Stammdisch-Archiv vom Juli - Dezämber 2022

Information

• Hilf
• Wikipedia-Handbuech
• Richtlinie
• Glossar
• Index
• Artikelverzeichnis
• Stammtisch
• Kontakt
• Impressum

Willkomme bim Wikipedia-Schtammtisch

Die Syte isch es Wikipedia-Forum für alles, was mit dr alemannische Wikipedia und em alemannische Schprochruum z’due hot! Do ka mer nuie Vorschläg macha und driber abschtimma.

» An neije Bytrag aafange «

---

Archiv

2004 - 2005/1 - 2005/2 - 2006/1 - 2006/2 - 2007/1 - 2007/2 - 2008/1 - 2008/2 - 2009/1 - 2009/2 - 2010/1 - 2010/2 - 2011/1 - 2011/2 - 2012/1 - 2012/2 - 2013/1 - 2013/2 - 2014/1 - 2014/2 - 2015/1 - 2015/2 - 2016/1 - 2016/2 - 2017/1 - 2017/2 - 2018/1 - 2018/2 - 2019/1 - 2019/2 - 2020/1 - 2020/2 - 2021/1 - 2021/2 - 2022/1 - 2022/2 - 2023/1 - 2023/2 - 2024/1

Einladung zum Movement Strategy Forum

Hallo zusammen,

Mit dem Movement Strategy Forum (MS Forum) gibt es seit einiger Zeit einen mehrsprachigen Raum für Diskussionen zu allen Themen rund um die Umsetzung der Movement Strategy.

Alle Mitglieder der Community sind eingeladen, am MS Forum teilzunehmen. Ziel des Forums ist es, die Zusammenarbeit in der Community durch eine mehrsprachige Plattform zu fördern.

Die Movement Strategy ist ein gemeinschaftliches Projekt, um die Zukunft des Wikimedia Movements zu gestalten. Jeder kann sich an der Movement Strategy beteiligen, von einem Kommentar bis hin zu einem Vollzeitprojekt.

Tritt diesem Forum mit deinem Wikimedia-Konto bei und beteilige dich an Diskussionen in deiner Sprache. Über vielfältige Teilnahme würde ich mich freuen!

DBarthel (WMF) 22:21, 26. Sep. 2022 (MESZ)

Kategorie Regelig

Liebi Wikipedianer Ihr müesst mich mal uf e neuschti Stand bringe. Woni Sinerzyt i der Wikipedia agfange ha hani wie vili anderi o wenie e Artikel gha ha eifach e Kategorie erstell we si gfählt het. I bi du damals agschribe worde das i zersch 10 Artikel muss ha bis i e Katergrie darf erstellen. Da i mir bim beste wille nid jede Artikel chann merke hani agfange e Kategorie lischte z füehere u weni 10 Artikle zäme ha gah hani d Kategorei uf ta. Ich müssi mit der löschig rächne hets gheisse. I gseh das jetzt hüffiger das Kategoreie wäge eim Artikel serstellt wärde. Da hani prinzipiell nüt dergäge. Die 10er regelig find i nid so guet. Will Artikle so Artikle ungere Tisch gheie. U när nie i der Richtige Kategorie lande. Aber we dir das so handhabet denn dörft i das ja eigendlich ou so handhabe oder nid? So Kategorielischte z füehre isch aschträngend u we öpper e neue Artikel schribt keit de dä äbe glich zwüsch abe. Im witere isch mir ou ufgfalle das es neuerdings witerleidige mir der Wybleche form git. Obwohl uf der Syte zu de Vorgabe zu nere kategorie steit me söll die mändlechi form bruche ou fürn e Frou. Das chamme natürech alles ändere u i ha keis problem der mit we me für ne Frou die Wybelechi form nützt. Aber was i mi halt frage isch was gilt den jetzt eigendlech? Das was uf der Syte zur Kategorie steit oder das was d mehrheit vo de Wikipedianer macht? Liebe Gruess MerengeManu - Byträg für ds Portal Bible 14:00, 6. Sep. 2022 (MESZ)

Von ere Zäänerregle han i na nie nüüt ghöört. Das find i auch nöd sinnvoll – wänns e Kategory bruucht, dänn bruuchts se si, und wänns nu äin Artikel isch, wo drin voorchunt – es chömed spööter sicher na mee dezue! En liebe Gruez vom --Freiguet (Diskussion) 18:14, 6. Sep. 2022 (MESZ)

Liebi MerengeManu, schen, ass mer mol wider ebis vur chenne läse. Ich glaub, emänd sin unsri Regle do nit eso strikt z sää wie uf dr dytschesprochige Wikipedia. Des mit däne 10 Artikel hämer mol dischpetiert ghaa, zum Verhindere, ass eso vyl Kategorie aaglait wäre, ass in e jedere nume no ai Artikel din isch. Wel die Kategorie solle doch zu ähnlige Artikel fiere. Wänn du s Gfiel hesch, ass do Kategorie fähle, no glaub aifach s Bescht, du laisch die aa, un wänn s eber stert, soll er si halt mälde. Di wyblige Forme sin im Ibrige kaini Wyterlaitige, in Artikel zue Fraue wäre d Kategorie per CCS iberbländet, isch aifach mol e Tescht, cha mer au loo oder andersch mache. --Holder (Diskussion) 18:17, 6. Sep. 2022 (MESZ)

I bi e fründ dervo d Artikle grad vo afang as ärchten ort z Packe. U i bi ou e fründ vo der Kategorisiereig i der Dütsche wiki. U da dermit bin i offebar nid alleini. I ha my nur bizeli ungrächt behandlet gfühlt da me mi agschribe het u dä Wikipedianer wo das genau so macht nie isch druuf higwisse worde. Woni du das mit der Form ou no ha gseh hani eifach mal müesse frage was jetzt gilt. Das das e Überbländig isch hani nid gseh. I verstah der hindergedanke aber Länder Sortierig zum Bispiel wi das i der Dütsche Wikipedia vorhanden isch find i halt besser när später die entsprächende d Artikle ga nache z sortiere. Dür das heit jetzt e Wikipedianer e Kategorie zu de Fussballer vom FC Aarou agleigt. Er het nur sy artikel dry da. I ha du hüt di räschteche Artikle dörfe nachesoritiere. Hätti me das vo afang gmacht wär das was i hüt i vier Stund gmacht ha nid nötig gsi. I ha hüt 3-4h Artikle Sortiert i der Kategorisierig. MerengeManu - Byträg für ds Portal Bible 19:12, 6. Sep. 2022 (MESZ)

Die Regelig mit de zää Artikel isch halt au no uss ere Zyt, wommer no nit fascht 30.000 Artikel gha hen. Un dertemool hen Lüt aagfange, bi Übersetzige eifach alli Kategorie uss de dütsche Wikipedia mit überezkopiere. Eso het’s deno superspezialisierti Kategorie gee mit eim Artikel oder fascht scho mee Kategorie wie überhaupt Artikel. Do drüber muess mer sich hüt glaub kei so Sorge mee mache. --Terfili (Diskussion) 08:07, 7. Sep. 2022 (MESZ)

Liebi MerengeManu, ich deet gärn die Diskussion nomol ufnee. Ich find jo scho, ass mer au Kategorie mit wenig Artikel cha aalege, wänn doderfir e sischtematischi Struktur entstoht, ass mer z. B. wäm er d Kategorie Kategorie:Chile im Aargau un Kategorie:Chile im Züripiet au d Kategorie:Chile im Bünderland chennt haa, au wänn doderno nume ai Artikel din wär. Aber jetz hesch in dr letschte Monet eso ne Hufe Kategorie aaglait, wu s nit brucht fir e sonigi Sischtematik. Do het s jetzt Zig Kategorie, wu s gar kaini Artikel (!) din het. Un wieso brucht s jetzt uf aimol e Kategorie:Fallschirmjeger? Kategorie sin doch kai Schlagwortverzaichnis, bi Kategorie goot s doch drum, ass mer Artikel zum glyche Thema findet. Aber zig oder gar Hunderti Kategorie, wu s gar kaini Artikel din het oder nume ain Artikel, die bringe doch niemerem ebis. Un derzue hesch jetz au no aagfange mit Kategorie nach Thema. Des basst jetz gar nit zue dr Struktur vu unsere Kategorie. Wämer des aafange wie d dewiki, no bruche mer dopplet so vyl Kategorie wie mer scho hän, no miemer alli Kategorie ummodle. Fir was soll dänn des guet syy? Grueß --Holder (Diskussion) 06:33, 13. Dez. 2022 (MEZ)

Merci, Holder, für dyni Mäinigsüsserig – ich gsees au wie duu. Es isch guet gsy, hät öpper öises Kategoryesischteem emaal echli sischtemaatisch aaglueget und daa und deet erwyteret (au wän i mer zeerscht emaal e Diskussioon drüber gwöische het und nöd äifach es Drufflooslegge), aber underzwüsched hät sich das Sischteem versälbständiget und frööget gaar nüme denaa, was der alemanische Wikipedia im mäischte chummli wèèr. --Freiguet (Diskussion) 09:29, 13. Dez. 2022 (MEZ)

Was mached mer iez? Ich chumen us de Kategorye zum Täil nüme druus. Das isch iez ales eso fyn vereschtlet und verflochte, das i zum Täil gaar nüme wäiss, waas wo ane ghöört. Und praktisch find is zum Täil au nüme – Kategorye seled ja e Hülff sy, zum verwandte Artikel gruppiere, iez isch aber männge Themechräis ganz verstücklet und verbröösmelet, und edèèwääg chunt mer ekäi Übersicht über es Thema me über. Es git kän Sinn, das es iez zum Täil drei verschideni überenandglaagereti Kategorye mit null bis äim Artikel drin git … Ich bi defüür, das mer wider mee zämefassed (has dänn bin e paar wenigen emaal gmachet). En Gruez, --Freiguet (Diskussion) 17:45, 30. Dez. 2022 (MEZ)

Ich haa mol e baar Kategorie glescht, wu s gar kai Artikel din ghaa het. --Holder (Diskussion) 06:15, 16. Jan. 2023 (MEZ)

Näbe däne Kategorie, wu s gar kaini Syte din het, haan i au mol aagfange ufruume mit dr ganze Kategorie, wu s nume ai Syte din het. --Holder (Diskussion) 16:48, 16. Jan. 2023 (MEZ)

Ha grad vorane wider emaal nöd gwüsst, woo und wie i öppis sel yoordne, wil ales zunderobsi choo isch. Es git d Kategorye Aargauer, Basler, Baselbieter, Bärner Kantonalpolitiker, aber Kantonalpolitiker (Züri). Ha jetz Züri emaal verschobe (was loogischer wèèr, wäiss i nööd). Ha dän aber gsee, das es under Kantonalpolitiker e ganzi Räie gèèb, wo mer au uf di nöi, gnöier Kategory müesst verschiebe – s isch aso en offeni Boustell. Das isch mer au scho bi andere Kategoryen uufgfale, wos jetz nöii Underkategorye ggèè hät, wo aber d Artikel nöd nöi deet ane umkategorisiert woorde sind. Myni Fraag a ali: Wie mached mer jetz daa wyter? Lömmer ales ligge, und der Ydruck, das me di dialäktaale Wikipedie nöd chan èèrnscht nèè, bistèètiget sich äimaal mee? (Näbed de vile früenen Artikel, wo Torsi plibe sind, wil niemert mee draa wott schaffe; und näbed de vile jüngeren Artikel, wo Torsi plibe sind, wil em Autoor d Energy uusggangen isch und er aagäblich «spööter» hät wele wytermache, was dän aber nie mee de Fall gsy isch; und näbed de vile Schwyzer Gmäindsartikel, wo wäge de Fusioone nümen à jour sind, und niemert Luscht hät, die naazfüere?) Oder wäiss öpper, wie mer jetz i Sache Kategorye am gschydschte wytermiech? --Freiguet (Diskussion) 18:51, 21. Jan. 2023 (MEZ)

Wieso Lömmer ales ligge? Jetz hämer do doch grad erscht aagfange mit ufruume, des bruucht halt sy Zyt. Wänn du s Gfiel hesch, bi dr Kantonalpolitikler sott mer umkategorisiere, noch mach s. Feel free to change it. Oder wie mer do friejer als gsait hän: Bii muetig! --Holder (Diskussion) 19:33, 21. Jan. 2023 (MEZ)

Hämmer aagfange? Das ghäisst, es gaat wyter? Dänn bin i ja froo. Aber sorry, äigetli han i überhaupt nöd de Zyt zum uufruume. --Freiguet (Diskussion) 23:28, 21. Jan. 2023 (MEZ)

Jo, mer hän aagfange mit Ufruume. --Holder (Diskussion) 09:00, 22. Jan. 2023 (MEZ)

Es gaat halt na vil wyter as nu s Lösche: die vile nöie Kategorye müend all gfüllt wèèrde. Z. B. d Kategory Journalist mit iren Underabtäilige – und das isch nu äis Byspil – tuet me daa jetz uuffüle, oder stelt me wider de Zuestand vo vorane hèèr? (Vil Schurnalischte schaffet ja äinewääg i mee weder äim Meedium, es vervilfacht si jetz äifach ales.) --Freiguet (Diskussion) 16:46, 22. Jan. 2023 (MEZ)

Kategorye

Hoi MerengeManu: Zu dynen Änderigen i de Kategorye vo Hans Valär: Aso d Kategory Schwiiz verstaan i iez nöd rächt, en Mäntsch isch doch nöd es Land, und das es um en Schwyzer gaat, gseet me ja scho us de Kategorye Architekt (Schwiz), Literatur (Schwiz), Bündner. Und wurum häsch d Kategory Lyriker inetaa? De Valär hät ekäi Lyrik gschribe. – Ich wäiss iez nöd, was du i de Kategoryen ales veränderisch, aber ich glaube, mer müend scho chli uufpasse, und vilicht sett mer au daa echli drüber imformiert wèèrde. En liebe Gruez vom --Freiguet (Diskussion) 12:03, 28. Sep. 2022 (MESZ)

Sälü @Freigut Also i ha welle Schwiizer dry tue u nid Schwiiz. Das isch mi fähler. Setig hiwise sy mer immer wichtig u i bi immer dankar we du mi uf Fähler hiwisisch. Das er Schwyzer isch kamme da daran abläse das är Bündner isch aber nid ahand vom Bruef. I ha der Nationalitäts bezug bi de Bruefe ganz bewusst afa uflöse. Will me grundsätzlech jede Bruef i jedem Staat cha usüebe ohne di entsprächendi nationalität z ha. Im Sport isch das am extremschte. E Fuessballer oder e Voleiballspieler wo i der Schwiiz spilt muess ebe nid der Schwiizerpass ha. Was der Lyriker ageit isch es eso. Wenn i rächt informiert bi isch der Valär Himatdichter gsi. I der Kategorie Lyrik isch der erschti Artikel dä zum Dichter was my sehr kommisch düecht. E Dichter isch für mi eigendlech nid z gliche wi e Lyriker. D Kategorie zum Dechter fählt no das isch mer bewusst. I ha se nid sofort erstellt will i zersch no muess wüsse öps e underschid zwüschem Lyriker u em Dicher git ober äbe nid. Sprich öp der Dicher i Lyriker ine ghört oder seperat. Dahär hani dä Arikel jetzt mal bi de Lyriker abgleit im wüsse das i das no muss aluege u korrigiere. Zudäm hani nid welle d Heimatdichter wo bi de Lyriker si ga usesueche. We du mir jitz aber seisch är isch kei Dichter isch gsi de bruuch i der Artikel ou nid i der Kategorie Lyriker z parkiere.

So u die information hei isch längscht überfällig. I ha mi nid gedrout hie z informiere was i da am mache bi. Will i angst ha gha das es chönnte es paar Wikipedianter der Yduck ha si heige wo si d Houptkategoriesyte erstellt hei nid guet gschaffet. I bi dranne d Kategorie vo der Houptkategoriesyte us durchläsiger u navigationsfründlecher z mache ohne d Houptsyte massiv z verändere. Ds problem vo zwüsche abgleite Artkle hei mir scho lenger u ou das das zwüsche einzelne Kategorie mängisch verbindigefähle heimer scho lenger. U i versueche das Porblem z löse. MerengeManu - Byträg für ds Portal Bible 00:52, 29. Sep. 2022 (MESZ)

Ich findes natüürli guet, dass du im Kategoryetschungel uufruumsch. De Valär hät luschtigi Proosa gschribe, aber ekäi Gidicht. En liebe Gruez vom --Freiguet (Diskussion) 10:04, 29. Sep. 2022 (MESZ)

@Holder: Was i ä grad gseene: Setted mer bi de Kategorye nöd echli uufpasse, das die inere mee oder weniger sinige Räiefolg stönd? S isch mer jetz grad uufgfale, dass d bi Marietta Kobald e nöii Kategory äifach an Schluss gstelt häsch. Iich findes ämel gäbiger zum sich oriäntiere, wänn zämestaat, was zämeghöört. LG, --Freiguet (Diskussion) 10:08, 29. Sep. 2022 (MESZ)

Sali Freiguet, doch aigetli scho, ich haa die nei Kategory mit eme Tool yygsetzt, wu si grundsätzli an s Änd bätscht, villicht fallt mer do no ebis yy, wie mer des besser cha mache. LG --Holder (Diskussion) 12:29, 29. Sep. 2022 (MESZ)

So jetzt hani ou no ei zwee frage da i scho mal offe drüber gred ha. Was muess i eigendelech under der Kategorie Bruefsmilitär verstah? Was ghört dert eigendlech dry. D Kategori Militärpeson gits ja ou. Das d Kategorie Bruefsmilitär nid als Dütschikategorie git bini chly ratlos was da dry ghört.

Uf der Dütsche Wiki gits näbe der Sachsyschtemik di Rümlechei Syschtemik u di Zytlechi Syschtimeik. I der Zytelche sischtemik sy so sache verruumt wie Bildig nach Zyt Literatur nach zyt oder ou d Zyttafele no einiges meh. I der Rüümleche Syschtemik si Kategorie abgleit wi Thema nach Regon Bildig nach Rüümlecher zueorinig. Eifach nur grob was so drinn isch. D Sachsischtemik woni im Fruscht mal erstellt ha will i d Sach nid gunde ha wird iregend eis wider use nä die bruuche mir definitiv nid. D Frag wo sech stellt isch öp dir di Zytlechi Sischtepmik u die Rümlechisyschtemik als zuesätzlechi ablag für Äbe Zytlechi u Rümlechi Theme weit ha?

@Freigut danke für e Hywis u fürs drus näh. MerengeManu - Byträg für ds Portal Bible 14:16, 29. Sep. 2022 (MESZ)

Ich has i der alemanische WP gschetzt, das mer is bi de Kategorye uf s Wichtig konzäntriert händ. Jetz wimselts by-n-is aber i Sache Kategorye wie i de hoochtüütsche WP. Wän i bim Georg Fient luege: Zytigsjournalist und Journalist (Schwiz) – langet dänn nöd äis vo bäidem? Oder na mee: Autor und Literatur (19. Joorhundert) und Literatur (20. Joorhundert) und Literatur (Schwiz) und Autor uf Alemannisch und Erzäler und Dichter (Dichter stimt nöd emaal) – bruuchts das würkli ales? Vil Kategorye händ de Naachtäil, das s nöd konsequänt pruucht wèèrded, das gseet mer i de tüütsche WP tüütli. Drum chum i namaal zrugg, was i obe gschribe ha: Wurum tüe-mer das nöd zeerscht diskutiere? --Freiguet (Diskussion) 09:27, 1. Okt. 2022 (MESZ)

@MerengeManu: Sorry, Nöi Zürcher Zytig isch gramatisch faltsch, richtig isch Nöii Zürcher Zytig. Und wurum die Kategory mit em Name Nöi(i) Zürcher Zyitig, aber di ander mit em Name Person (Nöi Züri Zytig) ? Wurum aso äimaal Nöi(i) Zürcher Zytig und äimal Nöi(i) Züri Zytig ? Und s zwäit isch e Mischig us guetmundaartlich Züri-Zytig und am Hoochtüütsch aaglèènts Nöii Zürcher Zytig. Was vo dène totaal drei Wariante, wo jetz durenand gönd, wèèr am beschte? Jetz isch aso würkli es Durenand daa. En Gruez vom --Freiguet (Diskussion) 16:28, 1. Okt. 2022 (MESZ)

Sorry @Freigut das i mi nüm gmäldet ha. I ha my müsse abreagiere. Süsch hätte das hie einigi Lüt z gspüre über cho. I ha gseh das sech der Holder scho drum kümmeret het. I däm fall hani eifach sälber nid gwüsst wie schriebe. Gruess MerengeManu - Byträg für ds Portal Bible 13:56, 11. Okt. 2022 (MESZ)

Info zur Kategorie Dichter

Liebi Wikipedianer i ha my inzwüsche churz mal schlau gmacht u feschtgstellt das e Lyriker nid z glyche isch wie e Dichter ou we die beide sehr vil gmeinam hei. Dahär hani die Kategorie wieder agleit. Damit me d Dichter vo de Lyriker cha trenne. MerengeManu - Byträg für ds Portal Bible 20:57, 30. Sep. 2022 (MESZ)

Us dèm Underschiid chum i nöd druus. Langet by-n-is nöd äi Kategory? Und wurum häsch bim Georg Fient d Kategory Dichter inetaa? Er hät nöd tichtet. --Freiguet (Diskussion) 09:22, 1. Okt. 2022 (MESZ)

Churzbericht vu dr WikiCon 2022

Wie in dr friejere Johr chunnt do mol wider e Churzbericht vu dr WikiCon. Ich bii des Johr wie scho s letscht Johr wider im Orga-Team gsii, wäge däm haan i nit eso vyl Zyt ghaa zum mit Lyt schwätze oder Vordreg z lose. D WikiCon isch des Johr z Stralsund an dr Oschtsee gsii, cih bii scho am Mittwuche aane gfahre un haa dodermit au no weng Zyt ghaa zum d Altstadt (UNESCO-Wälterb) aazluege. Rächt losgange isch s am Dunschtignomittag mit em Ufböue. S offiziäll Programm isch derno wie all Johr vum Frytignomittag bis zum Sunntigmittag gange, wie s letscht Johr het s verschideni Sache gee, wu online live iberdrait wore sin, in e baar Wuche solle d Videomitschnitt no au uf d Commons ufeglade wäre. Insgsamt sin villicht zwische 180 un 190 Lyt do gsii, derzue nomol 100 Lyt online. S het au e Rameprogramm gee mit Fierige in dr Stadt un in e baar Museum. Am inträssanteschte isch natyrli wie all Johr mit verschideni Lyt schwätze, was die eso mache un maine. S negscht Johr soll d WikiCon im Ibrige im eschtrychische Linz stattfinde, wahrschyns am Wuchenänd 6.-8.10.2023. --Holder (Diskussion) 09:36, 11. Okt. 2022 (MESZ)

Kategory Mundartkultur

@Holder: Was mäint d Kategory «Mundartkultur (Person)»? Sell das für Mundaartautoor staa oder waas? Aber es git ja scho e Kategory «Mundartautoor»? --Freiguet (Diskussion) 10:09, 26. Okt. 2022 (MESZ)

Aigetli sin dodermit die gmaint, wu nit as Autor oder Sänger gwirkt hän, derfir in ere andere Funktion, z. B. as Bresidänt vun ere Organisazion usw. Ich haa do erscht emol aifach alli drygsetzt, wu in dr Kategory:Mundartkultur ufgfiert gsii sin. Wänn s do Lyt derby het, wu mer nume as Autor chännt, no cha mer die au wider uusenee. --Holder (Diskussion) 10:48, 26. Okt. 2022 (MESZ)

Bim Christian Schmutz find i s grächtfèrtiget, aber wurum bim Alfred Huggeberger und bim Paul Haller? --Freiguet (Diskussion) 17:44, 26. Okt. 2022 (MESZ)

Haa die zwee jetz mol uusegnuu un d Sophie Haemmerli-Marti au no. --Holder (Diskussion) 18:19, 26. Okt. 2022 (MESZ)

Stimmt, die han i vergässe. Merci vilmaal und en schöönen Aabig! --Freiguet (Diskussion) 19:19, 26. Okt. 2022 (MESZ)

Regionalsprache.de und der regionale Satzbau - REDE Team

S REDE-Team, mo mir au drvo profidierad, hod ebbes Neis:

iebe Freundinnen und Freunde von Regionalsprache.de (REDE),

wussten Sie schon, wo und in welchen Sprechweisen Thomas "größer wie" sein Bruder ist? Mit diesem Newsletter möchen wir Sie zum einen gern auf einige Ergebnisse aus unserer Erhebung zum regionalen Satzbau aufmerksam machen:

https://www.sprachspuren.de/regionale-variation-im-satzbau/ (populärer Beitrag zum Projekt) https://www.regionalsprache.de/mitmachen-ergebnisse.aspx (Ergebnisse in Kartenform) https://www.regionalsprache.de/publikationen.aspx (wissenschaftliche Veröffentlichungen von Kasper/Pheiff bzw. Pheiff/Kasper zu den Satzbau-Erhebungen. Volltexte und Preprints auf Nachfrage)

Zum anderen möchten wir Sie um Ihre Mithilfe bei der Erhebung bitten. In fünf Online-Fragebögen können uns Sprecherinnen und Sprecher des Deutschen anonym Auskunft darüber geben, was sie in bestimmten Situationen sagen würden. Um mitzumachen, müssen Sie keinen Dialekt sprechen können (wir freuen uns aber sehr, wenn Sie es können). Alle Interessierten können teilnehmen. Es geht auch nicht darum, wie „man“ etwas „richtig“ sagt, sondern darum, wie Sie persönlich etwas in Ihrer vertrautesten Sprechweise ausdrücken würden.

Einige von Ihnen haben wahrscheinlich schon einen oder mehrere unserer Fragebögen ausgefüllt. Herzlichen Dank dafür! Von Ihrem Einsatz lebt dieses Projekt. Je mehr Menschen teilnehmen, desto weniger „weiße Flecken“ bleiben auf der Sprachlandkarte. Im Moment haben wir solche noch zu verzeichnen. Daher wären wir Ihnen sehr dankbar,

wenn Sie, falls Sie es noch nicht getan haben, an unseren fünf Erhebungsrunden teilnehmen würden, wenn Sie Verwandte, Freundinnen, Bekannte oder Kollegen auf die Erhebungsrunden aufmerksam machen könnten, etwa indem Sie diese Nachricht oder den Flyer an sie weiterleiten. Letzteren können Sie auch gern drucken und aushängen. Zu den fünf Umfragerunden gelangen Sie auch über folgenden Link:

https://survey.online.uni-marburg.de/rede/

Die Forschungsergebnisse werden nach Abschluss des Projekts der Öffentlichkeit zur Verfügung gestellt und als kommentiertes Kartenwerk in Form eines „syntaktischen Atlas der deutschen Regionalsprachen“ veröffentlicht. Sobald er fertiggestellt ist, werden wir Sie erneut darüber informieren.

Herzlichen Dank & freundliche Grüße Ihr REDE-Team

Gruaß AVS - Beidräg zom Portal:Schwoba 12:05, 25. Nov. 2022 (MEZ) AVS - Beidräg zom Portal:Schwoba 12:05, 25. Nov. 2022 (MEZ)

nois Layout

Toll, me cha sich nüme amelde. Und wemmer sich i de tütsche WP ameldet, werd mer doo usegschmisse. --al-Qamar (Diskussion) 11:57, 27. Nov. 2022 (MEZ)

Bim neie Layout cha mer si scho au aamälde. Ganz obe rächts het drei Pinkt, do drufdrucke, noch chunnt u. a. dr Link zum Aamälde. LG --Holder (Diskussion) 13:03, 27. Nov. 2022 (MEZ)

Also bsondrs gschickt fend e des au ned. Zmoöl ohne Ibrgang. AVS - Beidräg zom Portal:Schwoba 08:15, 28. Nov. 2022 (MEZ)

Wär mit em neie Layout nit wett schaffe, cha in dr Yystellige unter Sytedarstellig au wider uf s Layout Vector als (2010) umstelle. --Holder (Diskussion) 07:00, 14. Dez. 2022 (MEZ)

Vote for your favourite Wikimedia sound logo

We are really sorry for posting in English

Voting in the Wikimedia sound logo contest has started. From December 6 to 19, 2022, please play a part and help chose the sound that will identify Wikimedia content on audio devices. Learn more on Diff.

The sound logo team is grateful to everyone who participated in this global contest. We received 3,235 submissions from 2,094 participants in 135 countries. We are incredibly grateful to the team of volunteer screeners and the selection committee who, among others, helped bring us to where we are today. It is now up to Wikimedia to choose the Sound Of All Human Knowledge.

Best wishes, Arupako-WMF (Diskussion) 09:05, 15. Dez. 2022 (MEZ)