D Bundesschtrõß 31 (Abkürzung B 31) isch è Bundesschtrõß z Südbaddè, wo in Oscht-Wescht-Richtung volauft. Si volauft vo Briisach a dè Gränz zuè Frankriich bis zuè dè Aaschlussschtell Sigmarszèll a dè Bundesautobaan 96 (A 96) bi Lindau. Zwǜschè m Übbergang vo dè Bundesautobaan (A 98) i d B 31 bi dè Aaschlussschtell Stockach-Oscht un dè Aaschlussschtell Sigmarszèll a d A 96 isch si è Deilschtugg vo dè Europaschtrõß E 54 ParisMünchè.

Vorlage:Infobox hochrangige Straße/Wartung/DE-B
Bundesstraße 31 in Deutschland
Bundesstraße 31
 
Karte
Verlauf der B 31
Verlauf der B 31
Basisdaten
Betriiber: Bundesrepublik Deutschland
Aafang vo dr Strooss: Briisach
(48° 1′ N, 7° 35′ O)
Ändi vo dr Strooss: Wyßèbärg
(47° 35′ N, 9° 44′ O)
Gsamtlengi: ca. 200 km

Bundesland:

Usbauzuestand: zweischpurig[1]
Bundesstrõß 31 bi Fryburg
Bundesstrõß 31 bi Fryburg
Bundesstrõß 31 bi Fryburg


Volauf ändere

Wichtigi Ortschaftè a dè B 31 un Aaschlüss a andri Fèrnstrõßè:

Gschichtè ändere

Früènèri Streggè un Bezeichnungè ändere

 
D Strõß durch s Höllèdal um 1885

Iri Urschprüng hèt d Bundesschtrõß 31 in èrè aaltè Römerschtrõß für d Vobindung vo Feschtungè am Rhy (Briisach) mit dè römischè Heerschtrõß öschtlich vom Schwarzwald. Si hèt 1949 uss d Rychsschtrõß 31 (entschtandè 1934) abglöst.

Nõch èm „Aaschluss“ vo Öschterrych a s Dritte Reich (1938) isch d Streggi ab Lindau nõch Öschterrych volängerèt worrè. Zèrscht isch si südlich vo Bregènz bis uff Fäldkirch. Dõ zwygt d R 31a a diè lichtèschteinischi Gränz bi Tisis ab.

Witer füürt sèlli Strõß übber Alpe Rauz am Arlbärg (R 17), Landegg (R 24), Imscht (R 24), Telfs (R 309) un Zirl (R 2) gu Innsbrugg (R 2). Vo dört isch es witter übber Jenbach (R 318), Wörgl (R 15), Ellmau (R 15a) un Lofer (R 21) zrugg a diè bayrisch Gränz gangè. Übber Schneizlreuth (R 305) un Bad Reichèhall (R 20) hèt d Streggi widder diè öschterrychisch Gränz erreicht. Dè letscht Abschnitt isch übber Salzburg, Vöcklabrugg, Lambach (R 339/340) un Wèls (R 332) bis uff Linz gangè.

Wôrend èm Zweitè Wältchrièg isch dè weschtliche Deil is bsetzte un im Dütschè Rych aagliderte Elsass volängerèt worrè. D Streggi isch übber Neubriisach (R 9) un Colmar (R 38) bis zum Schluchtpass voloffè. Im witterè Chriègsvolauf isch d Streggi bis Gérardmer volängerèt worrè. Dè Abschnitt bis Colmar isch Deil vo dè N415 (hüt D415) un Colmar-Geradmer èn Deilabschnitt vo dè N417 (hüt D417).[2]

Ersatz un Sanyrung ändere

Urschprünglich isch d R 31 bzw. B 31 in folgendè Abschnitt woanderscht durrègangè:

  • Weschtlich vo Fryburg: durch d Ortschaftè Obberrimsingè, Munzingè un Tièngè; wörd jetzt è zu dè Aaschchlussschtell Bad Krozingè (ehemòliges Teilschtugg vo dè Landschtrõß 120) un Luggè bis zuè dè Aaschlussschtell Fryburg Süd a dè A 5 (urschprünglichi Streggi isch abbèklassifizyrt worrè als Chraissschrõß 4999 un 9864)
  • Raum Èschingè: Bis zum Bau vo dè hütigè B 27 öschtlich a Donaueschingè vorby i dè 1970er Johr hèt d B31 mit dè B 27 è Chrützung i dè Innèschtadt. Diè hütigi dirèkti Trassè vo Geisingè südlich a Pfohrè vorby zum hütigè Knotè isch zèrscht i dè 1980er Johren baut worrè.
  • Südöschtlich vo Donaueschingè bis zum Boddèsee: zwǜschè dè Ortschaftè Geisingè un Stockach; jetzt wörd d B 31 zuè dè Aaschlussschtell Geisingen (dört Übbergang i d B 311) un è Luggè bis zum Knotè mit dè B 313 bi dè Aaschlussschtell Stockach-Ost vo dè A 98 (urschprünglichi Streggi abèklassifizyrt als Deilschtugg vo dè Landesstrõßè 191 un 194)
  • Im Raum Übberlingè: durch Übberlingè, Nußdorf, Unteruhldingè, Meersburg
  • Im Raum Lindau: durch Krèssbronn, Lindau (R 12) un Lindau-Zech a dè dütsch-öschterrychischè Gränzè; denõch wörd d B 31 nördlich vo Lindau zu dè Aaschlussschtell Sigmarszèll vo dè A 96 (dört Übbergang i d B 308).
 
Luftbild vom Neubau vo dè B 31 West bi Umkirch mit Autobaananschluss A 5 Freiburg-Mitte

Weschtlich vo dè Fryburger Innèschtadt isch zuèsätzlich dè Autobaazuèbringer Mitti als B 31aDreisam nõch zuè nèrè chrützungsfreiè Autobaanaaschlussschtell Fryburg Mitti a d A 5 baut worrè, ußerdèm ènnè vo dè Autobaan d Ortsumfaarung Umkirch als èrschtes Deilschtugg von èrè völlig neuè Streggèfüürung (dè asè dauftè B 31 Wescht) in Richtung Briisach.[3]

Zwǜschè Stockach un Übberlingè isch zuèsätzlich zuè dè aaltè Trassè èn neuè Abschnitt gmacht worrè, wo nit am Boddèsee nõch gòt, d B 31n, welli d A 98 ab Stockach ablöst. Zur Zit git s uff dè B 31n keini Abfaartè zwǜschè Stockach Oscht un Übberlingè. Diè aalt Strõß gòt witterhy am Ufer vom Übberlinge See nõch un isch als B 31 klassifizyrt, wa au für dè Abschnitt Ängè-Stockach im nördlichè Hegau zuèdrifft.

 
Forderungè nõch èm Dunnel z Falkèschteig am Uusgang vom Höllèdal

D B 31 isch im Dreisamdal i dè letschtè Johrè mit Ortsumfaarungè vosää worrè, asè hèt um d Johrdausendwendi dè Vokeer im Fryburger Oschtè uss Littèwyler, Ebnèt un Kirchzartè uff è neu bauti, vyrschpurigi Chraftfaarschtrõß volagerèt worrè. Dezuè isch dè Kappler Dunnel un dè Schützealleedunnel baut worrè. Zuè sèllèrè Zit isch z Döggingè uff dè Weschtbaar d Kombination uss Gauchachdalbrugg übber s sognannte Dögginger Loch un dè Dögginger Dunnel baut worrè. Ußerdèm sin Abschnitt bi Löffingè bzw. Reetèbach dreischpurig (2+1) uusbaut worrè. Èn söttigè Uusbau hèt au zwǜschè m Aaschluss vo dè B 317 am Oschtzipfel vom Titisee bis in Oschtè vo Neuschtadt stattfundè, so dass dè Abschnitt Titisee-Neuschtadt ab dört ebbèfalls als Chraftfaarstrõß ygschtuft wörd. Z Fridrichshaffè isch è chrützungsfreyi Streggèfüürung vo dè öschtlichè Stadtgränz bim Vorort Kitzèwisè bis zum ZF-Wärch i dè 1990er Johr realisyrt worrè. Dè weschtlich dèvò ligènde Abschnitt bis zum Rydlewaald isch im Johr 2003 in Bedryb gnõ worrè. Am 24. Novembèr 2014 isch Spatèschtich zum Lüggèschluss vom letschtè Deilabschnitt vo dè Ortsumfaarung vo Fridrichshaffè bis zu dè weschtlichè Stadtgränz zwǜschè m Stadtdeil Fischbach un dè weschtlichè Nõchbòrgmeind Immèschtaad erfolgt. Sèllè mee als 7 Kilometer langè Abschnitt söll 2020 im Vokeer übbergää wörrè. Wenn mò nò d Umfaarung vo Hagnau in Griff bekääm, wär s villicht sogar möglich, diè Tempo 30 - Zonè im Volauf vo Boddèsee-Abschnitt vo dè B 31 z eliminyrè[4][5]

D Fortfüürung uff dè elsässischè Sitè isch i dè letschtè Johr bis zu dè dörtigè linkssitigè Rhydalautobaan A 35 ebbèfalls uusbaut worrè, allerdings dabei isch diè Strõß von èrè französischè Nationalschtrõß unter Biibhaaltung vo dè Nummèrè zuè dè D 415 abbègschtuèft worrè. Sèlli Umwidmung isch im Johr 2006 erfolgt. Alli diè Uusbaumaßnaamè (auch als Ersatz für è urschprünglich mit èm Brojèktnammè A 86 blaantè Süd-Schwarzwaldautobaan) hèn zuè nèm starkè Aaschtyg vom Transitvokeer gfüürt, sèllèwäg wörd vo allem z Fryburg un im Dorf Falkèschteig, wo am Uusgang vom Höllèdal lyt, vo dè Bevölkerung èn Dunnel vo dè jewyligè Abschnitt gforderèt, well è Umgehungsschtrõß uffgrund dè Topografy schwirig un düèr isch.[6] Zuèdèm wörrèd d Röörè vom Dögginger Dunnel (beidi zweischpurig) im Momènt übber eo Brugg aagfaarè, blaant sin zwei zweischpurigi Bruggè gsi, allerdings fäält dõ momentan no dè Chlutter. So isch d Dunnelröörè Donaueschingè – Löffingè nu eischpurig befaarbar, well èn Zämmèschluss vo beidè Spurè im Dunnel z gfôrlich isch.

 
D Sperrung vo dè B31 für Felssicherungsarbètè am Hirschschprung

Nõchdem s 2009 zuè nèm Felsschturz im Höllèdal (zwǜschè Falkèschteig un Hinterzartè) chò isch, sin Èndi Septembèr/Aafang Oktobèr 2010 i sèllèm Berych Felssicherungsmaßnaamè durrègfüürt worrè. D B 31 isch komplètt für dè Vokeer gschperrt un großräumig übber s Glotterdal un Thurner umgleitet worrè. È Spezialfirma hèt è baar Kubikmeter Stei sowiè Bäum un Stuudè wèggrumt. D Koschtè für dè Büèz hèn sich uff öppè 600.000 Euro beloffè.[7][8] Witteri Felssicherungsmaßnaamè, wo dè Vokeer beydrächtigèt hèn, sin im Oktobèr 2015 fèrtig gmacht worrè.[9]

Nõch èm Fèrtigschtellè vom Fryburger Stadtdunnel, wo nò in Blaanung isch, im Johr 2025 wörd d B 31 uff èm uusbautè, vyrschpurigè Abschnitt vo Kirchzartè un èm Uusbauènd bi Umkirch wörd d B 31 zuè dè A 860 hochgschtuèft. Diè schu hützdaag als Kleeblatt uusgfüürti Aaschlussschtell Fryburg-Mitti a dè A 5 wörd denn zum Autobaanchrütz Fryburg wörrè.[10]

Frèmdèvokeer ändere

Durch irèn Volauf im Hochschwarzwald erschlièßt d B 31 klassischi Urlaubsgebièt um Hinterzartè, Titisee un Neuschtadt ummè. Si stellt ußerdèm dè Zuègang zum Fäldberggebièt dar. Witterhy bringt si d Urlaubsregionè Hochschwarzwald mit èm Boddèsee nöcher zämmè. D Durchfaart durch s Höllèdal mit sinèrè Hirschfigur isch è tǜpischi Urlaubsroutè, unterschtrichè wörd sèll durch d Benamsung vo dè Raschtblätz mit alemannischè Nämmè, um so im Gascht è wèng diè alemannischi Sprõch nöcher z bringè.[11]

Luèg au ändere

Literadur ändere

  • Daniel Schneider: Die Entwicklungsgeschichte der B 31 zwischen Freiburg im Breisgau und Breisach am Rhein, in: Walter Laub/Bernhard Kenk/Daniel Schneider: Die B 31-West ...in und um Umkirch herum. Umkirch 2007, S. 7–20.

Weblinggs ändere

  Commons: Bundesstraße 31 – Sammlig vo Multimediadateie

Einzelnõchwys ändere

  1. Im Berych Fryburg vyrschpurig, deilwyse autobaanähnlich uusbaut; Fryburg–Geisingè un Stockach–Übberlingè deilwys dreischpurig un chrützungsfrei uusbaut
  2. Carsten Wasow: Die Bundes- und ehemaligen Reichsstraßen in Deutschland. Archiviert vom Original am 7. September 2012; abgruefen am 12. Dezember 2011 (Private Webseite).
  3. Zu dè Gschichtè luèg Daniel Schneider: Die Entwicklungsgeschichte der B 31 zwischen Freiburg im Breisgau und Breisach am Rhein, S. 7–20.
  4. Archivierte Kopie (Memento vom 11. Dezämber 2013 im Internet Archive) Artikel übber Tempo 30 Zonè bi Fridrichshaffè
  5. http://www.suedkurier.de/region/bodenseekreis-oberschwaben/bodenseekreis/B-31-Hagnau-Umfahrung-fruehestens-in-sieben-Jahren;art410936,7679496 (Site cha nüme abgrüeft wärde; Suche im Webarchiv)[1] [2] Vorlage:Toter Link/www.suedkurier.de Artikel übber d Hagnauer Umfaarung
  6. Dögginger Dunnel hèt 40,3 Millionen Euro koschtet, d Dögginger Brugg hèt 16,8 Millionè Euro koschtet.
  7. Karl-Heinz und Mirko Zurbonsen: Hirschsprung ohne Hirsch. In: suedkurier.de. Südkurier, 9. August 2010, archiviert vom Original am 12. Dezember 2015; abgruefen am 12. Dezember 2011 (Zeitungsartikel).
  8. Karl-Heinz Zurbonsen: Alpinisten putzen das Höllental. In: suedkurier.de. Südkurier, 29. September 2010, abgruefen am 12. Dezember 2011 (Zeitungsartikel).
  9. Kreis Breisgau-Hochschwarzwald: Verkehrsader: Sicherung im Höllental ist nach fünf Jahren beendet - badische-zeitung.de. Archiviert vom Original am 1. Januar 2016; abgruefen am 1. Januar 2016.
  10. Pressemitteilung der Stadt Freiburg, 23. Mai 2012 (Memento vom 24. Februar 2018 im Internet Archive) B 31 wird mit Stadttunnel zur Autobahn
  11. Diè alemannischè Bezeichnungè vo dè Raschtblätz sowiè iri Bedütung un diè gnau Laag a dè B 31 sin uff dè Internetsitè vom Regyrungsbräsidium Fryburg aazluègè (Memento vom 6. Jänner 2014 im Internet Archive)


  Dä Artikel basiert uff ere fräie Übersetzig vu dere Version vum Artikel „Bundesstraße_31“ vu de dütsche Wikipedia. E Liste vu de Autore un Versione isch do z finde.