Stammdisch-Archiv vom Jänner - Juni 2022

Information

• Hilf
• Wikipedia-Handbuech
• Richtlinie
• Glossar
• Index
• Artikelverzeichnis
• Stammtisch
• Kontakt
• Impressum

Willkomme bim Wikipedia-Schtammtisch

Die Syte isch es Wikipedia-Forum für alles, was mit dr alemannische Wikipedia und em alemannische Schprochruum z’due hot! Do ka mer nuie Vorschläg macha und driber abschtimma.

» An neije Bytrag aafange «

---

Archiv

2004 - 2005/1 - 2005/2 - 2006/1 - 2006/2 - 2007/1 - 2007/2 - 2008/1 - 2008/2 - 2009/1 - 2009/2 - 2010/1 - 2010/2 - 2011/1 - 2011/2 - 2012/1 - 2012/2 - 2013/1 - 2013/2 - 2014/1 - 2014/2 - 2015/1 - 2015/2 - 2016/1 - 2016/2 - 2017/1 - 2017/2 - 2018/1 - 2018/2 - 2019/1 - 2019/2 - 2020/1 - 2020/2 - 2021/1 - 2021/2 - 2022/1 - 2022/2 - 2023/1 - 2023/2

Ruggblick uf s Johr 2021

Sali mitenander

Zum neie Johr wider emol e chlaine Ruggblick uf s Johr 2021:

• Anne 2021 sin insgsamt 697 Artikel gschribe wore vu 36 verschidene Autore mit eme Benutzeraccount un derzue no unter 24 verschidene IP-Adrässe: Wikipedia:Artikelverzeichnis/Datum/2021. Des isch di nidrigscht Zahl vu Artikel syt 2004, d Zahl vu dr Lyt isch uf em nidere Niwoo us dr letscht Johr blibe. Zem Verglyych lueg Statistischi Uuswärtige.
• Mit em Artikel „Silvia Dal Negro“ vum Freigut simer am 19. Oktober uf 28.000 Artikel chuu un am 23. Dezämber hämer dr millionscht Edit ghaa!
• Mit em Portal:Bible un em Portal:Vorarlberg hämer jetz insgsamt 30 Portal.
• Segs Artikel sin im Lauf vum Johr as bsundersch glunge un vier as läsig uuszaichnet wore.
• E Dräffe vu dr Alemannische Wikipeda het s 2021 kais gee, ainzelni vun is sin aber bi verschidene andere Wikipedia-Dräffe gsii, z. B. uf dr WikiCon z Erfurt, uf dr virtuälle Arctic Knot Conference oder bim Zürcher Stammdisch.
• Derfir het s am Änd vum Johr wider emol e Alemannische Schrybwettbewerb gee.
• Un mit dr MerengeManu hämer 2021 e neii Amtfrau gwehlt.

--Holder (Diskussion) 14:27, 2. Jan. 2022 (MEZ)

Wiki Loves Folklore is back!

Hilf bitte mit, in deine Sprache zu übersetzen

You are humbly invited to participate in the Wiki Loves Folklore 2022 an international photography contest organized on Wikimedia Commons to document folklore and intangible cultural heritage from different regions, including, folk creative activities and many more. It is held every year from the 1st till the 28th of February.

You can help in enriching the folklore documentation on Commons from your region by taking photos, audios, videos, and submitting them in this commons contest.

You can also organize a local contest in your country and support us in translating the project pages to help us spread the word in your native language.

Feel free to contact us on our project Talk page if you need any assistance.

Kind regards,

Wiki loves Folklore International Team

--MediaWiki message delivery (Diskussion) 14:14, 9. Jan. 2022 (MEZ)

Subscribe to the This Month in Education newsletter - learn from others and share your stories

Dear community members,

Greetings from the EWOC Newsletter team and the education team at Wikimedia Foundation. We are very excited to share that we on tenth years of Education Newsletter (This Month in Education) invite you to join us by subscribing to the newsletter on your talk page or by sharing your activities in the upcoming newsletters. The Wikimedia Education newsletter is a monthly newsletter that collects articles written by community members using Wikimedia projects in education around the world, and it is published by the EWOC Newsletter team in collaboration with the Education team. These stories can bring you new ideas to try, valuable insights about the success and challenges of our community members in running education programs in their context.

If your affiliate/language project is developing its own education initiatives, please remember to take advantage of this newsletter to publish your stories with the wider movement that shares your passion for education. You can submit newsletter articles in your own language or submit bilingual articles for the education newsletter. For the month of January the deadline to submit articles is on the 20th January. We look forward to reading your stories.

Older versions of this newsletter can be found in the complete archive.

More information about the newsletter can be found at Education/Newsletter/About.

For more information, please contact spatnaikVorlage:@wikimedia.org.

---

About This Month in Education · Subscribe/Unsubscribe · Global message delivery · For the team: ZI Jony ^(Talk), Mittwuch 20:47, 10 April 2024 (UTC)

WikiCon 2022

Fir d WikiCon 2022 git s scho ne Termin: 7. bis 9. Oktober 2022. Gsuecht wäre aber no Lyt, wu si wänn organisiere un e Ort, wu mer si cha durefiere! --Holder (Diskussion) 18:37, 19. Jan. 2022 (MEZ)

Tech Trend: Sprachassistenten verändern die Welt

Zitat vu servicefactum.net:

Tomas Brovelli, Experte für Computerlinguistik und „Deutschlehrer“ des Google-Assistants [...] berichtet in einem Google-internen Interview: „[...] Die größte Herausforderung sind Dialekte. Hier fehlen uns noch einige wichtige Komponenten. Hier müsste man mit einem professionellen Sprecher Daten aufnehmen, also gesprochene Sprache im Dialekt und bräuchte zusätzlich Texte aus dem Internet, die aber eigentlich immer nur in Standard-Deutsch vorliegen, jedoch nicht im Dialekt. Selbst wenn wir welche hätten, wie beispielsweise im alemannischen Wikipedia, ist trotzdem die Schreibung dieser Texte nicht einheitlich und nützen uns leider auch nicht wirklich viel [...]“

--Holder (Diskussion) 14:37, 20. Jan. 2022 (MEZ)

Löschige vo nöd-übersetzte Täil

Ja ebe – das han i voruusgsee – mer faat a en lange hoochtüütsche Täggscht Wort für Wort a übersetze (statt öppis Churzes, wo me chönnt abschlüüsse, sälber schrybe) und macht dänn nüme wyter. Jetz hä mer no mee so aagfangnigi, halbbatzigi Artikel i öisere Wikipedia. As hetted mer nöd scho gnueg schwachi Artikel. Schaad. Ich machen äimaal mee de Voorschlaag, statt en Huuffe nöii Artikel schrybe lieber emaal di aagfangenen und di schwache fèrtig reschp. besser mache. --Freiguet (Diskussion) 12:24, 3. Feb. 2022 (MEZ)

Jo guet, mänkmol fangt mer halt ebis aa, wu mer no kai Luscht me het druf oder kai Zyt me oder us sunscht irgend eme Grund nimi wyter macht draa. Am wichtigschte isch glaub, ass mer no Fraid am Ganze het. En Artikel uusböue cha aber au Fraid mache, wänn aim s Thema inträssiert. Villicht sotte mer do mol wider e Aktion drus mache. --Holder (Diskussion) 21:19, 3. Feb. 2022 (MEZ)

Artikel in dr Zytschrift #heimat Schwarzwald 4, 2021

Pascal Cames: Alemannisch isch sexy (17. Oktober 2021). --Holder (Diskussion) 10:40, 21. Feb. 2022 (MEZ)

Übersetzigshiiwiis – wänn gèè und wänn nööd

Ich wett daa diskutiere, wänn mer en Übersetzigshiiwiis git und wänn nööd. Der Andi d git dèè, au wänn nu der Artikelchopf oder suscht en chlyne Täil vom hoochtüütsche Wikipediaartikel übersetzt wiird. Für miich aber isch das ekäi Übersetzig vom Artikel i de deWiki. Wie gaat mer i söttige Fäll am gschydschte voor? En liebe Gruez vom --Freiguet (Diskussion) 18:02, 21. Feb. 2022 (MEZ)

Mr kennd a Variazioo vom Vrmerrk kreiira. I han au scho amol an oigena Ardikl aus dr de:WP ibrsedsd, no hod oinr gmoind, I miassad dev Vrmerk drzua do, s häddad Andre drzu dua. S isch mr drbei koi Schdoi aus dr Krona gfalla. Wann's Oim no bessr good. AVS - Beidräg zom Portal:Schwoba 07:55, 22. Feb. 2022 (MEZ)

Zum aine stellt si jo d Frog, wie isch des mit em Copyright, ab wievyl Sätz isch s des e Ibernahm un no sott mer si au irgedwie chännzaichne, ellai scho wäg dr CC-by-sa-3.0-Lizänz.

Zum andre verstand i aber scho au, ass mer mit dä-re Vorlag ebis suggeriert, was eso nit stimmt, nämli, ass des e Ibersetzig vum ganze Artiekl sich.

Villicht chennt mer e Variante vu däre Vorlag mache, näbe

Dä Artikel basiert uff ere fräie Übersetzig vum Artikel „xxxx“ vu de dütsche Wikipedia. E Liste vu de Autore un Versione isch do z finde. 

ebis wie

Dä Artikel basiert uff eme übersetzte Uuszug vum Artikel „xxxx“ vu de dütsche Wikipedia. E Liste vu de Autore un Versione isch do z finde.

--Holder (Diskussion) 08:45, 22. Feb. 2022 (MEZ)

Wie wärs mit;

Dä Artikel isch e fraji Übersetzig und basiert uf em Artikel „xxxx“ vu de dütsche Wikipedia oder vum e Dail devoo. E Liste vu de Autore un Versione isch do z finde. 

oder

Dä Artikel isch e frji Übersetzig und basiert uf dere Version vum Artikel „xxxx“ us de dütsche Wikipedia oder vum e Dail devoo. E Liste vu de Autore un Versione isch do z finde. 

D Version vo de Übersetzig findi no guet, wil mer dänn gschnäller gseht, wie alt as d Version vo de Vorlag isch.

--Schofför (Diskussion) 10:05, 22. Feb. 2022 (MEZ)

D Fraag isch halt, ob e paar Sätz scho en Uuszuug sind. Die Lyschte vo Autooren und Autoorine, wo me drufane verwyst, bezieht sich, wä me nu der Artikelchopf übersetzt, ämel nu vilicht zumene Prozänt oder nöd emaal uf der übersetzt Täil – al andere händ mit em Artikel i der alsWiki überhaupt nüüt z tuend. Aber miir aa. – Aber was isch, sebald en anderi Persoon namaal e paar Sätz drananehänkt, wo vo ire sälber sind? Dänn isch der Aafang en Übersetzig und d Furtsetzig nööd. Dänn löscht mer der Übersetzigshiiwys? Oder was isch dänn? --Freiguet (Diskussion) 21:14, 27. Feb. 2022 (MEZ)

Ha no, a Ardikl isch jo koi Doktrarbed ond oimol z viel duad koim weh. AVS - Beidräg zom Portal:Schwoba 10:34, 28. Feb. 2022 (MEZ)

@Gestumblindi: Waisch du, wie des isch, ab wievyl Sätz me vun ere Ibernahm uusgoht, wu mueß mueß wäre? Un cha mer dr Ibersetzigshiiwys uusenee, wänn dr Artikel aigeständig uusböue wird? --Holder (Diskussion) 18:46, 28. Feb. 2022 (MEZ)

Sali zämme! Es git kei harti Regle "ab soundsovil Sätz isches gschützt", sondern me muess sich überlegge, öb der übernommnig Teil sogenannti Schöpfigshööchi het. Grundsätzlich würdi bi wenige Sätz, wo eifach nume Fakte widergäbe, ohni dass e speziell kreativi Gstaltig erkennbar isch, säge, dass si kei Schöpfigshööchi händ und urheberrächtlich gseh kei Hiiwiis nötig isch. - Wenn en Artiggl, wo ursprünglich en Übersetzig gsi isch (mit Schöpfigshööchi) und e Hiiwiis-Baustei bichoo het, so stark überarbeitet worde-n isch, dass der Text nümm vill Gmeinsamkeite mit der übersetzte Version het, denn chönnemer dr Baustei uusenäh oder, dänggi, uf d'Rucksiite setze - well die ältere Versione jo immer no betroffe sind. Di änglisch Wikipedia zum Bispil het so Hiiwiis ja au nur uf de Diskussionssiite, nit uf der Artigglsiite sälber. Gestumblindi (Diskussion) 19:15, 28. Feb. 2022 (MEZ)

Merci, Gestumblindi! Dänn wùùr i aso säge, dass d Übernaam vomenen Artikelchopf und s Überkopiere von ere Literatuurlyschten ekäi Schöpfigshööchi hät, s aso ekän Übersetzigshiiwys bruucht. --Freiguet (Diskussion) 11:08, 1. Mär. 2022 (MEZ)

Einladung Workshop neue Administratoren: Samstag, 12. März 2022, 19:00 Uhr

Der 2. Adminworkshop der deutschsprachigen Wikipedia findet am Samstag, 12. März 2022, 19:00 Uhr online statt. Teilnehmen können sowohl Administratorinnen und Administratoren als auch alle anderen Interessierten. Auf der Agenda stehen Maßnahmen zur Verbesserung der Einarbeitung und Dokumentation des Adminjobs. Weitere Infos zur Teilnahme findet ihr im neu gegründeten WikiProjekt Administratoren. Weitere Workshops werden ebenfalls auf dieser Seite angekündigt.
Im Rahmen der AdminCon 2022 wurde der Wunsch geäußert die Zusammenarbeit unter den Admins zu verbessern und neue gewählte in die verantwortungsvollen Aufgaben einzuführen. Daraus hat sich das neue Format der regelmäßigen Workshops entwickelt. Die Schwesterprojekte möchten wir einladen sich zu beteiligen, um besser voneinander lernen zu können. Gruß, --Wnme (Diskussion) 21:36, 11. Mär. 2022 (MEZ)

Faltschi Lingg i de Info-Boxe

D Info-Boxe generieret zom Tail faltschi Lingg, wie Zäntralthailand, Persische Golf oder (Bezirk) oder Aaschlussbaanhof oder Ächti Ärdhörnli oder Öschingè. Wie chamer da lööse? --al-Qamar (Diskussion) 23:16, 25. Mär. 2022 (MEZ)

Sali al-Qamar. Weli Infoboxe mainsch un in welene Artikel? LG --Holder (Diskussion) 06:26, 26. Mär. 2022 (MEZ)

z.B Bangkok, Euphrat, Tigris, diversi Gmainde vo Nöschattel hend e Link (Bezirk), Bahnhof Kappel Gutachbrücke, Murmeltier und Ofteringen. S gitt sicher no mee ase Fäll. --al-Qamar (Diskussion) 08:57, 26. Mär. 2022 (MEZ)

S geid nix Guads − aussr ma duads. En schöna Sonndich. AVS - Beidräg zom Portal:Schwoba 07:47, 27. Mär. 2022 (MESZ)

In dr Artikel Bangkok, Euphrat, Tigris, Bahnhof Kappel Gutachbrücke, Murmeltier un Ofteringen haan i d Link jetzt richtig gsetzt. Weli Gmaindsartikel us em Kanton Nöieburg mainsch z. B.? --Holder (Diskussion) 16:33, 27. Mär. 2022 (MESZ)

Sali al-Qamar, derf i my Ruggfrog zum Kanton Nöieburg nomol stelle? --Holder (Diskussion) 07:08, 5. Mai 2022 (MESZ)

Kategorie:Alemannische Gschicht

Noch miim Sproochemfiinde müest da „Alemannischi Gschicht“ haisse, aber velicht isch da i anderne Tielekt andersch. Mer sich uufgfalle, ass die Kategorie nöd under de !Hauptkategorie uufgfüert isch. Hett da e Grund? --al-Qamar (Diskussion) 22:34, 28. Apr. 2022 (MESZ)

Kai Antwort? Faltschi Aafroog? Lästig? Öberflüssig? --al-Qamar (Diskussion) 22:40, 4. Mai 2022 (MESZ)

Ich gsee das gliich wiä dui, mid ämenä -i am Endi vom Adjektiv. --B.A.Enz (Diskussion) 23:07, 4. Mai 2022 (MESZ)

In mym Dialäkt wär s au „Alemannischi Gschicht“, aber villicht froge mer aifach mol diräkt därjenig, wu die Kategori dodmol ufgsetzt ghaa het. --Holder (Diskussion) 07:07, 5. Mai 2022 (MESZ)

Wär au bi mir mit eme -i. Cha jetz nümmi saage, worum i des vor derre lange lange Zyt mit eme -e aaglait ha. --Terfili (Diskussion) 06:23, 6. Mai 2022 (MESZ)

Guet, i has jetze gänderet. --al-Qamar (Diskussion) 22:27, 11. Mai 2022 (MESZ)

Sinnloosi Linngg / Gläicher

@Freigut:@Holder:@Andi d:@Pakeha: und natüürli ali anderi wono ono do mitschaffid und amene gmainsame Projekt interesisert sind.

Vor Joore hemmer emole dröber gredt wiemer doo mit Linggs umgönd, lueg do. Laider isch s Protokoll zimmli churz: „Chrischdbaimli-Artikel sin nid gwinschd. Di maischde Artikel ùn Lischde mid vyyl roode Glaicher blyybe rood, wel niemes derzyd hed, zue dääne ganze Verglaichige au no Artikel z schryybe. Dää, wù derzyd hed, sol ùn dèrf die ganze Glaicher uuse nee.“

Me hend momentan 159'364 rootverlinkti Lemmata, dezue chömed no 8'260 us Templates, gitt zäme 167'624 (hondertsibenesechzgtuusigsechshondertfierezwanzg). Vo dene sind 129'353 nume ainisch verlinggt! Natüürli chamer da ignoriere, aber s werd aifach mittlerwiile schlicht unmöglich ase faltschgrischbni Links wie Virarlberg oder alemannischi Link wie Ischsporthalla z finde und z korrigiere und doo drunder liidet miner Mainig noo d Qualitäät fo de alemannische Wikipedia. So het z.B. de Artiggel Friiburg im Briisgi letschti meriri blaui Lingg öberchoo, well i faltschgschribni Lingg verbesseret ha. Aber die abertuusige vo aimoolige roote Linggs mached da langsam schlichtweg ummögli! Da wäär aber ebe grad guet, wemmer da chönnt. Miin Voschlag, me fönd aa radikaal Link useputze. Debii söttmer achte, as natüürli Artikle wo do erwünscht sind verlinggt were söled, z.B. Jahrbuch z’Rieche (fööfmool verlinggt, aimool nöd verlinggt) aber sicher nöd z.B. Jahrbücher für Nationalökonomie und Statistik (aimool verlinggt) - ussert näbert will grad en Artikel dröber schriibe und tuets oo. Mee cha sich oo öberlege, wiemer sinnvoller verlingge cha: z.B. Indigene Völker des russischen Nordens, Sibiriens und des russischen Fernen Ostens (sic!) oder Indigene Völker Südamerikas, obwolls nödemole en Artikel Indigene Völker gitt? Wa söll e Lingg uf Indigene Vereinigung zur Entwicklung im peruanischen Regenwald bi üüs? Oder Ityopya hoy dess yibelisch, oder Innerdynastische Kämpfe der Karolinger 830–842? Sicher, i gsääch ganz gern en artiggel dröber. aber, je nu de halt ...

Denn hemmer Fuessballmanschafte bis zum goot nüme (z.B. do, e knallroote Infochaste und fili rooti Lingg im Artikel), Sport- und anderi Aaläss und Waale för jedes Joor (z.B. Ingeborg-Bachmann-Preis 1990 etc., lueg do Ingeborg-Bachmann-Preis oder Wahl zum Repräsentantenhaus der Vereinigten Staaten 1870, … 1892, … 1896, … 1898 etc., im ganze 22 Artikle). Verlingget sind ali Mookrääter, wo nöd nume de Kraater verlinkt isch, sondern ono d Person noch dere, wo de Kraater gnennt woren isch; sind sicher alli ganz wichitgi Lüüt (z.B. bim Buechstabe R). Sogäär Regioone ufem Jupitermoo Io, fast 200 Asteroide, jeensti Baahööf und Isebaabrugge, französischi Döörfli und zwoor u.a. wege demm. Mer sind doo nöd öppe im Elsiss, nai völlig im Gaggo usse. De Copy-Paste-Artiggel generiert 452 rooti Linggs (do!). Nume e Dotzed vo dene isch mee as aimool i de ganze WP verlingget und nume grad drai Linggs stamed useme echte Artiggel, wo nöd numen e Listen isch, z.b. vom Sylvain Chavanel, en Artiggel wo nöd ganz ase root isch wie s Triggo vom Rennprofi. Ali Artiggel Liste der Gemeinden im Département … generieret ganzi 39'783 rooti Lingg, da sind knapp e Viertel vo allne roote Lingg! Vo dene sind nume 113 mee as ainisch gfrööget! Die maiste französische Gmainde wered vermuetli nie en Artiggel öberchoo und s wöör o nöd vill Sii mache. Me hend jo nödemol för ali alemanischsproochigi Dörfer en Artiggel, z.B. Henau SG.

En anders Problem sind d Infochäste: So entsönd wege demm fili rooti Lingg uf Gattige, Familene, sogäär Underfamilene, Ornnige und Klasse etc., (z.B. Heiliger Ibis oder Ahorne), wo den no mengisch gadono uf Alemannisch sind. Oder bi de Sprooche: z.B. Hebräische Sprache linkt uf : Kanaanäische Sprachen, Nordwestsemitische Sprachen, und Westsemitische Sprachen. Oder Võro, im Gegesatz zo Karelische Sprache, wa vill besser uusgsiet. Sicher ono bsundrigs höbsch: Maori (Sprache). Navigationboxe sind sicher praktisch und chönnt e guete Öberbligg gee. Da mit de Amatöörliga Bayere hani jo scho dobe verlinggt, aber luegemer emole ono do hii: Ammit oder doo Département Hérault (roote Artiggel, rooti Info- und rooti Navigationsbox). I wöör emole schätze, öber d Hälfti vo de Buechstäbe i dem Copy-Paste-Artiggel sind root. Denn no di sognennte „Begriffsklärungsseiten“, lueg z.B. de aa! Und s gitt fill asigi. Wa mer ono uufgfalen isch, as bim öberkopiere vo Vorlaage und Literatuur rooti Lingg entstönd (Autoore, Verlääg). E wittere Punkt sind inkonsequenti Schriibige, da isch bi üüs normal und onöd schlimm, aber luegemer emole die Lingg aa: 4x Irgun, 2x Irgun Tzwai Le’umi, 1x Irgun Tzwaʾi Leʾumi, 1x Irgun Tzwa’i Le’umi, 1x: Irgun Zwai Leumi. Vorchoo tuet die Undergrundorganisation i 13 Artiggle, si isch aso nödemol immer verlingget.

Wer werd all die Artiggle - bald wereds hondertsibezg Tuusig sii, wenns ase wittergoot - schriibe? Relevanz? Natüürli isches in Oornnig und erwüntscht, wenn näbert en Artikel verfasst öber waa au immer. Aber abertuusigi fo aimoolige Lingg dörstet nöd grad e bsundrigs gueti Wörkig haa und schadet a de Qualitäät im allgimaine.

Hoffemer uf e Schriibwunder? --al-Qamar (Diskussion) 23:06, 4. Mai 2022 (MESZ)

Sali al-Qamar, dankschen fir die inträssant Frog.

No sällem Summerdräffe 2008 haan i aagfange ghaa bi ne Dail sonige Lischte die rote Link ussenee, no het s e heftigi Diskussion gee un Stammtisch hämer au driber dischpetiert, am Änd haan i s syy loo.

Aber guet, ich main, wänn dii die rote Link steere, no nimm si aifach uuse, grad us sonige Lischte, die cha mer jo au aifach wider us dr Versionsgschicht retuurhole, wämer si doch mol bruucht.

Aber villicht sotte mer au aifach mol wider e Dräffe mache, wu mer uns iber aktuälli Brobläm un d Situation vu dr alswiki un megligi Lesige chenne uusdusche? E Dräffe, wu mer au mol strategisch dischkeriere un nit nume ebis go aaluege gehn, hämer scho lang nimi gmacht. LG --Holder (Diskussion) 07:04, 5. Mai 2022 (MESZ)

Ich gsees wie der al-Qamar: Es git vil z vil Redlink uf Artikel, wos i öisere Wikipedia chuum jee en Artikel wiird gèè. Wän ich uf söttigi stoosse, nim i si use. Hüüffig chömed s alem Aaschy naa i öisi Wikipedia ine, wil mer si äifach ooni vil naaztänke bim Übersetzen us de hoochtüütsche Wikipedia übernimt. Es hät i de letschte Zyt sogaar scho nöii Artikel ggèè, wo nu Lyschte vo Redlink gsy sind. Es git aber au s Umgcheert: Bluelink, wo ineghöörtid, aber fèèled. Zum Byspil han i geschtert gsee, das es im Artikel über de Dinkelbèèrg zwaar es Kapitel über de Dinkelbèèrgertialäkt git, aber nöd emaal en Link uf der Artikel Dinkelbèèrgisch …

Sich emaal richtig uustuusche fund i scho au guet! Ich han e paar Maal probiert, e Diskussioon über verschideni Theemen aazräise, aber s hät nie nüüt druus ggèè. Grooss Hoffnig, das mer öis finded, han i aber nööd – d Mäinige über s Projäkt alemanischi Wikipedia sind halt rächt verschide. Uf jede Fall fruschtriert mich di alemanisch Wikipedia rächt, drum mach i daa au nüme vil. --Freiguet (Diskussion) 09:09, 5. Mai 2022 (MESZ)

Natüürli isches ase, ass sich d Zitte änderet. Dozmool im 2008i hemmer no recht wenig Artiggl ghaa und dromm o mee rooti Lingg, z.B. uf Ortschafte im alemannische Sproochpiet. Me het doozmool ononöd die externe Werchzüüg ghaa, zom usefinde, waför Rootlingg ases innere WP gitt, oder si hend nonöd ase guet funktionert und me hett si velicht ononöd gchennt. Zom Argument mit de roote Lingg, wo vor Joore aabroocht woren isch, da Argument chamer guet umcheere. Ales wa nöd blau und nöd verlingget isch, isch het kann Artiggel. Und wenn doch, denn tuet mer de halt Lingg ine. Zodem isches no nie e Problem gsii usezfinde, öbs en Artiggel z.B. öber Henau doo gitt, för daa gitses s Suechfenster rechts obe. S isch o richtig, wa doozmool gsait woren isch, as raini Liste grundsätzli ase root dodeher cho chönd, wie si wönd. Mittlerwiil sinds abe söfl, assi die Uufruumarbet unnötig schweerer mached.

E Voorschlaag vowege de Infoboxe: Me chönnt die ase gstaalte, as die kai automaatischi Lingg generieret, sondern asmer de Lingg immer schriibe mue. Bi de Taxboxe för Lebiwese wöör da fill Sii mache und o bi de Infoboxe bi de Sprooche. Anderi sind velicht scho ase guet abdeggt mit Artiggel, as en automaatische Lingg praktischer isch. --al-Qamar (Diskussion) 21:50, 5. Mai 2022 (MESZ)

al-Qamar , ai Frog hätt i do no zum Wärchzyg: Mit was fir eme Wärchzyg duesch du die Link-Zahle generiere? --Holder (Diskussion) 19:34, 6. Mai 2022 (MESZ)

Hallo Holder, hani doch dobe aaggee:do! Nume Parameter wechsle, z.B. Kategorie:!Hauptseite iigee. I mainti, as Du die Siite chene tuesch. S gitt offebar e noiers Werchzüüg, da hani aber nonöd uusprobiert. D Zaale, wo die verschidnige externe Zääler gend, stimed sowiso nööd. Chürzli hani uf de Wikipedeia e automatisierti Gratualtio öberchoo, well i aagebli grad de 10000sti Edit gmacht ha söll. Aso, i has öberprüeft. Je noch dem, no nöd, oder scho echli mee und denn no die glöschte, wo nöd zällt were etc. Werd bi de Linggzääler onöd andersch sii.--al-Qamar (Diskussion) 21:51, 6. Mai 2022 (MESZ)

Des Tool chänn i natyrli scho, aber wie mer do d Lischt vu allne verlinkte Artikel generiert, isch mer nit klar. --Holder (Diskussion) 06:40, 7. Mai 2022 (MESZ)

Aso wenn Du mit „allne Lingg“ o di blaue mainsch, nai, do cheni kai Werchzüüg und da isch onöd nöötig för mi, weli jo nume faltsch gschribni Lingg wie Aaretaal etc. sueche. Uf jede Fall maini i dere Diskussio immer nume rooti Lingg.--al-Qamar (Diskussion) 08:24, 7. Mai 2022 (MESZ)

Ich denk au, dass di meischte vo dänne Link vo do chömme, dass mer Artikel übersetzt un eifach alli mitübernimmt. Un in de dütsche Wikipedia werde au viilmool z viil Links gsetzt. Mer bruucht nit für alles wo’s je het's git's, en Link ha. Wichtig sin Links uff Artikel, wommer für s besseri Verständniss vum Teggscht bruucht. Wemmer des nit sälber beurdeile cha, sött mer vilycht sowiiso besser öbis zumene andre Thema übersetze. Es hen aber über d Joor, in de letschte Joor vorallem de Freiguet, appeliert, mer söll doch bitte nit alles ohni z überpriefe uss de dütsche Wikipedia übernee, nit langi Literaturlischte mitübernee, nit Wort-für-Wort z übersetze, usw, es het niemer wäge däm aagfange, anderscht z schaffe. Wänn’s ein stört, muess mer die Links glaub scho sälber ussenee. Aber d Vorlage eso z programmiere, dass si kei roti Links generiere, des wär glaub scho e gueti Idee. --Terfili (Diskussion) 20:02, 6. Mai 2022 (MESZ)

S Brobläm bi dr Vorlage isch: Wie cha mer die eso umböue, ohni ass mer do jetz in allne Artikel des mueß ändere? --Holder (Diskussion) 21:05, 6. Mai 2022 (MESZ)

Da isch richtig. Di blaue Lingg bi de Artiggle womer scho hend wöred denn o ewegg sii. D Froog isch, wie grooss de Schade wäär. Hüüffig - aber nöd immer - sie die Lingg, mindestens die wichtige, aineweg im Artiggel nomole verlingget. Aber da müestmer öberprüeffe. Jede Themchrais werd sicher andersch glageret sii--al-Qamar (Diskussion) 21:54, 6. Mai 2022 (MESZ)

Treffe

Wie de Holder hani o scho länger denggt, me chönntid üs wideremole Treffe. Aso wenn? Wo? I wllere Form? --al-Qamar (Diskussion) 21:50, 5. Mai 2022 (MESZ)

Am e Wuchenänd (aber nit zwische Mitti Juli un Mitti Augschte), un ich chumm gärn in d Schwyz. Wämer zwee Däg mache, hätte mer mee Zyt zum dischpetiere, aber villicht isch s derno schwärer, e Termin z finde. --Holder (Diskussion) 06:40, 6. Mai 2022 (MESZ)

I chume gern is Tütsche, is Elsiss oder is Vorarlbergische, Liechtestainische etc. Im September chönnts schwirig were, aber Juni, aafangs Juli wär guet. E ganzes Wuchenend super. --al-Qamar (Diskussion) 21:57, 6. Mai 2022 (MESZ)

Ich haa nit der Zyt zum ebis organisere. Wett eber ander mol e Vorschlag fir Ort un Termin mache? --Holder (Diskussion) 05:28, 1. Jun. 2022 (MESZ)

Kategorye bi Täggschtsammlige

Git mer äigetli Tialäktkategorye bi Täggscht oder nööd? Bi Text:Das verlorene Tal staat d Kategory Artikel uf Walsertiitsch, bi Text:Pietro Axerio nööd. En liebe Gruez vom --Freiguet (Diskussion) 16:35, 18. Mai 2022 (MESZ)

Wie läbig öisi alemanisch Wikipedia isch … :-( --Freiguet (Diskussion) 18:47, 30. Mai 2022 (MESZ)

Do git s glaub kai Regle, wänn du dänksch, des wär guet, no mach s ;-). --Holder (Diskussion) 05:29, 1. Jun. 2022 (MESZ)

Merci. Ich glaube, «Artikel uf …» isch bi Täggschtsamlige nöd rächt, wil sich «Artikel» ja uf en Wikipediaartikel bezieht. Has emaal esoo umgsetzt. --Freiguet (Diskussion) 11:48, 1. Jun. 2022 (MESZ)

WikiCon 2022

Dr Termin vu dr desjehrige WikiCon stoht jo scho lenger fescht (7. bis 9. Oktober 2022), jetz isch au dr Ort klar: Stralsund an dr Oschtsee. Vu Züri uus schafft mer d Aafahrt mit em Zug in zwelf Stund (huescht ...) mit aim Umstiig. --Holder (Diskussion) 07:56, 24. Mai 2022 (MESZ)

Mer cha si jetz aamälde. --Holder (Diskussion) 11:59, 1. Jul. 2022 (MESZ)

S Programm isch jetz online. --Holder (Diskussion) 12:07, 13. Sep. 2022 (MESZ)

Was isch bi dène Kategorye der Underschiid?

D Kategorie:Öffentliche Vercheer und d Kategorie:Vercheersunternähme (Schwiz) chömed si, schynt mer, gägesytig in Wääg. Mäined die nöd s Glych? LG, --Freiguet (Diskussion) 18:50, 30. Mai 2022 (MESZ)

Dass se Kategoria ondrschoidad abr se ibrlabbad, isch doch normal. Des isch jo au bei viele andre Begriff aso. Gruaß AVS - Beidräg zom Portal:Schwoba 08:31, 31. Mai 2022 (MESZ)

Aber i waas underschäidet s sich dänn? Weles ÖV-Unternäme woo staat, isch für miich ganz willküürlich. --Freiguet (Diskussion) 11:01, 31. Mai 2022 (MESZ)

Wie wär s, wämer die Schwyzer Kategory as Unterkategory vu dr andere mache un di ganze Schwyzer Unternäme no dert yyne dien? --Holder (Diskussion) 05:27, 1. Jun. 2022 (MESZ)

Zom Beischbiel ÖPNV: -1 DB, ÖBB, Flixtrain, SBB, SNCF; -2 SBB. Gruass AVS - Beidräg zom Portal:Schwoba 08:30, 1. Jun. 2022 (MESZ) AVS - Beidräg zom Portal:Schwoba 08:30, 1. Jun. 2022 (MESZ)

Chönnt mer mache, Holder. Dänn müesst mer e paar wenig Artikel umkategorisiere, und s wèèr guet. --Freiguet (Diskussion) 11:50, 1. Jun. 2022 (MESZ) – Has jetz emaal umgsetzt. --Freiguet (Diskussion) 23:38, 2. Jun. 2022 (MESZ)