Höpfingen

Höpfingen (sidfränk. Hepfinge, elter Hepfi) isch e Gmai im Necker-Odewald-Chrais z Bade-Wirttebärg. D Gmai het 3080 Yywohner (Stand: 31. Dezember 2022). Si ghert zur europäische Metropolregion Rhein-Neckar (bis 20. Mai 2003 Region Unterer Neckar un bis 31. Dezämber 2005 Region Rhein-Neckar-Odenwald).

Wappe	Dütschlandcharte
	49.6013888888899.4308333333333377
Basisdate
Dialekt:	Oschtfränkisch
Hauptvariante:	Sidfränkisch
Bundesland:	Bade-Württebärg
Regierigsbezirk:	Charlsrue
Chreis:	Necker-Odewald-Chrais
Höchi:	377 m ü. NHN
Flächi:	30,5 km²
Iiwohner:	3080 (31. Dez. 2022)
Bevölkerigsdichti:	101 Iiwohner je km²
Poschtleitzahl:	74746
Vorwahl:	06283
Kfz-Chennzeiche:	MOS
Gmeischlüssel:	08 2 25 039
Gmeigliderig:	2 Ortsdail
Adress vo dr Gmeiverwaltig:	Heidelberger Straße 23 74746 Höpfingen
Webpräsenz:	www.hoepfingen.de
Burgermeischter:	Christian Hauk
Lag vo vo dr Gmei Höpfingen im Necker-Odewald-Chrais
Karte

Geografi

Höpfingen lyt im hintere Odewald am Rand vum nerdlige Bauland. D Gmai lyt im Naturpark Neckartal-Odewald. Dr Baan bstoht us 53,5 % Landwirtschaftsflechi, 36,8 % Wald, 8,3 % Sidligsflechi un 1,5 % sunschtiger Flechi.

Nochbergmaine sin Hardheim im Oschte un d Stadt Walldürn im Weschte.

Gmaigliderig

Zue Höpfingen ghere d Ortsdail Höpfingen un Waldstetten (mit dr). Zue Höpfingen ghere dr Wyler Schlempertshof, dr Ort Ziegelei, d Hyser Sportplatz un d Uussidlerhef Hohle Eiche un Eckwaldsiedlung, zue Waldstetten ghere au no d Uussidlerhef Fuchsenloch.

Gschicht

Höpfingen isch gnännt wore in ere Urkund us em 13. Jh., wu uf s Johr 996 gfelscht isch, um 1100 in dr Traditionsnotize vum Chloschter Amorbach un anne 1236 in ere Urkund vum Chloschter Seligental. Im Mittelalter isch Höpfingen e Lääche vu dr Ritter vu Hardheim gsii. Wu des Rittergschlächt anne 1607 uusgstorben isch, isch s ab do zäme dur Kurmainz un s Hochstift Würzburg verwaltet wore. Dur e Schidsspruch vum Rychschammergricht isch d Herrschaft 1656 ganz em Firschtbischof vu Würzburg zuegsproche wore. Anne 1803 isch s Hochstift Würzburg im Rame vum Rychsdeputazionshauptschluss säkularisiert wore un Hardheim isch an s Firschtedum Leiningen chuu un 1806 schließli an s Großherzogdum Bade.

Ab 1813 het s Dorf zum Bezirksamt Walldürn ghert un ab 1872 zum Bezirksamt Wertheim, ab 1879 zum Bezirksamt Buchen. Anne 1938 isch us em Bezirksamt dr Landkrais Buchen wore. Im Rame vu dr Kraisreform isch dr Landkrais Buchen zum 1. Jänner 1973 ufglest wore, Hardheim isch derno zum neie Odenwaldkrais chuuu, ab 10. Septämber 1974: Neckar-Odenwald-Kreis.

Am 1. Septämber 1971 isch Waldstetten yygmaindet wore.

Verwaltig

Höpfingen het sich mit dr Stadt Walldürn un dr Gmai Hardheim zum Gmaiverwaltigsverband „Hardheim-Walldürn“ mit Sitz z Walldürn zäämmegschlosse.

Burgermaischter vu Höpfingen

• 1989–2013: Ehrenfried Scheuermann
• 2013–2021: Adalbert Hauck
• syt 2021: Christian Hauk.

Dialäkt

Dr Dialäkt vu Höpfingen ghert zum Sidfränkisch.

Kultur un Böuwärch

• Katholischi St.-Ägidius-Chilche (neogotisch, 1906-08)
• St.-Justinus-Chilche z Waldstetten (Barock 1710, 1874 neobarock erwyteret)
• Museum Königheimer Höflein – Das Bauernhaus im Dorf

Museen

• Königheimer Höflein – Das Bauernhaus im Dorf

• 
  Luftbild
• 
  St.-Ägidius-Chilche
• 
  St.-Ägidius-Chilche, Innenaasicht

Literatur

• Abteilung Landesbeschreibung des Generallandesarchivs Karlsruhe (Bearb.), Landesarchivdirektion Baden-Württemberg in Verbindung mit dem Neckar-Odenwald-Kreis (Hrsg.): Der Neckar-Odenwald-Kreis. Sigmaringen 1992, ISBN 3-7995-6047-5.

Weblink

 Commons: Höpfingen – Sammlig vo Multimediadateie

• www.hoepfingen.de
• Höpfingen uf LEO-BW