Hauptmenü ufmache

Lutz Fischer-Lamprecht

Reformiirte Pfarrer, Politiker
De Lutz Fischer-Lamprecht im September 2014

De Lutz Fischer-Lamprecht (* 1. Novämber 1967 z Karlsrueh, heimatberechtigt z Wettige) isch en reformierte Schwiizer Pfarrer, Politiker (EVP) und Mundart-Autor. Er isch Co-Präsident vom Pfarrkapitel vo de Reformierte Landeschile vom Kanton Aargau und Gründigs-Präsident vu de Synodefraktion «Fraktion vo de Fraktionslose» in de Aargauer Synode gsi.[1] Zudem isch er sit em März 2016 Iiwohnerrot z Wettige und betriibd sit em September 2015 zämme mit em Fabian Schmid es Mundart-Nochrichte-Portal für Wettige. Er isch ghürate un het 5 Chind. De Axel Fischer isch sin ältere Brüeder.

Inhaltsverzeichnis

BiografiiBearbeite

UsbildigBearbeite

De Lutz Fischer isch 1967 z Karlsrueh uf d Wält cho u z Schdudesee ufgwachse. Dert het er au d Schuel bsuecht un 1987 mit em Abitur abgschlosse. Sin Wehrdienscht het er z Philippsburg bim Raketeartelleriibatalion 122 abgleischtet. Theologii het er z Neuendettelsau, z Marburg un z Münche studiirt. I de Johr 1995 bis 1997 het er sis Vikariat z Sandhuuse i de Nöchi vo Heidelbärg absolviert. Im Aaschluss do dra het er im Ussedienscht gschaffet, wo er Versicherige verchauft het un gliichzitig en Usbildig zum Versicherigsfachmaa abgschlosse het.

PfarramtBearbeite

Im Johr 1998 isch er mit sinere Familie i d Schwiiz cho, wo er sini erschti Pfarrstell z Rächthaute im Kanton Fryburg gha het. D Fryburger Chile het ihn im Juli 2000 z Murte ordiniirt. Vom Kanton Fryburg isch er im Auguscht 2002 i de Aargau cho. Bis im März 2008 isch er z Birmischtorf Pfarrer gsi, wo zu de Chilegmeind Birmischtorf-Gäbischtorf-Turgi ghört. Sit em April 2008 isch er reformierte Pfarrer in de Chilegmeind Wettige-Noiehof.

LandeschileBearbeite

Vo Mai 2007 bis Endi Juni 2013 isch de Lutz Fischer-Lamprecht zämme mim Dominique Baumann und ab Oktober 2012 zämme mit em Ruedi Gebhard Co-Präsident vom Aargauische Pfarrkapitel gsi. Im Auguscht 2009 isch er Präsident vo de neugründete Synodefraktion vo de Fraktionslose worde und isch in de Amtsperiode 2015–2018 Vizepräsident vo de Fraktion gsi. Vom Novämber 2011 bis zum Dezember 2018 isch er Mitgliid vo de Gschäftsprüefigskommission (GPK) vo de Synode gsi, sit em Jänner 2015 zudem Vizepräsident vo de GPK.[2] In de Amtsperiode 2019–22 isch er Vizepräsident vo de Synode.[3]

Politik und MandatBearbeite

In sinere Wohn– und Heimatgmeind Wettige isch er vom Januar 2014 bis Endi März 2016 in de Iibürgerigskommission gsi und isch sit em 17. März 2016 Mitgliid vom Iiwohnerrot. Dete isch er au Präsident vo de Gschäftsprüefigskommission. Zudem isch er in zwei Wettiger Stiftigsröt und zwar in de Joseph und Franz Probst– und in de Familie Fluck–Bernhard Stiftig.[4] Es dritts Mandat het er im Stiftigsrot vo de Pensionskasse vo de Reformierte Landeschille Aargau, vo dem er sit em 2017 Präsident isch.[5] Vom April 2014 bis zum November 2018 isch er im Verwaltigsrat vom Alterszentrum St. Bernhard gsi.[6] Er isch Mitgliid vo de EVP und Präsident vo de Regionalpartei Wettige–Limmattal.[7] Über Wettige usse politisch wahrgnoh worde isch er durch e Petition, wo er lancierd hed un wo vom Bundesrot e Zuesicherig an de Edward Snowden fordered, dass er bin ere Ireis i d Schwiz Asyl däd übercho.[8][9][10] Bi de Grossrotswahle am 23. Oktober 2016 isch er uf em zweite Lischteplatz vo de EVP im Bezirk Bade gstande[11] und het en au verteidiged. Er esch somit erschter Ersatz und würdi im Fall voneme Rücktritt vo de Lilian Studer während de laufende Amtsperiode, in de Grossi Rot nocherütsche.[12]

WeblinkBearbeite

  Commons: Lutz Fischer-Lamprecht – Sammlig vo Multimediadateie

FuessnooteBearbeite