Iegischtoorf
Iegischtoorf (amtlech Jegenstorf) isch e politischi Gmeind im Verwautigschreis Bärn-Mittuland vom Kanton Bärn ir Schwyz.
| Jegenstorf | |
|---|---|
 | |
| Basisdate | |
| Staat: | Schwiiz |
| Kanton: | Bärn (BE) |
| Verwautigschreis: | Bärn-Mittuland |
| BFS-Nr.: | 0540 |
| Poschtleitzahl: | 3303 Jegenstorf 3303 Ballmoos 3303 Münchringen 3305 Scheunen |
| UN/LOCODE: | CH JGT |
| Koordinate: | 605191 / 210999 |
| Höchi: | 522 m ü. M. |
| Flächi: | 13,5 km² |
| Iiwohner: | 5789 (31. Dezämber 2022)[1] |
| Website: | www.jegenstorf.ch |
 Bahnhof Iegischtoorf | |
| Charte | |
 | |
Geografi ändere
Iegischtoorf ligt uf em Rapperswiler Plateau. D Gmeindsflächi bsteit us 65,3 % langwirtschaftlecher Flächi, 20,3 % Waud, 14 % Sidligsflächi u 0,3 % süschtigi Flächi.[2] D Nachburgmeinde si Deisswiu, Graferied, Matstette, Urtene-Schömbüeu, Wiggiswiu, Zauggeried, Züzwiu u Ifwiu. Dür d Exklave vom Gmeindsteil Schüüne gränzt Jegischtorf ou a Etzukofe, Bangerte u Rapperswiu im Kanton Bärn wie ou a Messe im Kanton Soledurn.
Gschicht ändere
Iegischtoorf isch zum erschte Mal gnennt worde im Jahr 1131 aus Igistorf, 1255 Jegistorf (1177 Egistor, 1180 Eigistorf, 1220 Jegistorf, 1223 Egestorf, 1229 Yegistorf, 1299 Jegenstorf).
Bis zum 31. Dezämber 2009 het d Gmeind zum Bezirk Froubrunne ghört.
Uf en 1. Jänner 2010 isch di früecher Gmeind Baumoos, wo im Südweschte glägen isch, per Fusion zu Jegischtorf gschtosse. Äbefaus fusioniert hei di ehemalige Gmeinde Münchringe im Oschte u Schüüne chli witer ewägg im Weschte uf en 1. Jänner 2014 mit Jegischtorf. Dür s Gebiet vo Schüüne het d Gmeind en Exklave bichoo.
Ywohner ändere
Quäuue: Bundesamt für Statistik 2005[3]
| Jahr | 1850 | 1860 | 1870 | 1880 | 1888 | 1900 | 1910 | 1920 | 1930 |
| Ywohner | 1062 | 1127 | 1114 | 1162 | 1100 | 996 | 985 | 1075 | 1139 |
| Jahr | 1941 | 1950 | 1960 | 1970 | 1980 | 1990 | 2000 | 2005 | 2010 |
| Ywohner | 1160 | 1245 | 1397 | 2858 | 3541 | 3960 | 3999 | 4194 | 4675 |
Dr Uusländeraateil isch 2010 bi 8,5 % gläge.[2]
Religion ändere
72,6 % vo de Ywohner si evangelisch-reformiert, 13,4 % si römisch-katholisch (Stang 2000).[2]
Politik ändere
Bi de Nationauraatswahle 2011 het s das Ergebnis ggää:[2] BDP 19,5 %, CVP 2,3 %, EVP 5,6 %, FDP 10,4 %. GLP 6,8 %, GP 8,1 %, SP 18,8 %, SVP 22,8 %, Suschtigi 5,7 %.
Gmeindspresidänt vo Iegischtoorf isch dr Daniel Wyrsch (Stang 2013).
Wirtschaft ändere
D Arbetslosigkeit isch im Jahr 2011 bi 1,9 % gläge.[2]
Sprach u Dialäkt ändere
Bir Vouchszeuuig 2000 hei vo de 3999 Ywohner 93,6 % Dütsch aus Houptsprach aaggää, 1,1 % Französisch u 0,9 % Italienisch.[2]
Dr bärntütsch Dialäkt vo Iegischtoorf ghört zum Hochalemannisch.
Weblink ändere
Commons: Jegenstorf – Sammlig vo Multimediadateie- www.jegenstorf.ch
- Anne-Marie Dubler: Iegischtoorf. In: Historisches Lexikon vo dr Schwiiz.
Fuessnote ändere
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ 2,0 2,1 2,2 2,3 2,4 2,5 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
