Lörrach-Haage
Haage (
[ˈhaːg̊ə](info); amtlich Haagen) isch e Ortsdeil vo de Kreisstadt Lörrach im Südweste vo Bade-Württeberg. Z Haage isch uff me Berg s Wohrzeiche vo de Stadt, s Röttler Schloss.
Lörrach-Haagen Gmeind Lörrach
| |
|---|---|
 | |
| Dialekt: | Alemannisch |
| Hauptvariante: | Hochalemannisch |
| Regionalvariante: | Markgräflerisch |
| Lokalvariante: | Lörrach |
| Höchi: | 305 m |
| Flechi: | 3,6 km² |
| Iiwohner: | 3500 |
| Bevölkerigsdichti: | 972 Iiwohner/km² |
| Iigmeindig: | 1974 |
| Regierigsbezirk: | Friburg |
| Landchreis: | Landchreis Lörrach |
| Poschtleitzahl: | 79541 |
| Vorwahl: | 07621 |
| Nummereschild: | LÖ |
| Dialäkt: Markgräflerisch (Lörrach) |
De Name "Haage" isch 1344 zum erschte Mol erwähnt worre. E Steiplattegrab uss em 7. Johrhundert belegt, dass de Ort sogar no wesentlig älter isch.
1974 isch Haage uff Lörrach ygmeindet worre und hät sither e eigeni Ortsverwaltig mit Ortschaftsroot. D Ywohnerzahl vom Ortsdeil isch bi knapp 3500.
Ab em 19. Johrhundert isch Haage durch de Yzug vo de Tekschtilindustry stark prägt worde. Im 20. Johrhundert hät s Versandhus Schöpflin, 1930 gründet, de Ortsdeil dytschlandwit mit em Werbeslogan "Schöpflin Haage - witersage" (uff Hochdütsch) bekannt gmacht. S Versandhus isch anno 1964 vum Quelle-Konzern ybernumme worde. 1999 het Quelle im Zug vu dr Fusion mit Karstadt zue KarstadtQuelle (wo sich sit 2007 Arcandor nennt) de Schöpflin-Standort Lörrach ufglöst un e baar Johr später au de Katalog un d'Marke Schöpflin igstellt.
Wappe
ändereS Wappe vo Haage isch zweideilt. Links isch s Wappe vo de Edle vo Röttle z erkenne, im obere Deil e halbe rote Löw uff goldigem Grund und im undere Berych blau-wißi Wellereihe. Uff de rächte Site wird e goldige Fisch, wo am Springe isch, uff rotem Grund dargstellt. Säller soll s herrschaftliche Privileg an d Hoffischer z Haage erinnere. S Wappe git s sit 1964.
Weblink
ändere
Commons: Haagen – Sammlig vo Multimediadateie
|
Dä Artikel basiert uff ere fräie Übersetzig vum Artikel „Lörrach-Haagen“ vu de dütsche Wikipedia. E Liste vu de Autore un Versione isch do z finde. |