Alemannische Wikipedia

Baanhof Obberlauchringè

i7i12i13i15i15i16i17

Lauchringè
EG un d Gleis 1 & 2, dè Mittelbaanschteig un d Gleis 3 & 4 im Vordergrund
EG un d Gleis 1 & 2, dè Mittelbaanschteig un d Gleis 3 & 4 im Vordergrund
EG un d Gleis 1 & 2, dè Mittelbaanschteig un d Gleis 3 & 4 im Vordergrund
Daate
Kategorii 6
Bedriibsart Abzwygbaanhof
Bauform langes, zweigschossiges Hauptgebäude mit Walmdach, längs uff beidè Sitè gòt s mit eingschossigè Näbbègebäude witter
Perron 2
Abchürzig RLAU[1]
Eröffnig 15. Juni 1863
Laag
Ort Lauchringè
Land Baden-Württemberg
Staat Deutschland
Koordinate 47° 37′ 44″ N, 8° 19′ 20″ OKoordinate: 47° 37′ 44″ N, 8° 19′ 20″ O
Höchi 362 m ü. NHN
Iisebahnstreckene
Bahnhööf z Bade-Würtebärg


Dè Baanhof Lauchringè (ehem. Obberlauchringè) isch èn chlynè regionalè Ysèbaachnotè im öschtlichè Landchrais Waldshuèt, Dè Bhf. Lauchringè lyt a dè Hochrhybaan, wo vo Basel übber Waldshuèt, Schaffuusè un Singè am Hohentwyl uff Konschtanz gòt. Als südlichè Endpungt vo dè Wuètèdalbaan isch Lauchringè vom Durchgangsbahnhof zum Abzwygbaanhof uffgschtigè.

Laag ändere

Dè Bhf. Lauchringè lyt 1 km nordweschtlich vom Obberlauchringer Ortszèntrum un 1,3 km öschtlich vom Unterlauchringer Ortszèntrum. Sowoll Wohngebièt, wo sich vo Obberlauchringè hèr uusbreitet hèn wiè au è Gwerbegebièt, wo sich nördlich vom Lauchringer Baanhof bildèt hèt, hén defür gsorgt, dass dè Lauchringer innerhalb vom Nordrand vo Lauchringè lyt.

Gschichtè ändere

 
Diè öschtlichi Uusfaart vom Lauchringer Baanhof in Richtung Ärzingè. Links unnè s Gleis 5, rächts unnè s Gleis 4, rächts beidi öschtlichi Uusfaarsignaal

Am Nordufer vom Hochrhy nõch volauft d Hochrhybaan, wo vo dè Baddischè Staatsbahn als Schlussschtuck vo dè Baddischè Hauptbaan baut worrè isch. D Hochrhybaan als Hauptschtreggi vo Basel (Baddischè Baanhof) gu Schaffuusè un witter übber Singè nõch Konschtanz. Sèlli isch 1856 bis Waldshuèt un 1863 Schaffuusè chò. Zwǜschè Waldshuèt un Schaffuusè, im Unterè Chleggau lyt dè Baanhof vo Lauchringè, wellè bis i d 1970er Johr dè Nammè Obberlauchringè drait hèt.

Als Zuèbringer zuè nèrè Schwizer Alpètransversalè übber dè Baanhof Waldshuèt un diè Unteri Aardalbaan hèt die Baddischi Staatsbaan 1875/1876 d Wuètèdalbaan vo Obberlauchringè übber Stüèlingè bis Wizä baut. S Zyl, bi Donaueschingè d Wuètèdalbaan a d Schwarzwaldbaan aazchnüpfè, isch 1876 voworfè worrè, well dè Chlutter gfäält hèt. Dè Obberlauchringer Baanhof isch dõdemit zum Abzwygbaanhof uffgschtigè, wo è Stichschtreggi i s Wuètèdal losgangè isch.

 
BÜ Obberlauchringè bi km 0,55 a dè Wuètèdalbaan, rächts dè WP 1. Dè BÜ ghört zum Bhf. Obberlauchringè

S Preußische Chriègsminischterium hèt d Wuètèdalbaan 1890 vo Wizä bis übber Zollhuus-Blummbärg i s Donaudal bis Immèdingè volängerè lõ, well d Hochrhybaan übber schwizer Territorium füürt un als strategischi Baa nit in Frõg chò isch. Dè Obberlauchringer Baanhof isch dõdemit näbbè Waldshuèt un Schaffuusè zum drittè Chnotèbaanhof i dè Hochrhy-Region un zum einzigè im Chleggau gadlèt worrè.

Sellè Status hèt dè Bhf. Obberlauchringè 1955 widder volorè, well dè 9 km lange Abschnitt Luusä-Blomegg bis Zollhuus-Blummbärg für dè reguläre Personèvokeer stillglait worrè isch. Bis 1971 isch nu nò è Stichschtreggi vo Obberlauchringè wèg s Wuètèdal uè gangè. Well s bis 2001 è Güèterzügle via Obberlauchringè bis uff Wizä gää hèt, isch dè Baanhof Obberlauchringè zwei Johr lang, vo 2001 bis 2003, ganz unnè bim Status Durchgangsbaanhof aachò.

Wèg dè Baanreform un dè Regionalisyrung vom Schinnènaavokeer isch es Mitti vo dè 1990er Johr zuè Übberlegungè chò, zmindescht Deile vo dè Wuètèdalbaan widder für dè Regelbedryb z reaktivyrè. È 1998 erschtellti Studiè hèt empfollè, diè Wuètèdalbaan vo Wizä bis Obberlauchringè z reaktivyrè un dört oone Umschtygè d Personèzüüg übber d Hochrhybaan mit Basel z vobindè. Uffgrund vo dè Koschtèprognosè ( d DB söll 20 Mio. DM voaaschlagt haa) isch d Reaktivyrung vo dè Unterè Wuètèdalbaan zrugggschtellt worrè.

Sit 2003 fungyrt Obberlauchringè widder als Aaschluss für Reisezüüg i s Wuètèdal für dè sognannte Wizä-Pendel. Dè Wizä-Pendel vokeerts allerdings nu im Summerhalbjohr un denn au nu am Sunntig odder Fyrtig. Sèlli zwei Zugpärli wärrèd vo dè Dütschè Baan bedribbè un diènèd als Zuèbringervokeer zu`dè Museumsbaan Sauschwänzlebaan a dè südlichè Èndstation z Wizä. Sèlli Zuèbringerleischtung isch uff d Faarzitè vo dè Museumsbaan abgschtimmt, dè Umlauf gòt vo Waldshut a dè Hochrhybaan übber Obberlauchringè uff Wizä. Gfaarè wörd dè Wizä-Pendel mit Diseldrybwäge vo dè Baureiè 641.

2008 isch s EG vom Baanhof Lauchringè durch d Gmeind Lauchringè un èm örtliche Vorein für 443.000 Euro renovyrt worrè.[4]

Am 13. Oktobèr 2013 isch im Baanhof Lauchringè s 150-jöhrige Bschtò vo dè Hochrhybaan gfièrèt worrè.[5]

Sit Dezembèr 2013 vokeert a Schuèldääg z Baden-Württemberg mittags èn Zug vo Waldshuèt übber Lauchringè gu Öschingè un zrugg. Dõdemit git s uff èm guèt 5 km langè Abschnitt s ganz Johr durrè a Schuèldääg widder èn faarblaanmäßigè Personèvokeer uff dè Wuètèdalbaan.[6] Sit èm 15. Dezemb?er 2014, un dõdemit exakt ei Johr nõch èm Yfüürè vom Schüèlervokeer, isch sèbbè Schüèlerzug uff kommunali Initiativè hy bis nõch Eggingè volängerèt worrè, wo Aaschluss an èn Bus Richtung Stüèlingè bschtòt. Dõdemit sin 9,7 km vo dè Streggi widder in Bedryb.

Gleisaalaagè ändere

Dè Lauchringer Baanhof hèt no hüt rächt umfangrychi Gleisaalaagè. Für dè Personèvokeer stòt hüt abber nu no ei Baanschteiggleis am Hussbaanschteig (Gleis 1) zuè Vofüègung.[7] Dè Baanhof hèt no ein Baanschteig an Gleis 2, uffgrund vom fäälendè Übbergang zu sèllèm Baanschteig chan-er abber nit bruucht wörrè.

 
Abfaarbereiti RB vor èm Bhf. Lauchringè, s Uusfaargignaal zeigt scho freyi Faart aa.

D Regionalbaanè fangèd sit èrè Wyli im Bhf. Lauchringè aa bzw. höred dört uff. D RB wörrèd dōdeby übber s Gleis 1 abgwicklèt. S Gleis 2 wörd als Durchgangsgleis für d RE bruucht, welli zwǜschè Waldshuèt un Ärzingè z Lauchringè durrèrauschèd. Well d Wuètèdalbaan vom Gleis 1 nit erreichbar isch, haltè d Züüg vo un nõch Wizä hüt nu no am Haltèpungt Lauchringè Wescht, wo 1 km weschtlich vom Lauchringer Baanhof a dè Hochrhybaan aaglait worrè isch. Well mò dè Bhf. Obberlauchringè in Bhf. Lauchringè umbenamst ghaa hèt, isch bim neuè Haltepungt z Unterlauchringè, wo uff Höchi vo dè Lauffèmülli aaglait worrè isch, nu no dè konschtruyrte Nammè übbrig blibbè statt dè geografisch korrèktè Bezeichnung Hp Unterlauchringè. D Züüg, wo uff d Wuètèdalbaan übbergän, vokeerèd z Lauchringè übber Gleis 3, well d Aaschlussweichè am öschtlichè Baanhofsènd nu vo Gleis 3 un 4 hèr befaarbar isch.

Näbbè dè zwei Bahnschteiggleis 1 & 2 hèt dè Baanhof no vyr baanschteiglosi Gleis 3-6. Gleis 4-6 wörrèd mengmòl zum Abschtellè vo Wägè odder Züüg bruucht.

Uusschtattung ändere

S denkmòlgschützte EG vom Lauchringer Baanhof, welles für Faargäscht nimmi zuègänglich isch, wörd hüt vo örtlichè Vorein bruucht.[8]

Parkblätz sin koschtèlos in großer Zaal vorhandè. Dè Faarradabschtellblatz isch nit übberdacht. Für Pendler stôn Miètboxè für Faarräder parat.

Bedrièb ändere

Baanvokeer ändere

D Hochrhybaan biètet stündlichi Regionalbaan-Vobindungè uff Basel übber Waldshuèt. Uff dè Wuètèdalbaan git s schuèldäglich èn Schüèlerzug bis Eggingè. Im Summerhalbjohr git s am Sunntig un a Fyrtig Zuèbringervokeer zuè Museumsbaan Sauschwänzlebaan, wo als Wizä-Pendel benamst wörd. Uffgrund vo dè fäälendè Fuèßgängerübbergäng zuè Gleis 2 haaltet dè Wizä-Pendel nu no bim Hp Lauchringè-Wescht.[9]

Zuggattung Streggi Tagtfrequènz
RB Basel Bad Bf – Rhyfäldè (Baddè) – Säckingè – Laufèburg (Baddè) – Waldshuèt – Düèngè – Lauchringè 60-Minutè-Tagt

Busvokeer ändere

D SBG Südbaddèbus GmbH bedrybt s Busvokeersnetz in un um Lauchringè.[10][11]

Taryf ändere

Lauchringè ghört im Waldshuèter Taryfvobund (WTV) aa. In Richtung Basel exischtyrèd Übbergangstaryf zuè dè Vokeersvobünd RVF un RVL.

Literadur ändere

  • Rainer Gerber: 125 Jahre Basel–Waldshut: Jubiläum der Eisenbahn am Hochrhein. Ysèbaa-Kuryr Volaag, Fryburg 1981, ISBN 3-88255-789-3
  • Hans Wolfgang Scharf: Die Eisenbahn am Hochrhein. Band 1: Von Basel zum Bodensee 1840–1939. (= Südweschtdütschi Ysèbaagschichtè, Band 4). Ysèbaa-Kuryr Volaag, Fryburg 1993, ISBN 3-88255-755-9
  • Hans Wolfgang Scharf: Die Eisenbahn am Hochrhein. Band 2: Von Basel zum Bodensee 1939–1992. (= Südweschtdütschi Ysèbaagschichtè, Band 5). Ysèbaa-Kuryr Volaag, Fryburg 1993, ISBN 3-88255-756-7
  • Dietmund Schwarz: Eine Dorfgemeinde und ihre Bahngeschichte – 150 Jahre Eisenbahn in Lauchringen und am Hochrhein von Waldshut nach Konstanz 1863 – 2013, Lauchringè 2013, ISBN 978-3-00-040605-8
  • Bernhard Prillwitz/Dietrich Reimer: Die Sauschwänzlebahn im südlichen Schwarzwald. Sutton Volaag, Erfurt 2010, ISBN 978-3-86680-605-4
  • Ulrich Müller: Die Wutachtalbahn, Strategische Umgehungsbahn, (Sauschwänzlebahn). Ferrovia, Gränzach-Wyhlè 1981, ISBN 3-88275-020-0
  • Intressègmeinschaft für d Erhaltung vo dè Museumsbaan Wuètèdalbaan e. V. (IG WTB e. V.): Die Museumsbahn Wutachtal. Markorplan Agendur un Volaag, Bonn 2002, ISBN 3-933356-08-3
  • Hans-Wolfgang Scharf: Die Eisenbahn am Hochrhein. Band 3: Die Strategischen Bahnen in Südbaden. EK-Volaag, Fryburg 1993, ISBN 3-88255-757-5
  • Samuel Pletscher: Führer auf der strategischen Wutach-Randen-Donauthalbahn. Nachdrugg als Broschürè in Leimbindung, Volaag J.A. Binder's Nõchfolger, Bõõdorf 1890

Weblinggs ändere

Einzelnõchwys ändere

  1. ↑ Abkürzung
  2. ↑ Baanhof macht widder was hèr (Site cha nüme abgrüeft wärde; Suche im Webarchiv)[1] [2] Vorlage:Toter Link/www.ruinae-daengler.de
  3. ↑ Lauchringè: Baanhofsfescht zum Jubiläum
  4. ↑ Neue Angebote von Bus und Bahn am Hochrhein – suedkurier.de. Abgruefen am 28. Dezember 2013.
  5. ↑ Bahnschteiginformationè vo dè DB Station&Service AG Archivlink (Memento vom 5. März 2016 im Internet Archive)
  6. ↑ Baanhof Lauchringè uff dè Sitè vom VCD Chraisvoband Waldshuèt
  7. ↑ offizièllo Websitè vo dè Wuètèdal-/Sauschwänzlebaan. Archiviert vom Original am 4. März 2016; abgruefen am 2. März 2017.
  8. ↑ Internetsitè vo dè Dütschè Baan AG
  9. ↑ Internetsitè vo dè SBG Südbaddèbus GmbH
  Dä Artikel basiert uff ere fräie Übersetzig vum Artikel „Bahnhof_Lauchringen“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Bahnhof_Lauchringen&oldid=990166"