Schüne
Schüne (amtlech Scheunen) isch en Ortschaft ir politische Gmeind Jegischtorf im Verwautigs-Chreis Bärn-Mittuland vom Kanton Bärn ir Schwyz.
| Scheunen | |
|---|---|
 | |
| Basisdate | |
| Staat: | Schwiiz |
| Kanton: | Bärn (BE) |
| Verwautigschreis: | Bärn-Mittuland |
| Gmeind: | Jegischtorf |
| Poschtleitzahl: | 3305 |
| Koordinate: | 601407 / 213037 |
| Höchi: | 575 m ü. M. |
| Flächi: | 2,2 km² |
| Iiwohner: | 76 (31. Dezember 2012) |
_164.JPG) Schüne | |
| Charte | |
  | |
GeografiBearbeite
Schüüne isch vor de Fusion di chliischt Bärner Gmeind gsii u ligt uf em Rapperswiler Plateau. D Gmeindsflächi het us 45,2 % langwirtschaftlecher Flächi, 51,1 % Waud u 3,7 % Sidligsflächi bstange.[1] D Nachbergmeinde si Etzukofe, Ifwiu, Bangerte u Rapperswiu im Kanton Bärn sowie Messe im Kanton Soledurn gsii. Dur d Fusion mit Jegischtorf isch s Gebiet vo Schüüne en Exklave vo Jegischtorf worde.
GschichtBearbeite
Schüüne isch zum erschte Mal gnennt worde im Jahr 1226 aus Schunon. Im Johr 1911 si di damalige Gmeinde Oberschüüne (Jegischtorf-Schüüne) u Schüüne (Messe-Schüüne) per Dekret zur Gmeind Schüüne zämegschlosse worde. Vo da här si im Wappe o zwe Schüüne zgsee. Im Jahr 2007 isch d Kanzleiarbet vor Gmeind Schüüne dr Gmeindschriberei Ifwiu übergee worde. Bis zum 31. Dezämber 2009 het Schüüne zum Bezirk Froubrunne ghört u nähär zum Verwautigs-Chreis Bärn-Mittuland.
Am 1. Jänner 2014, auso mee aus 100 Johr nach dr erschte Fusion, het Schüüne u Münchringe mit de Gmeind Jegischtorf fusioniert. Chirchlech hei di reformierte Lüüt vo Oberschüüne scho voredhär zur Chilegmeind Jegischtorf ghört. Wäge däm het me Oberschüüne äben o Jegischtorf-Schüüne gnennt – im Gegesatz zu Messe-Schüüne, wo chirchlech zum Soledurnische Messe ghört.[2] Ire Fridhof hei si aber beidi bis i d 1990er-Jahr z Bangerte gha, wo zur Bärner Chilegmeind Rapperswiu ghört. Sider beärdige die vo Messe-Schüüne ihri Tote z Messe u di angere vo Oberschüüne gö uf e Fridhof vo Jegischtorf.[3]
YwohnerBearbeite
Quäuue: Bundesamt für Statistik 2005[4]
| Jahr | 1850 | 1860 | 1870 | 1880 | 1888 | 1900 | 1910 | 1920 | 1930 |
| Ywohner | 118 | 134 | 130 | 111 | 123 | 96 | 94 | 107 | 94 |
| Jahr | 1941 | 1950 | 1960 | 1970 | 1980 | 1990 | 2000 | 2005 | 2010 |
| Ywohner | 75 | 78 | 66 | 71 | 73 | 64 | 57 | 72 | 78 |
Dr Uusländeraateil isch 2010 bi 4,9 % gläge.[1]
ReligionBearbeite
94,7 % vo de Ywohner si evangelisch-reformiert, 1,8 % si römisch-katholisch (Stang 2000).[1]
PolitikBearbeite
Bi de Nationauraatswahle 2011 het s das Ergebnis ggää:[1] BDP 13,6 %, CVP 1,2 %, EVP 0,1 %, FDP 0,0 %. GLP 1,0 %, GP 2,1 %, SP 0,1 %, SVP 80,7 %, Suschtigi 1,2 %.
Gmeindspresidäntin vo Schüne isch d Barbara Zurbuchen gsii (Stang 2013).
WirtschaftBearbeite
D Arbetslosigkeit isch im Jahr 2011 bi 0 % gläge.[1]
Sprach u DialäktBearbeite
Bir Vouchszeuuig 2000 hei auui 57 Ywohner Dütsch aus Houptsprach aaggää.[1]
Dr bärntütsch Dialäkt vo Schüne ghört zum Hochalemannisch.
WeblinkBearbeite
Commons: Scheunen – Sammlig vo Multimediadateie- Anne-Marie Dubler: Schüne. In: Historisches Lexikon vo dr Schwiiz.
FuessnoteBearbeite
- ↑ 1,0 1,1 1,2 1,3 1,4 1,5 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Anne-Marie Dubler: Schüne. In: Historisches Lexikon vo dr Schwiiz.
- ↑ 83 Einwohner und 2 Kirchgemeinden Artiku ir Bärner Zytig vom 19. Septämber 2013
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
