessball nach 22 Jahr Abstinänz het em Verein no ei Sig am letschte Spiltag gäge Jahn Rägesburg gfählt, doch d Gescht hei i de Schlussminute e 1:0 Füehrig vom FCA i ne 1:2 Niderlag dräjt. Das Spil gilt als di bitterschti Niderlag i der jüngschte Vereinsgschicht. I der folgende Saison het der FCA schliesslech d Meischterschaft i der Regionalliga Süd chönne fyre u isch nach 23 Jahr us em Amateurfuessball wider i di 2. Bundesliga ufgstige. Der Profifuessball-Spilbetriib isch uf das abe i ne GmbH & Co. KGaA usglageret worde. Under em neue Manager Andreas Rettig isch der Club i de folgende Jahr dütlech professionalisiert worde.
Am 26. Juli 2009 isch di neui boueni Augsburg Arena, dennzumal under em Name impuls arena, zwüsche de Stadtteile Gögginge u Universitätsviertel eröffnet worde. Bi däm Stadion het sech’s um ne moderni Fuessballarena ghandlet, si het e Kapazität vo 30.660 Plätz gha. Ds Eröffnigsspil het der FCA gägen e Schwaben-Uswahl mit 2:0 gwunne. I der erschte Saison im neue Stadion isch der Verein under em Trainer Jos Luhukay dür ne 2:0 Sig im Viertelfinal gäge der Bundesligischt 1. FC Köln z erschtmal i syre Vereinsgschicht i Halbfinal vom DFB-Pokal yzoge. Der Halbfinal het der FCA gäge Werder Breme mit 0:2 verlore. Am Ändi vo der Saison het der Verein der dritti Platz vo der 2. Bundesliga erreicht. Ds Relegationsspil um e Ufstig gäge der 1. FC Nürnbärg hei du du aber verlore.

I der folgende Saison het der FCA am 33. Spiltag gäge der FSV Frankfurt erneut d Chance uf e Ufstig gha. D Gescht sy früech i Füehrig gange. Dür e Michael Thurk het me no vor der Halbsytpouse der Usglychsträffer gschosse. Für d Entscheidig het der Stephan Hain i der 85. Spilminute gsorget. Är het mit sym 2:1 Träffer em Verein zum erschtmalige Ufstig i d Bundesliga verhulfe. Der Ufstig isch als der bis lang gröschti Erfolg i d Vereinsgschicht ygange.

2011-2020 D Etablierig i der Bundesliga

Saison	Liga	Äbeni	Platz	Kader
2011/12	Bundesliga	I	14	Kader
2012/13	Bundesliga	I	15	Kader
2013/14	Bundesliga	I	8	Kader
2014/15	Bundesliga	I	5	Kader
2015/16	Bundesliga	I	12	Kader
2016/17	Bundesliga	I	13	Kader
2017/18	Bundesliga	I	12	Kader
2018/19	Bundesliga	I	15	Kader
2019/20	Bundesliga	I	15	Kader
2020/21	Bundesliga	I	13	Kader
2021/22	Bundesliga	I	14	Kader
2022/23	Bundesliga	I	15	Kader
2023/24	Bundesliga	I	11	Kader

I der Saison 2011/12 het der FC Augsburg zum erstemal i der Bundesliga gspilt. Ds erschte Bundesliga-Spil i der Vereinsgschicht het der FCA am 6. Ouguscht 2011 gäge SC Freiburg absolviert. Ds Spil het 2:2 gändet. Der Sascha Mölders het denn sys erschte Bundesliga-Gol für e FCA gschosse. Uf der erschti Sig im Oberhuus het der Verein de aber bis zum nüünte Spiltag müesse warte. Der Jan-Ingwer Callsen-Bracker het i däm Spil gäge 1. FSV Mainz 05 i der 88. Spilminute per Penalti der 1:0 Sigträffer erziilt. Im DFB-Pokal isch der FCA im Achtelfinal gege d TSG 1899 Hoffeheim mit em ne 1:2 usgschide. Nach der Bundesliga Hiirundi het der Verein der Tabälleplatz 17 beleit, so het em Verein der Abstiig drot.

Wäret der Winterpouse het der Manager Andreas Rettig agchündiget, dass är der FCA im Summer wird verla. I der Rückrundi isch d Mannschaft under anderem dür e Mittelfäldspiler Koo Ja-cheol verstercht worde. Dä het zäme mit em Daniel Baier u em Hajime Hosogai wo der FCA vo Leverkuse usglehnt het gah, zum Erfolg vom Verein bytreit. Dür nes 0:0 Unentschide am 33. Spiiltag gäge Borussia Mönchegladbach het sech der Verein schliesslech der Klassenerhalt gsicheret. Nach em Abschluss vo der Saison het der Trainer Jos Luhukay ganz überraschend sy Rücktritt erchlärt. Lut de Mediebrichte syg der Grund gsi das der Nachfolger vom Rettig, der Manfred Paula, d Vertragsverlengerige mit em Co-Trainer vom Luhukay verzögeret het u ohni Absprach mit em Trainer am Transfermarkt isch tätig worde.

I der Saison 2012/13 het der Markus Weinzierl der Trainerposchte über no. Bereits im Herbscht isch der Manager Manfred Paula dur e Jürgen Rollmee ersetzt worde. Der Paula het i Nachwuchsbereich gwächslet. Im Achtelfinal vom DFB-Pokal isch der FCA uf e FC Bayern Münche troffe u nach ere 0:2 Niderlag usgschide. D Bundesliga Hiirundi het der Verein mit nur nüün Punkt erneut uf em 17. Tabälleplatz beändet. Wäg däm het der Jürgen Rollme müesse gah u isch dür e Stefan Reuter ersetzt worde. Uf das abe het der Weinzierl, wo i sym Amt het dörfe blybe, di bishärigi Spilwys um gstellt u het für d Rückrundi uf e Offensivfuessball gsetzt. Der Reuter het i der Winterpouse der André Hahn verpflichtet u der Ji Dong-won vom AFC Sunderland usglehnt. Die beide sy di neue Lieschtigsträger im Offensivfuessball worde. Ou der Goli Alexander Manninger u der Spilmacher Daniel Baier hei e starchi Rückrundi gspilt. Grad bi de Letschte beide hätti me das nid für müglech ghalte. So het der FCA am letschte Spiiltag mit em ne e 3:1 Sig gäge d SpVgg Greuther Fürth wider ganz überraschen der diräckti Klassenerhalt chönne fyre. I däm Jahr het z erschte mal nur zwöi diräckti Abstiigsplätz u ei Relegationsplatz gä. Der Relegationsplatz isch der 16. Tabälleplatz u ds Relegationsspil wird em ne Hii- u em ne Rückspiil gäge d Mannschaft wo i der 2. Bundesliga der 3. Tabälleplatz erreicht het ustreit. Di nüün Punkt us der Hiirundi het e Minusrekort für nes Tam wo nid abegstigen isch bedütet. D Usbüti i der Rückrundi het de aber am Europacapaschpirant entsproche.

I der folgende Saison sy d Augsburger im Mittelfäld mit em Halil Altıntop u em Kevin Vogt verstercht worde. Zäme mit em Daniel Baier, André Hahn u em Tobias Werner sy si d Stütze vom neue Augsburger Erfolg gsi u hei di spiilerischi Entwicklig vo der Vorsaison wyter gfüehrt. Ou d Viererchetti vom FCA mit em Käpten Poul Verhaegh, em Jan-Ingwer Callsen-Bracker, em Ragnar Klavan u em Matthias Ostrzolek isch fasch ohni Rotation us cho. Im Achtelfinal vom DFB-Pokal isch me wider uf e FC Bayern Münche troffe u wider mit em ne 0:2 usgschide. Di guet harmonierendi Mannschaft vom FCA het i der Winterpouse u ou nach Abschluss vo der Saison der achti Tabälleplatz beleit u het nach zwöi Jahr Abstigskampf bis zum letschte Spiltag d Chance uf e Yzug i d UEFA Europa League gha. I der Rückrundi het der FCA soger als erschti Mannschaft i der Saison Bayern Münche mit em ne 1:0 gschlage. Der Poul Verhaegh, der Hong Jeong-ho u der Ji Dong-won sy mit der Nominierig zur Wältmeischterschaft 2014 für die erfolgrychi Saison belohnt worde.

Im Juli 2014 isch ds neu bouene Nachwuchsleischtigszäntrum ygweiht worde, das het rund 2,5 Mio. Euro gchostet. Der Brandschutz het ds Unternähme Chlous Hofmee für ei Million Euro gspändet. I der Saison 2014/15 het der FC Augsburg grad drei Stammspiler müesse ersetze. Die hei wäg ihrer guete Leischtige Begehrlechkeite bi andere Vereine gweckt. Der Top Torschütze André Hahn het zu Borussia Mönchegladbach gwächslet, der Matthias Ostrzolek zum Hamburger SV u der Kevin Vogt isch zum 1. FC Köln gange. D Medie hei em Verein desedwäge e schwecheri Rolle für die Saison zuegschribe. Zur glyche Zyt het der FCA aber der Lingsverteidiger Abdul Rahman Baba sowi der Mittelfäldspiler Markus Feulner u der Dominik Kohr usglehnt vo Bayer Leverkuse chönne verpflichte. Die drei Spiler hei i der neue Saison di tragendi Rolle sölle übernäh.

Näbe de Neuzuegäng u de bewährte Leischtigsträger hei ou der Goli Marwin Hitz u der neu Torjeger Raúl Bobadilla überzüügt, sodass der FCA zwar i der 1. Rundi vom DFB-Pokal gäge Viertligischt 1. FC Magdeburg nach em ne 0:1 usgschide sy, aber i der Bundesliga zwüschezytlech bis uf de dritti Rang ufekläteret sy u schliesslech uf em sächste Tabälleplatz überwinteret het. Im Dezämber 2014 het der Presidänt Walther Seinsch sys Amt im Verein nidergleit, nach däm är bereits im Ouguscht syni Inveschtitionsateile a FCA verchouft het gha. Sy Nachfolger isch der Klaus Hofmee worde. I der Winderpouse het me der Mittelfäldspiler Pierre Emile Højbjerg vom FC Bayern Münche usglehnt. I der Rückrundi vo dere Saison het der überraschend 1:0-Siig gäge Dütsch Meischter Bayern Münche der Wäg Richtig Europapokal gäbnet. Nach em ne 3:1 am letschte Spiltag gäge Borussia Mönchegladbach het der FCA d Saison uf em füfte Tabälleplatz beändet u het sech dür das zum erschtemal i der Vereinsgschicht für d Europa League qualifiziert. Bereits ei Wuche vorhär isch d Qualifikation feschtgstande, doch d Augsburger hei sech no vor e FC Schalke 04 gschobe u hei sech so der einzig sicher Platz für d Gruppephase gsicheret.

Zur Saison 2015/16 het der Abdul Rahman Baba für ne Rekordablösesumme zum FC Chelsea gwächslet u der usglehnt Pierre Emile Højbjerg isch nach ere ou persönlech erfolgryche Habserii zu Bayern zrügg gange. Der FCA het du der Linksverteidiger Philipp Max u der Konstantinos Stafylidis sowi di offensive Mittelfäldspiler Piotr Trochowski u der Koo Ja-cheol versplichtet. Der Usglehnti Mittelfältspiler Dominik Kohr het me äbefalls gchouft. Am 17. Septämber het der FCA gäge Athletic Bilbao sys erschte Europapokalspil vo der Vereinsgschicht ustreit. Trotz em früeche Füehrigsträffer dür e Halil Altıntop het der FCA am Ändi mit 3:1 verlore. D Mannschaft u d Fans hei aber international Anerchennig für ihre Uftritt übercho. Ou ds erschte Heimspil im Europapokal het der FCA mit 1:3 gäge Partizan Belgrad verlore. Der erschti Sig i der Europa League het d Mannschaft am 3. Spiltag gäge AZ Alkmaar gholt. Der langverletzt Piotr Trochowski het per Freistoss der 1:0 Sigträffer gschosse. Es het du e wytere 4:2-Sig gäge Alkmaar gä u de e späti 2:3-Niderlag gäge Bilbao, so dass der FCA am letschte Spiltag vo der Vorrundi z Belgrad mit mindischtens 3:1 het müesse gwinne um im diräkte Verglych vom Goolverhältnis no wyter z cho. Nach ere früeche Füehrig für Belgrad het der FCA ds Spil dür d Gool vom Hong Jeong-ho, Paul Verhaegh u Raúl Bobadila no chönne dräje u het so churz vor em Ändi vom Spil für ds “Wunder vo Belgrad” gsorget. Im druuf folgende Sächzähtelfinal isch d Mannschaft gäge später Finalischt FC Liverpool knapp mit 0:0 u 0:1 usgschide. Im DFB-Pokal isch d Mannschaft gäge Borussia Dortmund mit ere 0:2 Niderlag usgschide. I der Bundesliga het der Verein nach em ne schwache Start i d Saison d wändi doch no gschafft u het d Saison uf em 12. Platz beändet. Nach vier erfolgryche Jahr het der Markus Weinzierl im Mai 2016 sy Abschid zum FC Schalke 04 mitteilt. Är het syni Zyt bim FC Augsburg mit: “Mir hei alles erreicht, was mir zäme hei chönne erreiche, jitz muess eine mit ere neue Idee u neue Visione übernäh”, kommentiert.

Sy Nachfolger isch der Dirk Schuschter worde. Im vergangene Jahr het är mit em SV Darmstadt 98 der Durchmarsch us der 3. Liga i d Bundesliga u dert der vo usse nid für müglech ghaltene Klasseerhalt gschafft. Am 14. Dezämber 2016 het me der Dirk Schuschter überraschend freigstellt. Sy Nachfolger isch der Manuel Boum worde. Der FCA het d Saison schliesslech uf em 13. Platz beändet. I der folgende Saison het sech der FCA um ei Platz verbesseret u isch Zwölfte worde.

Am 8. Spiltag vo der Saison 2018/19 isch d Mannschaft ufgrund vom 111. Geburtstag im Heimspil gäge RB Leipzig i extra agfertigete Retro-Trikos ufgloufe. D Trikos hei a ds Gründigsjahr vom FC Alemannia sölle erinnere. Sälbst der Trainer Manuel Boum isch im zytgnössische Trenchcoat a der Linie gstande. Afang April isch der Manuel Boum nach schwache Leischtigen u sibe Punkt vor em Relegationsplatz 16 u nach Usenadersetzige mit em Managemant entla worde. Under em Nachfolger Martin Schmidt het’s zwee Sige gäh, under dene het’s isch ou e 6:0-Heimsig gäge der VfB Stuttgart gsi. Das isch der bislang höchschti Augsburger Bundesligasig gsi. D Saison het der FC Augsburg uf em 14. Platz beändet. Zu däm het’s e 1:8-Niderlag gäge VfL Wolfsburg gäh. Das isch di bis dato höchschti Bundesliganiderlag vo der Vereinsgschicht gsi.

Wäret der Saison 2019/20 het der FC Augsburg nach der 0:2 Niderlag gäge FC Bayern Münche am 25. Spiltag der Trainer Martin Schmidt entla. Der FC Augsburg isch zu däm Zytpunkt uf em Tapälleplatz 14 gsi u het wäret de letsche 5 Spil nur ei Punkt gholt. Der Heiko Herrlich isch du neue Cheftrainer worde. Der Zuefall het's welle das der 25. Spiltag der letschti Spiltag isch gsi wo no mit Zueschouer und no zum vorgsehene Termin het chönne düre gfüehrt wärde. Nach däm Spiltag isch d Bundesliga wäg der Coronakrise unterbroche worden u isch ersch am 16. Mai 2020 wider wyter gfüehrt worde. Ou ds erschte Spiel nach em underbruch het der FC Augsburg mit 1:2 verlore. Wäg em Schutzkonzept vo der DFL het d Bundesliga vom 26. Spiltag a ohni Zueschouer stattgfunde. Zudäm het der Heiko Herrlich bi däm erste Spil nid am uf der Trainer Bank dörfe Platz nä, wil da är wäge Zahpaschta u Handgreme d Karantäne im Mannschaftshotel verlah het.

Syt 2020: Gägewart

Zur Saison 2020/21 isch der Kader merklech verchlyneret worde. Drizäh Spiler hei im Summer der Verein verlah, da derunder ou der langjärig Kapitän u Rekortspiler vom FCA der Daniel Baier. Im Gägezug hei d Augsburger sächs neui Spiler verpflichtet. Zum Byspil het der Verein der Rafał Gikiewicz als neue Goali under Vertrag gno, um di langersehnti Stabilität uf der Goaliposition z erreiche. Zum Start i di zähti „Jubiläumssaison“ sy em FCA dür nes 3:1 bim 1. FC Union Berlin u e mene 2:0 gäge Borussia Dortmund zum erschtemal zwöi Uftaktsige glunge syt der Bundesligazugehörigkeit.

Struktur

Fuessball-Club Augsburg 1907 e. V.

Der Fuessball-Club Augsburg 1907 e. V. isch 1969 use der Fusion vom BC Augsburg u der Lizänzspilerabteilig vom TSV Schwabe Augsburg entstande. Im Verein sy d Froue- d Junioren- u d Meitschi-Mannschafte vom FC Augsburg organisiert. Der Verein het rund 25.000 Mitgliider (Stand: 22. Septämber 2024)

Das Präsidium besteit us:

• Markus Krapf
• Raphael Brandmiller
• Jürgen Urban

Der Ufsichtsrat besteit us:

• Thomas Müller
• Gerhard Wiedemann
• Sebastian Priller
• Walter Sianos
• Manfred Ringer

Fuessball-Club Augsburg 1907 GmbH & Co. KGaA

D Fuessball-Club Augsburg 1907 GmbH & Co. KGaA isch 2005 dür d Usgliderig vo der erschte Mannschaft us em Fuessball-Club Augsburg 1907 e. V. entstande. I der Gsellschaft isch d Herre-Mannschaft vom FC Augsburg organisiert. D Kommenditaktionäre sy zu 99 Prozönt d Hofmee Investore GmbH (je 31,9 %: Chlous Hofmee u Michael Reuss, 17 %: Detlef Dinsel, 12,8 %: Marcus Höfl, 6,4 %: Thilo Sautter) u zu eim Prozänt der Fuessball-Club Augsburg 1907 e. V. Die zur Gschäftsfüehrig berächtigte u persönlech haftende Komplementärin isch di vereinseigeni FCA Beteiligungs GmbH.

D Gschäftsfüehrig besteit us:

• Michael Ströll
• Stefan Reuter (Berater)

Der Ufsichtsrat besteit us:

• Stefan Frederking
• Thilo Sautter
• Jan-Ingwer Callsen-Bracker

Ski- u Bärgfründe vom FCA e. V.

D Ski- u Bärgfründe vom FCA e. V. isch im 1990 dür d Usgliderig vo der Skiabteilig us em Fuessball-Club Augsburg 1907 e. V. entstande. Der Verein nimmt nid a sportleche Wettkämpf teil u dient usschliesslech der Gsellschaftspfleg u em besitz vo der Leo-Schindler-Hütte im Oberjoch. Der Verein het rund 120 Mitgliider.

Identität

Ds Logo

Ds Logo vom FCA i syre hütige Form isch im Jahr 2002 ygfüehrt worde u isch e Abwandlig vom traditionelle Logo, wo bereits zwüsche 1969 u 1996 verwändet isch verwändet worde. Ds Logo het d Form vo mene spanische Schild. Im obere Fälb befindet sech i roter Farb d Abchürzig vom Vereinsname “FCA”. Di beide Buechstabe F u C wärde von ere Trikolore i der Vereinsfarbe Rot, Grüen u Wyss understriche. Ds undere Fäld isch i Alehnig a ds Augsburger Stadtwappe gspalte i Rot u Wyss, druuf abbildet isch e grüeni Zirbelnuss uf em ne guldige Kapitell, drunder befindet sech ds Gründigsjahr vom Verein “1907”.

Zwüsche 1996 u 2002 isch es neu entworfnigs, runds Wappe verwändet worde. Das isch aber bi de Fans weniger beliebt gsi. Über d Zyt vo der Fusion 1969 u der Entstehig vom moderne FC Augsburg isch ds Wappe weniger bekannt gsi. Der BC Augsburg het aber syt 1921 mit mehrere Underberächnige verschideni Wappevariante verwändet. Di letschti Variante isch e blaue, rauteförmige Schild mit wysser Schrift u Zirbelnuss gsi, die isch vo Mitti de 1950er Jahr bis 1969 verwändet worde.

• Logohistorie
• 
  Wappe vom FC Alemannia 1907
• 
  Wappe vom TV Oberhuuse
• 
  elters Wappe vom BC Augsburg
• 
  elters Wappe vom BC Augsburg
• 
  Wappe vom BC Augsburg zwüsche Mitti de 1950er Jahr u de 1969
• 
  Wappe vom FC Augsburg zwüsche 1969 u 1996
• 
  Wappe vom FC Augsburg 1996/97
• 
  Wappe vom FC Augsburg vo 1997 bis 2002

D Trikos

klassisches Trikot

Nach der Fusion mit em BC Augsburg u de andere grossen Augsburger Vereine, em TSV Schwabe Augsburg, im Jahr 1969 sy d Farbe vo der Stadt Augsburg also Rot, Grüen u Wyss, als neui Vereinsfarbe feschtgleit worde. D Farbe Rot u Wyss göh uf ds Banner vom Bischof z Augsburg so wi ds Fäldzeiche vom Herzogtum z Schwabe zrügg. D Farb Grüen isch d Farb vo der Zirbelnuss, das isch ds ursprüngliche Fäldzeiche vom Römische Lager Augusta Vindelicorum gsi. Us däm isch später ds hütige Augsburg entstande.

D Vereinsfarbe spiegle sech i de Trikos wider. Als klassisches Triko gilt es Wysses Hemmli mit em ne rot-grüene Streife. Das Desing wird under anderem zur erschte Bundesliga-Saison u zur erschte Europapokal-Saison ufgriffe.

D Hymne

D Hymne vom FCA isch nach em Ufstig i di 2. Bundesliga 2006 ygsunge worde u treit der Titel Rot, Grüen, Wyss. Bi der Ufnahm het underanderem der Helmuet Haller mit gmacht. Är gilt bis hüt als der gröschti Spiler vom Verein. I de erschte beide Strophene vo der Hymne geit’s um der längi Wäg bis um “Fuessballwunder” em Widerufstig i Profifuessball. I der letschte Strophe besingt zuesätzlech e Chinderchor d Augsburger Gaschtfründschaft. D Strophe ändet mit de Wort: “Doch we der Ball im Spil isch, wird d Fahne ghisst, wil mir sy Augsburger …” uf das abe Antworte d Fähns i richtig Gäschtefähns: “U dir nid!”

Als Goalhymne wird e Instrumäntalversion vom Leid E Insle mit zwöi Bärge bruucht.

D Stadionzytig

D Stadionzytig vom FCA heisst Stadionkurier u wird vo de Fans vom Verein mitgstaltet. Är choschtet regulär ei Euro. Für d Mitgliider isch är Gratis.

D Augsburger Puppechischte

Der FCA kooperiert syt em 2009 mit em bundeswyt bekannte Marionettetheater Augsburger Puppechischte. Im Rahme vo dere Kooperation tippt der Augsburger Chasperli vor jedem Heimspil ds Ergäbnis. Zudäm überreicht der Käpten vom FCA em gägnerische Käpten astell vo mene Wimpel e jährlech wächslendi Marionette. I der Saison 2015/16 isch der Kater Mikesch ds Gschänk a d Gescht gsi. I de vorhärige Jahr isch es underandem d Urmelmarionette, der Jim Knopf u der Lukas, der Lokfüehre gsi, wo me übergäh het. Nach jedem Goal vom FCA wird d Melodie “E Insle mit zwöi Bärge” us der Vrfilmig vo Jim Knopf u Lukas der Lokfüherer ygspillt.

Josef Wagner

Bis zum Umzug i di neui Arena im Summer 2009 het der Josef Wagner wo am 21. April 2014 gstorben isch, über drü Jahrzähnt lang di manuelli Azeigetafele im Rosenoustadion bedient. Zu syre Ehr wird nach jedem Goal vom FCA i der neue Arena e Videoclip zeigt, woner d Tafele mit em neue Spilstand ufhänkt.

Persönlechkeite

Trainer

D Stadue vom Helmuet Haller

(Stand: 9. April 2019)

1927–1930	Hans Semmler	Dütsches Riich
1934–1937	Hans Semmler	Dütschs Riich
1937–1939	Conny Heidkamp	Dütschs Riich
1939–1940	Franz Schebian	Ungarn 1949 Ungarn
1940–1941	Conny Heidkamp	Dütschs Riich
1945	Karl Weber	Deutschland 1946 Dytschland
1946	Josef Pöttinger	Deutschland 1946 Dytschland
1946–1947	Karl Huiras	Deutschland 1946 Dytschland
1947–1948	Georg Ertl	Deutschland 1946 Dytschland
1948–1949	Ludwig Tretter	Deutschland 1946 Dytschland
1949–1951	Josef Pöttinger	Deutschland Dytschland
1951–1952	Karl Striebinger	Deutschland Dytschland
1952–1953	Karl Sesta	Osterreich Öschterriich
1953–1956	Hans Hipp	Deutschland Dytschland
1956–1957	Fritz Rebell	Deutschland Dytschland
1957–1959	Ärnscht Reitermaier	Osterreich Öschterriich
1959–1960	Karl Striebinger	Deutschland Dytschland
1960–1961	Robert Gebhardt	Deutschland Dytschland
1961–1963	Hans Hipp	Deutschland Dytschland
1963–1964	Karl-Heinz Spikofski	Deutschland Dytschland
1964–1967	Fritz Schollmeyer	Deutschland Dytschland
1967–1968	Kurt Helbig u Horst Bachmee	Deutschland Dytschland Deutschland Dytschland
1968–1970	Herbert Erhardt	Deutschland Dytschland
1970–1971	Georg Lechner	Deutschland Dytschland
1971	Slobodan Čendić	Jugoslawien Sozialistische Föderative Republik Jugoslawie
1971–1973	Kurt Schwarzhueber	Deutschland Dytschland
1973–1975	Milovan Beljin	Jugoslawien Sozialistische Föderative Republik Jugoslawie
1975	Volker Kottmann	Deutschland Dytschland
1975–1976	Gerd Menne	Deutschland Dytschland
1976–1977	Max Merkel	Osterreich Öschterriich
1977–1978	Werner Olk	Deutschland Dytschland
1978	Heiner Schuhmann	Deutschland Dytschland
1978	Werner Sterzik	Deutschland Dytschland
1979	Hans Cieslarczyk	Deutschland Dytschland
1979–1980	Heiner Schuhmann	Deutschland Dytschland
1980–1981	Heinz Elzner	Deutschland Dytschland
1981	Heiner Schuhmann	Deutschland Dytschland
1981–1984	Hannes Baldauf	Deutschland Dytschland
1984–1986	Paul Sauter	Deutschland Dytschland
1986–1988	Heiner Schuhmann	Deutschland Dytschland
1988–1989	Hans-Joachim Greben	Deutschland Dytschland
1989	Helmuet Haller	Deutschland Dytschland
1989	Jimmy Hartwig	Deutschland Dytschland
1989–1990	Dieter Schatzschnyder	Deutschland Dytschland
1990	Gernot Fuchs	Deutschland Dytschland
1990–1995	Armin Veh	Deutschland Dytschland
1995–1996	Karsten Wettbärg	Deutschland Dytschland
1996	Helmuet Riedl	Deutschland Dytschland
1997–1998	Hubert Müller	Deutschland Dytschland
1998	Helmuet Riedl	Deutschland Dytschland
1998–1999	Gerd Schwickert	Deutschland Dytschland
1999	Alfons Higl	Deutschland Dytschland
1999	Heiner Schuhmann	Deutschland Dytschland
2000	Hans-Jürgen Boysen	Deutschland Dytschland
2000–2002	Gino Lettieri	Italien Italie
2002–2003	Ärnscht Middendorp	Deutschland Dytschland
2003–2004	Armin Veh	Deutschland Dytschland
2004–2007	Rainer Hörgl	Deutschland Dytschland
2007–2008	Ralf Loose	Deutschland Dytschland
2008–2009	Holger Fach	Deutschland Dytschland
2009–2012	Jos Luhukay	Niederlande Niiderlande
2012–2016	Markus Weinzierl	Deutschland Dytschland
2016	Dirk Schuster	Deutschland Dytschland
2016–2019	Manuel Boum	Deutschland Dytschland
2019–2020	Martin Schmidt	Schweiz Schwiz
2020-2021	Heiko Herrlich	Deutschland Dytschland
2021-2022	Markus Weinzierl	Deutschland Dytschland
2022-2023	Enrico Maaßen	Deutschland Dytschland
2023-	Jess Thorup	Dänemark Dänemark

D Spiiler mit der Nationalität u/oder Internationale Meriten

Di nachfolgendi alphabetisch sortierti Uflistig beinhaltet ehemaligi oder aktuelli Spiiler vom FC Augsburg mit nationale u/oder internationale Title. Si erhebt aber kei Aspruch uf Vollständigkeit.

Im Verein	Spiiler	Nat.	Di Gröschte Erfolge
2016	Albina Ajeti	Kosovo Kosovo	Schwyzer Meischter 2014 u 2015
1976-1980	Raimond Aumann	Deutschland Dytschland	Wältmeischter 1990, Dütsche Meischter 1985, Dütsche Meischter 1986, Dütsche Meischter 1987, Dütsche Meischter 1989, Dütsche Meischter 1990, Dütsche Meischter 1994, Türkische Meischter 1995
2014-2015	Abdul Rahman Baba	Ghana	Vize-Afrikameischter 2015
2011-2013	Dawda Bah	Gambia	Finnische Meischter 2009 u 2010, Finnische Pokalsiger 2008
syt 2008	Daniel Baier	Deutschland Dytschland	Dütsche Meischter 2009
2012-2014	Aristide Bancé	Burkina Faso Elfebeiküschte	Finnische Meischter 2014
1952-1960 1963-1965	Urich Biesinger	Deutschland Dytschland	Wältmeischter 1954
2013-2017	Raúl Bobadilla	Argentinien Argentinie	Schwyzer Meischter 2013
2009-2012	Daniel Brinkmann	Deutschland Dytschland	Vizemeischter vo der 2. Fuessball-Bundesliga 2011 u Meischter vo der 3. Fuessball-Liga 2015
syt 2014	Caiuby	Brasilien Brasilie	Dütsche Meischter 2009
2008-2010	Wassil Chamutouski	Weißrussland Wiissrussland	Rumänische Meischter 2005, Rumänische Pokalsiger 2013, Wyssrussische Meischter 1999
2002-2004	Miguel Coulibaly	Senegal Deutschland Dytschland	WFV-Pokal-Siger 2001 u 2002
2003-2004	Daniel Damm	Deutschland Dytschland	Meischter vo der Regionalliga Süd 2007
2013-2014 2015-2019	Ji Dong-won	Korea Sud Südkorea	Dritte i der Asiatischemeischterschaft 2011, Olympia-Dritte 2012
1999	Daniel Ernemann	Deutschland Dytschland	DFB-Pokalfinalischt 2001, Vizepokalsiger im ÖFB-Samsung-Cup 2011
2014-2016	Alexander Esswein	Deutschland Dytschland	Dütsche Meischter 2009
syt 2014	Markus Feulner	Deutschland Dytschland	Dütsche Meischter 2003, Dütsche Meischter 2011
2016-2018	Marvin Fridrich	Deutschland Dytschland	Weschtdütsche Meischter U19 2014, Weschtfälepokalsiger 2014, DFB-Juniore-Vereinspokal-Finalischt 2014, U-19-Europameischter 2014
1992-1994	Frank Gerster	Deutschland Dytschland	Dütsche A-Junioremeischter 1993, DFB-Juged-Kicker-Pokal-Siger 1994, Dütsche Meischter 1997, Ligapokal-Siger 1997, DFB-Pokal-Siger 1998
1980-1981	Joachim Goldstei	Deutschland Dytschland	U-18-Fuessball-Europameischtersaft 1981
1982-1983	Roland Grahammer	Deutschland Dytschland	Olympischi Bronzemedallie 1988, Dütsche Meischter 1989, 1990, 1994, DFB-Supercup-Siger 1990, zwöite vo der B-Junioremeischterschaft 1979
2015-2018	Julian Günther-Schmidt	Deutschland Dytschland	* Meischter vo der 2. Bundesliga 2015
1948-1962 1973-1976 1978-1979	Helmuet Haller	Deutschland Dytschland	Vize-Wältmeischter 1966, WM-Dritte 1970, Italiänische Meischter 1964, Italiänische Meischter 1972, Italiänische Meischter 1973
2003-2004	Marco Haller	Deutschland Dytschland	Bayrische Toto-Pokal Siger 2014, Meischter vo der Regionalliga Bayern 2015
1993-1995	Michael Hecht	Deutschland Dytschland	Bayernliga-Meischter 1984 u 1994
2009-2010	Jens Hegeler	Deutschland Dytschland	Dütesche A-Juniore-Meischter 2007
2012-2018	Marwin Hitz	Schweiz Schwiz	Dütsche Meischter 2009
1981-1982	Chrischtian Hochstätter	Deutschland Dytschland	DFB-Pokal 1995
1974-1977	Willi Hoffmee	Deutschland Dytschland	Europapokalsiger vo de Landesmeischter 1974, Dütsche Meischter 1972, 1973, 1974
2011-2012	Hajime Hosogai	Japan Japan	Asiatischemeischter 2011, AFC-Champions-League-Siger 2007, Japanische Meischter 2006
2015	Pierre Emile Højbjerg	Dänemark Dänemark	Champions-League-Siger 2013, Klub-Wäldmeischter 2013, Dütsche Meischter 2013, Dütsche Meischter 2014
2012-2013 syt 2015	Koo Ja-cheol	Korea Sud Südkorea	Oschtasiatischemeischter 2008, Dritte bi der Asiatischemeischterschaft 2011, Zwöite bi der Meischterschaft 2010, Olympischi Bronzemedallie 2012
1986-1988	Jan Jalocha	Polen Pole	Polnische Meischter 1978, WM-Dritte 1982
2009-2013	Simon Jentzsch	Deutschland Dytschland	U-18-Vizeeuropameischter 1994
2013-2016	Hong Jeong-ho	Korea Sud Südkorea	Dritte i der Asiatischemeischterschaft 2011
1973-1981	Hans Jörg	Deutschland Dytschland	Dütsche Meischter 1973, Meischter vo der Regionalliga 1974, Länderpokal-Siger 1971
2008-2009	Francis Kioyo	Deutschland Dytschland	Afrikameischter 2002
2008-2009	Thomas Kläsener	Deutschland Dytschland	DFL-Ligapokalsiger 2005
2012-2017	Ragner Klavan	Eschtland Eschtland	Eschtnische Meischter 2003, Norwegische Meischter 2005, Holändische Meischter 2009
2005-2007	Ivan Knez	Argentinien Argentinie Schweiz Schwiz	Schwyzer Cupfinalischt 1997, Schwyzer Meischter 2002, Schwyzer Cupsiger 2002, Schwäbische Pokalsiger 2005
2006-2007	Axel Lawarée	Belgien Belgie	Öschtrrychische Meischter 2005, ÖFB-Cupfinalischt 2005
2011	Moritz Leitner	Deutschland Dytschland Osterreich Öschterriich	Dütsche Meischter 2011/12, DFB-Pokal-Siger 2011/12
2007-2008	Felix Luz	Deutschland Dytschland	DFB-Juniore-Pokalsiger 2011
2012-2016	Alexander Manninger	Osterreich Öschterriich	Änglische Meischter 1998, Italiänische Meischter 2012
1992-1994	İlhan Mansız	Türkei Türkei	A-Juniore-Meischter 1993, WM-Dritte 2002
2014-2017	Tim Matavž	Slowakei Slowakei	KNVB-Pokal 2012
1974-1978	Heinz Michallik	Deutschland Dytschland	DFB-Pokal-Siger 1973
2002-2003	Markus Miller	Deutschland Dytschland	Meischter vo der 2. Bundesliga 2007
1974-1977	Walter Modick	Deutschland Dytschland	Dütsche Meischter 1974, Europapokalsiger vo de Landesmeischter 1974, Länderpokal-Siger 1979, Meischter vo der Oberliga Bade-Württebärg 1979
2004-2009	Patrick Mölzl	Deutschland Dytschland	Dütsche B-Junioremeischter 1997
syt 2012	Jan Morávek	Tschechien Tschechie	DFL-Supercupsiger 2011
2006-2009	Lars Müller	Deutschland Dytschland	Dütsche Meischter 1996, Meischer i der Oberliga Nordoscht 2010
2007-2008	Julian Nagelsmaa	Deutschland Dytschland	Dütsche A-Jugend-Meischter 2014, Vizemeischter 2015, Meister i der Staffle Süd/Südwescht vo der U-19-Bundesliga 2014, 2015
2009-2012	Marcel Ndjeng	Kamerun Deutschland Dytschland	Zwöitligameischter 2008, Zwöitligameischter 2013
2012-2014	Andreas Ottl	Deutschland Dytschland	Dütsche Meischter 2006, 2008, 2010, DFB-Pokal-Siger 2006, 2008, 2010, DFL-Supercup-Siger 2010, Ligapokal-Siger 2007, Meischter vo der Regionalliga Süd 2004, Dütsche A-Junioremeischter 2002, 2004, Dütsche B-Junioremeischter 2001
2012-2013	Milan Petržela	Tschechien Tschechie	Tschechische Meischter 2016
2008	Patrick Platins	Deutschland Dytschland	Vizemeischter vo der 2. Bundesliga 2015, Vizemeischter vo der 3. Fuessball-Liga 2013, Weschtfalepokalsiger 2012, 2013
2008-2009	Mark Prettenthaler	Osterreich Öschterriich	Öschtrychische Pokalsiger 2010, 2011 u 2013
2004-2005	Milaim Rama	Schweiz Schwiz	Challenge League-Meischter 2010
2002-2004	Jörg Reeb	Deutschland Dytschland	Dütsche Vizemeischter 1999 u 2000
2010-2015	Dominik Reinhardt	Deutschland Dytschland	Dütsche Pokalsiger 2007
1983-1986	Karl-Heinz Riedle	Deutschland Dytschland	Wältmeischter 1990, Champions-League-Siger 1997, Vize-Europameischter 1992, Dütsche Meischter 1988, Dütsche Meischter 1995, Dütsche Meischter 1996
2003	Stefan Riess	Deutschland Dytschland	Dütsche A-Juniore-Vizemeischter 2006, 2007
1993-1994	Michael Rösele	Deutschland Dytschland	Dütsche A-Juniore Meischter 1993, 1992, DFB-Juniore-Vereinspokal-Siger 1992
1996-1997	Jürgen Rollmee	Deutschland Dytschland	Meischter vo der Oberliga Hesse 1986, DFB-Pokal Zwöite 1989 u 1990, Dütsche Pokalsiger 1991, Siger vom Europapokal vo de Pokalsiger 1992
2009	Kevin Schindler	Deutschland Dytschland	Bundesliga-Vizemeischter 2008, Bremer Pokal-Siger 2007
2004-2006	Oliver Schmidt	Deutschland Dytschland	DFB-Pokalfinalischt 1993, Hallemeischter-Siger 2000
1973-1978	Edgar Schneider	Deutschland Dytschland	DFB-Pokal 1971, Dütsche Meischter 1972 u 1973
1976-1978	Bernd Schuschter	Deutschland Dytschland	Europameischter 1980, Gwinn vom Europapokal vo de Pokalsige 1982, Spanische Meischter 1985, Spanische Meischter 1989, Spanische Meischter 1990
1986-1987 1994-1995	Roland Seitz	Deutschland Dytschland	Rhylandpokal-Siger 2010, 2011 u 2013
2008-2012	Andrew Sinkala	Sambia	Dütsche Meischter 2000, DFB-Pokal-Siger 2000, DFL-Ligapokal-Siger 1999, 2000
2012-2013	Giovanni Sio	Frankreich Frankriich Elfebeiküschte	Schwyzer-Cup-Siger 2011, Schwyzer Meischter 2014
2002-2003	Joachim Stadler	Deutschland Dytschland	DFB-Pokal 1990 u DFB-Pokal 1995, Dütsche Meischter 1991
2015-2019	Konstantinos Stafylidis	Griechenland Griecheland	Zwöite i der U-19-Europameischterschaft 2012
2004-2005	Alexander Strehmel	Deutschland Dytschland	Dütsche Mesichter 1992
2012-2014	Matthias Strohmaier	Deutschland Dytschland	Regionalliga-Meischter 2014
2007-2010	Imre Szabics	Ungarn Ungarn	Öschtrychische Meischter 2010
2007-2010	Somen Tchoyi	Kamerun	Norwegische Meischter 2008, Öschtrychische Meischter 2009, 2010
2015-2016	Piotr Trochowski	Deutschland Dytschland	Vize-Europameischter 2008, WM-Dritte 2010, Europa-League-Siger 2014, Dütsche Meischter 2003, A-Juniore-Meischter 2001, A-Juniore-Meischter 2002
2010-2017	Poul Verhaegh	Niederlande Niiderlande	U-21-Europameischter 2006, U-21-Europameischter 2007, WM-Dritte 2014
2013	Panagiotis Vlachodimus	Deutschland Dytschland	Rookie fo the Year (Griecheland) 2012, U-19-Bundesliga Meischter i der Staffle Süd/Südwescht 2010
1973-1976	Chlous Walleitner	Deutschland Dytschland	Europapokalsiger vo de Pokalsiger 1967, DFB-Pokal-Siger 1967, Berliner Pokalsiger 1970 u 1971, Meischter vo der Regionalliga Süd 1974
2006-2008	Timo Wenzel	Deutschland Dytschland	Dütsche Vizemeischter 2003, Zyprische Meischterschaft 2010, Zyprische Fuessballpokal 2011, Zyprische Supercup 2010, UI-Cup-Siger 2000, 2002

Erfolge

(Syt der Yfüehrig vo de Gouligene 1933)

Meischterschfte

• Meischter vo der 2. Liga: 1947/48, 1960/61, 1973/74
• Meischter vo der 3. Liga: 1965/66, 1972/73, 1979/80, 1981/82, 1993/94, 2005/06
• Meischter vo der 4. Liga: 2001/02

Ufstig

• Ufstig i d Fuessball Bundesliga: 2011/12
• Ufstig i di 2. Liga: 1933/34, 1947/48, 1951/52, 1960/61, 2006/07
• Ufstig i di 3. Liga: 1965/66, 1972/73, 1979/80, 1981/82, 2005/06
• Ufstig i di 4. Liga: 2001/02

Pokalsiger

• Bayrische Pokalsiger: 1950/51
• Schwäbische Pokalsiger: 1964/65, 1968/69, 1969/70, 1970/71, 1971/72, 1976/77, 1979/80, 1985/86, 1987/88, 1992/93, 1995/96, 1998/99, 2001/02

Teilnahm

• Teilnähmer am DFB-Pokal-Halbfinal: 2009/10
• Teilnähmer am der Europa League: 2015/16

Juniore-Meischterschaft

• Dütsche Meischter vo de A-Juniore: 1992/93

Juniore-Pokalsiger

• DFB-Juniore-Pokalsiger: 1990/91, 1991/92, 1993/94, 1994/95

Europapokalbilanz

Saison	Wettbewärb	Rundi	Gägner	Gsamt	Hi	Rück
2015/16	UEFA Europa League	Gruppephase	Spanien Athletic Bilbao	3:6	1:3 (A)	2:3 (H)
			Serbien FK Partizan Belgrad	4:4	1:3 (H)	3:1 (A)
			Niederlande AZ Alkmaar	5:1	1:0 (A)	4:1 (H)
		Sächzähtelfinal	England FC Liverpool	0:1	0:0 (H)	0:1 (A)

Legände: (H) – Heimspil, (A) – Uswärtsspil, (N) – neutrale Platz, (a) – Uswärtsgoalregle, (i. E.) – im Elfmeterschiesse, (n. V.) – nach Verlängerig

Gsamtbilanz: 8 Spil, 3 Sige, 1 Unendschide, 4 Niderlage, 12:12 Goal (Goaldifferenz ± 0)

Mannschafte

Erschti Mannschaft

Kader 2024/25

• Stand 3. Septämber 2024

Nummere	Name	Geburtsdatum	Nationalität	Im Klub syt	Vertrag bis
Goal
1	Finn Dahmen	27. März 1998	Deutschland Dytschland	2023	2026
22	Nediljko Labrović	10. Oktober 1999	Kroatien Kroazie	2024	2029
25	Daniel Klein	13. März 2001	Deutschland Dytschland	2021	2025
Abwehr
2	Robert Gumny	4. Juni 1988	Polen Pole	2020	2025
3	Mads Pedersen	1. Septämber 1996	Dänemark Dänemark	2019	2027
4	Reece Oxford	16. Dezämber 1998	England Ängland	2019	2025
5	Chrislain Matsima	15. Mai 2002	Frankreich Frankriich	2024	2025
6	Jeffrey Gouweleeuw (C)	10. Juli 1991	Niederlande Niiderlande	2016	2025
11	Marius Wolf	27. Mai 1995	Deutschland Dytschland	2024	2027
13	Dimitrios Giannoulis	17. Oktoober 1995	Griechenland Griecheland	2024	2028
23	Maximilian Bauer	9. Februar 2000	Deutschland Dytschland	2022	2027
31	Kevin Schlotterbeck	28. April 1997	Deutschland Dytschland	2024	2027
40	Noahkai Banks	1. Dezämber 2006	Vereinigte Staaten Vereinigti Staate	2024	2027
44	Henri Koudossou	3. Septämber 1999	Deutschland Dytschland	2020	2025
Mittelfäld
8	Elvis Rexhbeçaj	1. Novämber 1997	Deutschland Dytschland	2022	2027
10	Arne Maier	8. Jänner 1999	Deutschland Dytschland	2021	2026
14	Masaya Okugawa	14. April 1996	Japan Japan	2023	2026
16	Rubén Vargas	5. Ouguscht 1998	Schweiz Schwiz	2019	2025
17	Kristijan Jakić	14. Mai 1997	Kroatien Kroazie	2024	2028
18	Tim Breithaupt	7. Februar 2002	Deutschland Dytschland	2023	2028
19	Frank Onyeka	1. Jänner 1998	Nigeria	2024	2025
20	Alexis Claude-Maurice	6. Juni 1998	Frankreich Frankriich	2024	2027
24	Fredrik Jensen	9. Septämber 1997	Finnland Finnland	2018	2025
36	Mert Kömür	17. Juli 2005	Deutschland Dytschland	2019	2027
42	Mahmut Küçükşahin	7. April 2004	Türkei Türkei	2022	2027
Agriff
7	Yusuf Kabadayı	2. Februar 2004	Deutschland Dytschland	2024	2028
9	Samuel Essende	23. Jänner 1998	Demokratische Republik Kongo Demokratischi Republik Kongo	2024	2028
15	Steve Mounié	29. Septämber 1994	Benin	2024	2027
21	Phillip Tietz	9. Juli 1997	Deutschland Dytschland	2023	2027

Kaderveränderig i der Saison 2024/25

Zuegäng
Zytpunkt	Spiler	Der Abgäbendi Verein
Summerpouse	Samuel Essende	FC Vizela
	Dimitrios Giannoulis	Norwich City
	Yusuf Kabadayı	FC Bayern München II
	Daniel Klein	SV Sandhausen Leiändi)
	Henri Koudossou	ADO Den Haag (Leiändi)
	Nediljko Labrović	HNK Rijeka
	Nathanaël Mbuku	AS Saint-Étienne (Leiändi)
	Steve Mounié	Stade Brest
	Masaya Okugawa	Hamburger SV (Leiändi)
	Lukas Petkov	SpVgg Greuther Fürth (Leiändi)
	Keven Schlotterbeck	SC Freiburg
	Marius Wolf	SC Borussia Dortmund
Nach em Saisonstart	Alexis Claude-Maurice	vereinslos
	Chrislain Matsima	AS Monaco (Usglehnt)
	Frank Onyeka	FC Brentford (Usglehnt)

Abgäng
Zytpunkt	Spiler	Ufnähmendi Verein
Summerpouse	Dion Beljo	SK Rapid Wien (Usglehnt)
	Pep Biel	Olympiakos Piräus (Leiändi)
	Irvin Cardona	Espanyol Barcelona (Usglehnt)
	David Čolina	Vejle BK (Usglehnt)
	Ermedin Demirović	VfB Schduagert
	Lasse Günther	Karlsruher SC (Usglehnt)
	Iago	EC Bahia
	Tomáš Koubek	Vertragseändi
	Marcel Łubik	GKS Tychy (Usglehnt)
	Kevin Mbabu	FC Fulham (Leiändi)
	Sven Michel	SC Paderborn 07
	Patric Pfeiffer	BSC Young Boys Bern (Usglehnt)
Nach em Saisonstart	Niklas Dorsch	1. FC Heidenheim
	Arne Engels	Celtic Glasgow
	Nathanaël Mbuku	Dinamo Zagreb
	Lukas Petkov	SV Elversberg
	Felix Uduokhai	Beşiktaş Istanbul (Usglehnt)

Trainerteam

Name	Funktion
Jess Torup	Cheftrainer
Jacob Friis	Co-Trainer
Lars Knudsen	Co-Trainer
Imre Szabics	Co-Trainer
Marco Langer	Goulitrainer
Andreas Böimler	Reha- u Athletik-Trainer
Christian Hahn	Reha- u. Athletik-Trainer
Quirin Löppert	Reha- u. Athletik-Trainer
Frank Roßner	Reha- u. Athletik-Trainer

Management und Betreuerstab (Uuswahl)

Name	Funktion
Michael Ströll	Gschäftsfüerer
Marinko Jurendić	Sportdiräkter
Heinz Moser	Leiter Entwicklig
Philipp Dolla	Teammanager
Salvatore Belardo	Zügwart

Am 23.3.2019 spilt der FC Augsburg II gäge VfB Eichstätt.

Zwöiti Mannschaft

Kader 2024/25

• Stand: 1. August 2024

Name	Geburtsdatum	Nationalität	Bim Klub syt	Vertrag bis
Goal
Alen Kenjar	31. Mai 2004	Bosnien und Herzegowina Bosnie un Herzegowina	2023	2025
Tobias Jäger	6. Februar 2005	Deutschland Dytschland	2024	2025
Abwehr
Lukas Aigner	19. April 1996	Deutschland Dytschland	2023	2025
Noahkai Banks	1. Dezämber 2006	Vereinigte Staaten Vereinigti Staate	2024	2027
Nick Rasoulinia	28. Oktoober 2004	Deutschland Dytschland	2023	2025
Daniel Katic	26. April 2003	Kroatien Kroazie	2022	2025
David Lichtensteiger	16. April 2005	Deutschland Dytschland	2024	2025
Tobias Horn	13. Septämber 2004	Deutschland Dytschland	2023	2025
Julian Bell	10. Jänner 2003	Deutschland Dytschland	2023	2025
Kristijan Taseski	11. Oktoober 2003	Nordmazedonien Nordmazedonie	2022	2025
Jerome Scholz	19. Jänner 2005	Deutschland Dytschland	2024	2025
Mittelfäld
Dominik Lindermeir	13. Juni 2005	Deutschland Dytschland	2024	2026
Mahmut Küçükşahin	7. April 2004	Türkei Türkei	2022	2027
Simon Mühlbauer	23. Mai 2005	Deutschland Dytschland	2024	2025
Hendrik Hofgärtner (C)	17. Jänner 1996	Deutschland Dytschland	2019	2026
David Deger	13. Februar 2000	Deutschland Dytschland	2019	2026
Daniel Hausmann	12. Februar 2003	Deutschland Dytschland	2023	2025
Moritz Kaube	22. Jänner 2001	Deutschland Dytschland	2023	2025
Juan Cabrera	27. Februar 2003	Uruguay	2023	2025
Constantin Kresin	12. Dezämber 2005	Deutschland Dytschland	2024	2026
Agriff
Fynn Heinze	7. Juli 2006	Deutschland Dytschland	2024	2026
Lucas Ehrlich	2. März 2004	Deutschland Dytschland	2023	2027
Faris Moumouni	29. Jänner 2003	Deutschland Dytschland	2023	2025
Max Bachner	28. Oktoober 2005	Deutschland Dytschland	2024	2025

Trainerteam

Name	Funktion
Tobias Strobl	Cheftrainer
Stefan Aigner	Co-Trainer
Felix Kling	Co-Trainer
Tomas Tomic	Goali-Trainer
Max Englaro	Reha- u. Athletik-Trainer

Froue

Mannschaft	Liga
Froue I	Bezirksoberliga
Froue II	Kreisklass Süd

Juniore

Mannschaft	Liga
U19	U19-DFB-Nachwuchsliga
U17	U17-DFB-Nachwuchsliga
U16	Bayernliga
U15	Regionalliga Bayern
U14	NLZ-Förderliga
U13	NLZ-Förderliga
U12	Bezirksoberliga
U11	Kreisliga

Stadie

WWK Arena

Ds Rosenoustadion

Der Stadionplan vom Rosenoustadion

D Bezirkssportalag Poul Renz

WWK-Arena

→ Houptartikel: WWK-Arena

Syt em Jahr 2009 treit di erschti Mannschaft vom FCA ihri Heimspil i der neu bouene Fuessballarena us. Da derby handlet sech’s um nes reins Fuessballstadion mit ere Kapazität vo 30.660 Plätz. D Arena liegt zwüsche de Stadtteile Gönggige u Universitätsviertel.

Ds Stadion isch under em Name Augsburg Arena planet u boue worde. Nach em Verchouf vo de Rächt am Stadionname het ds Stadion vo 2009 bis 2011 impuls arena u vo 2011 bis 2015 SGL arena gheisse. Zur Zyt treit ds Stadion der Name WWK ARENA. D Fans, wo der Verchouf vo de Namensrächt abglehnt hei, bruuche für d Arena der Name Schwabestadion. D Medie bezeichne d Arena ufgrund vo der bedingigslose Ungerstützig vo de Fans als, “Anfield Road a der B17”.

Der Bou vo der Arena het im Jahr 2007 agfange u het rund 45 Millione € gchoschtet. D Chöschte het e Investoregruppe um e damalig FCA-Presidänt Walther Seinsch u der Freistaat Bayern überno, zuesätzlech het me no e Kredit vo 15 Millione € ufgno. D Stadt Augsburg het ds Grundstück zur Verfüegig gstellt u het rund 13 Millione € i di notwändigi Infrastruktur investiert. Us Choschtegründ het der FCA uf e Bou vo der planšete Glasfassade muesse verzichte. Stattdesse het me es Modäll mit belüchtbare Aluminiumrohr brüeft u zwar es Modäll von ere Stahlseil-Konstruktion u em ne Photovoltaik-Modul. Am 26. Juni 2009 isch d Arena mit em Spil zwüschem FCA u nere Uswahl vo Schwabe eröffnet worde. Ds Spiel het der FCA mit 2:0 gwunne. Im Jahr 2011 isch der FCA du ganz vo der Pflicht entbunde worde, e Fassade z boue.

Mit finanzieller Understützig vo der WWK Versicherigsgruppe het me du doch no e Fassade chönne boue u die isch im Septämber 2017 fertig worde. Die neui Ussefassaden isch es Gflächt us aluminiumloxierte Stäb. I d Fassade sy LED-Stäb u Strahler ygla, wo für d Belüüchtig soge. Syt em Septämber 2017 lüüchtet d Fassade i de Farbe: Rot, Grüen u Wyss. Nach em ne Heimsig lüüchtet d Fassade grüen.

D Arena isch ou scho Usdragigsort vo Länderspil gsi. Di dütschi Fuessballnationalmannschaft vo de Herre het dert gäge d Slowakei gspilt. Di dütschi Fuessballnationalmannschaft vo de Froue het mehreri Spil vo der U-20-Fuessball-Wältmeischterschaft vo de Froue 2010, der DFL-Supercups 2010, sowi mehreri Spil vo der Fuessball-Wältmeischterschaft vo de Froue 2011 dert ustreit.

Rosenoustadion

→ Houptartikel: Rosenoustadion

Vo 1951 bis 2009 het di erschti Mannschaft vom FCA ihri Heimspil im Rosenoustadion im Augsburger Antonsviertel ustreit. Im Momänt isch ds Rosenoustadion der Spilort vo der zwöite Mannschaft u de A-Juniore. Bim Rosenoustadion handlet sech’s um nes Mehrzwäckstadion mit Liechtathletikalag i der klassische Ellipseform mit ere Kapazität vo 28.000 Plätz.

Ds Wort “Rosenou” chunnt nid wi me würd erwarte vom Wort Rose, sondern vom Wort “Rösse”, dass isch d Bezeichnig für di ehemalige Wasserarme vo der Wertach. Ds Wort “Ou” isch d Bezeichnig für ne gfössere Uferberech vom ne Fluss wo dür wächselnds Höch- u Nidrigswasser prägt isch. Me het beidi Bezeichnige für das Gländ, wo ds Rosenoustadion druuf isch boue worde, zäme gno.
Der Bou vom Stadion het im Jahr 1949 agfange u rund 1,5 Millione DM gchostet. D Chöste het d Stadt Augsburg treit. Di Gägegradi vom Stadion isch uf em ne Trümmerbärg boue worde, später isch d Houpttribüni derzue cho. Am 16. Septämber 1951 isch ds Stadion offiziell eröffnet worde.

Ds Stadion isch Ustragigsort vo mehrere Liechtathletik-Länderkämpf, mehrere Länderspil vo der dütsche Herrefuessballnationalmannschaft, mehrere Feldhandball-Länderspil, mehrerne Spil vom Olympische Fuessballturnier 1972, zwöine dütsche Liechtathletik-Meischterschaften u eim Länderspil vo der dütsche Frouefuessballnationalmannschaft gsi. Derzue häre isch das Stadion ou Ustragigsort vom DFB Pokalfinal 1957 gsi.

Bezirkssportalag Poul Renz

→ Houptartikel: Bezirkssprotalag Poul Renz

Vo 1958 bis 2012 het di erschti Mannschaft vom FCA d Bezirkssportalag im Stadtteil Augsburg-Oberhuuse als Trainingsgländ bruucht. Zurzyt isch d Bezikssportalag Poul Renz der Spilort vo der B- bis E-Jugend sowi der Standort vom Nachwuchsleischtigszäntrum. Si isch mal der Sitz vo der Gschäftsstell gsi.

Bi der Bezirkssportalag Poul Renz handlet sechs um e Sportalag mit drei Fuessballplätz u em ne Kunstraseplatz. D Tribüni am Houptfäld het e Kapazität vo 10.000 Plätz. D Sportalag isch im Jahr 1958 unger em Name Bezirkssportalag Nord boue worde. Im Jahr 1994 isch si nach em Poul Renz benannt worde. Är isch vo 1953 bis 1990 Jugendleiter bim FCA gsi.

Wyteri Spilorte

Wyteri Spilort sy d Bezirkssportalag Karl Mögele (Froue I) u d Bezirkssportalag Süd (Froue II u d B bis D-Juniorinne). Früecher het d Jugendabteilig ou ds Ärnscht-Lehner-Stadion gnützt.

Ahänger

Zueschouer u Mitglider

Zueschouerzahle
Saison	Zueschouerschnitt	Usverchouft
2000/01	563	0
2001/02	986	0
2002/03	2.032	0
2003/04	2.791	0
2004/05	4.205	0
2005/06	4.565	0
2006/07	12.661	2
2007/08	16.223	1
2008/09	14.882	1
2009/10	17.320	1
2010/11	19.226	3
2011/12	27.611	10
2012/13	26.818	6
2013/14	27.311	6
2014/15	29.163	5
2015/16	27.356	4
2016/17	26.111	5
2017/18	26.953	3
2018/19	26.535	5

I de 1970er-Jahr löst d Rückkehr vom Helmuet Haller zum FCA der erschti grossi Zueschouerboom z Augsburg us. So het ds Regionalderby vom FCA bim TSV 1860 München i der Saison 1973/74 vor meh als 90.000 Zueschouer statt gfunde. Das gilt bis hüt als Zueschouerrekord bi mene Zwöitliga-Spil. Ds Münchner Olympiastadion isch churz nach em Apfiff vo tuusige vo Fans gstürmbt worde. da derby sy 136 Persone verletzt worde. Us der glyche Saison isch ou der Zueschouerrekord bim ne Heimspil vom FCA: Ds Spiel gäge der 1. FC Nürnbärg im Rosenoustadion hei 42.000 Zueschouer bsuecht. Im Schnitt sy i dere Saison meh als 20.000 Zueschouer zu de Heimspil vom Verein cho.

Bedingt dür di zuenähmendi Erfolglosigkeit vom FCA sy d Zueschouerzahle i de 1980er- u 1990er-Jahre dütlech zrügg gange. So het sech der Zueschouerschnitt i dere Zyt bi öppe 2.000 Zueschouer pro Spil ypändlet. Ds Finale vo der dütsche Meischterschaft vo de A-Juniore 1992/93 im Rosenoustadion isch hingäge uf grosses Inträsse gstosse. Zu däm Spil vo de FCA-Juniore sy öppe 12.000 Zueschouer cho, was zur damalige Zyt e Rekord im Jugendfuessball isch gsi.

Mit em zuenähmende Erfolg isch du ou d Zueschouerzahl i de 2000er-Jahr wider gstige: Währed i der erschte Bayernliga-Saison 2000/01 im Schnitt bi öppe 500 Zueschouer gläge wo zu de Heimspil vom Verein cho sy, sys i der erschte Regionalliga-Saison 2002/03 öppe viermal meh gsi. Bi der Ersche Saison i der 2. Bundesliga 2006/07 sys durchschnittlech meh als 12.000 Zueschouer gsi u syt em Ufstig i d Bundesliga im Jahr 2011 isch der Zueschouerschnitt jewilen zwüsche 26.000 u 30.000 Zueschouer pro Spil gsi.

Parallel zu der stygende Uslaschtig vo der Stadionkapazität het ou d Azahl vo de verchoufte Duurcharte zue gno. I der Saison 2006/07 het me öppe 6.000 Duurcharte verchouft. Für d Saison 2011/12 het me öppe 18.000 Duurcharte verchouft u für d Saison 2017/18 sy öppe 17.500 Duurcharte verchouft worde.

D Zahle vo de Mitglider stigt i de 2000er-Jahr äbefalls dütlech a. Wäret’s im Jahr 2006 rund 1000 Mitglider sy gsi, so sys du füf Jahr später rund zähmal so vil gsi. Im Septämber 2024 het der Verein 24.706 Mitglider gha.

Gruppen u Organisatione

D Fans vom FC Augsburg.

Di eltischti Fangruppe heisst Augsburger Jungs, si hei sech im Jahr 2000 gründet. Di füehrendi Ultragruppe heisst Legio Augusta, si het sech im Jahr 2007 gründet.

Mit der Szene Fuggerstadt u em M-Block-Kollektiv git’s zwöi Organisatione, wo d Zämenarbeit u der Zämehalt innerhalb vo der aktive Szene wei fördere u immer wider verschideni Aktione dürefüehre.

Fanprojekt u Augsburg Calling

Ds Augsburger Fanprojekt, wo d Ufgab het d Beratig u d Betreuig vo de Fans, sowi d Organisation vo Präventionsagebot u der Vermittlig i Konfliktfäll, isch im Jahr 2007 gründet worde. D Träger vom Fanprojekt isch der Augsburger Stadtjugedring.

Im glyche Jahr het der Gerhard “General” Seckler d Faninitiative Augsburg Calling i ds Läbe grüeft. Die Initiative het zum Zil di fründlechi Begägnig vom FCA- u de Gäschtefans z ermügleche. Der Name vom Projeht geit uf e Song “London Calling” vo der Band The Clash zrügg, wo e Ufruef a linggs- u rächtsextremi Jugendlechi gis isch, ihri gwaltätige Usenandersetzige z beände. Im Rahme vo der Initiative het me ds Seckler Rockkonzärt u anderi Verastaltige für d FCA- u d Gäschtefans organisiert. Im Gägezug sy d Augsburger Fans bereits mehrmals bim Rückspil zum “Recall” yglade worde. Ds Projekt isch im Jahr 2014 dür di Dütschi Fuessball-Liga mit ere Rekordsumme vo 50.000 € gförderet worde. Wo im Jahr 2017 zum erschtemal ou d Ahänger vom unbeliebte Klub RB Leipzig uf Augsburg sy Yglade worde, het das für Kritik us den eigete Reihe gfüehrt.

Fründschafte

Di erschte Fanfründschafte vo de Augsburger Anhänger isch zu de Fans vom SpVgg Oberfranke Bayreuth entstande. Ou we d Fründschaft i de letschte Jahre chum no pflegt wird, cha ds Verhältnis vo de beide Fanszene nach wi vor als positiv beschribe wärde. Einigi Fangruppe pflege bis hüt e Fründschaft zu Fangruppe vo de Würzburger Kickers sowi zum SC Austria Luschtenou. So bsueche d Fans vom FCA oft d Spiel vo de Kickers oder vo Austria u umgekert.

Rivalitäte

D Spil zwüschem FCA u em TSV Schwaben Augsburg hei als ds bedütenschte Augsburger Stadtderby gulde. Bis zur Fusion vom BCA mit der Lizänzspiler-Abteilig vo de Schwabe zum FCA im Jahr 1969, hei di beide Vereine um d Stellig als Nummer eis i der Stadt. Syt här isch es nur no sälte zum Ufenanderträffe zwüschet em FCA u de Schwabe cho. D Fuessballapteilig vo de Schwabe hei sech nämlech verpflichtet für d Zuekunft der Ufstig i Profifuessball uszschliesse. Ds letschte Ligaspil zwüschem FCA u de Schwabe het wäret der Bayernliga-Saison 2000/01 gstattgfunde u d Schwabe hei mit 2:1 gwunne. D Spil zwüschem FCA u em TSV 1860 Münche hei als ds bedütenschte Regionalderby für e FCA gulde. Bereits i de 1930er-Jahr het sech zwüschem BCA u de Sächzger e sportlechi Rivalität entwicklet. D Rivalität het sech dür historischi, kulturelli u politischi Spannige zwüsche de Schwabe u de Bajuware no verscherft, wo dür di jewilige Fanszene bsunders sy betont worde. So isch der hütig Regierigsbezirk Schwabe zersch dür ne Rychdeputationshouptschluss im Jahr 1803 a Bayern gange. Dämentsprächeng git’s grossi kulturelli Underschide zwüsche dene Städt weschtelech u öschtlech vom Lech. Ou di schwachi Repräsentation vo Schwabe i der bayerische Landeshouptstadt Münche het zu de Spannigsverhältnis bytreit. Währed me bim FCA vor allem die im Verglych zu Münche sehr längi Gschicht vo Augsburg betont, betone d Sächzger bsunders im Verglych zum FCA uf di sehr längi Gschicht vo Verein. Wyter hei vereinspolitischi Entwikligen i beidne Vereine Alass zur Provokation gä. So zum Bispil der Ystig vom Investor Walther Seinsch bim FCA im Jahr 2000 oder d Inhaftierig vom Sächzger-Presidänt Karl-Heinz Wildmoser im Jahr 2003 oder der verchouf vo allne Stadienateile vo de Sächzger a Stadtrival FC Bayern Münche im Jahr 2006 oder der Ystig vom nordanische Investor Hasan Ismaik bi de Sächzger im Jahr 2011. Ds letschte Ligaspil zwüsche de Sächzger u em FCA i der 2. Bundesliga Saison 2010/11 het der FCA mit 2:0 gwunne. Ou zu den Ahänger vo einige andere Vereine, überwiegend us Süddütschland, bestöh vereinzelnt Rivalitäte. So zum Bispil zu de Fans vom VfB Stuttgart im Rahme vom so genannte “Schwabederby”

Filme

• FC Augsburg: Jos, we can! Augsburg 2011.
• FC Augsburg: #KEINESAU. Augsburg 2016.
• FC Augsburg: Mehr als nur 90 Minuten. Augsburg 2018.

Literatur

• BC Augsburg: 50 Jahre BCA. Augsburg 1957.
• FC Augsburg: 75 Jahre FCA. Augsburg 1982.
• FC Augsburg: 100 Jahre FCA. Augsburg 2007.
• Horst Eckert, Werner Klinger: Augsburger Fußball-Geschichte. Augsburg 2006, ISBN 3-938332-08-5.
• Augsburger Allgemeine: Oben. Augsburg 2011, ISBN 978-3-9813819-7-9.
• Walter Sianos, Markus Krapf: 111 Gründe, den FC Augsburg zu lieben. Augsburg 2014, ISBN 978-3-86265-410-9.
• Andreas Schäfer, Franz Neuhäuser, Herbert Schmoll, Florian Eisele: hundert11. Augsburg 2018, ISBN 978-3-946282-06-8.

Weblink

 Commons: FC Augsburg – Sammlig vo Multimediadateie

• Offizielle Website

Quelle

Dä Artikel basiert uff ere fräie Übersetzig vu dere Version vum Artikel „FC_Augsburg“ vu de dütsche Wikipedia. E Liste vu de Autore un Versione isch do z finde.