Maartale

Marthalen
	Wappe vo Marthalen
Basisdate
Staat:	Schwiiz
Kanton:	Züri (ZH)
Bezirk:	Andelfingen
BFS-Nr.:	0035
Poschtleitzahl:	8460
Koordinate:	691116 / 275815Koordinate: 47° 37′ 36″ N, 8° 39′ 3″ O; CH1903: 691116 / 275815
Höchi:	457 m ü. M.
Flächi:	14,11 km²
Iiwohner:	1950 (31. Dezämber 2022)
Website:	www.marthalen.ch
	Maartale, Maartel Maartale, Maartel
Charte
	Charte vo Marthalen

Maartale (elter: Maartel) isch e politischi Gmeind im Bezirk Andelfinge vom Kanton Züri in dä Schwiiz.

Wappä

Blasonierung: In Gold e usgrisseni gruäni Eiche mit Blattwärch und Frücht.

Geographi

Martale liit im Zürcher Wyland. D Gmeind Martale umfasst uf ere Flächi vo 1'414 ha d Dörfer Martale und Ellikä am Rhy. Meh als en Drittel vo dr Flächi, nämli 540 ha, sind vo Wald bedeckt. E hoch entwickleti Landwirtschaft mit vorherrschendem Ackerbau präged die Gmeind.

Nachbargmeinde sind vo Nordweste us im Uhrzeigersinn: Rhynau, Benke, Trüllike, Chliandelfinge und Flaach im Kanton Züri, Buechberg und Rüedlinge im Kanton Schafuuse, wie au Lottstette im Landchreis Waldshuet z Bade-Würtebärg, Düütschland.

Bevölkerig

Bevölkerigsentwicklig
Johr	Iinwohner
1649	862
1771	1012
1850	1401
1900	1164
1920	1296
1950	1215
1980	1259
2000	1803
2010	1935

Rund 1'800 Iinwohner sind in d'Gmeinde wohnhaft, davo 90 in Ellikon.

Verein

Martale hät en eigene Turnverein, wo all zwei Jahr Abigunterhaltig uffüehred. En Fussballclub (Ellike/Martale). Dänäbä gits 2 Musigverein, dä Posaunächor und dä Musigverein Helvetia. Ellikä hät sini Pontonier. Martale hät au en Chilenchor, wie au e Guggemusik. Sit 2005 wird all Jahr es Summerschlittärännä duregefüehrt.

Politik

Siit em Jahr 2006 isch d'Barbara Nägeli (SVP) Gmeinspräsidentin. Wiiter hand vier Kanditate für die freie Sitz gfunde werde.

Traditionell isch d'SVP di stärchsti Partei i dr Gmeind. Sie erreichet bi Nationalratswahle rund 50% vom Wählerateil. Bi de Kantonsraatswaale 2011 hät s das Ergebnis ggee:^[2] BDP 7,7 %, CVP 1,5 %, EDU 3,9 %, EVP 2,4 %, FDP 7,9 %. GLP 4,2 %, GP 10,7 %, SP 12,0 %, SVP 48,5 %, Suschtigi 1,1 %.

Gschicht

Martella, wie das Dorf frühner gheisse hät, isch s'erstmal 858 urkundlich erwähnt worde. Es isch aber scho frühner besidlet gsi, wie das Fund us dä spätere Latène-Zyt, dä Römerzyt und dä alemannischä Besiedlig belegäd.

Literatur

Hermann Fietz: Die Kunstdenkmäler des Kantons Zürich, Band I: Die Bezirke Affoltern und Andelfingen. (= Kunstdenkmäler der Schweiz. Band 7). Hrsg. von der Gesellschaft für Schweizerische Kunstgeschichte GSK. Bern 1938.