Hauptmenü ufmache
S GR im Lemma isch s offiziell Chürzel vom Kanton Graubünde und wird bruucht, zum Verwächslige mit Yträäg vom Name Mutte vermyde, wo öppis anders meined.

Mutte (amtlech Mutten, rätoromänisch Mut) isch es Dorf i de politische Gmeind Thusis im Bündnerland.

GeografiiBearbeite

S Dorf ligt i de Bündner Region Viamala. Es isch am Nordhang vom Muttnerhorn un öschtlich vo de Muttner Höchi zwüsche em Hinterrhii un de Albula.

GschichtBearbeite

Mutte isch e Sidlig vo de dütschsproochige Walser zmitzt i (zum Teil früener) bünderromanische Gmäinde. Es isch dänkbar, dass d Sidlig im 14. Joorhundert vo de Freiherre vo Vaz aaglegt worde isch, für de schmal Passstreife zwüsche de Bsitzige im Schams un im Albulatal z sichere. Dr Ortsnaame sälber isch ursprünglech en romanische Flurname, wo zum ene vorlatiinische Stamm *motta un *mŭtt(a) met dr Bedütig «Ärdhuufe» (vo do romanisch muot, muota bzw. italienisch motta «Hoger, Aahöchi, Bergkuppe») khört. Dr Fluername isch im Spätmittlalter vo de iigwanderte Walser öbernoo un uf di nöi Sidlig überdrage worde.[2] Uf de 1. Jänner 2018 het sech Mutte de Gmeind Thusis aagschlosse.[3]

WeblinggBearbeite

  Commons: Mutte – Sammlig vo Multimediadateie

EinzelnachwysBearbeite

  1. Bundesamt för Statistik uf bfs.admin.ch
  2. Lexikon der schweizerischen Gemeindenamen. Hrsg. vom Centre de Dialectologe an der Universität Neuenburg unter der Leitung von Andres Kristol. Frauenfeld/Lausanne 2005, S. 635.
  3. Fusion Thusis-Mutten tritt auf 2018 in Kraft Mitteilig uf gr.ch vom 13. Juni 2017