Hinterrhii GR

S GR im Lemma isch s offiziell Chürzel vom Kanton Graubünde und wird bruucht, zum Verwächslige mit Yträäg vom Name Hinterrhii vermyde, wo öppis anders meined.

Hinterrhii (uf rätoromanisch Valragn) isch es Dorf, wo zu dr politische Gmeind Rhiiwald ghört.

Hinterrhii
S Wappe vo Hinterrhii
Basisdatä
Staat:	Schwiiz
Kanton:	Graubünde (GR)
Region:	Viamalaw
Gmeind	Rhiiwald
PLZ	7438
Koordinate:	735117 / 15507546.533339.1999971624
Höchi:	1624 m ü. M.
Flächi:	48.30 km²
Iiwohner:	63 (31. Dezämber 2017)
Website	www.hinterrhein.ch
s Dorf Hinterrhii s Dorf Hinterrhii
Charte
Charte vo Hinterrhii w

Geografii

Hinterrhii isch s erschti Dorf ganz oben im Gebiet vom Rhiiwald, s obere Taal vom Hinterrhii, wo im Südweschte vo dr Region Viamala im Bündnerland liit. Vo dört chunt me übere San Bernardinopass is Misox abe und z Fuess übere Fallerbärg uf Falsch übere.

Gschicht

Öppe i de 1270er Joore sind Walser, wo us em Pomatt, vo Simplu und vo Brig usgwanderet sind, dur d Tessiiner Tääler is Rhiigebiet cho. Ganz oben am Rhii händ si do di erschti Bündner Walsersidlig gründet. Sid denn isch Hinterrhii es dütschsproochigs Dorf.

Über d Bärgpäss vo Kuur uf Bellenz und Chiavenna sind bis is 19. Joorhundert nume Soumpfad gange. Und so händ au d Lüt vo Hinterrhii e gueti Rolle i dr Säumerei übere Bärg gspilt. Wo denn ane 1820 e richtegi Strooss übere Bernardino-Pass bout worden isch, het das ufghört. Im 1967i isch dr Stroossedunel under em Pass dure ufgange.

Uf de 1. Jänner 2019 händ di bishärige Gmeinde Hinterrhii, Nufene und Splüüge zur neue Gmaind Rhiiwald fusioniert. Hinterrhii hät zletscht en Stüürfuess vo 75 Stürprozänt kha.

Lüüt

• Erika Hössli (1944), Walser Mundartdichteri (in Hinterrhii ufgwachse, läbt z Splüge)

Weblink

 Commons: Hinterrhii – Sammlig vo Multimediadateie

• Kurt Wanner: Hinterrhein. In: Historisches Lexikon vo dr Schwiiz.