Stammdisch-Archiv vom Jänner - Juni 2014

Information

• Hilf
• Wikipedia-Handbuech
• Richtlinie
• Glossar
• Index
• Artikelverzeichnis
• Stammtisch
• Kontakt
• Impressum

Willkomme bim Wikipedia-Schtammtisch

Die Syte isch es Wikipedia-Forum für alles, was mit dr alemannische Wikipedia und em alemannische Schprochruum z’due hot! Do ka mer nuie Vorschläg macha und driber abschtimma.

» An neije Bytrag aafange «

---

Archiv

2004 - 2005/1 - 2005/2 - 2006/1 - 2006/2 - 2007/1 - 2007/2 - 2008/1 - 2008/2 - 2009/1 - 2009/2 - 2010/1 - 2010/2 - 2011/1 - 2011/2 - 2012/1 - 2012/2 - 2013/1 - 2013/2 - 2014/1 - 2014/2 - 2015/1 - 2015/2 - 2016/1 - 2016/2 - 2017/1 - 2017/2 - 2018/1 - 2018/2 - 2019/1 - 2019/2 - 2020/1 - 2020/2 - 2021/1 - 2021/2 - 2022/1 - 2022/2 - 2023/1 - 2023/2 - 2024/1

Wikipedia-Personensuche

Wieso hei mir bi de Persone-Normdate eigetlich d Wikipipedia-Personesuechi verlinkt? Ich verstah das us zwei Gründ nöd: 1. Stoht au nüd anderscht dinne, wie au im Artikel (oder han ich öppis nöd gseh?) und 2. Isch es gar nöd uf Alemannisch. --Badener (Diskussion) 19:08, 6. Jan. 2014 (MEZ)

Des Personedate-Tool isch in unsri Vorlag chuu, wu ich die mol aktualisiert ghaa haa. Vu mir uus cha mer s lesche, die Personesuechi beziet si wirkli nume uf d Artikel uf dr dewiki. --Holder (Diskussion) 19:14, 6. Jan. 2014 (MEZ)

Ich haa die "Personensuche" jetzt glescht. --Holder (Diskussion) 05:42, 15. Jan. 2014 (MEZ)

Webflaneur

Uf em Webflaneur-Blog bi dr Bärner Zytig haan grad e inträssante Bydrag zue unsrem Jubliäum gfunde: Webflaneur: Dialäkt (26. Novämber).

--Holder (Diskussion) 21:02, 6. Jan. 2014 (MEZ)

Winter-Dräffe z Züri

Am Samschtig, 8. Februar, dräffe mer is bim Züri-Stammtisch. Ab em 18:00 Uhr in s Carla's Schwanen Beizli, Josefstrasse 151, 8005 Zürich. Bitte uf dr Syte uf dr dytsche Wikipedia yydrage.

--Holder (Diskussion) 15:11, 16. Jan. 2014 (MEZ)

Artikel wu uf Dytsch ibersetzt wore sin

Ich bii letschti iber en Artikel vu mir gstolperet, wu uf Dytsch ibersetzt woren isch. Do haan i mol e baar Artikel zämmegstellt, wu au us em Alemannisch ibersetzt wore sin:

• de:Albanische Volkstrachten
• de:Eppenberg (Adelsgeschlecht)
• de:Karl Friedrich Müller (Sprachwissenschaftler)
• de:Oberrotweil
• de:Ornela Vorpsi
• de:Sür un Siess

Weiß no eber anderi? --Holder (Diskussion) 16:05, 21. Jan. 2014 (MEZ)

"Albanische Volkstrachten" gits uf de.wp nid, aber de:Volkstrachten der Albaner --Dr Umschattig red mit mir 12:45, 27. Jan. 2014 (MEZ)

Ich sälber hett au en Artikel im Fokus. Gits daa äigetli irged en Formalismus, wo me dänn müesst bifolge? Irged en Hiwys-Satz, das es en Übersetzig us der alemanische Wikipedia isch? --Freigut (Diskussion) 17:33, 27. Jan. 2014 (MEZ)

Uf dr dytsche Wikipedia hän si d Regle, ass si ne Versionimport mache, d. h. alli (z. B. alemannische) Versione vum Orginal-Artikel wäre in di dytsch Wikipedia importiert. Laider goht doderby zmaischt d Information verlore, wu dr Artikel urspringli här isch, d. h. wänn Du ne Artikel witt ibersetze, schryb bitte in Dyre erschte Version uf dr dewiki in dr Zämmefassig ebis wie "übersetzt aus der Alemannischen Wikipedia" o. ä. Wänn dr Artikel fertig ibersetzt isch, stellsch do ne Aadrag uf Versionsimport (chasch natyrli au zerscht dr Aadrag stelle un noch em Import ibersetze). --Holder (Diskussion) 17:59, 27. Jan. 2014 (MEZ)

Merci! – Ch'glaub, ich heg scho en Fall g'see, wo das nöimets am Fuess vom Artikel gstande seg, dass 's en Übersetzig sei. Mit de Zyt versälbschtändiget sich die allerdings, so das eso-n-e Mittäilig irgedwän emaal gar nüme stimmt... Drum isch "dyni" Löösig sicher di besser. --Freigut (Diskussion) 15:47, 28. Jan. 2014 (MEZ)

Ganz aktuäll isch au dr Artikel Barbara Terpoorten ibersetzt wore. --Holder (Diskussion) 15:53, 12. Feb. 2014 (MEZ)

de:Welche isch au e Übersetzig. --Terfili (Diskussion) 03:58, 20. Feb. 2014 (MEZ)

Au unser Uralt-Projäkt Alemannischer Beispielsatz isch in di dytsch Wikipedia ibernuu wore: de:Alemannischer Beispielsatz. --Holder (Diskussion) 05:49, 13. Mär. 2014 (MEZ)

Charta vu dr Regional- oder Minderhaitesproche

Mit 361 gege 149 Stimme het di Franzesisch Nationalversammlig hite fir d Ratifizierig vu dr Europäische Charta vu dr Regional- oder Minderhaitesproche gstimmt, 22 Johr no dr Unterzaichnig! Jetz fählt nume no d Abstimmig im Senat. --Holder (Diskussion) 21:09, 28. Jan. 2014 (MEZ)

Si häi as doch e chli bressant ghaa. Andi d (Diskussion) 06:18, 29. Jan. 2014 (MEZ)

Werddemer

Ich haa grad dr Benutzer:Werddemer infinit gsperrt. Är het zwar mit großen Engaschmänt do aagfange un het au ne baar gueti Hiiwys gee uf Fähler, aber uf dr andre Syte het er offebar e grundsätzlig Probläm mit unsre Regle, ass do verschideni Dialäkt un verschidene Schrybwyse gschribe wäre, un het widerholt Schrybwyse un Dialäkt gänderet (är het aagfange Schrybwys in verschidene Artikel z verainhaitlige), drotz ass e meefach druf ufmerksam gmacht woren isch, ass des e Regelverstoß isch. Är cha schyns im Ibrigen au kai Alemannisch. --Holder (Diskussion) 18:47, 13. Feb. 2014 (MEZ)

guet gmacht, de hesch jo au vill Geduld bewiise. In nid ganz so klare Fäll wärs villicht besser, en andere Ammann hetti gsperrt. --Dr Umschattig red mit mir 14:24, 20. Feb. 2014 (MEZ)

tz uf Bairisch

Zum Internationale Dag vu dr Muetersprooch git d Mincher tz e Uusgab uf Bairisch uuse. --Holder (Diskussion) 21:00, 20. Feb. 2014 (MEZ)

Wel die Bairisch Uusgab eso ne große Erfolg gsii isch, wett d tz jetz all Wuche ne ganzi Syten uf Bairisch mache. --Holder (Diskussion) 22:07, 3. Mär. 2014 (MEZ)

Fotiwerkstatt Schwiiz

Falls es öpper vo oich interessiirt und es uf de.wp no nöd gseh het: Es git e Diskussion da drüber, ob me e Fotiwerkschtatt Schwiiz in dem Johr söt dureführe. --Badener (Diskussion) 14:47, 23. Feb. 2014 (MEZ)

Druurigi Noorichte us dr Ukraine

Bi dr bluetige Demonschtrationen uf em Maidan z Kiew isch am 20. Februar dr ukrainisch Wikipedianer Ihor Kostenko umbrocht wore. In dr ukrainische Wikipedia git s e Kondolänzlischt. --Holder (Diskussion) 15:29, 24. Feb. 2014 (MEZ)

The Wikipedia Books Project

Sàlü binànder! Pediapress màcht a „crowd-funding campaign“ fer d gànza anglischa Wikipedia ìn 1000 Biacher z'drucka. Fer dia wo mìtmàcha wann, ìsch's do. (Dia Àktion gìtt's hàlt wìder uf Anglisch; d Mìnderheitasprocha profitiara leider nìt vìel dervu.) L.G. --MireilleLibmann (Diskussion) 13:18, 26. Feb. 2014 (MEZ)

Àrtìkel Raymond Matzen

Dr Ctruongngoc wìnscht a frànzeescha Version vu dam Àrtìkel, un ar hàt Racht. S war àn mìr, fer dàs z'ìwersetza. Vìllìcht màch i a Kurzfàssung, ehnder àss a Ìwerstezung. Denn ìwrigens sìn ìn dam Àrtìkel mehrera originàla Text, steert dàs nìt, waga dr Lizanz? Ìch mein, ma sott sa (leider) üssläscha. --MireilleLibmann (Diskussion) 12:26, 2. Mär. 2014 (MEZ)

So ganz verstand i s nit. S git doch e Artikel uf Franzesisch. --Holder (Diskussion) 12:28, 2. Mär. 2014 (MEZ)

Jo, ìch hà züe schnall gschrìewa, ohna ufpàssa! Nei, ar verlàngt wìrklig a Ìwersetzung. Un ìch màch's boll. Àwer s Problem vu dr Lizanz blibt doch! --MireilleLibmann (Diskussion) 12:34, 2. Mär. 2014 (MEZ)

Ich waiß laider nit, wie vil Zitat mer in en Artikel cha setze. --Holder (Diskussion) 14:05, 2. Mär. 2014 (MEZ)

's ìsch egàl. Ìch kàà da Àrtìkel nìt ìwersetza, 's ìsch züe kumpliziart. Un sowìeso schiint mìr dàs àlles züe "philosophisch ìwer dr Dialekt" fer ìn d frànzeescha Wikipédia, därt wara so Meinunga nìt so güet ààgnumma. --MireilleLibmann (Diskussion) 13:03, 5. Mär. 2014 (MEZ)

Seislerblog

Ich haa grad dr Seislerblog bi dr Fryburger Nachrichte gfunde. Do schrybt u. a. dr Christian Schmutz, wu s fantastisch Seislertütsch-Werterbuech verfasst het. --Holder (Diskussion) 21:59, 3. Mär. 2014 (MEZ)

Ze Fribourg, in dr Stàdt... isch`s nit so glatt! Do hàw-i öi noch ebs drzue - odr viilmeh zue-me Sondrfàll drvun! E Seislr-walsch Migges, wii noch wéldr ésch, schint`s, àls diss, wii vili Elsassr hit so redde. (Odr redde de Stedtr ken Seislrditsch?) Diss het mr dr Ludo29 vun WikimediaF un WikimediaCH gezeigt. Dr interessiirt sich fr de alemànnisch Mundàrte én dr Schwiz - bsundrs àn dr Sproochgranz, schint`s.

Einmol uff Frànzeesch...

...un noch uff Ditsch!

Àwwr `s Bescht vun àllem ésch „a bitz Schwiinigs...“ - ‚ein bißchen Schweinisches‘ - :-)))--Stephele (Diskussion) 11:49, 3. Apr. 2014 (MESZ)

Ja, Bolz isch as Melangsch. Dadezue gits au no e Radiosändig. --Pakeha (Diskussion) 01:05, 4. Apr. 2014 (MESZ)

Portal uf dr Houptsyte mit Grafike

Ich haa mol versuecht, zue unsere Portal, wu mer uf dr Houptsyte hän, Grafike z finde. Was halte Ihr vun eson ere Variante vu dr Houptsyte? Oder isch des jetz scho z vyl un z bunt? --Holder (Diskussion) 04:36, 11. Mär. 2014 (MEZ)

Miär chund das scho chli – hmmm – uberlade vor. Ich wäis aber, ass äs immer wider Liit gid, wo gäre Bildli hend. Und dankä, ass dui mich wider äinisch uf d Hoiptsiite glockd hesch. --B.A.Enz (Diskussion) 15:55, 11. Mär. 2014 (MEZ)

Jo, jetzt wun i die Grafike zämmedrait haa, find is au ne weng iberlade. Villicht wär des aber ebis fir d Portalsyte ganz unte, wu anderi Portal ufzellt wäre. --Holder (Diskussion) 17:48, 11. Mär. 2014 (MEZ)

Also mir gfallts. Es tuet de mittler Abschnitt i däm Block e chli uflockere - es isch döt susch nume e Raie vo Wörter, underbroche dur Pünkt. Und es hät jo au Platz - im Vergliich zum Block i de rächte Spalte uf säbere Höchi. --Schofför (Diskussion) 23:29, 12. Mär. 2014 (MEZ)

Ich find’s au guet un überhaupt nit überlade. --Terfili (Diskussion) 03:14, 13. Mär. 2014 (MEZ)

Mit Wappe gfallts mir immer besser wi ohni ;-). D Portal stechet eim so au meh ins Aug, vo daher fänd ich das tiptop. Merci für dini Büez, Holder. --Badener (Diskussion) 09:03, 13. Mär. 2014 (MEZ)

Ich gseenen äigetli chuum en Underschiid, abgsee vo dène paar Icon bin Theemeportaal. Und ha mi grad bim Portaal "Alemanisch" gfrööget, werum äigetli wele Spraachwüsseschafter deet voorchunt und wele nööd – aber das isch en anders Theema... --Freigut (Diskussion) 09:08, 13. Mär. 2014 (MEZ)

Dr Unterschid sin natyrli genau die Icon bi dr Themeportal. In dr Portal sin im Ibrige normal die Artikel ufgfiert, wu s zuen eme Thema do in dr Alemannische Wikipedia git (wänn s imfall e Huffe Artikel sin, en Uuswahl). Du chasch aber au aifach mee Artikel drysetze un anderi derfir uusenee. --Holder (Diskussion) 09:23, 13. Mär. 2014 (MEZ)

Dean Vorschlag fend i guat. I glaub, dass dui Enderong meh ôôschbricht, en dr alemannisch WP a bissle romzostebra. --Henri Berger (Diskussion) 10:49, 13. Mär. 2014 (MEZ)

G'fallt mr! Was me no mache sott: Di verschiedene Formatierige abschaffe. E weng fett, markierti Gleich un so sin rächt, abr grau-fett-kursiv un so sin z'viel vom Guete. Me sott nit me wi vier verschiedeni Schrifttype ha. --Manuel Schneider^(bla) (+/-) 15:09, 13. Mär. 2014 (MEZ)

Uf däre Syte haan i jetz mol en Entwurf gmacht ohni graui un kursivi Schrift. --Holder (Diskussion) 15:24, 13. Mär. 2014 (MEZ)

Àlso spontàn: gràd de Kursivschrift vun de Begriessung ésch mr scheenr vorkummme. De Wàppe un Signets fr de Portàle fénd-i gànz scheen. Uf dr ein Site gibt`s so ebs wii e „Glichheitsgrundsàtz“ - fr de Infàchheit sotte àlli Links àn dr Stell villicht glich sin - àwwr fr mich wiigt sterikr, ass de Portàle nit`s Namligi sin wii Kategorie un mr kennt se schun e bissele betone. Awwr ich fircht, dr Uffwànd wurd so „kinschtli“ noch gesteigrt: Fr de Iwwrsichtligkeit sott mr`s jetz bessr noch formàtiire! 1.: de Wàppe/Zeiche trenne sich àm Zeileumbruch automàtisch vum Wort - diss sott bessr nit so sin! 2.: mét de „bunti Béldr“ kriej-i e geméscht, e widrsprichli Indruck: `s wurd (assoziativ) klàrer, öijefällig, was`s ésch - áwwr `s wurd àls e Ensemble uniwwrsichtlichr (?). Villicht sott mr denn de àlphabetisch Ordnung gheije lon un Allemania un Wisseschàfte (usw.) vunenànd àbsetze (2 konsekutive Lischte)??--Stephele (Diskussion) 09:51, 14. Mär. 2014 (MEZ)

Prima! Àm beschta gfàllt mìr Houptsyte_Neuentwurf, mìt da kleina Bìlder, un mìt em „Willkumme“ gràui un kursiv. 's ìsch vìllìcht numma a Gwohnet, àwer uf em Neuentwurf_2 schiint mìr dr „Willkumme“, so groß un schwàrz, zìmlig härt (wia ìn da Email wenn ebber wiatig schribt). Àwer dàs sìn Gschmàcksàcha... --MireilleLibmann (Diskussion) 20:51, 14. Mär. 2014 (MEZ)

Werum staat äigetli bi Baden und bim Elsis s Wappe, bi de Schwyz aber d Flagge? --Freigut (Diskussion) 09:52, 16. Mär. 2014 (MEZ)

Des het kai bsundrige Grund, dr Schwyzer Faane isch halt quadratisch, derwylscht di andere rächteckig sin, wäge däm haan i dert als d Woobe gnuu. Mer cha aber natyrli au s Schwyzer Woobe statt em Faane nee. --Holder (Diskussion) 14:35, 16. Mär. 2014 (MEZ)

D'Bildli näbem Begrüessigtext sin bi dr Mobilversion abgschnitte (mer siiht numme eins) und dr Begrüessigstext ziegt sich iber dr ganz Bildschirm abi un isch schmal. D'Bilder sotte sällewäg im Mobil-Layout m.M.n. besser äwägglo werre.

Des isch zwar jetz au scho so, aber umso meh sott mers ändere. Ageblich werre middlerwil iber 50% vu dr Zugeriff uf Wikipedia vu Smartphones gmacht. D.h. mer muess au uf e guets Mobil-Layout achte.

Degege isch d'Desktop-Version uffem Smartphone in Ornig. Aber au bi dr Desktop-Version verstand i nit, worum do die vier Bilder stoh mien. Es goht nit gli drus vor, dass demit vorgstellti Artikel gmeint sin. Die chleine Bildli (Ikone) bim Themeportal gfalle mer. Aber suscht steche d'Änderige nit gross ins Aug, un säll isch guet. --W-j-s (Diskussion) 23:45, 16. Mär. 2014 (MEZ)

Ich haa s Layout vu dr Mobil-Version emol stark veraifacht. Ich haa aber kai Smartphone un kai internetfähig Handy, do mien anderi sage, eb eso besser isch.

No Wikistats chunnt d Mobilversion im Ibrige insgsamt uf allne Sprochversion uf rund e Viertel vu dr Zuegriff un bi dr Alemannische Wikipedia sin s rund 15 % gsii. Aber ainewäg wird d Mobilversion vu dr Wikipedia all wichtiger un mir mien do in Zuechumft druf luege, do hesch rächt, W-j-s. --Holder (Diskussion) 11:46, 17. Mär. 2014 (MEZ)

Ich haa s jetz emol umgsetzt un au dr Vorlschag vum Stephele ufgnuu, di regionale Portal vu dr andere abzsetze. --Holder (Diskussion) 18:00, 17. Mär. 2014 (MEZ)

Jetz seh-i`s gràd erscht, e Reaktion... Ja, so fénd-i`s iwwrsichtlichr - scheen ésch`s! Impec(cable)!

Holder! - Dü vrstehsch mi jà de letscht Zit!?!? ;-)--Stephele (Diskussion) 14:17, 20. Mär. 2014 (MEZ)

Catalan Culture Challenge

I apologize if this message is not in your language. Please help translate it.

The Catalan-speaking world... Want to find out more? From March 16 to April 15 we will organise the Catalan Culture Challenge, a Wikipedia editing contest in which victory will go to those who start and improve the greatest number of articles about 50 key figures of Catalan culture. You can take part by creating or expanding articles on these people in your native language (or any other one you speak). It would be lovely to have you on board. :-)

We look forward to seeing you!

Amical Wikimedia--Kippelboy (Diskussion) 08:58, 15. Mär. 2014 (MEZ) - Bnutzersite uff dr katalànisch Wikipedia

Sott mr do gàr nix druff àntworte? --Stephele (Diskussion) 12:40, 21. Mär. 2014 (MEZ)

Berìcht uf France Bleu Elsass

Naachschta Wucha sott's a kurzer (5 mn) Berìcht ìwer d àlemànnischa Wikipedia uf em elsassischa Radiosander France Bleu Elsass gaa. Uf Elsassisch, nàtiirlig! Bis jetz weiß i noh nìt mehr dervu. --MireilleLibmann (Diskussion) 11:20, 15. Mär. 2014 (MEZ)

Super, do simer gspanne druf! --Holder (Diskussion) 14:37, 16. Mär. 2014 (MEZ)

's wìrd üsgaa àm 31. März 2014. (Vìllìcht kàà-n-i a MP3 Dàtei dervu hàà un z'Verfiagung stella.) --MireilleLibmann (Diskussion) 21:40, 20. Mär. 2014 (MEZ)

Un wii hásch diss métkriejt, Mireille? Hàsch e Kontakt ghet? Wurd`s mét Dir sin, hàn se Dich intrviewt? Wenn jà: wii sin se uff Dich kumme - dr „Alsace“-Àrtikel odr het`s noch diräkt mét`r Pressàrbeit ze duen ghet? Weisch d´Émission odr dr Journalischt(e)/Reportr?

Ebs àndrs: Gehsch wo ànne àm „Friehjohr“? Morje ésch`s „Lancement“!--Stephele (Diskussion) 12:21, 21. Mär. 2014 (MEZ)

D´ailleurs - zellemols, wii ich ém Studio gsin bén, hàn se mr öi ken Podcast-Adress kenne genn, so hàw-i`s nit kenne vrlinke! - `S gibt Emissione (Sendunge), wo`s rachtlich nit mejlich ésch... Àwwr e perseenlich Métschnitt én mp3 hàw-i kriejt.--Stephele (Diskussion) 13:06, 21. Mär. 2014 (MEZ)

Ìm Berìcht redt dr Pierre Nuss mìt mìr àm Telefon. As kummt vu dr Pressemìtteilung, denn ar hàt mina Email-àdrassa vu därt benutzt. As gìtt dernoh a MP3, wo-n-i uf mi perseenliga Websitt kàà làda, fer's ìn da àndra mìtteila. Fer s „Friehjohr fer unsera Sproch“ hà-n-i noch nit vor (denn vìel Àrwet un wenig Zitt). --MireilleLibmann (Diskussion) 21:20, 21. Mär. 2014 (MEZ)

Sàlut! Esch's bi de "Exbarde" kumme, zwésche nin un zehni, odr ésch's schun drvoor gsin, àm "blöir Morje"? Ich bén erscht zitr zehni àm (Web-)Radio un do ésch numme noch "Cordon bleu" un noochhar "Un i wett" kumme... Do hàw-i nix vun uns gheert. 'S Webradio het àwwr öi de gànzi Zit Steerunge! 'S hüpst àls ewag én e àndri Sprooch! Uff aan mol ésch's France Bleu Alsace un no ésch's France Bleu "tout simplement", ich weiss nit wàs... Denn hàw-i emol France Bleu Breizh Izel üssprowiert, do sin àwwr öi numme Litt rüsskumme, wii Frànzeesch mét'e-me Accent du sud rüsskomme! - Ah jetz hàw-i gràd Breizh Izel, àwwr 's ésch noch frànzeesch - wenn öi mét keltisch Müsik... Uf àlli Fäll kummt do nix éwwr uns!--Stephele (Diskussion) 17:02, 31. Mär. 2014 (MESZ)

31. März: ìch hà fàscht dr gànza replay vu hìtt ([1]) glost, ohna dàs Berìcht z'fìnda! :-( Morn ìsch's leider nìmm on-line... Uf àlla Fall hà-n-i uf dia Sitta s MP3-Dàtei veräffentligt. Hoffentlig klàppt's...

@Stephele, wenn dü di MP3 aui noch hàsch, kàà-n-i's aui derzüe màcha. --MireilleLibmann (Diskussion) 21:29, 31. Mär. 2014 (MESZ)

--Holder (Diskussion) 22:27, 31. Mär. 2014 (MESZ)

Sàlü Stephele. Àlso hàsch dü gescht aui nit dervu gheert. 's ìsch hàlt nìt „live“ gsìì, noh hàt's a ànder Mol känna dura kumma. Dia Sprochveranderunga uf em Web- oder Radiosander sìn normàl: ìn dr Programmation gìtt's Momanta wo's uf „France Bleu Alsace“ (uf Frànzeesch) oder „France Bleu“ (nàtionàl) umschàltet, 's ìsch dr Fàll àm Ààfàng vu jedera Stund fer d Noochrìchta, zwìscha 12:00 un 13:30, noh 16:30 un d gànza Nàcht. Ìn'ma Grupp wia „Radio France“ känna Sander àb un züe gmeinsàma Sandunga hàà, 's ìsch s gliicha Prìnzip wia uf France 3. Un wàs „France Bleu Breizh Izel“ ààbelàngt: ìch glàuib, d àndra „France Bleu“ sìn regionàla - àwer nìt Dialektsprochiga - Sander. --MireilleLibmann (Diskussion) 10:14, 1. Apr. 2014 (MESZ)

Süpr, Mireille! Diss hàsch jà scheen souverän gmàcht! Ich hett jà Àngscht ghet, ass-i emol ebs nit vrsteh, àm Téléphon - àwwr `s ésch wohr - se schniide`s jà noch, so wurd`s öi we-mr`s nit so schàfft, wii Dü klingsch, eelweich un perfekt... Mr heert`s zem Bispiil do, wo dr Pierre Nuss (odr?) noch bimerikt, ass de Danielle C.-W. öi Orthal vrwandt. Wenn mr`s mehreri mol heert, kriejt mr dr Indruck, diss hàn se noochhar ningschnitte. Apropos scheen un eelglàtt... De Moderatore odr animateure - wi dii redde, diss ésch schun e Qualifikation... J´ai toujours pas fini de complexer, wi-i redd - gràd geje dr Félicien... :-) Àwwr Dü hàsch Raacht, ich sott`s Dr emol schicke...

Breizh Izel un d´àndri: Ich hàb gedenkt, dert gibt`s wenigschtens öi Emissione uf Regionàlsprooch - wann öi villicht nit dr greeschte Teil vum Daa wie jetz ém Elsàss uf dr Méttelwalle. Diss mues-i jetz emol priefe! Diss gheert öi én dr Àrtikel!--Stephele (Diskussion) 11:49, 3. Apr. 2014 (MESZ)

Jo wàs, Stephele, dü reddsch doch güet! Un Animateur ìsch a Berüef ìn sìch! Ja, ìn mim Berìcht hàt's a bìtsi Schnìtt gaa, s han s Beschta bhàlta: dia pààr Sekunda wo-n-i ìwerlìgt oder gstottert hà sìn verschwunda un da Sàtz, wo dü sajsch, ìsch derzüe kumma. Àwer ìm Sìnn, ìsch's wia mìr gredt han. --MireilleLibmann (Diskussion) 21:47, 3. Apr. 2014 (MESZ)

Salü Mireille und Stephele, ich ha de 4-minütigi Bitrag glost. Sehr schön und ganz informativ i dere Chürzi... au wenn de 10. Geburtstag scho passé isch! Ich ha glichziitig au de Radiosänder känneglert, wo sicher e wichtigi Rolle für üchi Sprachminderheit spilt. Gruess, --Pakeha (Diskussion) 00:46, 4. Apr. 2014 (MESZ)

Ìwerràschung! A Cousin hàt mìr ààgrüefa: s Berìcht ìwer d àlemànnischa Wikipedia ìsch hìtt z'Mittàg (ìn dr Sandung „De Nochmiddà“, àm 14:51) durakumma. Jetz ìsch's sìcher. :-) --MireilleLibmann (Diskussion) 20:51, 22. Apr. 2014 (MESZ)

Novak Đoković

Mir isch der Artikel ufgfalle, wil Buchschtabe im Name bruucht werde, die en normaler "alemannische Rechner" nöd uf de Tastatur het. Ich find, me sott de Artikel uf Novak Djokovic verschiebe, wil us minere Sicht alli Artikel uf de alemannische WP au mit ere (für ois) normale Tastatur und ohne Umleitig erreichbar sötte si. Wie gsehnd ihr das? --Badener (Diskussion) 16:29, 18. Mär. 2014 (MEZ)

Do bin i skeptisch. Dr Đoković schrybt si halt eso un mir hän e Huffe Artikel mit Sunderzaiche. Aber mer cha jo aifach e Wyterlaitig mache vu Novak Djokovic. --Holder (Diskussion) 17:35, 18. Mär. 2014 (MEZ)

Die Witerleitig gits scho ;-). Um wie er sich scheibt isch so e Sach. Lueg emol uf sinere Homepage. Ich det eifach e Schriibwiis bevorzuge, wo au in Zitige in de Alemannia z finde isch. --Badener (Diskussion) 18:41, 18. Mär. 2014 (MEZ)

Du hesch rächt, des isch e wisseschaftligi Transkription. Är sälber schrybt si wahrschyns ender uf Kyrillisch <Новак Ђоковић>, des uf syre Homepage isch di änglisch Transkription. Mer findet dert aber au d Form Novak Đoković, s cha aber syy, ass des en automatischi Umwandlig vum Kyrillisch isch. D Zytige in dr Alemannia schrybe wohl ender <Novak Djokovic>. Vo dohär cha mer dr Artikel rueig verschiebe. --Holder (Diskussion) 18:47, 18. Mär. 2014 (MEZ)

Dann mach ich das ;-) --Badener (Diskussion) 21:16, 18. Mär. 2014 (MEZ)

Hmm. De Fröj ésch àwwr nit numme, wii mr`s zmeischt schriibt, sundern öi wii mr`s üsspricht - ésch`s jetz - analog anglisch - „Dschokowitsch“ odr sott mr diss ‚j‘ doch meh nemme wii e J - „Djoko“, e bissele uffgeweicht villicht? (Tudjman z.B. hàw-i öi nie „Tudsch“ üssgesproche... Àwwr diss ésch jà öi kroatisch-làtinisch.)

Wenn de Schribwis én Wohrheit e anglischi Üssprooch wédrgibt, ésch`s villicht nit `s Bescht, dii ze nemme, wii àm meischte courant ésch, numme wil se mét de normàli (selbsch schwizr) Tàschte ze schriwwe ésch? - Odr villicht fr`s Lemma schun - fr uem e Widdrschleitungslemma ze vrmiide - àwwr denn nit fr de Inleitung...--Stephele (Diskussion) 12:57, 21. Mär. 2014 (MEZ)

Fir mii isch do halt vor allem wichtig, wie s d Zytige in dr Alemannia wirkli schrybe. --Holder (Diskussion) 18:49, 30. Mär. 2014 (MESZ)

Wikipedia:Zedler-Preis

D Jury vum Zedler-Preis het di Alemannisch Wikipedia nominiert fir d Shortlist! --Holder (Diskussion) 08:25, 26. Mär. 2014 (MEZ)

Glückwunsch: Zedler-Shortlist

Hallo liebe alemannischschreibenden Wikipedianer: Herzlichen Glückwunsch! Wie Holder oben schon schrieb: Die Jury hat sich nach einer intensiven Diskussion dafür entschieden, die alemannische Wikipedia für die Shortlist des Zedler-Preises von Wikimedia Deutschland zu nominieren. Die gute Nachricht: Wir freuen uns über die verdiente Wahl der Juroren. Gerne würden wir Euch zur Preisverleihung am 24. Mai in Frankfurt am Main einladen. Die schlechte Nachricht: wir wären Euch dankbar, wenn Ihr Euch halbwegs schnell auf zwei bis vier Personen einigt, die den Preis dann tatsächlich in Empfang nehmen können, und mir das ganze per E-Mail mitteilt.. -- Dirk Franke (WMDE) (talk) 10:55, 28 March 2014 (UTC)

Ich gang uf alli Fäll do ane, wel ich Dail vu dr Jury gsii bii (natyrli in ere andere Kategory!). Vu mir derhaim uus isch des au nit eso wyt. Wär will, cha bi mir au ibernachte. --Holder (Diskussion) 13:56, 28. Mär. 2014 (MEZ)

Ich cha leider ziemlich sicher nöd cho. Aber es dät mich natürlich sehr freue, wenn mir däte gwünne. --Badener (Diskussion) 14:13, 28. Mär. 2014 (MEZ)

I frei mi ganz arg ibr dui guada Nôchricht, au wenn-e bei dr Preisvrleihong et drbei bee. --Henri Berger (Diskussion) 14:32, 28. Mär. 2014 (MEZ)

Bi dèrrè Schlagzahl, wo mr im Moment fürsi machè, hämmer des üüs au vodiènt. Leider hèn schu lang öppis anders vor am 24. Mai, i muès passè. --fideli (Diskussion) 15:39, 28. Mär. 2014 (MEZ)

Da han oi ich Fräid und gratuliärä allnä, wo Subschtanziells dadrzuä biiträid hend. (Endi Mäiä isch bi miär abr niid mid Uisflig, und drzuä gheerd diä Eer wirklich a Fliissigerä ...) --B.A.Enz (Diskussion) 21:20, 28. Mär. 2014 (MEZ)

`S ésch scheen. - Süpr!! - Àwwr... `s ésch nit so scheen, ass mr mét dr plàttditschi Wikipedia én Konkürranz stehn. - Odr?--Stephele (Diskussion) 16:33, 31. Mär. 2014 (MESZ) (Nit signiirt! Wàs ésch diss jetz?)

Ich freue mich mit üüch allne über die Nomination, ha aber au nid vor, am 24. Mai debii z'sii. Ich wirde mich wieder für meh Uufmerksamkeit für d'als-WP iisetze, so wie im letschte Herbscht. --Pakeha (Diskussion) 11:17, 29. Mär. 2014 (MEZ)

Prima! Àwer ìch kumm nìt uf Frànkfurt ('s ìsch mìr z'witt). --MireilleLibmann (Diskussion) 22:14, 29. Mär. 2014 (MEZ)

Bravi! I ha aber leider nid derzyt für uf Frankfurt z gah. --mach 🙈🙉🙊 22:13, 30. Mär. 2014 (MESZ)

Na wie nu? Niemand? -- Dirk Franke (WMDE) (Diskussion) 17:39, 1. Apr. 2014 (MESZ)

Doch, doch, keine Angst. Ich habe Dir eine Mail dazu geschrieben. LG, --Holder (Diskussion) 18:02, 1. Apr. 2014 (MESZ)

Ich chönnti fillicht cho (isch am Tag nach mim Geburi) - mini Muätär wonnt nüd wyt fo Frankfurt - das laat sich eventuell färbindä - muäss das no klärä, ob das fom Datum her gaat und dänn muässi natürli au no luägä ob's im Feriähäim Platz für min Hund git odär ob mini Töchtär yspringäd ... Didi-Esperanto (Diskussion) 19:07, 2. Apr. 2014 (MESZ)

Ah, zuem Glick! Diss ésch jetz emol e guedi Noochricht! Ich hàb schun gedenkt, diss ésch jà e trischts Béld! Denn mr hette `s Quantum vun vieri sotte üssnutze: mr sotte àm Beschte e Abordnung schicke - e Badnr, e Elsassr(e), e Schwizr(e?) - un e viiert, wii normàlrwis nàdirli e Schwab muesst sin! (E Vorarlberjr, Liechtesteinr, Reuttr, Allgeir (!), Walsr (Lon mi draime...!) war nàdirli öi wéllkumme!) Dr Holdr weiss`s schun - ich wott nrmàlrwiss öi ànne, muess dr Termin noch koordiniire un feschtmàche. Jetz hàw-i gràd sogar de Elsassr - un so öi de Regionàlsprooche-WPs - bi de Wikimedia France „vrtrete“ - àwwr de Mireille het diss so gued mét voll Progràmm gmàcht ze Kàrlsruehi... Wenn`s wirkli nit geht, màch-i`s nooch Frànkrich öi ze Frànkfurt. Fr mich esch`s licht dert ànne ze kumme, `s liejt öi àm Wàj, wo-i àlls làngpendel. (Sàjt dr Typ, wi jetz zitr sechs Woche sin Velo ze Frànkfurt stehn het, un`s nit schàfft, wenigschtens ze löije, ob noch àlls én Ordnung ésch...! Un gràd wédr emol nit zitig dodefir àbreise kànn!)

Sunsch - kennt`s ebs helfe, wenn mr àb Basel (odr so) e Fàhrglejeheit ànbiet (fr 2 meh)/zsàmme fàhrt?--Stephele (Diskussion) 11:49, 3. Apr. 2014 (MESZ)

Wo chamer sich öber da Treffe impformiere (und ev. aamelde)? --al-Qamar (Diskussion) 11:32, 29. Apr. 2014 (MESZ)

Sali al-Qamar, ich haa Dii, dr Stephele un mii fir die Zedler-Pryys-Verleihig per Mail bim Dirk Franke vu Wikimedia Dytschland aagmäldet. Mee Information wie des, was do stoht, nämli "Die Preisverleihung findet am 24. Mai 2014 ab 19 Uhr im Westhafen-Pier in Frankfurt am Main statt." git s, sovil ich waiß, nit. --Holder (Diskussion) 12:51, 29. Apr. 2014 (MESZ)

Artikel vo Firmene und Gschäft

Mir hei ja kei klari Relevanzkriterie und ich find das gar nöd schlächt. Aber de Artikel Home & Arts het bi mir glichwohl d Frog nach de Relevanz usglöst. Ich finds guet, dass regionali Artikel bi ois e Chance hei, aber in dem Fall dät ich es doch gern wenigschtens diskutiire, welli Gröss e Firma oder es Gschäft söt ha, damit si/es bi ois en Artikel derf ha? --Badener (Diskussion) 18:12, 30. Mär. 2014 (MESZ)

Ich find, mir chenne sonigi Artikel rueig akzeptiere, so lang s regionali Theme sin. --Holder (Diskussion) 18:46, 30. Mär. 2014 (MESZ)

Relevanzkriterie för Firmene und Gschäfter sind sicher schwirig festzlegge. Uf allfäll sind Kriterie, wie i de dütsche Wikipedia, wos en Umsatz vo x-Millione oder Mitarbeiter vo x-Hundert bruucht, för e regionali Sproch-Wiki z grooss. Wa bi üs regional relevant isch, het ame andere Ort kei Chance. Aber mer cha jo glich nöd jedere Buude en Artikel zuegesto. Chli speziell, bsondrigs oder bedütend sött si scho sii. Min Beck oder d Chäsi im Dorf isch för mi rächt relevant (suscht mösst i in Grossvertailer gi poschte), aber wäge däm schrib i no kenn Artikel öber die Läde (högstens öber s Lädelistärbe). Gruess --Schofför (Diskussion) 01:59, 31. Mär. 2014 (MESZ)

D' Grössi vom Gschäft isch äi Sach, di andär Sach, damit öppis relevant isch, das häisst intäressant, isch wohl, dass äs öppis Bsundärs isch, also wenn zum Byschpil öppis Bsundärs gamcht wird i derä Firma. dä Artikäl Home & Arts isch da scho zimli magär. Aso da müässt scho ä chli mee schtaa, dass sich dä Artikäl au loont! Äs cha scho sy, dass diä Firma än Artikäl wert wär, abär i dem Artikäl isch das übärhaupt nöd feschtschtellbar, was da schtaat isch würkli zimli banal und nüd vil mee als än Telifonbuächytrag. Ä bsundäri Frimägschicht zum Byschpil ä psudäri Rollä i dä Region usw. das wääräd Gründ für än Artikäl.Didi-Esperanto (Diskussion) 21:43, 20. Apr. 2014 (MESZ)

Skript vum APPER

Sali mitenander,

s git e Skript vum APPER, wu mer di prozäntuale Aadail vu ainzelne Autore am Artikel cha aazaige loo. Doderzue mueß mer in dr aigene common.js die Zyylede yyfiege:

importScript('Benutzer:APPER/WikiHistory.js');

Ich haa do mol e Grafik uffegalde, wie s im Artikel Dibenger Gogawitz aazaigt wird:

APPER-Skript im Artikel Dibenger Gogawitz

S wird uf Hochdytsch aazaigt, aber des isch jo nit eso wichtig. --Holder (Diskussion) 06:38, 9. Apr. 2014 (MESZ)

Das muess ich grad emol usprobiire ;-) --Badener (Diskussion) 08:20, 9. Apr. 2014 (MESZ)

Gfalld mer. Dr Tuime nach uife! --B.A.Enz (Diskussion) 09:12, 10. Apr. 2014 (MESZ)

Han das au scho es Wiili installiert... finds e gueti Sach. De weiss mer emol wem mer is Gaertli tramplet :-) --Horgner (Diskussion) 15:28, 15. Apr. 2014 (MESZ)

Wuur mi au intressiere. Chumen aber nöd druus. --Freigut (Diskussion) 18:21, 22. Apr. 2014 (MESZ)

@Freigut - gib dr uf dinnere Diskussionssite Antwort. Gruess --Schofför (Diskussion) 19:48, 22. Apr. 2014 (MESZ)

  --Freigut (Diskussion) 11:26, 23. Apr. 2014 (MESZ)

Die Statischtik isch echli gspässig. Wän iich eso luege, was isch imene Täggscht vo miir und was vo anderne, han ich öppedie ganz en anderen Ydruck (zum Täil bin ich statischtisch z starch und zum Täil z schwach verträtte – wäiss nöd, wie die Statischtik rächnet). Oder en Täggscht, wo zu 99 % vo miir isch, wo aber früener es Kapitel vomenen anderen Artikel gsy isch und dänn vo öpperem zumenen eigenen Artikel verschobe woorden isch, wiird plötzli zum Täggscht vo dèm andere... Na ja, was söll s. Isch ja auch glych... -- Freigut (Diskussion) 19:18, 24. Apr. 2014 (MESZ)

Churzbydrag uf em SWR-Färnseh

Drei Länder – ein Dialekt, e Begegnig zwische dr Bettina Speich vu Basel, dr Isabelle Grussenmeyer vu Hàwenau un dr Nicole Keilbach-Schmittel vu Zäll. --Holder (Diskussion) 20:19, 18. Apr. 2014 (MESZ)

So isch doch d Underhaltig spannend ;-) --Schofför (Diskussion) 22:36, 18. Apr. 2014 (MESZ)

Text hinder em OpenStreetMap-Logo

Bi allne Artikel mit Koordinate erschinnt obe rächts en Link mit de Koordinate und rächts devo s Logo vo OpenStreetMap. Wämmer mit em Muuszaiger döt druf goht erschinnt de Text: „Zeig Koordinatn af ana Kortn vo OpenStreetMap“. Isch nu e chlises Detail und i han absolut nünnt gege Bayrisch - aber wär waiss, wie resp. wo me das chan uf Alemannisch öbersetze? --Schofför (Diskussion) 22:48, 18. Apr. 2014 (MESZ)

Isch gflickt. Des haan i bi dr Korrektur vu däre Funktion falsch us dr barwiki kopiert ghaa. Merci vilmol fir dr Hiiwys. --Holder (Diskussion) 06:38, 19. Apr. 2014 (MESZ)

Merci und schöni Ostere. --Schofför (Diskussion) 10:31, 19. Apr. 2014 (MESZ)

Oschtere

wär het jetz des Cherbli in Garte gstellt?

Ich winsch Eich allne Scheni Oschtere un Chag Pessach Kascher we-Sameach! --Holder (Diskussion) 13:45, 19. Apr. 2014 (MESZ)

Dir und allne andere au. Aber s Kascher wünsch i wirklig niemerem aa. Andi d (Diskussion) 15:40, 19. Apr. 2014 (MESZ)

Isch des scho z spot oder winscht mer si des nit aa? --Holder (Diskussion) 15:44, 19. Apr. 2014 (MESZ)

E Hufe Lüt doo si scho zimlig anaal mit dr koschere Pessach. Aber wemm mä in dr Nööchi vom e arabische Beck woont, isch s nid halb so schlimm. De darfsch nume nid brobiere in e öffentligs Spiddaal mit Broot in dr Däsche iine goo, die Sicherhäitsbeamte undersueche d Däsche nämlig und näme dr s Brot wäg. Andi d (Diskussion) 19:42, 19. Apr. 2014 (MESZ)

Wä me scheeni Ooschtere eso schöön alemanisch wöischt (merci übrigens), dänn chönt me ja auch de Peissech-Glückwousch im regionaale aschkenaasische Hebrääisch statt uf Iwrit säge... So öppe chog pëissech kouscher we-samëiech oder eso äänlich... ----Freigut (Diskussion) 18:20, 22. Apr. 2014 (MESZ)

No one needs free knowledge in Esperanto

Schyns änderet d Wikimedia Foundation langsam ihri Strategy bi dr Ferderig vu Sprochversione: in Zuechumft git s wichtigi Sprochen un weniger wichtigi (An Esperanto Wikipeda does not advance our mission), luege doderzue au dr Artikel im Kurier uf dr dewiki un d Diskussion zum Thema. --Holder (Diskussion) 06:58, 5. Mai 2014 (MESZ)

Noch eme lange un emotionale Dischput uf meta het dr Asaf Bartov sy Mainig zum Esperato gänderet: I have indeed come to revise my position on the Esperanto Wikipedia: I recognize it does intersect with our mission, particularly thanks to second-order benefits it does indeed offer, and I am no longer opposed to funding activity related to it on principle. --Holder (Diskussion) 13:16, 9. Mai 2014 (MESZ)

Dazuä chin i oi nu folgändäs sägä: Warnig - hüt wär das d'Esperanto-Wiki und morn dänn di alemannischi und alli andärä chlinä Wikis!! - söttigi Vorschtöss muän mär entschidä bekämpfä. Für mich wer d'Wiki gschtorbä, wänn d'Esperanto-Wiki und andäri chlinä Wikis nümä untärschtützt würdäd.Didi-Esperanto (Diskussion) 19:06, 12. Mai 2014 (MESZ)

Didi, Du hesch vellig rächt, wäge däm het s au gnue Lyt uf dr ganze Wält gee, wu des entschide bekämpft hän :-), lueg emol näbe dr Diskussion uf meta no die Zämmestellig vu Diskussione in verschidene Wikipedie. --Holder (Diskussion) 06:12, 13. Mai 2014 (MESZ)

I bruuchä Hilf mit ämänä Problem mit dä Schablone Infobox Ort in der Schweiz (unselbständig)

I derä Schablonä funktiäniäräd d'Fäldär "Karte" und "Bild" nöd, das häisst i cha d'Bildär und d' Landchartä nöd in Chaschtä tuä. Chan mir öppärt da hälfä?~Zum Byschpil in Winkä-Gschwadär?Didi-Esperanto (Diskussion) 19:17, 12. Mai 2014 (MESZ)

Isch gflickt. Ich hoff, s isch eso rächt, wie s Bild un d Charte jetz aazaigt wären im Artikel. --Holder (Diskussion) 19:42, 12. Mai 2014 (MESZ)

Merci - das isch ja supär schnäll gangä! TankäDidi-Esperanto (Diskussion) 19:54, 12. Mai 2014 (MESZ)

Friejohrsdräffe z Frankfurt / Darmstadt

Dräffpunkt, Sa, 24.05., 12:15

Rund um d Zedler-Bryys-Verleihig am Samschtig, 24. Mai mache mer e Friejohrsdräffe z Hesse: mer dräffen is am Samschtig z Frankfurt. lungere dert ume bis am Oobe, gehn uf Zedler-Bryys-Verleihig, ässe dert s Buffet läär (un hoffe uf dr Bryys :-)), ibernachte z Darmstadt un dischpetiere am Suntigemorge bi Kaffee un Tee iber d Vergangehait, d Gegewart un d Zuechumft vu dr Alemannische Wikipedia. Wär do au will derzuechuu, bitte per Mail bi mir mälde. --Holder (Diskussion) 08:40, 20. Mai 2014 (MESZ)

Em Samstig werdi em 11:51 uf Glais 7 achoo, Frankfurt (Main)Süd. --al-Qamar (Diskussion) 09:18, 20. Mai 2014 (MESZ)

Dräffpunkt z Frankfurt am Hauptbahnhof isch am viertel ais (12:15 Uhr) am Chopf vum Glais 9. --Holder (Diskussion) 22:25, 20. Mai 2014 (MESZ)

Churzprotokoll

Do gsii sin dr al-Qamar, dr Stephele un dr Holder. Mir sin zämme uf d Zedler-Bryys-Verleihig, dert hämer no dr 80686 droffe, sin alli total iberrascht gsii, ass di Alemannisch Wikipedia dr Zedler-Bryys gwunne het un hän derno gfyyrt un bapplet bis in d Naacht. Am Suntigemorge hämer z Darmstadt wyter dischpetiert un Bilder gmacht vum Zedler-Pokal. --Holder (Diskussion) 19:21, 25. Mai 2014 (MESZ)

Zedler-Bryys 2014 fir di Alemannisch Wikipedia

Pokal zum Zedler-Bryys 2014 in dr Kategory II "Community-Projäkt vum Johr"

Zämme mit dr Plattdytsche Wikipedia het di Alemannisch Wikipedia dr Zedler-Bryys 2014 in dr Kategory II "Community-Projäkt vum Johr" gwunne. E härzlige Glickwunsch an unsere Kollege vu dr Plattdytsche un e Glickwunsch un e Dankschen an alli, wu do in dr Alemannische Wikipedia in dr letschte zeh Johr mitgmacht hän!

--Holder (Diskussion) 15:44, 25. Mai 2014 (MESZ)

Da gratuliärd allnä verdiäntä Aktivischtä: dr schtilli Gniässer B.A.Enz (Diskussion) 19:03, 25. Mai 2014 (MESZ)

E groosses Dankeschöö an ali, wo ade alemanisch Wikipedia gschafet hend. De Priis hend ali, wo a de alemanische Wikipedia mitgwörkt hend, verdienet! --al-Qamar (Diskussion) 19:43, 25. Mai 2014 (MESZ)

En härzlige Glickwunsch aach vo mir! Des isch doch e schööni Aaerkennig fir di Dialäkt-Wikipediee un en Aasporn, genau eso wiiderzumache. Für eire große un sorgfältige Arbeit habt ihr de Priis uff jeden Fall verdient. --Melibokus (Diskussion) vo de Rheifränggische Wikipedia 21:59, 25. Mai 2014 (MESZ)

Gratulation und merci vilmoll de drei Herre, wo dr Pryss perseenlig abgholt hän! --Dr Umschattig red mit mir 12:18, 26. Mai 2014 (MESZ)

Bravo fer d güeta Àrwet! Un merci ìn àlla wo do mìtmàcha un a flotta Stìmmung brìnga! --MireilleLibmann (Diskussion) 12:39, 26. Mai 2014 (MESZ)

Tipptopp!! -Badener (Diskussion) 13:46, 26. Mai 2014 (MESZ)

Uf dere Siite (Zedler-Bryys 2014) hani e Würdigung gschribe und au s Protokoll vom alemannische Wikipediatreffe z Dortmund noch de Prissvertailig verfasst. Es het ono e paar Fötteli vo de Priisvertailig, spööter werds sicher no e paar mee gee.--al-Qamar (Diskussion) 15:52, 26. Mai 2014 (MESZ)

Hoi al-Qamar, bisch jetzt doch no iber Dortmund gfahre :-), Darmstadt - Dortmund, irged Stadt z Dytschland mit «D» halt ... --Holder (Diskussion) 16:09, 26. Mai 2014 (MESZ)

... jo, mit D- im Aafang, -r-m- ide Mitti und -d(t) am Schluss. De Zuug isch nume bis Haidelberg gfaare well vor Charlsrue e kaputti Brugg isch! Und denn hani müese warte und warte und warte und erst z Basel het de Aaschluss prima funktioniert. Da wäär jo ales nöd ase schlimme gsii, wenn nume, äh joo: ass di tütsche Baahööf rauchfrai sind, isch jo scho recht, aber as si au alkoholfrai sind, isch scho echli ärgerlich ... und Bisle choscht au e ganze Oiro ... --al-Qamar (Diskussion) 16:24, 26. Mai 2014 (MESZ)

Gued, ass Dü nit widdrsch gfàhre bisch! ;-) Ze Dortmund hàn gescht owe - villicht motiviirt durch de Stimmung éwwràll in Europa - e pààr Rachti e bissele „Oschtukraine“ gspielt (numme nit so schwar biwàffnet wi de „Prorussischi“)! Zuem Glick hàn de Demokràtischi gued reagiirt...--Stephele (Diskussion) 20:57, 26. Mai 2014 (MESZ)

De Adolf Ogi wür säge: «Freude herrscht!» Und s Alemannische isch jo a de noo Orte wider im Trend (Alle Bezirke sagen Ja: Mundart-Initiative mit 55,5 Prozent angenommen i de Aargauer Zytig vom 28. Mai 2014).   --Schofför (Diskussion) 10:38, 27. Mai 2014 (MESZ)

Jo, und jetz mue de Ogi wider in Chindzgi, demit er Alemannisch lernt: Froid härrscht!   --83.77.230.90 15:08, 27. Mai 2014 (MESZ)

Glickwunsch au vun mir on alli  @xqt 07:56, 28. Mai 2014 (MESZ)

Dicziunari Rumantsch Grischun

S DRG het d Fotosammlig online gstellt mit 28'000 Bilder, nit frei, aber seli interessant. --Holder (Diskussion) 06:00, 3. Jun. 2014 (MESZ)

Bodesee-Stammtisch mit Ussflug ins Kavernekraftwerk z'Bludenz

Am Samschdig, em 30. August trifft sich de Bodeseestammtisch z'Bludenz am Bahnhof un fahrt dann gmeinsam zuem Wasserkraftwerk.

Aamelde un erkundige cha me sich uf de dütsche Wikipedia: https://de.wikipedia.org/wiki/Wikipedia:Bodensee#Sommer-Treffen_in_Vorarlberg

--Manuel Schneider^(bla) (+/-) 00:41, 13. Jun. 2014 (MESZ)

Bludenz isch im Vorarlberg, also wird selli Füehrig wohl sicher uf Alemannisch g'halte ;-) --Manuel Schneider^(bla) (+/-) 00:42, 13. Jun. 2014 (MESZ)

Using only UploadWizard for uploads

Was mache mer do dermit? Mir gfallt des iberhaupt gar nit, ass jetz derno nume no Ammanne sotte Bilder uffelade chenne. Natyrli chenne mer is aifach vu sällere Lischt stryyche, aber mer mien schyns derno scho sälli ganze Vorlage do aalege. Die Lizänzsyte haan i jetz aaglait. Was maine Ihr? --Holder (Diskussion) 04:58, 20. Jun. 2014 (MESZ)

Ich haa uns jetz au vu sällere Syte uf meta gstriche. --Holder (Diskussion) 05:36, 20. Jun. 2014 (MESZ)