Schännau im Schwarzwald

Schännau im Schwarzwald (dt. Schönau im Schwarzwald) isch e Stadt im Landchreis Lörrach in Bade-Württeberg.

Wappe	Dütschlandcharte
	47.7866666666677.8941666666667540
Basisdate
Dialekt:	Alemannisch
Hauptvariante:	Hochalemannisch
Regionalvariante:	Wiisedälerisch
Bundesland:	Bade-Württebärg
Regierigsbezirk:	Friburg
Landchreis:	Löörech
Höchi:	540 m ü. NHN
Flächi:	14,7 km²
Iiwohner:	2417 (31. Dez. 2022)
Bevölkerigsdichti:	164 Iiwohner je km²
Poschtleitzahl:	79677
Vorwahl:	07673
Kfz-Chennzeiche:	LÖ
Gmeischlüssel:	08 3 36 079
Adress vo dr Stadtverwaltig:	Talstraße 22 79677 Schännau im Schwarzwald
Webpräsenz:	www.schoenau-im-schwarzwald.de
Burgermeischter:	Peter Schelshorn
Lag vo dr Stadt Schännau im Schwarzwald im Landchreis Löörech
Karte

Dialäkt: Markgräflerisch (Ebringe)

Geographi

Geographischi Lag

Dr staatlich aerchennt Luftchurort Schännau im Schwarzwald lit im obere Wiisedal am Oberlauf vu dr Grosse Wiise, umgäbe vu dr Erhebige vum südliche Schwarzwald, in 517 bis 1309 Meter Höchi am Fuess vum Belche.

Meh wie 80 % vu dr Flächi isch vu Wald bedeckt.

Noochbergmeinde

Im Uhrzeigersinn (vu Norde agfange): Aitere, Utzefeld, Todtnau, Bernau im Schwarzwald, Tunau, Wembach, Fröhnd un Schöneberg.

Stadtgliderig

Zue Schännau ghöre näbe dr Chernstadt d'Ortsdeile Schönebueche, Brand un Uf dr Bruck.

Gschichte

Schännau isch anno 1113 erstmols urchundlich erwähnt worre. Dr Ort het zum Chloster St. Blasie ghört un demit zue Vorderöstriich. Anno 1805 isch Schännau zum nöi gschaffene Grossherzogtum Bade chu. 1809 het Schännau d'Stadtrechte erlangt. Sälli sin 1936 aberchennt un 1950 wiider gwährt worre.

Politik

D'Stadt isch Sitz vum Gmeiverwaldigsverband Schännau, wo die Gmeie Aitere, Fröhnd, Schöneberg, Utzefeld, Wiide, Bölle, Schännau, Tunau un Wembach dezu ghöre.

Wahle

Ergebnis vo dr Landdagswahle sit 2006:

Johr	CDU	SPD	FDP	Grüeni	Linki1	AfD	Suschtigi
2016	30,5 %	12,8 %	6,9 %	33 %	1,7 %	10,1 %	4,9 %
2011	41,2 %	21,9 %	4,5 %	26,5 %	1,6 %		4,3 %
2006	52,4 %	23,5 %	7,8 %	9 %	3,8 %		3,6 %

¹ 2006: WASG, sit 2011: Die Linke

Städtpartnerschafte

D'Stadt Schännau underhaldet partnerschaftlichi Beziegige zue

• Villersexel im Département Haute-Saône in Frankriich sit 1974.

Religion

di Römisch-Katholisch Pfarrchilche "Mariä Himmelfahrt" z Schännau

Z Schännau git s e katholischi un e evangelischi Chilchegmei.

Wirtschaft un Infrastruktur

Verchehr

Dur Schännau verlauft d'B 317 vu Basel nooch Titisee, wo au e regionali Buslinie druf verlauft, wo vu dr Südbadebus GmbH, ere Dochter vu dr Dytsche Bahn betriibe wird. Sälli isch dr Ersatz fer die Ober Wiisedalbahn. S'Todtnauerli, au as Oberi Wiisendalbahn bezeichnet, isch e privati Schmalspurbahn gsi, wo vu Zell im Wiisedal, wo d'Normalspurbahn vu Basel uffhört, iber Schännau nooch Dodtnau gfüehrt het. Si isch anno 1889 eröffnet un 1967 stillglegt worre. Ihr Trasse isch hüt grösstedeils aber e Radwäg, wo nit asphaltiert un dorum nit fir Rennräder geignet isch.

Asässigi Undernähme

• Die örtlich asässige Undernähme hän sich anno 2002 zu eme Initiativkreis Obers Wiisedal (IOW) zämmegschlosse, um gmeinsam d'Infrastrukture vum obere Wiisedal sowohl fer die asässige Undernähme as au fer die dert läbende Lüt attraktiv z'gstalte.
• Dytschlandwitt bekannt isch Schännau dur sini „Stromrebelle“ in dr 1980er Johre worre. D'Bürgerinitiative het nooch em Reaktorunfall z'Tschernobyl agfange, sich energipolitisch z'engagiere. Im Juli 1997 hän schliesslich - erstmols in dr Gschichte vu dr Bundesrepublik - e Gruppe vu Bürger (un andere) d'Stromversorgig vu dr Gmei indem si s'Netz vum damolige Energiversorger Kraftwerke Rhifelde gchauft hän. Hyt wird s'Stromnetz vu dr Elektrizitätswerke Schönau GmbH (EWS) betribe.

Gricht un Irichtige

Z Schännau hets e Amtsgricht, wo zum Landgrichtsbezirk Waldshuet-Tinge un Oberlandesgrichtsbezirk Charlsrueh ghört.

Persönlichkeite

Ehrebürger

• Adolf Dießlin (1853–1917), Grossherzoglicher Forstmeister
• Josef Eduard Schlageter (1855–1938), Vadder vum Albert Leo Schlageter
• Eduard Böhler (1878–1964), Geistlicher Rot
• Fritz Rueb (1925–2015), Gründer vu dr Firma Frisetta (hytt Frisetta Kunststoff un Frisetta Polymer)
• Anton Gromer (* 1931), Geschäftsführer vu dr Firma Heinzmann
• Joachim Löw (* 1960), Fuessballweltmeischter as Trainer vu dr ditsche Männernationalmannschaft anne 2014

Söhn un Döchter vu dr Stadt

• Albert Leo Schlageter, (1894–1923), dytscher Freikorpschämpfer
• Joachim Löw, (* 1960), dytscher Fuessballspiler un -trainer 2006 Bundestrainer vu dr dütsche Fuessballnationalmannschaft.
• Michael Sladek (* 1947), Stromrebell un Gründer vu dr EWS Schönau

Weblink

• Stadt Schönau im Schwarzwald
• Gemeindeverwaltungsverband Schönau

Fueßnote

Dä Artikel basiert uff ere fräie Übersetzig vum Artikel „Schönau_im_Schwarzwald“ vu de dütsche Wikipedia. E Liste vu de Autore un Versione isch do z finde.