Brimont

Brimont [bʁimɔ̃] ìsch a frànzeescha G’mainda mìt 453 Iiwoohner (Schtànd: 1. Januar 2020) ìm Département Marne ìn dr Regioon Grand Est. Sa g’heert zem Arrondissement Reims un ìsch Mìtglììd ìm G’maindaverbànd Grand Reims. D’ Iiwoohner nännt m’r Brimontaises [bʁimɔ̃tɛz] (fìr d’ Fràuija) un Brimontais [bʁimɔ̃tɛ] uff Frànzeesch.

Brimont
	Brimont (Frankreich) Brimont
Region	Grand Est
Département	Marne
Arrondissement	Reims
Kanton	Bourgogne-Fresne
Kommünàlverbànd	Grand Reims
Koordinàte	49° 21′ N, 4° 2′ O49.3416666666674.0258333333333
Heche	79–170 m
Flech	12,61 km2
Iiwohner	453 (1. Jänner 2020)
Bevelkerungsdicht	36 Iiw./km2
Code Postal	51220
INSEE-Code	51088
Website	www.brimont.fr
a Luftbìld vum Dorfzäntrum ànna 2005

Dialäkt: Mìlhüüserdiitsch

wu dr Nàmma har ìsch

Ìm Làuif vu dr G’schìcht hàt sìch dr Dorfnàmma-n-uff Àltfrànzeesch un schpeeter uff Frànzeesch äntwìckelt:

• Brimons (ànna 1171)
• Brimont (ànna 1233)
• Brumont (ànna 1274)
• Brimond (ànna 1329)
• Brylont (ànna 1381)
• Brimonlt (ànna 1528)
• Brymont (ànna 1550)

D’ Noohsìlwa -mont kummt vum Mìttelàlter (urschprìnglig vum Làtiinischa mons) un bediitet „Barg“ odd’r „Hììgel“. D’ Vorsìlwa Bri- hàt a unbekànnter Urschprung: Dr Schproochwìssaschàftler Albert Dauzat hàt g’maint, àss sa vum Gàllischa Wort briga schtàmmt, wo-n-eewafàlls „Hììgel“ bediitet.

wu ’s lììgt

Brimont lììgt äbba niin Kilomeeter neerdlig vu Reims àm neerdliga Rànd vum Département Marne àn dr Granz zem nochberliga Département Aisne. D’ G’mainda b’fìndet sìch ìm Norda vu dr histoorischa Prowìnz Champagne. Uff’m G’maindagebiat gìtt’s kää Fluss odd’r Bachla. S’ Zäntrum lììgt uff’ra Heecha vun äbba 140 Meeter uff’ma Heecharucka vun äbba viar Kilomeeter Braita, wo siina greeschta Heecha vu 170 Meeter biim ehamooliga Fort wäschtlig vum Zäntrum z’ fìnda-n-ìsch.

Äbba 86 Prozant vu dr G’maindaflächa waara fìr d’ Làndwìrtschàft, hàuiptsaachlig àls Kültüürbooda, b’nutzt. Äbba 7 Prozant sìnn b’wàlda (Schtànd: 2018).

Umgaa wìrd Brimont vu da Noochberg’mainda Orainville (Département Aisne) ìm Norda, Auménancourt ìm Nordoschta, Bourgogne-Fresne ìm Oschta, Bétheny ìm Süüda, Courcy ìm Wäschta un Süüdwäschta so wia Berméricourt ìm Nordwäschta.

G’schìcht

Noh-n-em Äärschta Waltkriag ìsch d’ G’mainda Brimont àm 1. Oktoower 1920 mìt’m Kriagskriiz 1914–18 üsszaichent worra.

Jeedsjoohr düat m’r uff’m G’maindagebiat a pààr Grànààda vum Äärschta Waltkraig üssgrààwa. Ìm Septamber 2020 hat m’r àn dr Rue Pasteur z’ Brimont säcks Grànààda vum Äärschta Waltkriag üssgegràbt. Àm Ààfàngsjoohr 2024 hàt m’r z’ Brimont 333 diitscha Miinawarfer üssgegràbt.

wia d’ Beveelkerung äntwìckelt hàt

Joohr	1962	1968	1975	1982	1990	1999	2006	2013	2020
Iiwoohner	350	296	335	316	457	456	453	437	453
Kwalla: Cassini un INSEE

wàs doo z’ sah ìsch

• ìm Dorfzäntrum schteeht d’ reemisch-kàthoolischa Remigiuskìrìch (église Saint-Remi), wo d’ Àrkitäckta Rafine un Rouillard ìn da 1920er Joohra bàuija hann. Sa schteeht àn dr Schtälla vun’ra ehamooliga romàànischa Kìrìch vum 12. Joohrhundert. Ìn dr Kìrìch ìsch d’ Schtaischtàtüüta vum hl. Remigius vu Reims üss’m 16. Joohrhundert àls Objakt bii da Histoorischa Dankmooler klàssifiziart, wo-n-a nàzionààla Bediitung hann. Üsserdam sìnn d’ Schtaischtàtüüta vum hl. Eligius vum 16. Joohrhundert un d’ Schtaischtàtüüta vum Krìschtüs ìn dr Ràscht vum 17. Joohrhundert bii da Histoorischa Dankmooler iig’schrììwa, wo-n-a regionààla Bediitung hann. Zallamols sìnn àui d’ Glààsfanschter üss’m 16. Joohrhundert bii da Histoorischa Dankmooler mìt’ra nàzionààler Bediitung klàssifiziart gsìì, àwwer sa sìnn ìm Äärschta Waltkriag zärschteert worra.

• 
  vor dr Remigiuskìrìch
• 
  d’ Remigiuskìrìch
• 
  vor’m Portààl vu dr Kìrìch
• 
  s’ Hofftoor vor’m Portààl vu dr Kìrìch
• 
  a Sittaturm biim Glockaturm

• uff’ra Hììgel wäschtlig vum Dorf schteeht dr Fort de Brimont, wo Tail vum militäärischa Fäschtungsgìrtel Séré de Rivières gsìì ìsch, womm’r àui „Aisarna Bàrriar“ g’nännt hàt. Ar ìsch Tail gsìì vum Schutzgìrtel um Reims. Ar ìsch zwìscha 1875 un 1877 bàuija worra. Doo hann ìwwer 700 Soldààta känna laawa un 310 Tonna Münizioona känna verlààgert worra. Àb da Joohra 1910 hàt’na d’ Frànzeescha-n-Àrmee nìmm b’nutzt. Ìm Äärschta Waltkriag hann’na diitscha Truppa b’nutzt, fìr drìnn frànzeescha Kriagsg’fànganer iischpärra. Noh-n-em Kriag hann àui doo fìr a kurza Zitt Fàmìlia g’laabt, wo-n-ìhra Woohnung verloora hann. Schpeeter ìsch d’ Iirìchtung àls Schtaigrüawa vu dr Frànzeescha-n-Àrmee b’nutzt worra. Ìm Zwaita Waltkraig ìm Jüüni 1940 hàt a diitscha Bùmbàrdiarung dr Nordoschttail vum Fort vollschtandig zärschteert un a Hüüfa frànzeescha G’schìtzersoldààta geteedet. Ìn da lätschta Moneeta vum Kriag ìsch d’ Fäschtung àls Lààger un Radarschtàzioon b’nutzt worra. Noh-n-em Zwaita Waltkriag hann Dorfiiwoohner d’ Schtaina vum Fort b’nutzt, fìr ìhra aigana Hiiser wììder uffbàuija. D’rnooh ìsch dr Grundschìck àls Träänìngsplàtz vum frànzeescha Militäärflugplàtz 112 b’nutzt worra, wo-n-ìm noochberliga Bétheny ààsaassig ìsch. Zitterhaar ìsch d’ ehamooliga Fäschtung nia wììder uffbàuija odd’r umg’wàndelt worra. Ànna 2016 sìnn diitscha un Schwiizer G’schìchtsforscher ìm Fort kumma ku’na b’sìchtiga.

• 
  dr Iigàng zem Fort Brimont ìm friahja 20. Joohrhundert
• 
  d’ Brucka un Iigàng vor’m Fort Brimont, wia-n-’r hìtt üsssììht (ànna 2015)
• 
  dr Iigàng zem Fort Brimont, wia-n-’r hìtt üsssììht
• 
  wämm’r ìn dr Fort düat iitratta (ànna 2015)
• 
  wämm’r ìn d’ Iikwàrtiarung làuift
• 
  d’ Lààgerung fìr Kànoona un Schiassplàttform
• 
  s’ Pulwermàgàziin
• 
  a Kuppla ìnnerhàlb vum Fort
• 
  a Kàpponiera
• 
  d’ süüdliga Doppelkapponiera
• 
  a Grààwa vor dr süüdliga Capponière
• 
  dr Nordwäschtgrààwa

• s’ Kriagerdankmool vum Äärschta Waltkriag, wo üss Kàlkschtai b’schteeht. ’S ìsch ìm Nàzionààla Verzaichniss vu da Histoorischa Dankmooler iitrajt. Druff sìnn àui d’ Nàmma vu Soldààta vun àndra Kriaga so wia vu Ziwiilopfer iig’schrììwa.
• uff’m G’maindafrììdhoof fìndet m’r d’ Grääwer vu sììwa Jààgfliager vu dr britischa Royal Air Force, wo àm 17. Àwrìl 1943 geteedet worra sìnn.

• 
  dr britischa Viartel uff’m G’maindafrììdhoof
• 
  s’ Kriagerdankmool vum Äärschta Waltkriag
• 
  s’ Bìrgermaischteràmt
• 
  s’ Schloss Brimont
• 
  a Waagkriiz, wo sìch ìm 20. Joohrhundert z’ Brimont b’funda hàt

Wìrtschàft

D’ Gmainda Brimont lììgt ìm Wiibàuigebiat Champagne. Ìm G’maindagebiat sìnn ìnsg’sàmt 44,3 ha mìt Raabgàrta gepflànzt, d’runter 34,6 ha mìt dr Raabsorta Pinot Meunier, 6,2 ha mìt dr Sorta Pinot Noir un 3,5 ha mìt Chardonnay (Schtànd: 2024).

Verkeehr

D’ Départementsschtrooss D 966, d’ ehamooliga Nàzionààlschtrooss 366, vu Vervins uff Reims, duurakweert s’ G’maindagebiat vun Nord uff Süüd. D’ Schtrooss D 30 vu Fismes ìwwer Berméricourt un Loivre ìm Wäschta-n-uff Époye ìwwer Bourgogne-Fresne ìm Oschta fààhrt dur Brimont neerdlig vum Zäntrum. D’ kurza Schtrooss D 26, wo durs Dorfzäntrum fààhrt, fiahrt uff Courcy ìm Süüdwäschta.

d’ wìchtiga Litt üss’m Dorf

• dr Maurice Kaouza (1911–1986), wo-n-ìm Zwaita Waltkriag àn dr Befräijung vu Frànkrììch mìtg’màcht hàt, ìsch z’ Brimont uff d’ Walt kumma.
• dr Militäärmooler François Flameng (1856–1923) hàt d’ Schlàchta-n-um Brimont ìm Äärschta Waltkriag zaichent. Siina Wark sìnn ìn dr Zittschrìft L’Illustration gedruckt worra.
• Mìtglììder vu dr Fàmìlia Ruinart, wo Härra un schpeeter Grààfa vu Brimont gsìì sìnn.

Lüag àui

• Lischta vu da G’mainda ìm Département Marne

Lìteràtüür zem Dorf

• Jean Laluc: Vie rurale d’autrefois en Champagne : histoire de Brimont. Orainville (Aisne) 2003 (französisch, 144 S.). 
• Étienne-François-Xavier Povillon-Piérard: Tableau historique et statistique de la montagne et du village de Brimont, près de Reims. Impr. de Boniez-Lambert, Châlons 1826 (französisch, 44 S.). 
• Jean-Louis Legay: Le casernement du Fort Séré de Rivière en 1886. In: Entre Deux Terroirs, pages d’histoire du massif de Saint-Thierry. Nr. 22, Juli 2002, S. 17–24 (französisch). 
• Robert Clément: Le fort de Brimont : un ouvrage type du système Séré de Rivières. In: Entre Deux Terroirs, pages d’histoire du massif de Saint-Thierry. Nr. 21, Mai 2002, S. 13–16 (französisch). 
• Pierre Guillaume: "Le tombeau de Pharamond", sépulture romaine de Brimont (Marne). In: Cahiers d’archéologie du Nord-Est. Nr. 24, 1971 (französisch, 14 S.). 
• Jean-Baptiste Landriot: Allocution de Mgr l’archevêque de Reims, prononcée, le 8 juillet 1869, à la chapelle du château de Brimont. P. Dubois, 1869 (französisch, 11 S.). 

Weblìnks

 Commons: Brimont – Sammlig vo Multimediadateie

• Websitta vu dr G’maindaverwàltung (frànzeesch)
• Schtàtistik züa dr G’mainda Brimont biim INSEE (frànzeesch)