Nordschwarzwald

Als Nordschwarzwald bezeichnèt mò s nördliche Drittèl vom Schwarzwald, gmäss ènèrè hützdaag wènniger vobreitetè Ydeilig au diè nördlichi Hälfti.

Weschtsitè vom Nordschwarzwald a dè Hornisgrindè: Gächè Abfall zuè dè Rhyebeni. Im Hintergrund sin d Vogesè

Abgränzig

Dè Nordschwarzwald erschtreggt sich zwischè dè Linniè Karlsruè–Pforzè im Nordè un Renchdal–Freudèschtadt im Sûdè. Diè nördlich Begrenzig fallt witgehend mit èm Ufftauchè vom flächèhaft bewaldetè Buntsandschtei uss èm agrarisch bewûrtschaftetè Kraichgau zämmè, d Sûdgränz zum Mittlerè Schwarzwald (bzw. bi nèrè Zweideilig: zum Sûdschwarzwald) variyrt je nõch Definition odder dè naturräumlichè Glyderig (luèg dõdezuè au Schwarzwald). Früèner hèt als Nordschwarzwald diè gsamti nördlichi Hälfti vom Gebirgszùg bis zu dè Kinzigdallinniè goltè, wo dè Schwarzwald öschtlich vo Laar deilt. Weschtlich wörd er begränzt durch diè Obberrheinischi Düèfebeni, öschtlich durch d Gäulandschaftè.

Dè Nordschwarzwald isch nit deckigsglych mit dè Raumordnigsregion Nordschwarzwald, welli dè öschtliche Berych abdeckt.

Charakterischtik

Dè Nordschwarzwald überragt mit ehnder kantigè, deils trapezförmigè Gipfelbrofyl d Rhyebeni um mee als 1.000 m, dõgegè volauft d Oschtabdachig allmählich un mit gringer wörrendè Höhèunterschyd. Högschstè Buggel isch d Hornisgrindè mit èrè Höchi vo 1.163 m ü. NHN. Mit èm durchschnittlichè Aadeil vo 73 % Wald a dè gsamtè Flächi isch dè Nordschwarzwald diè geschlossenschte Waldflächi vom Schwarzwald. Uff dè Hochflächè erstreggèd sich vobreitet d Grindè, baumfreyi Feuchtheidè. Geologisch hèrrscht im Nordschwarzwald dè Buntsandschtei vor, woby im stark zerfurchtè Weschtè übberwigend dè Grundgebirgssockel uss Gneis a d Obberflächi chunnt. Dõ drin idrungenè Granit (z. B. Forbachgranit) un Porphûr drètted durch bsunderi Klippèbildungè hinèfürè. D Höhèberych vom Nordschwarzwald ghöred zu dè nidderschlagsrychschtè Regionè vo dè dütschè Mittelgebirge (bis 2.200 mm/a). Bedütendschti Flüss sin d Murg, Nagold, Enz, Alb, Acher, Rench, Oos un Wolf (nu dè Obberlauf).

Sit 2001 isch dè Nadurpark Schwarzwald Mitti/Nord ygrichtet, wo unter anderem dè gsamte Nordschwarzwald umfasst. Drübber usè isch è ca. 10.000 Hektar großes Gebièt sit èm 1. Januar 2014 als Nationalpark Schwarzwald uusgwisè. Vill bsuèchti touristischi Zyl sowiè Winterschportgebièt absits vo dè unnè gnanntè Städt sin d Schwarzwaldhòchstrõß un Kaltèbronn.

Städt un Gmeindè im Nordschwarzwald (Uuswaal)

Bad Wildbad

Altèschteig Althèngschtett Badè-Badè Bad Herrèalb Bad Lièbèzèll Bad Petèrsdal-Grysbach Bad Teinach Bad Wildbad Baiersbronn Büülerdal Calw Dobèl Enzklöschterle

Forbach Freudèschtadt Gaggenau Gèrnsbach Loffenau Loßburg Nagold Neubulach Neuèbürg Obberreichèbach Pforzè Pfalzgrafèwyler Sasbachwaldè Schömbärg Seebach

Bärg (Uuswaal)

D Hornisgrindè vom Hohloh uus gsää

Bèrnschtei Badener Höchi Battert Fremersbärg Hochchopf Hoch Ochsechopf Hohloh Hornisgrindè Knybis

Maalbärg Meelischopf Merkur Schliffkopf Summerbärg Düfelsmülli Vogelchopf

• Kartè im GeoFinder.ch mit dè Laag vo dè Gipfèl (Site cha nüme abgrüeft wärde; Suche im Webarchiv)[1] [2] Vorlage:Toter Link/www.geofinder.ch

Seè

Dè Huzèbacher See, ein vo dè Karseè im Nordschwarzwald

Zaalrychi Karseè im Nordschwarzwald sin Spurè vo yszitlichè Gletschèrbildigè. Dè bekannteschte isch dè Mummelsee a dè Hornisgrindè. Witeri Karseè sin dè Ellbachsee, Herrèwyser See, Huzèbacher See, Sankèbachsee, Schurmsee un dè Wildsee bi Ruèschtei. Vill von ènè sin zuèsätzlich uffgschtaut worrè, um Schwallwasser für diè bis is 19. Johrhundert üblichi Holztrift z lifèrè. Witeri ehemõligi Karseè sin scho volandet.

Dè Hohlohsee un dè Wildsee bi Gèrnsbach-Kaltèbronn sin Hochmoorseè uff dè Hochflächi zwischè Murg- un Enzdal, wo allein uss dè örtlichè Nidderschlääg gschpyst wörred.

Mengi Dalschperrè liged im Nordschwarzwald. D Schwarzèbachdalschperri un d Murgdalschperri ghöred zum Rudolf-Fettwys-Wärch, èm Bumpschpycher- un Laufwasserchraftwärch z Forbach. D Nagolddalschperri regulyrt dè Wasserschtand vo dè Nagold. D Dalschperri Chlyni Kinzig diènt dè Trinkwasservosorgig, Wasserregulyrig und Stròmerzügig.

Literadur

• Sönke Lorenz (Hrsg.): Der Nordschwarzwald. Von der Wildnis zur Wachstumsregion. Markstein-Volaag, Filderstadt 2001, ISBN 3-935129-01-7
• Rudolf Metz: Mineralogisch-landeskundliche Wanderungen im Nordschwarzwald, besonders in dessen alten Bergbaurevieren. 2., vollschtändig übberarbeiteti Ufflaag, Schauèburg, Laar 1977, ISBN 3-7946-0128-9

Wander- & Reisefüürer, Bilderbüècher

• Bernhard Pollmann: Schwarzwald Nord und Mitte. Bergverlag Rother, 2003, ISBN 3-7633-4031-9, Wanderfüürer
• Wolfgang Benz: Schwarzwald Nord. Wanderführer mit Tourenkarten und Wandertipps. Dütschè Wandervolaag D. Mair & Schnabel & Co. 2003, ISBN 3-8134-0063-8
• Cornelia Ziegler: Schwarzwald - Der Norden. Reise Know-How-Verlag 2000, 264 S., übber 80 Fotos, 16 Kartè un Stadtblään, ISBN 978-3-89416-837-7
• Baedeker: Schwarzwald. Baedeker Allianz-Reiseführer, Oschtfilderè 2006, 466 S., ISBN 978-3-8297-1069-5
• HB Bildatlas: Schwarzwald Norden. HB Volaag 2004, 113 S., ISBN 978-3-616-06172-6

Film

• Bilderbuch Deutschland: Der nördliche Schwarzwald. Dokumentation, 45 Min., èn Film vom Willy Meyer, SWR, Erschtsèndig: 5. März 2006.

Weblinggs

 Commons: Landschaftsaufnahmen aus dem Nordschwarzwald – Sammlig vo Multimediadateie

Dä Artikel basiert uff ere fräie Übersetzig vum Artikel „Nordschwarzwald“ vu de dütsche Wikipedia. E Liste vu de Autore un Versione isch do z finde.