Allein
Allein (frankoprov. Alèn / Allèn) isch e Gmai in dr autonome Provinz Augschtdal z Italie.
| Allein (Aostatal) | ||
|---|---|---|
.svg)
|
| |
 Chilche Santo Stefano | ||
.svg) Lag vu dr Gmai Allein im Augschtdal | ||
| Staat: | Italie | |
| Region: | Aostatal | |
| Koordinate: | 45° 48′ N, 7° 16′ O | |
| Hechi: | 1.190 m s.l.m. | |
| Yywohner: | 211 (31. Dez. 2022)[1] | |
| ISTAT-Nummer: | 007001 | |
Allein ghert zue dr Gmainschaft Unité de communes Grand-Combin.
Geografi
ändereAllein lyt im Valle del Gran San Bernardo, eme Sytedal vum Augschtdal.
Zue dr Gmai ghere d Wyyler Ayez, L'Allamanaz, Allérod, Bruson, Chanté, Chavéroulaz, Chez-Norat, Clavel, La Condémine, Daillon, Frein, Les Godioz, le Martinet, Le Plan-de-Clavel, La Vallettaz, La Ville.[2] Nochbergmaine sin Doues, Étroubles un Gignod
Gschicht
ändereDr Grinder vum Huus Savoye, dr Humbert I mit dr wysse Händ, het anne 1025 s Augschtdal as Leeche griegt. Mid Uusnahme vun e baar Johr (1691, 1704–1706, 1798–1814 zue Frankrych) het s Augschtdal derno zem Huus Savoye gheert bis anne 1946, d. h. bis dr letscht italienisch Chenig Umberto II. abdankt ghaa het. Wu s italienisch Chenigrych anne 1861 grindet woren isch, isch s Augschtdal zue dr Provinz Turin chuu. Anne 1927 isch s derno ne aigestädnigi Provinz wore. Im Faschismus under em Benito Mussolini isch di franzesisch Sproch verbote wore un s het e starki Italienisierigsbolitik gee. Vu 1939 bis 1945 het Allein dr italienisiert Name Alleno drait. Noch em Zweede Wältchrieg het s Augschtdal anne 1948 e autonome Sonderstatus griegt.
Bevelkerig
ändere| Johr | 1861 | 1871 | 1881 | 1901 | 1911 | 1921 | 1931 |
| Yywohner | 770 | 764 | 751 | 694 | 592 | 558 | 529 |
| Johr | 1936 | 1951 | 1961 | 1971 | 1981 | 1991 | 2001 |
| Yywohner | 532 | 457 | 433 | 330 | 279 | 248 | 242 |
Politik
ändereDr Burgermaischter vu Allein isch dr Erik Patrocle.
Sproch und Dialäkt
ändereDr frankoprovenzalisch Dialäkt vu Allein ghert zum Valdostanisch (Valdôtèn).
Anne 2001 het d Fondation Émile Chanoux in Zämmenarbet mit em Centre d'Études Linguistiques pour l'Europe un dr Università degli Studi di Trento di soziolinguistisch Situation vu allne Gmaine im Augschtdal untersuecht. Doderzue isch im Septämber un Oktober 2002 e Froogebooge verschickt woore. Vu Allein sin 63 Froogebeege wider retuurchuu[3].
| Froog 0301: Was isch Ihri Muetersprooch? | |||||||
| Italienisch | Patois | Italienisch un Patois | Franzeesisch | anderi | kai Andwoord | Total | |
| 16 (25,4 %) | 38 (60,3 %) | 2 (3,2 %) | 1 (1,6 %) | 1 (1,6 %) | 5 (7,9 %) | 63 | |
| Froog 1403a: Wie guet verstehn si Frankoprovenzalisch (Patois)? | |||||
| guet | mittelguet | e weng | gar nit | kai Andwoord | Total |
| 52 (82,5 %) | 4 (6,4 %) | 1 (1,6 %) | 4 (6,4 %) | 2 (3,2 %) | 63 |
| Froog 1403b: Wie guet chenne si Frankoprovenzalisch (Patois) schwätze? | |||||
| guet | mittelguet | e weng | gar nit | kai Andwoord | Total |
| 51 (81,0 %) | 3 (4,8 %) | 2 (3,2 %) | 4 (6,4 %) | 3 (4,8 %) | 63 |
Weblink
ändere
Commons: Allein – Sammlig vo MultimediadateieFueßnote
ändere- ↑ Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023.
- ↑ Comune di Allein - Statuto (Site cha nüme abgrüeft wärde; Suche im Webarchiv) .
- ↑ Fondation Émile Chanoux: Sondage linguistique. Archiviert vom Original am 5. Juli 2017; abgruefen am 15. November 2012.
