Raich

47.7511111111117.8002777777778675

Raich (IPA: [raɪ̯x]; amtlig Raich) isch e ehemoligi Gmei in Bade-Württeberg (Dütschland) un ghört zum Landkreis Lörrach.

Raich Gmeind Chleis Wiisedal
Wappe vo Raich
Dialekt:	Alemannisch
Hauptvariante:	Hochalemannisch
Regionalvariante:	Markgräflerisch
Höchi:	675 m
Flechi:	9,36 km²
Iiwohner:	290
Bevölkerigsdichti:	31 Iiwohner/km²
Iigmeindig:	1. Januar 2009
Regierigsbezirk:	Fryburg
Landchreis:	Lörrach
Poschtleitzahl:	79692
Vorwahl:	07629
Nummereschild:	LÖ

Dialäkt: Markgräflerisch (Lörrach)

Die ehemolig Gmei ghört sit em 1.1.2009 zue dr neije Gmei Chleis Wiisedal mit Hauptort Dägernau, wo ussem gliichnammige Gmeiverwaltigsverband hervorgange isch. D'Umwandlig vum Gmeiverwaltigsverband in e Verbandsgmei isch us finanzieller Not erfolgt.

Geografy

Lag

Raich litt im Naturpark Südschwarzwald im Dal vo de Chleine Wiese uff 560 bis 1160 meter über NN. Rund 70 Prozänt vom Gmeindegebiet isch bewaldet.

D Gmeind gränzt im Norde an Neuewäg, im Oste an Bürchau und Elbeschwand, im Süde an Tegernau und im Weste an Wies.

Glyderig vum Bann

Zum Bann vu Raich ghöre d Dörfer Raich, Hoheägg, Oberhüser und Ried, de Hof Schürehof und d Hüser Am Rain, Burschtel und Lochhüser (Im Loch). Im Gmeindegebiet liige di uffgangeni Ortschaft Chastelhöfe, wo deilwis au in de hüttige Gmeind Bürchau gläge isch, und di abgangene Burge Altwaldeck und Sitliburg.

Politik

Di politische Organ hän bis zum Zämmeschluss zue dr Gsamtgmei Chleis Wiisedal bstönn uss em ehreamtlige Bürgermeister und em Gmeinderoot mit acht Mitglyder. Sitz vo de örtlige Gmeindverwaltig isch s Roothus vom Ortsdeil Ried gsi, wo anno 1868 baut worre isch.

Wirtschaft

Im 19. Johrhundert hät d Gegend Buresydlig golte, wo d Lüt durchus güet gläbt hän. Di deilwis extreme Hanglage hän e Mechanisierig vo de Landwirtschaft aber unmöglig gmacht, so hän numme no wenigi Ywohner ihr Ychomme in de bürlige Existänz. Raich läbt hütt vo me bscheidene Främdeverchehr und isch e Wohnort für Brüefs-Pändler.

Weblink

•  Commons: Raich – Sammlig vo Multimediadateie
• Internetufftritt vo de Gmeind Raich

Dä Artikel basiert uff ere fräie Übersetzig vum Artikel „Raich“ vu de dütsche Wikipedia. E Liste vu de Autore un Versione isch do z finde.