Wikipedia:Läsigi Artikel

Di läsige Artikel vo dr alemannische Wikipedia

Des sin die Artikel, wo vo de Nutzer vo dr alemannische Wikipedia als „läsig“ usszeichnet worde sin. Si erfülle d Kriterie für läsigi Artikel, aber nonit alli Kriterie für en bsunders glungene Artikel.

Churz zämmegfasst, sin die Artikel sproochlig un stilistisch guet gschriibe, bhandle die wichtigscht Aspekt vum Thema, sin sachlig korrekt un neutral un wenn mögli bebilderet.

Alli sin härzlich yglade wyter aa dänne Artikel z schaffe, z erwiitre un z verbessre!
Zur Zit sin 91 vo 30.695 Artikel als läsig uszeichnet. Abstimme, nöii Vorschläg mache oder Artikel zur Abwaal stelle chasch au du uff üsrer Kandidate-Syte!

Nöi bi de läsige Artikel

Dr Julien Odoul [ʒyljɛ̃ ɔdul](info) (* 8. Mai 1985 z’ Pàriis) ìsch a frànzeescher Politiker. Ar ìsch z’äärscht Mìtglììd vu dr Soziàlìschta Pàrtäi gsìì, un d’rnooh vu dr Union des démocrates et indépendants (UDI). Ànna 2014 hàt’r sìch em Front National (FN) ààgschlossa. Zitter 2016 ìsch’r Regionààlroot vum Bourgogne-Franche-Comté. Vu 2020 ìsch’r Gmaindaroot vu Sens gsìì, un zitter 2022 ìsch’r àui Àbgoordnet’r vum Département Yonne ìn dr Nàzionààlversàmmlung.

...wyter läse

Mit Diglossi (Ussprooch: [d̥ig̊lɔˈsiː]; vùm Griechische διγλωσσία diglossía ‚zweisproochig‘) meint mer en Zuestand, wänn inere Sproochgmeinschaft zwei Sprooche, oder zwei klar drännti Varietäte vo einere Sprooch, bruucht werde. Die zwei Varietäte hen debi beidi e klari Roll ùn Funktion, wommer au Domäne dezue sait. In de Regel bruucht mer eini Varietät, wommer au „H-Varietät“ sait, in de Literatur, bi offizielle ùn sehr formelle Aaläss, im Bildigswäse ùn äänligem. Di ondri Varietät, wommer au „L-Varietät“ dezue sait, wird dergäge zur normale Alldaagskommunikation bruucht.

...wyter läse