Philippsburg

Philippsburg isch e chlini Schtadt im Norde vom Landchreis Karlsrue in Bade-Württebärg. Überregional bekannt isch d Stadt als Standort vom Kernkraftwerk Philippsburg.

Wappe	Dütschlandcharte
	49.2369444444448.4547222222222100
Basisdate
Bundesland:	Bade-Württebärg
Regierigsbezirk:	Charlsrue
Landchreis:	Charlsrue
Höchi:	100 m ü. NHN
Flächi:	50,6 km²
Iiwohner:	13.882 (31. Dez. 2022)
Bevölkerigsdichti:	275 Iiwohner je km²
Poschtleitzahl:	76661
Vorwahl:	07256
Kfz-Chennzeiche:	KA
Gmeischlüssel:	08 2 15 066
Adress vo dr Stadtverwaltig:	Rote-Tor-Straße 10 76661 Philippsburg
Webpräsenz:	www.philippsburg.de
Burgermeischter:	Stefan Martus
Lag vo dr Stadt Philippsburg im Landchreis Charlsrue
Karte

Geographii

Philippsburg ligt zimlich genau in de Mitti zwüsche Manne und Karlsrue ganz nöch am Rhii. Sit de Kreisreform ghöret zu Philippsburg au di beide Dörfer Huttene und Rheinsheim. D Nochbargmeinde sind ennet em Rhii Germersche, Lingefäld und Römerbärg und uf de badische Siite Oberhuse-Rhiihuse, Waghäusel, Brusel, Grabe-Neudorf und Dettene.

Gschicht

Ortskern vo Philippsburg, Île-de-Ré-Platz mit de Sankt-Maria-Chille

Ursprünglich het Philippsburg Udenheim gheisse. Wo aber im 1615i de Bischof vo Speyer, de Philipp Christoph von Sötern d Schtadt zu ere Feschtig het la usbaue, het si de Name Philippsburg übercho. Sit de Ziit, wo Philippsburg e Feschtigsschtadt isch gsi, hets derte e Garnison gäh. Erscht nach em End vom Chalte Chrieg het di langi Tradition es End gfunde. D Salm-Kaserne, wo au de Stefan Mappus sin Grundwehrdienscht gleischtet het, isch gschlosse worde.

Verwaltig

Philippsburg het si mit dr Gmai Oberhausen-Rheinhausen zum Gmaiverwaltigsverband Philippsburg mit Sitz z Philippsburg zämmegschlosse.

Dr Burgermaischter vu Philippsburg isch dr Stefan Martus.

Wahle

Ergebnis vu dr Landdagswahle syt 2006:

Johr	CDU	SPD	Grieni	FDP	Linki1	AfD	Sunschtigi
2016	27,6 %	12,5 %	20,5 %	8,7 %	3,4 %	23,2 %	4,2 %
2011	46,7 %	24,7 %	15,4 %	3,1 %	2,9 %		7,2 %
2006	50,9 %	28,8 %	4,9 %	5,9 %	3,1 %		6,4 %

¹ 2006: WASG, syt 2011: Die Linke

Dialäkt

Dr Dialäkt vu Philippsburg ghert zum Sidfränkisch

Literatur

• Ekkehard Zimmermann: Philippsburg. Zwischen Republik und Diktatur. Sutton Verlag, Erfurt 2006, ISBN 3-86680-031-2.
• Gebhard M. Fieser: Das Sturmjahr 1849 – Die Ereignisse der badischen Revolution und ihre Folgen im Amtsstädtchen Philippsburg. Geiger-Verlag, Horb am Neckar 1999, ISBN 3-89570-522-5.
• Stadtgeschichte Philippsburg: Geschichte der Stadt und ehemaligen Reichsfestung Philippsburg von ihrem Entstehen aus der Burg und dem Dorfe Udenheim bis zum Anfalle derselben an Baden. Speyer 1881.

Weblink

 Commons: Philippsburg – Sammlig vo Multimediadateie

• Offizielli Website vo de Schtadt Philippsburg