Stammdisch-Archiv vom Jänner - Juni 2023

Information

• Hilf
• Wikipedia-Handbuech
• Richtlinie
• Glossar
• Index
• Artikelverzeichnis
• Stammtisch
• Kontakt
• Impressum

Willkomme bim Wikipedia-Schtammtisch

Die Syte isch es Wikipedia-Forum für alles, was mit dr alemannische Wikipedia und em alemannische Schprochruum z’due hot! Do ka mer nuie Vorschläg macha und driber abschtimma.

» An neije Bytrag aafange «

---

Archiv

2004 - 2005/1 - 2005/2 - 2006/1 - 2006/2 - 2007/1 - 2007/2 - 2008/1 - 2008/2 - 2009/1 - 2009/2 - 2010/1 - 2010/2 - 2011/1 - 2011/2 - 2012/1 - 2012/2 - 2013/1 - 2013/2 - 2014/1 - 2014/2 - 2015/1 - 2015/2 - 2016/1 - 2016/2 - 2017/1 - 2017/2 - 2018/1 - 2018/2 - 2019/1 - 2019/2 - 2020/1 - 2020/2 - 2021/1 - 2021/2 - 2022/1 - 2022/2 - 2023/1 - 2023/2 - 2024/1

Ruggblick uf s Johr 2022

Sali mitenander

Zum neie Johr wider emol e chlaine Ruggblick uf s Johr 2022:

• Anne 2022 sin insgsamt 1257 Artikel gschribe wore vu 27 verschidene Autore mit eme Benutzeraccount un derzue no unter 10 verschidene IP-Adrässe: Wikipedia:Artikelverzeichnis/Datum/2022. Des isch di nidrigscht Zahl vu Aktive syt 2004. Zem Verglyych lueg Statistischi Uuswärtige.
• Mit em Artikel „Kommunalwahlen in Baden-Württemberg 1973“ simer am 9. Augschte uf 29.000 Artikel chuu.
• Mit em Artikel Lisa Jeanpierre isch di Alemannisch Wikipedia am 31. Merz uf 1000 Artikel iber Fraue chuu.
• Drei Artikel sin im Lauf vum Johr as bsundersch glunge un vier as läsig uuszaichnet wore.
• Mit em Portal:Volleyball hämer jetz insgsamt 31 Portal.
• E Dräffe vu dr Alemannische Wikipeda het s au 2022 kais gee, ainzelni vun is sin aber bi verschidene andere Dräffe gsii, z. B. uf dr WikiCon z Stralsund, uf dr 20. Arbeitstagung zur alemannischen Dialektologie z Khuur oder bim Zürcher Stammdisch un bim Frankfurter Stammdisch.
• Un dr Andi d isch no vyl Johr wider retuur in dr Alemannische Wikipedia!

--Holder (Diskussion) 07:13, 4. Jan. 2023 (MEZ)

Truurig, aber waar. D Grundfraag isch halt scho, für waas es überhaupt en alemanischi Wikipedia bruucht. Die Entwicklig zäiged ämel (näbet den Uufrueffzaale), was d Lüüt daadezue mäined … Na e Fraag zu den Artikelzaale: Wie viel sind daadevoo nu BKL? Äigetli verstaan i nööd, wurum du, Holder, die as voli Artikel zellsch (nöd nu statistisch, sondern au i der Artikellyschten und der Autoorelyschte. Das sind ja ekäi Artikel, das sind nu Sammelverwys. En Gruez, --Freiguet (Diskussion) 13:06, 5. Jan. 2023 (MEZ)

Zue dr BKL: Des sind rund 1700, also e weng mee wie 5 %. Unter Zahl vu dr "Artikel" verstoht mer in dr Wikipedia halt gängigerwys d Zahl vu allne Syte im Artikel-Namensruum, wu kaini Wyterlaitige sin, egal eb do jetz im enzyklopedische Sinn en "Artikel" din isch oder nit. Eso funktioniert di automatisch Statischtik oder Spezial:Alli Syte un au alli anderi Tools (z. B. [1] oder [2]). Un unser sälbergmacht Artikelverzaichnis eso frisiere, ass es kaini BKL din het, do isch mer, ehrlig gsait, dr händisch Ufwand derfir z groß. Im Momänt zien i mir ab un zue di neie Artikel vu do. Go d BKL uusenee, mießt i alli Artikel ainzeln aaklicke. Ich find fir 5 % genaueri Statischtik lohnt si des nit. --Holder (Diskussion) 20:54, 5. Jan. 2023 (MEZ)

Ok, verstaan i. Bi nu überrascht gsy, das myni simpel BKL Dielsdorf as en Artikel vo miir gwärtet woorden isch … Aber wänn das allgimäine Standard isch, dän isch das halt esoo. --Freiguet (Diskussion) 10:55, 6. Jan. 2023 (MEZ)

Neijohrsempfang vu WMCH

Wikimedia Schwyz het fir des Johr mol wider e Neijohrsempfang organisiert (Sunndig, 15. Jänner ab 10:00 Uhr), desmol im Kulturcafé Gleis21 z Dietike, luege uf dr Syte vum Züri-Stammdisch. --Holder (Diskussion) 07:08, 5. Jan. 2023 (MEZ)

Neis zum Sprochcode

Mir hän jo vor vyl Johr als driber dischpetiert ghaa, eb d als-wiki mol irgedwänn uf gsw-wiki verschobe wird, wel als nit dr rächt Sprochcode no ISO 639 fir Alemannisch isch. Au bi dr Foundation un bi dr Programmierer isch des ab un zue dischpetiert wore, s isch aber nie ebis bassiert, wel dr Ufwand as z groß aagluegt woren isch, s het nämli ne baar Projäkt, wu uf eme falsche Code sin, u. a. d Wikipedia in Bokmål (no statt nob). Uf Wikidata isch des jetz schyns umgsetzt, die alemannische Artikel wäre dert syt Neischtem as gsw aazaigt. --Holder (Diskussion) 15:40, 13. Feb. 2023 (MEZ)

D Internetadrässen isch aber alewyl na als.wikipedia.org? Und hät das en Uuswürkig, dass d als-, äh d gswWiki au z Tüütschland wider aazäiget wiird? (Und was ghäisst gsw scho wider?). En Gruez vom --Freiguet (Diskussion) 16:12, 13. Feb. 2023 (MEZ)

Jo, mir sin allno uf als. gsw isch german south west un e Uuswirkig druf, was z Dytschland as Interwikilink aazaigt wird, het des alles gar nit. --Holder (Diskussion) 17:49, 13. Feb. 2023 (MEZ)

Ganz schaad. --Freiguet (Diskussion) 18:03, 13. Feb. 2023 (MEZ)

Naafraag, @Holder: Mues grad nöimets d gswWP mit em Chürzel zitiere – mach i das jetz mit «gsw» oder alewyl na mit «als»? Gseene jetz nämli nööd, woo die Änderig ussert deet, wo s gsäit häsch, en Uuswürkig sell haa. --Freiguet (Diskussion) 19:11, 21. Feb. 2023 (MEZ)

Bishär nume uf Wikidata (un scho syt langem uf Commons), di Alemannisch Wikipedia isch allno d alswiki. --Holder (Diskussion) 19:31, 21. Feb. 2023 (MEZ)

Quetsch Merci! --Freiguet (Diskussion) 10:56, 22. Feb. 2023 (MEZ)

Isch des neu, dass gsw für "German southwest" stoot? Friener het des doch für "German Swiss" gstande (was natürli chrottefalsch gsi isch). Ich denk aber, des Thema muess üs nit so gross bschäftige. Friener isch es halt eso gsi, dass mer mit als ganz obe bi de Sproochverchnüpfige gstande sin un eso vilycht mee Uffmerchsamkeit übercho hen. Aber inzwüsche werde die andre Sprooche jo meischt als Vorschläg dur irged en Algoritmus aazeigt un de Rescht isch geografisch sortiert. Des heisst, natürli numme, wemmer d Wikipedia in de Mobilaasicht aaluegt oder mit em neue Layout. --Terfili (Diskussion) 09:52, 22. Feb. 2023 (MEZ)

Ah, stimmt du hesch rächt, gsw isch Swiss German, nit German southwest. --Holder (Diskussion) 09:59, 22. Feb. 2023 (MEZ)

@Terfili: Aso das z Tüütschland (anders as i de Schwyz) i de nöien Aasicht «alemannisch» nümen under de tiräkt aazäigete Spraache staat, hät luut em Holder en andere Grund. Aber das erchlèèrt er der lieber sälber. --Freiguet (Diskussion) 10:56, 22. Feb. 2023 (MEZ)

Community-Feedbackzyklus zur Aktualisierung der Wikimedia-Nutzungsbedingungen beginnt

You can find this message translated into additional languages on Meta-wiki.

Weitere Sprachen • Hilf bitte mit, in deine Sprache zu übersetzen

Hallo allerseits,

Die Rechtsabteilung der Wikimedia Foundation organisiert eine Feedbackphase mit Community-Mitgliedern, um die Überarbeitung der Wikimedia-Nutzungsbedingungen zu besprechen.

Die Nutzungsbedingungen (Terms of Use, ToU) sind die rechtlichen Bestimmungen, die die Nutzung der von der Wikimedia Foundation gehosteten Websites regeln. Wir werden von Februar bis April euer Feedback zu einem Entwurf einholen. Der Entwurf wird in mehrere Sprachen übersetzt, wobei schriftliche Rückmeldungen in jeder Sprache möglich sind.

Diese Aktualisierung ist eine Reaktion auf mehrere Dinge:

• Umsetzung des Universal Code of Conduct
• Aktualisierung des Projekttextes auf die Creative Commons BY-SA 4.0 Lizenz
• Vorschlag für einen besseren Umgang mit nicht offengelegten bezahlten Bearbeitungen
• Anpassung unserer Bedingungen an aktuelle und kürzlich verabschiedete Gesetze, die die Foundation betreffen, einschließlich des European Digital Services Act

Im Rahmen des Feedback-Zyklus werden zwei Sprechstunden abgehalten, die erste am 2. März, die zweite am 4. April.

Weitere Informationen findest du hier:

• Die vorgeschlagenen Aktualisierungen der Nutzungsbedingungen (Änderungen markiert)
• Die Seite für dein Feedback
• Informationen zu den Gesprächsrunden

Im Namen des Teams der Rechtsabteilung der Wikimedia Foundation,

Benutzer:DBarthel (WMF)18:37, 21. Feb. 2023 (MEZ)

Iiladig zu eusne Stammtisch i de dütschsprachige Schwiiz

Liebi Kollege, obwohl de Stammtisch ja nach de Stadt heisst, trifft me sich aber nöd nur da. Mengisch isch er irgenwo suscht i de dütschsprachige Schwiiz a zträffe. Ihr alli sind herzlich zu eusene Stammtisch igglade. Natürlich au zu allne andere Glägeheite, wie GLAM-on-Tour oder de Ateliers. Es wär ja spannend wänn amene Atelier nöd nu Artikel in armenisch hy:Իդա Շտրոյլի-Քնյուսլի und hy:Վերներ Ռայնհարթ gribe würded, villicht sogar sönigi i eusere Mundart. Also numal ihr alli sind ganz herzlich iigalde zu allen euse Träffe, wänn immer ihr au Zit händ oders eu chönd irichte, mit debii zsii. Liebi Güess us Horge, de --Horgner (Diskussion) 14:44, 7. Mär. 2023 (MEZ)

WikiCon 2023

D WikiCon 2023 isch vum 29. Septämber bis 1. Oktober 2023 im obereschtrychische Linz. --Holder (Diskussion) 06:37, 16. Mär. 2023 (MEZ)

Mer cha si jetz fir d WikiCon z Linz aamälde un Vorschleg fir s Brogramm yygee. --Holder (Diskussion) 14:55, 9. Jul. 2023 (MESZ)

Au wänn s nonig offiziäll isch: Mer cha scho ne vorlaifigi Version vum Programm aaluege: de:Wikipedia:WikiCon_2023/Programm. --Holder (Diskussion) 12:33, 27. Aug. 2023 (MESZ)

Kat-Fraag

@Holder: Für waas isch d Kategory «Künschtler» und für waas d Kategory «Moler, Zeichner, Illustrator» tänkt? I frööge wäge der Umkategorisierig vom Karl Landolt und em Salomon Landolt. En Gruez vom --Freiguet (Diskussion) 11:29, 9. Mai 2023 (MESZ)

Sali Freiguet, ich haa do nume versuecht, s Kategoriesischtem e weng z veraifache. Kategorie, wu s nume wenig Artikel din het un wu ne Hufe anderi Artikel, wu mer hän, aber din fähle, bruucht s do glaub nit. Wämer neii Kategorie aalait, sotte die au sistematisch gfillt wäre. Wänn du aber s Gfiel hesch, ass en Artikel in e anderi Kategory ghert, no due s aifach ändere. LG --Holder (Diskussion) 13:46, 9. Mai 2023 (MESZ)

Für Veräifachige bin i alewyl z haa. :-) Bi nu nöd rächt druus choo, wurum die beede, wo gmaalet händ, nümen under em spezyfischere Moler/Zeichner/Illustrator drin sind, sondern under em allgimäinere Künschtler. --Freiguet (Diskussion) 14:47, 9. Mai 2023 (MESZ)

Witi

Sali zäme, vorem "Solothurner Zyri-Stammtisch" sind jo letscht Samschtig e baar vo uns dur'd Witi zwüsche Gränche und Solothurn gloffe. I der schriftdütsche Wikipedia hämmer en Ardiggl de:Witischutzzone, doo i der alemannische gids eine midem Lemma Grenchner Witi. Aber d'Gränchner Witi isch nur e Teil vo dr Witi, d' Schutzzone isch grösser und goot ebe bis Solothurn. I frog mi drum öb "Gränchner Witi" nid zue iischränkend isch, villicht wär's sinnvoll, der Ardiggl doo au uf Witischutzzone z'verschiebe? Gestumblindi (Diskussion) 19:49, 13. Mai 2023 (MESZ)

Vo miir uus gèèrn. Me müesst dän äifach na d «Grächner Witi» irgedwie in Täggscht integriere, so wie i de deWiki. En Gruez, --Freiguet (Diskussion) 23:03, 13. Mai 2023 (MESZ)

Dangge, i ha dr Ardiggl jetz grad verschobe und e chli aapasst. Gestumblindi (Diskussion) 02:11, 26. Jun. 2023 (MESZ)

http > https

I de deWiki wèèrded naadisnaa ali http i https umgmodlet (so wyt s gaat). Chönt me das i der alsWiki irgedwie automaatisch mache? En Gruez vom --Freiguet (Diskussion) 11:01, 10. Jun. 2023 (MESZ)

Wänn s nume ums Ändere vu dr Adräss goht: des chennt mer automatisch mit em AutoWikiBrowser mache. S Brobläm isch nume, stimme die Websyte derno alli, oder het si sunscht no ebis gänderet? --Holder (Diskussion) 12:12, 10. Jun. 2023 (MESZ)

Des sin im Ibrige rund 17000 Artikel. --Holder (Diskussion) 13:10, 10. Jun. 2023 (MESZ)

S isch sicher hüüffig, das sich au suscht d Adrässe ggänderet hät. Aber dänn gaat si au jetz scho nüme. Aber s isch nu e Fraag gsy. Wänn d http au wyterhii gönd und ekäi Probleem mached, dän isch es ja nöd eso wichtig. --Freiguet (Diskussion) 16:05, 10. Jun. 2023 (MESZ)

Und es sind jetzt zwar scho die meischte Syte verschlüsslet (also https), aber doch nonid alle, es git schono die eint oder anderi "klassischi" http-Syte, wo mit https gar nid goot. Me muess es also immer prüefe, bevor me's änderet. Gestumblindi (Diskussion) 02:16, 26. Jun. 2023 (MESZ)

Fählermäldig

Was isch denn das jetzt für e komische Fählermäldig i der Iileitig vom Ardiggl Wuxia qi gongzhu, däni vor viele Johre gschribe habe? Was chame do mache? Bis vor churzem het das no alles guet usgseh, dänggi. Und dr letscht Edit im Ardiggl isch vor 10 Joor gsi... Gestumblindi (Diskussion) 02:18, 26. Jun. 2023 (MESZ)

Sali Gestumblindi, isch gflickt. Do het s naime Änderige gee un jetz brucht s halt no sonigi Vorlage: Vorlage:Hant/styles.css bzw. Vorlage:Hans/styles.css. LG --Holder (Diskussion) 05:28, 26. Jun. 2023 (MESZ)

Dangge! Gestumblindi (Diskussion) 19:32, 26. Jun. 2023 (MESZ)