Hauptmenü ufmache
d Müli vo Ötlike, wo d Sophie Hämmerli-Marti als Lehrerin drinn gwohnt hät

Ötlike isch es chlyses aargauischs Doorf und en Ortsdeil i dr Gmeind Würeloos im Kanton Aargau.

D Gmeind ghört zum Bezirk Bade. Bis anne 1900 isch Ötlike en eigeti Gmeind gsi. Es isch e Wyyler mig ganz wenig Hüüser gsi, wo im Furttaaal lyt.

Dr Ortsname isch s erschte Mol in ere Urkunde vo 1040 gnänt. S Doorf hät spöter zu dr Grundherschaft vom Chlooschter Weddige ghört, und im nöie Kanton Aargau isch Ötlike sid 1803 zun ere Gmeind worde. 1896 hät dr Kantoon d Dorfschuel mit dere vo Kämpfhoof und vo Würeloos zämegleit, und 1900 au na s ganz Doorf, au wänn d Ötliker das gar nid händ wele.

D Schriftstellerin Sophie Haemmerli-Marti hät als jungi Lehrerin z Ötlike Schuel ggä, und si schrypt in irem schöne Läbenspricht, wie guet ass’s ere gfalle hät bi de Schuelchind und de Lüüt im Doorf und i dr alte Müli, wo si im Durmstübli obe gwohnt hät.[1]

Die chlyni Hüüsergruppe isch no guet zwääg, und drum staat si im Verzäichnis vo de Ortsbilder mit nazionaler Bedüütig.

WeblinkBearbeite

  Commons: Oetlikon – Sammlig vo Multimediadateie

LiteraturBearbeite

FuessnooteBearbeite

  1. Sophie Hämmerli-Marti: D Jumpfer Lehreri. In: Mis Aargäu. Land und Lüt us miner Lbesgschicht. Suurländer, Aarau 1963, Syte 79-103.