Hüttike
Hüttike isch e Gmeind im Schwiizer Kanton Züri. D Gmeind ligt im Furttal und ghört zum Bezirk Tielschtoorf.
| Hüttikon | |
|---|---|
 | |
| Basisdate | |
| Staat: | Schwiiz |
| Kanton: | Züri (ZH) |
| Bezirk: | Tielschtoorf |
| BFS-Nr.: | 0087 |
| Poschtleitzahl: | 8115 |
| UN/LOCODE: | CH HTT |
| Koordinate: | 671546 / 255468 |
| Höchi: | 433 m ü. M. |
| Flächi: | 1.62 km² |
| Iiwohner: | 959 (31. Dezämber 2022)[1] |
| Website: | www.huettikon.ch |
 Aasicht vo de Lägere | |
| Charte | |
 | |
Geographi
ändereHüttike ligt am Fuess vom Altbärg an de Schtroos vo Würelos uf Rägeschdorf. Nochbargmeind sind s aargauischi Würelos und di Zürcher Gmeinde Otelfinge, Dänike und Oetwil an der Limmat. Hüttike isch di Gmeind im Kanton Züri, wo de chlinscht Gmeindsbann het.
Gschicht
ändereS erschti Mol in ere Urkund isch Hüttike im Johr 883 uftaucht als Huttinchova. En Adalbert het in dere Urkund sin Bsitz de Abtei vom Fraumöischter z Züri abträte und het dodefür anderi bsitztümer am Türlersee übercho. Sowohl s höchi, wi au s Nidergricht isch im 14. Johrhundert bi de Habsburger gsi und de Ort het zum Amt Siggethal ghört. En Teil vo de Höf im Ort hei scho früeh zum Chloschter Wettige ghört, anderi de Badener Spitalverwaltig. Wo mit de Eroberig vo de Habsburger Territorie im 1415 d Grafschaft Bade entschtande isch, isch Hüttike en Teil dervo gsi, bis ins Johr 1798. Bis ins 1803 isch Hüttike dann en Teil vom Kanton Bade gsi, bevor es zum Kanton Züri cho isch. Bis ins Johr 1868 hei d Hüttiker zu de reformiirte Chilegmeinde Würelos ghört, sind dann aber Otelfinge zuteilt worde. De Status von ere eigede Gmeind het Hüttike 1814 übercho.
Bevölkerigsentwicklig
ändereQuälle: Bundesamt für Statistik 2005[2]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iiwooner | 178 | 161 | 138 | 134 | 118 | 120 | 136 | 146 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iiwooner | 139 | 147 | 154 | 173 | 256 | 356 | 410 | 533 |
De Uusländeraatäil liit bi 16,3 % (Stand 2011).[3]
Religion
ändere42,2% vo de Iiwooner sind evangelisch-reformiert, 31,9% sind römisch-katholisch (Stand 2011).[3]
Politik
ändereBi de Kantonsraatswaale 2011 hät s das Ergebnis ggee:[3] BDP 1,0 %, CVP 2,4 %, EDU 1,3 %, EVP 0,7 %, FDP 7,1 %. GLP 6,5 %, GP 4,1 %, SP 7,9 %, SVP 68,7 %, Suschtigi 0,3 %.
Gmäindspresidänt isch de Markus Imhof (Stand 2012).
Wirtschaft
ändereD Arbetslosigkäit isch im Jaar 2010 bi 2,1 % gläge.[3]
Tieläkt
ändereDe züritüütsch Tieläkt vo Hüttike ghört zue de Unterländer Mundarte.
Sehenswürdigkeite
ändereZ Hüttike stoht s Huus mit em letschte Dach, wo im Kanton Züri mit Stroh iideckt isch, s Stohdachhuus Hüttike. Es isch öppe im 1682 bauet worde und ghört sit em 1940i em Kanton Züri.
Galerii
ändere-
Strohdachhuus -
Altes Schpritze- und Gmeindshuus -
Gaschthof Alti Post
Literatur
ändere- Hermann Fietz: Die Kunstdenkmäler des Kantons Zürich, Band II: Die Bezirke Bülach, Dielsdorf, Hinwil, Horgen und Meilen. (= Kunstdenkmäler der Schweiz. Band 15). Hrsg. von der Gesellschaft für Schweizerische Kunstgeschichte GSK. Bern 1943.
Weblinks
ändere
Commons: Hüttikon – Sammlig vo MultimediadateieFuessnote
ändere- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ 3,0 3,1 3,2 3,3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
