Gudmedinge
Gudmedinge (amtlich Guntmadingen) isch en Ortstaal vo Beringe. Er isch bis Endi 2012 e Ywonerpmaand im Bezirk Oberchläggi im Kanton Schafuuse, Schwyz, gsi.
| Guntmadingen | |
|---|---|
 | |
| Basisdatä | |
| Staat: | Schwiiz |
| Kanton: | Schaffuuse (SH) |
| Bezirk: | Oberchlettgi |
| Gmeind | Beringen SH |
| PLZ | 8223 |
| Koordinate: | 683448 / 282003 |
| Höchi: | 439 m ü. M. |
| Flächi: | 4,49 km² |
| Iiwohner: | 229 (31. Dezember 2011)[1] |
| Website | www.guntmadingen.ch |
 Dorfbrunne | |
| Charte | |
 | |
Geografii
ändereGudmedinge lyt am Fuess vom Lauferbärg. De Lauferbärg isch en Buggel vom Südrande. Well de Südrande de Südrand vom Oberchläggi isch, lyt Gudmedinge an ere Nordhaalde. Sell isch im Chläggi öppis bsunders, well die meischte andre Chläggi-Dörfer gegenüber a de Südhaalde (Beringer Rande, Siblinger Rande, Lange Rande, Hallauer Bärg) ligged. Nu Wilchinge und Ooschterfinge ligged ebeso am Fuess vom Südrande, aber au im Wangetal.
Vo de Pmaandsflächi sind 37,8 % landwirtschaftlichi Flächi, 56,7 % Waald und 5,5 % Sidlingsflächi gsi.[2]
Gschicht
ändereGudmedinge isch zum eerschte Mòòl im Jòhr 1111 als Guntrammingin (1122 Guntramingin) gnennt worde.
Uf de 1. Januar 2013 hend Gudmedinge und Beringe fusioniert. De Name vo de nöie Pmaand haasst Beringe.[3]
Bevölkerig
ändereQuälle: Bundesamt für Statistik 2005[4]
| Johr | 1850 | 1860 | 1870 | 1880 | 1888 | 1900 | 1910 | 1920 | 1930 |
| Iiwohner | 232 | 204 | 201 | 197 | 186 | 176 | 175 | 215 | 202 |
| Johr | 1941 | 1950 | 1960 | 1970 | 1980 | 1990 | 2000 | 2010 | 2011 |
| Iiwohner | 211 | 208 | 218 | 183 | 215 | 225 | 258 | 237 | 229 |
De Uuslenderaateil isch 2010 bi 5,1 % gläge.[2]
Religion
ändere77,1 % vo de Ywoner sind evangelisch-reformiert, 10,1 % sind römisch-katholisch gsi (Stand 2000).[2]
Politik
ändereBi de Nationalròòtswaale 2011 hät s daa Ergebnis gä: CVP 5,8 %, FDP 5,3 %, SP 12,6 %, SVP 59,4 %, Sustigi 16,9 %.
Pmaandspräsident isch de Hans Schwaninger gsi (Stand 2012).
Wirtschaft
ändereD Arbetslosigkeit isch im Johr 2011 bi 0,9 % gläge.[2]
Spròòch und Dialäkt
ändereBi de Volkszelig 2000 hend vo de 258 Ywoner 97,3 % Dütsch als Hauptspròòch aagä.
De hochalemannisch Dialekt vo Gudmedinge ghört zun Nordoschtschwyzer Dialäkt. D Gudmedinger schwätzed wie ali andre Chläggilüüt e Variante vom Schaffuuser Dialäkt, wo mò als Chläggi-Tütsch benamse tot und wo si dur en Huuffe aa uuszaachnet (fascht überaal, wo anderi hochalemannischi Dialäkt en ei hend).
Bilder
ändere-
Dorfiigang -
Schuel -
Wohnhuus im Zentrum
Weblink und Literatur
ändere
Commons: Guntmadingen – Sammlig vo MultimediadateieFuessnote
ändere- ↑ Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)
- ↑ 2,0 2,1 2,2 2,3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Fusionsvertrag vo Beringe und Gudmedinge vom 16. April 2012 uf beringen.ch
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
