Zunzge

Zunzgen
	Wappe vo Zunzgen
Basisdate
Staat:	Schwiiz
Kanton:	Basel-Landschaft (BL)
Bezirk:	Sissach
BFS-Nr.:	2869
Poschtleitzahl:	4455
Koordinate:	627779 / 255726Koordinate: 47° 27′ 6″ N, 7° 48′ 25″ O; CH1903: 627779 / 255726
Höchi:	397 m ü. M.
Flächi:	6,87 km²
Iiwohner:	2719 (31. Dezämber 2022)
Website:	www.zunzgen.ch
Charte
	Charte vo Zunzgen

Zunzge (hochdytsch Zunzgen) isch e politischi Gmeind im Bezirk Sissech vom Kanton Basel-Landschaft in dr Schwiiz.

Dialäkt: Baseldytsch

Lag

Zunzge liggt uff 397 m ü.M. am undere-n-Änd vom Diegtertal a dr Autobahn A2. Nochbergmeinde sin Ütige, Sissech, Dürne, Dännike und Höllschtä.

Wappe

S Wappe exischtiert sit 1948. Uffeme goldige Fäld stoht uff eme rote Bärg e schwarze Turm mit Zinne. Symbolisiert wird dodrmit dr Heidebüchel mitsamt dr ehemoolige Burg. D Farbe gääl-rot zeige die friener Zuegheerigkeit zur Herrschaft Habsburg-Laufeburg.

Gschicht

1323 wird dr Ort als Zunzkon s erschti Moll erwäänt und hett wool ursprynglig zer Herrschaft vo dr Homburg gheert. Wie bie Diegtä und Dännike handlet sichs eigentli um ein friehmittelalterlig-alemannische Ortsname uf -ing, wo mit em druffolgende -hofen verschmolze isch und zu -kon oder -gen abgschliffe worde isch. Flurnäme und en bsundere Hügel spräche aber für e frieneri Besiidlig. Dä Hügel - dr «Büchel» isch s Woorzeiche vo Zunzge. Är isch ca. 30 m hoch und hett e Volume vo ca. 6000 Kubikmeter. E Datierig isch bishär nid möglich gsi, en Untersuechig vo 1950 hett Teil von ere friehmittelalterlige Burgalag (ca. um 900) zem Vorschiin brocht. Dr Sag noch sell dr Hunnekeenig Attila do begrabe syy. Au e Begräbnisstett uss dr Zyt vor Völkerwanderig isch allerdings wyter möglig.

1223 isch dr Ort in Bsitz vo de Grafe vo Habsburg-Laufeburg ko, wo dr Ort an die Edle vo Frick, speeter vo Eptige, verleent hän. 1461 isch dr Ort an d Stadt Basel glangt. Währenddäm um 1700 ca. 200 Lyt z Zunzge gläbt hän, sins 1900 scho 685 gsi. 1956 hett me d Tuusger-Gränze überschritte. Wichtigscht Arbetgäber für vili Joore isch d Basler Yysemöbelfabrik gsi, wo 1899 gründet worde isch.

Sehenswürdigkeite

Woorzeiche vom Ort isch dr Heidebüchel, wo um die erscht Joortuusigwändi e Holzburg treit het. Dr Büchel isch ca. 30m hoch, sin Ursprung nid klar (lueg Gschicht). Ebefalls sehenswärt isch die gwölbti Dorfbachbrugg uss Stai.

Lüt

Helene Bossert (* 1907 z Zunzge), Schriftstellere

Weblink

Fuessnoote

↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

Dä Artikel basiert uff ere fräie Übersetzig vum Artikel „Zunzgen“ vu de dütsche Wikipedia. E Liste vu de Autore un Versione isch do z finde.

[1] Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

[1]