Hochrhybahn
D Hochrhybahn isch è Ysebahnstrecki vo Basel uff Konschtanz. Sie isch vo dè Großherzoglich Badischi Staats-Ysebahne als Teil der Badischi Hauptbahn erbaut worre, un folget em Rhy uffwärts vo Monnem bis Konschtanz.
| Basel Bad Bf–Konschtanz | |
|---|---|
| Kursbuechstrecki (DB): | 730 Basel-Singen 720 Singen-Konstanz |
| Fahrblanfäld: | 763 |
| Stromsystem: | Schaffhuuse–Konschtanz: 15 kV 16,7 Hz ~ |
| Zweigleisigkeit: | Basel–Waldshuet Beringen–Konschtanz-Petershuuse |
| Bundesland (D): | Bade-Württeberg |
| Kantön (CH): | Basel-Stadt, Schaffhuuse, Thurgau |
| Betriebsschtelle un Strecke[1] | |
HistorièBearbeite
Vo Basel Badische Bahnhof bis Säckinge isch dè erschte Deil am 4. Februar 1856 eröffnet worre, scho am 30. Oktober 1856 isch Waldshuet erreicht worre. Denn hèt dè Witterbau gschtockt, abber ab em 15. Juni 1863 isch diè gsamti Bahn bis Konschtanz befahrbar gsy. Immerhin hét scho ab em 18. August 1859 è Verbindig zum Schwizerische Ysebahnnetz über dè Rhy gu Koblenz AG.
Die gesamt Bahn hèt de Badische Staatsbahn unterstande un ghört no hüt zu dè Dütsche Bahn, sell au uff schwizerischem Gebièt, wa durch en Staatsvotrag begründet isch. Dè Staatsvotrag us em Johr 1852 rumt dè Schwiz s Rècht y, selli uff schwizerischem Gebièt glegni Strecki noch Yhaltig vonnere füüfjöhrige Kündigungsfrischt zruckzkaufe. Obwoll diè Möglichkeit noch em Erschte Weltchrieg diskutiert worre isch, hèt mo sie niè umgsetzt. Im Zweite Weltchrieg isch dè grenzüberschrittende Vokehr stark ygeschränkt gsi, Transpört vo dè Wehrmacht hän d Schwiz nit passiere dürfe. 1944/45 hän noh vier Personezugpärli am Stuck zwische Basel Badischer Bahnhof un Singen (Hohentwiel) vokehrt. I dè Fahrplantabelle isch abber uusdrücklich vomerkt worre: „Durchreise durch den Kanton Schaffhausen nur mit Reisepass mit Ausnahmegenehmigung (Visum) gestattet.“ Zwische dèm 8. Juni 1945 un em 1. August 1953 sin diè dütsche Ysebahnaalage i dè Schwiz unter d Verwaltig vonnere Treuhandbehördè ko, wo dè Schwizer Bundesrot ygsetzt hät.
Sit 1987 isch diè Strecki zum gröschtè Deil zweigleisig, nu dè Abschnitt zwischè Waldshuet un Beringe isch eingleisig. Dè Abschnitt zwischè Laufeburg un Murg isch vor è baar Johr zweigleisig uusbaut worre. Nu zwische Schaffhuuse un Konschtanz isch sie elektrifiziert. È Elektrifizierig vo dè nit elektrifiziertè Reschtschtrecki zwische Basel (Badischè Bahnhof) un Schaffhuusè wörd vom Land Bade-Württemberg un vom Kanton Schaffhuuse aagschtrebt.[2] Zurzit wörd allerdings znägschst im Rahme vo dè plante S-Bahn Schaffhuuse è Elektrifizierig vo dèm Abschnitt zwische Schaffhuuse un Erzingè aagange.
Am 5. Mai 2011 hän in Schaffhuuse diè ehmaligi Vokehrsminischterin vo Bade-Württeberg Tanja Gönner un dè Baudirektor vom Kanton Schaffhuuse Reto Dubach diè Planungsvoybarig für diè Elektrifizierig vo dè Hochrhybahn zwische Basel (Badische Bahnhof) un Schaffhuuse unterzeichnet. Dodrin wörd èn verschtärkt grenzüberschritendè Ysebahnvokehr ohne Umschtygè entlang vom gsamte Grenzkorridor in Konschtanz, Schaffhuuse, Waldshuet un Basel, è blantes dichtes Fahrplanaagebot uff dè Hochrhystrecki, d Voruussetzige für èn blante S-Bahn-Uusbau i dè Ballungsgebièt Basel un Züri – Schaffhuuse sowiè diè Höchi vo dè Planungskoschtè feschtghaalte. Usserdèm söllet z Singe un Basel (Badische Bahnhof) gueti Übergangsmöglichkeite zum Fernvokehr gschaffè wörre. Diè Elektrifizierig söll bis zum Endi vom Johr 2016 abgschlossè sy.[3]
Hütigè BetriäbBearbeite
Während bis i d 90er Johr iè Schnell- un Eilzugvobindigè vo Basel reschpektiv Friburg bis noch Lindau un deilwys München beschtande hän, wörd diè Strecki hütt vo InterRegioExpress-Züg mit èm Laufwèg Basel-Singè bzw. Basel-Ulm bediènt. È Regionalbahn fahrt zwische Basel un Waldshuet im Stundetakt, woby diè meischtè Züg bis Lauchringe vokehrè düen. Zu dè Hauptvokehrszit wörd zwischè Basel un Waldshuet sogar èn Halbschtundetakt aabotè. Zwische Singen und Schaffhuuse vokehrè dagsüber mehreri Züg pro Stund, unter anderem è S22 vo dè S-Bahn Züri im Stundètakt. Diè Züg vo dè Schwarzwaldbahn vokehret zwische Singè un Konschtanz.
Vom Basagieruffkoa her unterdeilt sich diè Strecki i füüf vonènand unterschydlichi Abschnitt:
- Dè Abschnitt zwische Basel und Waldshuet, welle vo allem vo Pendler- un Zuebringervokehr i s industrièlle Ballungszentrum Basel prägt isch.
- Dè Abschnitt zwische Waldshuet un Erzingè isch vom Basagieruffkoa relativ schwach uusprägt. Mit em Bahnhof z Lauchringe beschtoht è Zue- un Uuschtygsschtell als Aabindig zue dè touristisch intressantè Sauschwänzlebahn.
- Dè im Kanton Schaffhuusè uff Schwizer Gebièt glegene Streckedeil Èrzingè-Schaffhuusè, wo vokehrlich è gwisses Eigèlebè führe duet, well er vom Netz vo dè SBB betryblich trennt un uff diè innerkantonalè Bedürfnis zuegschnittè isch. Um de Halbschtundètakt innerhalb vom Kanton Schaffhuusè yführè z könnè, wörd bis 2013 diè Strecki Erzingè - Beringè zweigleisig uusbaut, füüf Bahnübergäng, drei in Wilchingè un zwei z Nüüchilch, drunter dè bekannte S-förmige Bahnübergang Erle, wörret durch Unterführigè ersetzt.[4] I dè nägschstè Johr söll ußerdem d Strecki Erzingè - Schaffhuusè elektrifiziert wörrè. Z Thayngè söll èn neue Bahnhof entschtoh.
- Dè Abschnitt zwische Schaffhuuse un Singè, wo 1989 elektrifiziert worre isch un als Verbindigsglièd zwische dè Gäubahn un em Schwizer Streckenetz hochwertigè Fern- un Güeterzugvokehr z bewältigè hät.
- S Deilschtück zwischè Singè und Konschtanz. Im Nahvpkehr wörd desell Streckedeil vo dè dütschè Döchter vo dè SBB bediènt, im Regionalvokehr vo uss Karlsrueh kömmendè InterRegioExpress-Züg. Dè Bahnhof Konschtanz isch au Grenzbahnhof zu dè Schwiz.
Basel Badischè Baanhof
Baanhof Singè
EG vom Baanhof Lauchringè a dè Hochrhystreggi.
LiteradurBearbeite
- Rainer Gerber: 125 Jahre Basel-Waldshut: Jubiläum der Eisenbahn am Hochrhein, 1981, Eisenbahn-Kurier Verlag, Freiburg, 1981
- Hans Wolfgang Scharf: Die Eisenbahn am Hochrhein, Band 1: Von Basel zum Bodensee 1840–1939, Reihe: Südwestdeutsche Eisenbahngeschichte, Eisenbahn-Kurier Verlag, Freiburg, 1993.
- Hans Wolfgang Scharf: Die Eisenbahn am Hochrhein, Band 2: Von Basel zum Bodensee 1939–1992, Reihe: Südwestdeutsche Eisenbahngeschichte, Eisenbahn-Kurier Verlag, Freiburg, 1993
WeblinggsBearbeite
- Bilder vo dè Tunnelportäl uff www.eisenbahn-tunnelportale.de von Lothar Brill
- Ysebahn-Einmaligkeite z Südbade: Hochrhybahn
EinzelnochwysBearbeite
- ↑ Eisenbahnatlas Deutschland 2007/2008. 6. Auflage. Schweers+Wall, Aachen 2007, ISBN 978-3-89494-136-9.
- ↑ Wulf Rueskamp: Hochrheinbahn soll unter Strom – für 110 Millionen Euro. Badische Zeitung, 31. Juli 2009, abgruefen am 1. August 2009.
- ↑ .Die Elektrifizierung rückt näher. Südkurier, 6. Mai 2011, abgruefen am 6. Mai 2011.
- ↑ http://www.klettgaumobil.ch
|
Dä Artikel basiert uff ere fräie Übersetzig vum Artikel „Hochrheinbahn“ vu de dütsche Wikipedia. E Liste vu de Autore un Versione isch do z finde. |