Stammdisch-Archiv vom Jänner - Juni 2024

Information

• Hilf
• Wikipedia-Handbuech
• Richtlinie
• Glossar
• Index
• Artikelverzeichnis
• Stammtisch
• Kontakt
• Impressum

Willkomme bim Wikipedia-Schtammtisch

Die Syte isch es Wikipedia-Forum für alles, was mit dr alemannische Wikipedia und em alemannische Schprochruum z’due hot! Do ka mer nuie Vorschläg macha und driber abschtimma.

» An neije Bytrag aafange «

---

Archiv

2004 - 2005/1 - 2005/2 - 2006/1 - 2006/2 - 2007/1 - 2007/2 - 2008/1 - 2008/2 - 2009/1 - 2009/2 - 2010/1 - 2010/2 - 2011/1 - 2011/2 - 2012/1 - 2012/2 - 2013/1 - 2013/2 - 2014/1 - 2014/2 - 2015/1 - 2015/2 - 2016/1 - 2016/2 - 2017/1 - 2017/2 - 2018/1 - 2018/2 - 2019/1 - 2019/2 - 2020/1 - 2020/2 - 2021/1 - 2021/2 - 2022/1 - 2022/2 - 2023/1 - 2023/2 - 2024/1

Ruggblick uf s Johr 2023

Sali mitenander, zum neie Johr wider emol e chlaine Ruggblick uf s Johr 2023:

• Anne 2023 sin insgsamt 581 Artikel gschribe wore vu 36 verschidene Autore mit eme Benutzeraccount un derzue no unter 5 verschidene IP-Adrässe: Wikipedia:Artikelverzeichnis/Datum/2023. Des isch di nidrigscht Zahl vu Artikel syt 2004. D Zahl vu dr Autore lyt in dr Greßenornig vu dr dr letschte sibe Johr, d Zahl vu dr IP isch aber eso nider gsii wie im allererschte Johr 2003, wu do no fascht gar nyt bassiert isch. Zem Verglyych lueg Statistischi Uuswärtige.
• Mit em Artikel „Munot“ simer am 23. Oktober uf 30.000 Artikel chuu.
• Drei Artikel sin im Lauf vum Johr as bsundersch glunge un sibe as läsig uuszaichnet wore.
• Un am 13. Novämber isch di Alemannisch Wikipedia 20 Johr alt wore. Doderzue het s e Brässemitdailig gee (vu dr Chapter WMDE, WMCH. WMAT un WMFR), mir hän e Jubiläums-Dräffe z Fridrichshafe gmacht un en Schrybwettbewärb duregfiert.

--Holder (Diskussion) 08:44, 12. Jan. 2024 (MEZ)

IMDb

D Voorlaag für d Internet Movie Database produziert alewyl na de Zuesatz «(änglisch)». I de deWiki isch dèè jetz uf myni Interwänzioon hii dusse – offebaar müend miir die Änderig daa sälber mache? En Gruez, --Freiguet (Diskussion) 17:28, 12. Jan. 2024 (MEZ)

Jo, sonigi Vorlage lige alli bi uns lokal. Aber s „änglisch“ isch jetz dusse. --Holder (Diskussion) 18:06, 12. Jan. 2024 (MEZ)

Super – merci vilmaal! —-Freiguet (Diskussion) 19:32, 12. Jan. 2024 (MEZ)

http > https

Cha me die Änderig ächt über en Bot mache? Oder gits http, wo au hüt na nöd https sind? Oder isch das glych, wänn alewyl na http staat, au wänns hüt https wèèr? En Gruez, --Freiguet (Diskussion) 15:42, 7. Feb. 2024 (MEZ)

Lueg do d Antwort vum Gestumblindi. LG --Holder (Diskussion) 17:42, 7. Feb. 2024 (MEZ)

Zum Glück häsch du eso e guets Gidèèchtnis …   --Freiguet (Diskussion) 20:00, 7. Feb. 2024 (MEZ)

Wikimedia Day z Bärn

Am 27. April isch z Bärn d Generalversammlig vu WMCH. Zue däm Aaloss macht WMCH e gsamtschwyzerische "Wikipedia-Day", wu Wikipedianer*ne, Spänder*ne, Bsuecher*ne un Fachlyt us verschidene Beraich soll aazie. Im Rame vu däm Wikipedia-Day git s e Määrt, wu si verschideni Projäkt chenne vorstelle. Ich bii jetz per Mail aagfrogt wore, eb mir as Alemannischi Wikipedia e Stand an däm Määrt wänn mache un do di Alemannisch Wikipedia wän vorstelle. Mir solle bis zum 22. Februar e Ruggmäldig gee, eb mer mitmache. Jetz isch d Frog, eb eber Zyt un Luscht het, do ebis z mache. Isch eber sowiso an dr Generalversammlig? Mer mueß kai Mitglid syy fir där Määrtstand, un z Ässe un z Drinke git s au choschtelos. Bi mir sälber isch eso, ass i nonig waiß, eb i am 27. April der Zyt haa fir in d Schwyz chuu. --Holder (Diskussion) 16:25, 13. Feb. 2024 (MEZ)

Dänn bin i an ere Tagig z Trier. --Freiguet (Diskussion) 10:22, 14. Feb. 2024 (MEZ)

Soo, wiäs drigseed, isch dä Tag bi miär oi scho bsetzt. --B.A.Enz (Diskussion) 19:30, 14. Feb. 2024 (MEZ)