Saint-Rhémy-en-Bosses

Saint-Rhémy-en-Bosses
	Saint-Rhémy-en-Bosses (Italien) Saint-Rhémy-en-Bosses
	;
	; Lag vu dr Gmai Saint-Rhémy-en-Bosses im AugschtdalLag vu dr Gmai Saint-Rhémy-en-Bosses im Augschtdal
Staat:	Italie
Region:	Aostatal
Koordinate:	45° 50′ N, 7° 11′ OKoordinate: 45° 50′ 0″ N, 7° 11′ 0″ O
Hechi:	1.619 m s.l.m.
Yywohner:	330 (31. Dez. 2022)
ISTAT-Nummer:	007064

Saint-Rhémy-en-Bosses (frankoprov. Sen-Remì – Boussa) isch e Gmai in dr autonome Provinz Augschtdal z Italie.

Saint-Rhémy-en-Bosses ghert zue dr Gmainschaft Unité de communes Grand-Combin.

Geografi

Saint-Rhémy-en-Bosses lyt im Valle del Gran San Bernardo, eme Sytedal vum Augschtdal.

Zue dr Gmai ghere d Wyyler Cuchepache, Pont-Combaz, Pleiney, Saint-Rhémy, Prédumaz-Falcoz, Saint-Léonard, Vat, Suil, Ronc, Cerisey, Motte. Nochbergmaine sin Avise, Bourg-Saint-Pierre (CH-VS), Courmayeur, Gignod, La Salle, Orsières (CH-VS), Saint-Oyen un Saint-Pierre

Gschicht

Dr Grinder vum Huus Savoyen, dr Humbert I mit dr wysse Händ, het anne 1025 s Augschtdal as Leeche griegt. Mid Uusnahme vun e baar Johr (1691, 1704–1706, 1798–1814 zue Frankrych) het s Augschtdal derno zem Huus Savoyen gheert bis anne 1946, d. h. bis dr letscht italienisch Chenig abdankt ghaa het. Wu s italienisch Chenigrych anne 1861 grindet woren isch, isch s Augschtdal zue dr Provinz Turin chuu. Anne 1927 isch s derno ne aigestädnigi Provinz wore. Im Faschismus isch di franzesisch Sproch verbote wore un s het e starki Italienisierigsbolitik gee. Vu 1939 bis 1945 het Saint-Rhémy-en-Bosses dr italienisiert Name 'San Remigio drait. Noch em Zweede Wältchrieg het s Augschtdal anne 1948 e autonome Sonderstatus griegt.

Bevelkerig

Johr	1861	1871	1881	1901	1911	1921	1931
Yywohner	851	875	883	849	881	810	672
Johr	1936	1951	1961	1971	1981	1991	2001
Yywohner	593	547	514	552	474	407	387

Politik

Dr Burgermaischter vu Saint-Rhémy-en-Bosses isch dr Corrado Jordan.

Sproch und Dialäkt

Dr frankoprovenzalisch Dialäkt vu Saint-Rhémy-en-Bosses ghert zum Valdostanisch (Valdôtèn).

Anne 2001 het d Fondation Émile Chanoux in Zämmenarbet mit em Centre d'Études Linguistiques pour l'Europe un dr Università degli Studi di Trento di soziolinguistisch Situation vu allne Gmaine im Augschtdal untersuecht. Doderzue isch im Septämber un Oktober 2002 e Froogebooge verschickt woore. Vu Saint-Rhémy-en-Bosses sin 62 Froogebeege wider retuurchuu^[2].

Froog 0301: Was isch Ihri Muetersprooch?
Italienisch	Patois	Italienisch un Patois	Franzeesisch	anderi	kai Andwoord	Total
39 (62,9 %)	17 (27,4 %)	1 (1,6 %)	1 (1,6 %)	2 (3,2 %)	2 (3,2 %)	62

Froog 1403a: Wie guet verstehn si Frankoprovenzalisch (Patois)?
guet	mittelguet	e weng	gar nit	kai Andwoord	Total
42 (67,7 %)	8 (12,9 %)	2 (3,2 %)	9 (14,5 %)	1 (1,6 %)	62
Froog 1403b: Wie guet chenne si Frankoprovenzalisch (Patois) schwätze?
guet	mittelguet	e weng	gar nit	kai Andwoord	Total
35 (56,5 %)	7 (11,3 %)	6 (9,7 %)	11 (17,7 %)	3 (4,8 %)	62

Weblink

Commons: Saint-Rhémy-En-Bosses – Sammlig vo Multimediadateie

http://www.comune.saintrhemyenbosses.ao.it/

Fueßnote

↑ Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023.
↑ Fondation Émile Chanoux: ‘‘Sondage linguistique’’. Archiviert vom Original am 5. Juli 2017; abgruefen am 15. November 2012.

[1] Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023.

[2] Fondation Émile Chanoux: ‘‘Sondage linguistique’’. Archiviert vom Original am 5. Juli 2017; abgruefen am 15. November 2012.

[1]

[2]